வலைச்சரம்

முடிந்தவரை சிரிங்க.......

2012-01-27T10:39:00.001+05:30

இன்னைக்கு உங்களை எல்லாம் சிரிக்க வைக்குறதுன்னு ஒரு முடிவோடதான் வந்திருக்கேன்.சிரிக்காம யாரும் தப்பிச்சுட முடியாது.

பொண்ணு பாக்கப்போறப்போ பஜ்ஜி சொஜ்ஜிஎல்லாம் சாப்பிட்டுட்டு ....ம்,சரிங்க ஊர்ருக்குப்போய் லெட்டர்(ஓ!இது அந்தக்காலத்துலதான) மிஸ்டு கால்(!) குடுக்குறோம்ங்க.இப்படித்தான் நடக்குது.ஆனா இந்த கதை வேற.காதலிக்குற பொண்ணோட அப்பாகிட்ட பொண்ணு கேக்க போறப்போ அவரு போன வாரம் வந்து பொண்ணு கேட்டது நீயில்லையா?அப்படின்னு கேட்டா பையனோட ரியாக்சன் எப்படி இருக்கும்?

கடுகு சிறுத்தாலும்..........இல்லைங்க நான் சொல்ல வந்தது அது இல்லைங்க இங்கே காரமெல்லாம் கிடைக்காதுஇங்கே இருப்பது எல்லாமே இனிப்புதான்.ஹிட்லரையே ஜோக்கராக்குகிறார் ஒரு ஜோக் எழுத்தாளர்.

பரிட்சைகள்ல கேக்குற சில கேள்விக்கு பதில் தெரியாம ஏதோ கைக்கு வந்தத எழுதி வைப்போம்.காசா,பணமா? சும்மா அடிச்சு விடறது தானே.அந்தப்பழக்கம் தான் இன்னைக்கு பிளாக் வரைக்கும் வந்திருக்கு.ஒரு தேர்வுத்தாளில் நாயக்கர்கள் பெயர்க்காரணம் சொல்லப்பட்டிருக்கு.இதுக்கு எத்தனை மார்க் கிடைச்சது?

இந்த நாட்டுல அஞ்சு மிகப்பெரிய முட்டாளுங்க(என்னது முக்காவாசி பேருங்க அப்படித்தானா?ஓகே.அதுல பெஸ்ட் அஞ்சு பேர்) இருக்காங்களாம்.அதுல நெ.1 முட்டாள் யாருன்னு தெரியுமா?ஐ!நான் சொல்ல மாட்டேன் நீங்களே போய் பாருங்க.

நகைச்சுவை.காம் இந்த பேர்ல புதுசா ஒருத்தர் கிளம்பியிருக்கார் இங்கே இருக்குற திருடன் போலிஸ் ஜோக்ஸ் வாரஇதழ்களில் வரும் ரகம்.அதிலும் ஒருத்தர் திருட்டுத்தொழிலை விட்டுட்டு வேற தொழில் ஆரம்பிசிருக்காராம்.

வேடிக்கையான மனுசன்யா நீ,இப்படி ஒரு சிலரை பார்த்து சொல்லுவோம்.இங்கே ஒரு வேடிக்கையான மனிதன் சங்கம் வைச்சு சிரிக்க வைக்குறார். நான் பார்க்க நான் பார்க்க நான் அப்படின்னா என்ன தெரியுமா?தெரிஞ்சுக்கங்க.

வாங்க சார் வந்து ஒரு விசிட் அடித்து போங்க... அப்படின்னு ஒருத்தரு கூப்பிட்டாரு சரின்னு போய் பாத்தேன்.அங்கே சாப்ட்வேர் என்ஜினியர்கள் தங்கள் மேனஜரிடம் கேட்க நினைக்கும் கேள்விகள் சில கேட்டிருந்தார்.இந்த கேள்விகள் எல்லா மேனஜர்களையும் பார்த்து கேட்கலாம்.

இந்த டக்கால்டி வேலை எல்லாம் என்கிட்டே வைச்சுக்காத,அப்படின்னு கவுண்டரு ஒரு படத்துல டயலாக் பேசுவாரு.தன்னோட பிளாக்குக்கு டக்கால்டின்னே பேர் வைச்சிருக்கார் இந்த கவுண்டமணி ரசிகர்.கபாலியும் ககன்லால்சேட்டும் பேசிக்குறாங்க பாருங்க.

நண்பேண்டா என சொல்லிக்கொண்டு எழுதி வருகிறார் ஒரு நண்பர்(மெட்ராஸ்பவன் சிவகுமாரின் இன்னொரு தளம் நண்பேண்டா இது அது அல்ல).நம்ம கிரிக்கெட் டீம் படற பாட்ட என்ன கொடும சார் அப்படின்னு கேக்குறார்.சச்சின் எப்ப நூறாவது செஞ்சுரி அடிப்பாருன்னு போய் பாருங்க.

புன்னகை உலகம் இந்த உலகம் நம்மையெல்லாம் நிச்சயம் புன்னகைக்க வைக்கும் என்ற உத்திரவாதமளித்து அதை உண்மை என உணரவும் வைக்கிறது.உழைக்கிற கழுதை தான் உதைக்குமாம்.

ஒரு தென்றல் நம்மை சிரிக்க வாங்க என அழைக்கிறது.

நண்பர்களே,அறிமுகமாகியுள்ள பதிவுகளில் உள்ளவற்றை நகைச்சுவையாக மட்டுமே பார்க்கலாமே.

இன்னும் சில அறிமுகங்களை அடுத்த பதிவில் சந்திப்போம்.நன்றி.

அறிவியலின் ரகசியம் இனிய தமிழிலே...

2012-01-26T14:26:00.001+05:30

உலகம் தோன்றிய நாள் முதல் இன்றைய நாள் வரை இயற்கை பல ரகசியங்களை தன்னுள் ஒளித்து வைத்துள்ளது.இந்த ரகசியம் உலகில் வீற்றிருக்கும் ஒவ்வொரு பொருளிலும்,ஒவ்வொரு உயிரிலும் அடங்கியுள்ளது.அதைக்கண்டுபிடிக்க மனிதன் கண்டுபிடித்த சாவிதான் அறிவியல்.தேடத்தேட முடிவுறாப்புள்ளியை நோக்கி பயணிக்கும் இந்த ரகசியம்.அறிவியலைப்படிப்பது நம்மில் பலருக்கு ஆரம்பத்தில் கொஞ்சம் கசக்கச்செயதாலும் கற்க கற்க இனிக்கும் விஷயம்.அதுவும் நமது இனிய தமிழில் சொல்லவா வேணும்.இன்றைய அறிமுகங்களில் சில அறிவியல் விசயங்களை எளிமையாக சொல்லிச்செல்லும் பதிவுகளைப்பார்ப்போம்.

அறிவியல் நம்பி இந்த தளத்தில் பல அறிவியல் தகவல்கள் கொட்டிக்கிடக்கின்றன. சந்திரனுக்குப் போகலாம் வாங்க என்ற பதிவின் வழியே நாமும் சந்திரனுக்குப்போய் ஒரு ரவுண்ட் அடித்து வரலாம் வாங்க.

தமிழ்த்தோட்டம் என்ற தளத்தில் தாய்மொழிக்கல்வி,அறிவியல் தமிழ்,போன்ற முயற்சிகள் மேற்கொள்ளப்பட்டு வருகின்றன.புதிய அறிவியல் கண்டுபிடிப்புகளால் சுற்றுசூழலில் ஏற்படும் மாற்றங்களை அறிவியலால் வெல்வோம் வாருங்கள்.

வாழ்க்கைச் சுவடுகளும், சிந்தையும், பார்வையுமாய் வளைய வரும் பதிவு.இப்படி அறிமுகத்துடன் வளவு என்ற பெயரை தாங்கி வரும் தளத்தில் தமிழர்களின் அறிவியல்,வானியல் நுட்பங்களைப்பற்றி நிறைய அறியலாம்.தமிழர் வானியல் என்ற பதிவைப்பார்க்கலாமா?

தமிழில் அறிவியல் இந்த தளத்தின் பெயரே இதுதான்.சில புரிந்துகொள்ள முடியாத அறிவியல் கோட்பாடுகளை எளிதாக புரிந்துகொள்ளும் வகையில் விளக்கி வரும் பதிவுகள் தொடர்ந்து வருகின்றன இந்த தளத்தில்.நியூட்டன் எப்படி புவியீர்ப்பு விசையை கண்டு பிடித்தார் ?

அறிவியலுக்கு என ஒரு ஊர் இருந்தால் என்ன பெயர் வைக்கலாம் என யோசித்து அறிவியல்புரம் என பெயர் வைத்து பூமியியலைப்பற்றி நிறைய தகல்வல்கள் கொண்டுள்ள தளம் இது.காற்றழுத்தத்தாழ்வு நிலை ஒன்று புதிதாய் உருவாகியிருக்கிறது என டி.வி.ல திரு ரமணன் சொல்ல அடிக்கடி கேட்டிருப்போம்.அதென்ன காற்றழுத்த தாழ்வு மண்டலம்?தெரிஞ்சுக்க வேணாமா?

அவியல் தெரியும் இங்க அறிவியலையே அவியல் போல சுவையா விருந்தாக்கி வைச்சிருக்காங்க.மாயா மாயா எல்லாம் மாயா தாமரை இலையில் நீர் போல ஒட்டி ஒட்டாமல் இரு.எப்பேர்ப்பட்ட தத்துவம் இது?ஆனால் தாமரை இலையில் ஒளிந்துள்ள அறிவியலின் ரகசியம் அறியாமலிருக்கலாமா?

பொதுவாக குருவி இரை தேடப்பறக்கும் ஆனால் ஒரு விஞ்ஞானக்குருவி அறிவுப்பசியால் பறந்து பல தகவல்களை நமக்கு அளித்து வருகிறதஎக்கச்சக்கமான தவகள்கள் இந்த விஞ்ஞானக்குருவியின் கூட்டில் கிடைக்கிறது.ஒளியின் வேகம் தெரியும் ஆனால் ஒளியின் வேகத்தை மிஞ்சக்கூடியது எது தெரியுமா?

வணக்கம் இணையக்கல்வி இந்த தளம் தமிழ் அறிவியல்,விஞ்ஞானப்ப்ரியர்களுக்கு ஒரு வரப்பிரசாதம்,பல துறைகள் சார்ந்த தகவல்கள் இங்கே கிடைக்கின்றன.ஏன்,எதற்கு,எப்படி,எனும் இந்த தளத்தின் பக்கத்தில் மூடநம்பிக்கையாகப்பார்க்கும் சில விசயங்களுக்கு அறிவியல் விளக்கம் சொல்லப்பட்டிருக்கிறது.

கனல் மணக்கும் பூக்கள் என சமீபமாக எழுதி வருகிறார் திரு.பெர்ஜின், இவர் ரத்தத்தை சுத்தப்படுத்தலாம் என்கிறார் எப்படி?

இன்னும் சில அறிமுகங்களுடன் அடுத்த பதிவில் சந்திப்போம்.நன்றி!

எப்படியெல்லாம் பேர் வைக்குறாங்க?

2012-01-26T10:24:00.000+05:30

பதிவுக்கு தலைப்புவைக்க ரொம்ப யோசிப்போம்.சில பேரோட வலைப்பூவின் பெயரே ரொம்ப வித்தியாசமா இருக்கும் அப்படிப்பட்ட சில தளங்களின் அறிமுகத்தை இன்று பார்ப்போம்.

யோசிங்க ,அட உங்களைசொல்லலைங்க இங்க ஒருத்தர் அப்படித்தான் தன் தளத்துக்கு பேர் வைச்சிருக்காரு.அப்படி என்ன யோசிக்க சொல்றார்னு உள்ள போய்த்தான் பாப்போமேன்னு போனேன்.சும்மா சொல்லக்கூடாதுங்க மண்டைய பிச்சுக்க வைச்சிட்டார்(யோசிச்சு தாங்க)அறிவுக்கு வேலை கொடுக்கும் பல விளையாட்டுகளை நீங்களும் போய் விளையாடுங்கள்.

யார்கூடவாவது பேசிக்கிட்டு இருக்கும் போது அடிக்கடி எதிர்வாதம் பேசுறவங்களை பாத்து ஏன்பா இப்படி எடக்கு மடக்கா பேசுற அப்படின்னு கேப்போம்.உடனே அவங்க பார்த்திபன் மாதிரி எடக்குன்னா என்ன மடக்குன்னா என்னன்னு அதுக்கும் மடக்குவாங்க.இப்படி தன் வலைக்கு பேர் வைச்சு வாழ்க்கை பற்றி தனது நடையில் சொல்லியிருக்கிறார்.

பிசாசு இது யாரையாவது திட்டுறத்துக்கு நாம பயன்படுத்துற வார்த்தை இதை கோபமாவோ இல்ல செல்லமாவோ பயன்படுத்தலாம்.செல்லமா தன் வலைக்கு பிசாசுக்குட்டி அப்படின்னு பேர் வைச்சிருக்கார் ஒருத்தர்.இவர் ஆண்களின் ஆளுமை பெண்களின் ஆளுமை பற்றி சொல்லியிருக்கிறார் பார்க்கலாமா?

சரியான லொள்ளு பார்ட்டி அப்படின்னு சில பேர சொல்லுவோம் .இங்கே ஒருத்தரு லொள்ளு அப்படின்னு பேர் வைச்சுக்கிட்டு பேருக்குத்தகுந்தமாதிரியே எழுதிக்கிட்டு வராரு.இவரு சம்பள உயர்வு பெற சில வழிகள் சொல்றாரு.பாத்து கடைபிடிக்கலாம் வாங்க.

காலையில் எழுந்து இரவு உறங்கும் வரை வழக்கம் போல் நாம் செய்யும் செயல்கள், எதுவுமே புதிதில்லை என்று உணர்ந்தாலும், old wine in a new bottle எனும் தத்துவத்துடன் ... "நாளும் ஒவ்வொரு பாடம் கூறும் காலம் தரும் பயிற்சி" என்ற பட்டுக்கோட்டையாரின் வரிகளை மனதில் கொண்டு.... இப்படித்தன் வலையைப்பற்றி அறிமுகம் செய்து வழக்கம் போல் அப்படின்னு பேர்வைச்சு வீராப்பு பேசுறார் .

நாஸ்தென்கா – இது எந்த மொழின்னு தெரியுதுங்களா?எனக்கும் தெரியலைங்க .சரி தெரிஞ்சுக்கலாம்னு கூகுள்ல தேடினப்போ எஸ்.ரா.அவர்களோட தளத்துக்கு கூட்டிட்டுப்போச்சு அங்கே தஸ்தாயெவ்ஸ்கி இவரோட அறிமுகமும் இவரோட (White Nights, by Fyodor Dostoevsky இந்த கதையில வரும் பெரு பெண்ணின் பெயர் என ஒரு வழியா கண்டு பிடிச்சாச்சு.இவர் அடிக்கடி எழுதுவதில்லை.இவரது ஹைக்கூ முயற்சியை ரசிக்கலாம் வாங்க.

மண்மணம் இது எல்லாருக்கு தெரியும் அது என்னங்க மண்கவுச்சி.இந்த பெயரில் உள்ள தளத்துக்கு போய் அப்படியே நாம ஊர் விளையாட்டுகளின்பலன்களை தெரிஞ்சுக்கலாமா?

படம் ரொம்ப மொக்கடா சாமின்னு ஏதாவது மொக்க படத்த பாத்து ரொம்பவே அலுத்துப்போயிருப்போம்சில நேரம்.இவரு தன்னை மொக்கசாமி-ஆனா ரொம்பஷார்ப் அப்படின்னு சொல்லுறார் தன்னைப்பத்தி. இவரு உயிர் காக்குமா மருந்துகள் அப்படின்னு கேக்குறார்.

மேலும் சில அறிமுகங்களுடன் அடுத்த பதிவில் சந்திப்போம்.நன்றி.

நெகிழ்வுகளில் இனிக்கும் வாழ்க்கை .......

2012-01-24T13:44:00.002+05:30

வாழ்க்கை இனிப்பது சில நெகிழ்வான தருணங்களில் புரியும் ,அப்படிப்பட்ட சில தருணங்களின் அறிமுகம் இன்று.....

வாழ்க்கை வாழ்வதற்கே இரண்டு வார்த்தைகளில் இருந்தாலும் இது மாபெரும் தத்துவமாக எனக்கு தோன்றுகிறது.என்னடா இது வாழ்க்கை என சலித்துக்கொள்ளும் சில வேளைகளில் இந்த வார்த்தை புது தெம்பூட்டும்.இதையே தனது வலையின் தலைப்பாக வைத்து எழுதி வருகிறார் திரு பிரபாகர் இவர் தாத்தாவுக்கு எழுதிய கடிதத்தை நாமும் பார்க்கலாமா?

வாழ்வே பேரானந்தம் ,வாழ்க்கையை ஒவ்வொரு நிமிடமும் ரசித்து வாழ்பவர்களால் மட்டுமே இப்படிக்கூற முடியும் .இந்த பெயரை தனது வலைக்கு வைத்து எழுதிவருகிறார்.எத்தனை கோடி இன்பம் வைத்தாய் என இவர் சொல்லும் தருணம் நெகிழ்வானது.

அன்பை விட ஆயுதம் எதுவுமில்லை,எத்தனை சத்தியமான வார்த்தை இது அன்பே கடவுள் என சும்மாவா சொன்னார்கள்?இந்த பெயரில் எழுதி வருகிறார் திரு சிவசங்கர் .இவருக்குப்பிடித்த நாட்களும் நிமிடங்களையும் பார்த்து வரலாமா?

நாம் வாழும்காலத்துக்குப்பிறகு அல்லது நமது முன்னோர்கள் தமது வாழ்வின் அடையாளமாக விட்டுச்செல்வதை சுவடுகள் என்போம்.தனது அடையாளமாக

எஸ்.பி.ஜெ.கேதரன் அவர்கள் சுவடு பதித்து வருகிறார் இந்த தளத்தில், நமது மனதின் பூட்டப்பட்ட பகுதிகளை திறக்க மனிதனாய் சில நிமிடங்கள் வாழச்

சொல்லும் நிமிடங்கள் இவை .

கற்றலும் கேட்டலும் அள்ள அள்ள குறையாத செல்வங்கள்,இந்த பெயரில் குறையாத செல்வங்களை நமக்கு தந்து வருகிறார்,சகோ.ராஜி.மருந்து,சிகிச்சைகளுடன்மரணத்தை வெல்ல முக்கியமான விஷயம் பற்றி நல்லதோர் வீணை செய்தே இங்கே சொல்லியிருக்கிறார்.

ஒரு கடிதம் எழுதி முடித்தவுடன் கீழே உண்மையுள்ள என எழுதுவது வழக்கம் ,அது போல என்றென்றும் உண்மையுடன் என தானறிந்த உண்மைகளை எழுதிவருகிறார் திரு.இளையதாசன் இவருடன் சேர்ந்து பள்ளிக்கு போகலாம் வாருங்கள்.

சுனாமி இந்த வார்தைக்கேட்டால் பதறத்தான் தோன்றும்.ஆனால் தனது எண்ணங்கள் அலையல்ல சுனாமி எனச்சொல்லி எழுதி வருகிறார் விச்சு அவர்கள் இவர் தனது எழுத்தால் மொக்கராசுவின் கட்டிலுக்கு உயிர் கொடுத்திருக்கிறார் பாருங்கள்.

ஊர் விட்டு ஊர் போனா சிலருக்கு உடம்புக்கு ஒத்துக்கொள்ளாது,காரணம் கேட்டா அந்த ஊர்க்காத்து எனக்கு ஒத்துக்கல அப்படிம்பாங்க ஆனா இந்த கோவைக்காற்று எல்லோருக்கும் ஒத்துக்கும்.ரமேஷ் வேங்கடபதி அப்படி என்னதான் சொல்றார் இந்த பேரின்ப விலாசம் பற்றி.

எனது மனதில் தோன்றியவை சில -

2012-01-23T13:38:00.000+05:30

தமிழறிந்த அனைத்து உறவுகளுக்கும் எனது வணக்கங்கள்,

தற்செயலாகப் பதிவெழுத வந்தவன் நான்,சில பதிவுகளை எழுதிய பின் இந்த வேலைக்கு நான் சரி வருவேனா என என்னை நானே கேட்டுக்கொண்டிருந்த போது,சக பதிவர்கள்,நண்பர்களின் ஆதரவு,கருத்து காரணமாக இந்த வேலைக்கு எப்படியோ நம்மள ஒத்துக்கிட்டாங்க போல அப்படின்னு நினைச்சுக்கிட்டு தொடர ஆரம்பித்தேன்.இந்த நிலையில் திரு.சீனா ஐயா அவர்கள் வலைச்சரம் ஆசிரியர் பொறுப்பேற்க அழைத்த போது முந்தைய ஆசிரியர்களின் பட்டியலை பார்த்து பிரமித்தேன்.நான் பதிவெழுத வந்தபிறகு கிடைத்த மிகப்பெரிய அங்கீகாரத்தை எனக்களித்த ஐயாவிற்கும்,வலைச்சரம் குழுவிற்கும் எனது நன்றிகளை உரித்தாக்குகிறேன். இனி எனது பதிவுகளின் சரம்..........

எனது முதலில் இருந்து தொடங்குகிறேன்,அம்மா,அப்பாதான் எல்லோருக்கும் முதல் , அம்மாவுக்காக சில வரிகள், தன் பிள்ளைகளை இப்படி நன்றி செய்வாயோ என கேட்கும் ஒரு தந்தையின் ஆதங்கம் இந்த பதிவு.

வீட்டிலிருந்து கிளம்பும் போது போயிட்டு வரேன் அப்படின்னு சொல்லிட்டு கிளம்புவதிலிருந்து துவக்குகிறது நமது நம்பிக்கை,அந்த நம்பிக்கையைக்காப்பாற்ற பயணத்தின் போது நம்மை நாமே பாதுகாத்துக்கொள்வதுடன் சாலையில் பயணிப்போர் அனைவரின் பாதுகாப்பையும் கருத்தில் கொள்ள வேண்டும்.வேகத்தடை ஒரு பாதுகாப்புக்குதான் ஆனா அதுவே சில நேரங்களில் பயணத்தடையாகிவிடுகிறதே . அதே மாதிரி ஹெட்லைட்ங்கறது பாதையை வெளிச்சமாக்கதான் ஆனா அதுவே சிலரின் வாழ்க்கையை இருட்டாக்குவது நியாயமா? மழையில் பயணிப்பது ஒரு சுகானுபவம் தான் ஆனால் அதற்காக பின்னால் கஷ்டப்பட வேண்டுமா? இசை பல பரிமாணங்கள்ல திரியுது அதே மாதிரி ஊர்ல எல்லா கலர்லையும் மாக்கான்(ர்)கள் திரியுறாங்க,அவங்களுக்கெல்லாம் ஒரு வேண்டுகோள்! ஹெல்மெட் அணிவது உயிரைக்காக்கும் இது எல்லாrக்கும் தெரியும்,ஹெல்மெட்டுக்கு விளக்கம் தெரியுமா?

நாம் வாழும் இந்த பூமி நமக்கு மட்டுமே சொந்தமானது அல்ல,நாம் வாழும் காலம் வரைக்கும் பூமிதான் நமக்கு அடைக்கலம் கொடுத்திருக்கிறது.அடைக்கலம் கொடுத்த பூமியை நெகிழியால்(பிளாஸ்டிக்) தவிக்கவிடலாமா? நாம் வாழ்ந்ததற்கு அடையாளமாக நாம் விட்டுச்செல்ல வேண்டியது வசந்ததையா குப்பைகளையா? உப்பில்லா பண்டம் குப்பைக்கு போகலாம் உப்புள்ள பண்டம் போகலாமா?இது நியாயமா?

பேருந்து பணனத்தின் போது இந்த மோட்டல்களினால் பயணிகள் படும் பாடு சொல்லி மாளாது.அதனால்தான் மோட்டலைக்கண்டாலே பயணிகள் மிரளுகின்றனர்.அதுமட்டுமா?நம்ம ஊர்ல அரிசி வாங்க வசதியில்லன்னு சொல்லி இலவச அரிசி போடுறாங்க, ஆனா இதுக்கு காசு வாங்குறாங்க.

பயணம் நமக்கு பல படிப்பினைகளையும் அனுபவங்களையும் கொடுக்கும் எனது பயண அனுபவங்கள் சில......

அன்பே சிவம் பாணியில் தொடங்கிய ஒரு பயணம்

ஓடத்தில் பயணம் செய்து கரை சேரலாம் ஆனால் தண்டவாளம் கரை சேர்த்து கேள்விப்பட்டிருக்கீர்களா?பயணிகளின் கனிவான கவனத்திற்கு என்று சொல்லுவாங்க,எனக்கு கிடைச்ச கனிவான கவனத்தை கொஞ்சம் பாருங்களேன்.

ரொம்ப சீரியஸா போய்க்கிட்டிருக்கோ?வாங்க கொஞ்சம் சிரிச்சிட்டு போலாம். இங்கே ஒருத்தரு தீப்பெட்டி கேக்குறாரு எதுக்குன்னு கேளுங்க.அச்சம்,மேடம்,நாணம் அப்படின்னா உங்களுக்கு அர்த்தம் தெரியும் பயிர்ப்புக்கு அர்த்தம் தெரியுமா?இங்க ஒருத்தர் மயக்கம் போடுறார் எதுக்குன்னு பாருங்க.அப்புறம் புதுசா ஒரு முயற்சி பல”சரக்கு”க்கடை .

வலைச்சரம் வழியாக ஒரு வேண்டுகோள்.

தானே முன்வரலாமே!!!

அறிமுகங்களுடன் நாளை சந்திப்போம் , நன்றி

சென்று வருக செந்தில் - வருக வருக கோகுல்

2012-01-22T21:10:00.003+05:30

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பெற்ற ஆரூர் முனா செந்தில் தான் ஏற்ற பொறுபினில் இருந்து இன்று விடைபெறுகிறார். இவர் ஏழு பதிவுகள் இட்டு ஏறத்தாழ 105 மறுமொழிகள் பெற்றிருக்கிறார். அறிமுகப்படுத்தப்பட்ட பதிவர்கள் இருபத்தேழு. அறிமுகப்படுத்தப்பட்ட பதிவுகளோ நாற்பத்திரண்டு. நண்பர் செந்திலை வாழ்த்தி வழி அனுப்புவதில் மகிழ்ச்சி அடைகிறேன்.

நாளை துவங்க இருக்கும் வாரத்திற்கு ஆசிரியப் பொறுப்பேற்க வருகிறார் நண்பர் கோகுல். இவர் நாமக்கல் மாவட்டத்தைச் சார்ந்த மங்களபுரத்தினைச் சேர்ந்தவர். தற்போது வசிப்பதோ தானே புயலால் தாக்கப்பட்ட புதுச்சேரி. சிதம்பரம் அண்ணாமலைப் பல்கலைக் கழகத்தில் வேதியியலில் முதுகலைப் பட்டம் பெற்றவர். ஓசூர் மற்றும் காரைக்காலில் பணி ஆற்றி விட்டு தற்போது புதுச்சேரியில் பணி புரிகிறார். நேரம் கிடைக்கும் பொழுது மனதில் தோன்றியவற்றை கோகுல் மனதில் என்ற தளத்தில் எட்டு மாத காலமாக, நூற்றுக்கும் பேற்பட்ட பதிவுகள் எழுதி இருக்கிறார்.

நண்பர் கோகுலை வருக வருக என வரவேற்று அறிமுகங்களை விதி முறைப்படி அள்ளித் தருக என வாழ்த்துவதில் பெரு மகிழ்ச்சி அடைகிறேன்.

நல்வாழ்த்துகள் ஆரூர் மனா செந்தில்

நல்வாழ்த்துகள் கோகுல்

நட்புடன் சீனா

நாள் 7 : கருவூர்த் தேவர் வரலாறும், பதிவுகள் அறிமுகமும்

2012-01-22T13:36:00.003+05:30

எங்கள் தஞ்சை அரசின் வரலாற்றில் நடந்த சம்பவங்களில் ஒன்று. கருவூர்த் தேவர் கருவூரில் பிறந்தவர். தேவர் என்ற அடைமொழி, உயர்வு கருதி மக்களால் வழங்கப்பெற்றது. இவருடைய இயற்பெயர் மறைந்து கருவூர்த் தேவர் என்ற நாமமே நிலைபெற்றது. சைவ சமயத்தின் பன்னிரு திருமுறைகளில் ஒன்றான ஒன்பதாம் திருமுறையில் கருவூர்த் தேவர் பாடிய திருப்பதிகங்கள் இடம் பெற்றுள்ளன. அவைகளில் ஒன்று தஞ்சை இராசராசச்சரம் என்னும் தஞ்சைப் பெரிய கோயிலைப்பற்றியது.

முதலாம் ராஜராஜ சோழன் காலத்திலும் அம்மண்ணனின் மகன் ராஜேந்திர சோழன் காலத்திலும் வாழ்ந்தவர். எனவே இவருடைய காலம் கி.பி 10 நூறு்றாண்டின் பிற்பகுதி தொடங்கி 11ம் நூற்றாண்டின் இடைப்பகுதி வரை என்று கருதப்படுகிறது. அந்தணர் குலத்தில் பிறந்த இவர் தமிழிலிலும், வடமொழியிலும் பெரும் புலவராக விளங்கினார். முதலாம் ராஜராஜ சோழனின் நட்பைப் பெற்று அவருடைய ஆன்மீக குருவாக விளங்கினார் என்று கருதப்படுகிறது.

இவரைப் பற்றிய புராண வரலாறுகளில் மிக முக்கியமானவை, 1, பழநிமலையில் யோகநாதரின் சீடராக இருந்து அட்டமாசித்திகள் பெற்றது. 2, மற்றும் அவர் அருளால் காயகல்பத்தை உண்டு நீண்ட நாள் வாழும் திறம் பெற்றது. 3, தஞ்சையில் பெரிய கோயிலை கட்டி முடித்து குடமுழுக்குக்கு ராஜராஜன் ஏற்பாடு செய்த போது பெருவுடையாரை தாபிக்கச் சாற்றிய மருந்து இளகிய போது கருவூர்த் தேவர் தம் சித்தியால் மருந்தைக் கெட்டிப்படச் செய்தது ஆகியவையாம்.

நாடெங்கும் பயணம் செய்து திருத்தலங்களைத்த தரிசித்து திருப்பாடல்களை பாடி வந்த கருவூரார் இறுதியாக, கருவூரில் ஆனிலையப்பர் கோயிலில் தென்மேற்குப் பகுதியில் நிட்டை கூடி சிவானந்த பெருவாழ்வை எய்தினார். தேவாரம் பாடிய மூவரைப் பின்பற்றியே இவருடைய பாடல்கள் அமைந்துள்ளன.

------------------------------

இன்றுடன் என்னுடைய ஆசிரியர் பணி நிறைவடைகிறது. வாய்ப்பளித்த சீனா அய்யாவுக்கும், தமிழ் பிரியன் தமிழ்வாசி பிரகாஷ்க்கும் நன்றிகள் பல.
அதே போல் பின்னூட்டமிட்டு ஆதரவளித்த அனைவருக்கும் என் சிரம் தாழ்த்தி வணக்கம் தெரிவித்துக் கொள்கிறேன்.

------------------------------

இன்றைய அறிமுகங்கள்

தமிழாரன் இணைய மஞ்சரியில் வந்துள்ள என்னுடைய போதிமரங்கள் - மு.மேத்தா என்ற கவிதைத் தொகுப்பு அருமை.

புரட்டிப் போட்ட படைப்புகள் என்ற பதிவில் வந்த பாரதியின் ஒரு பாட்டு (சாமியாட்டம் - பாலபாரதி)அருமை.

தமிழ்தொட்டில் வலைப்பூவில் வந்துள்ள பிரிவு என்பது துயரமல்ல ஆனந்தம் என்ற கவிதையும் அருமை.

அன்னைத் தமிழ் என்ற வலைப்பூவில் வந்துள்ள என் உயரின் கீதம் நீ. என்ற கவிதை நன்றாக உள்ளது.

கலகலப்பிரியா என்ற வலைப்பூவில் வந்துள்ள இவ்விதமாக என்ற கவிதை நன்றாக உள்ளது.

எம். ரிஷான் ஷெரீப் கவிதைகள் என்ற வலைப்பூவில் வந்துள்ள நான் குருடனான கதை என்ற கவிதை நன்றாக உள்ளது.

இடிமுழக்கம் என்ற வலைப்பூவில் வந்துள்ள சக்கரை மேல் எறும்புகள் என்ற கவிதை நன்றாக உள்ளது.

அதீத கனவுகள் என்ற வலைப்பூவில் வந்துள்ள இது எல்லாம் கவிதைகள் என்ற கவிதை நன்றாக உள்ளது.

ஆரூர் மூனா செந்தில்

நாள் 6 : சென்னை புறநகர் மக்கள் மற்றும் பதிவர் அறிமுகம்.

2012-01-21T15:17:00.002+05:30

நான் கிராமத்தான், வாழ்ந்தது படித்தது எல்லாம் கிராமத்தில் தான். வேலைக்கு வந்தது சென்னை, அதன் பின் நகர வாழ்க்கை தான். சிலர் இருக்கிறார்கள் பிறந்ததிலிருந்து சென்னை போன்ற நகரத்திலேயே இருந்து வெளிநாட்டு வாழ்ந்து கொண்டிருப்பவர்கள். இன்னும் சிலர் கிராமத்தில் பிறந்து கிராமத்திலேயே வேலை பார்த்து வாழ்ந்து கொண்டிருப்பர். சென்னையைப் பொறுத்த வரையில் என்னைப் போன்றோர் தான் அதிகம் உள்ளனர். அதாவது வசிப்பது சென்னையின் புறநகரில் உள்ள கிராமத்தில், வேலை பார்ப்பதும், படிப்பதும் சென்னையில். இவர்கள் வித்தியாசமானவர்கள். சென்னையில் நீங்கள் பார்க்கும் கிராமத்தான்கள்.

நான் திருவாரூரில் பள்ளிப்படிப்பு முடித்த பின்பு பட்டயப் படிப்பு படிப்பதற்காக சென்னையில் ஐசிஎப் தொழிற்சாலைக்கு வந்து விட்டேன். எனது வகுப்பில் மொத்தம் 56 பேர் படித்தனர். என்னைத் தவிர என்னுடன் படித்தவர்கள் அனைவரும் ரயில்வே தொழிலாளர்களின் வாரிசுகளே. நான் மட்டுமே தவறிப் போய் முதல் தலைமுறையாக ரயில்வேயின் உள் வந்தவன். நான் ஹாஸ்டலில் தங்கிப் படித்தேன். என்னுடன் படித்தவர்களில் பெரும்பாலானோர் வேப்பம்பட்டு மற்றும் அதற்கு பிறகு உள்ள ஊர்களான திருவள்ளூர், அரக்கோணம், திருத்தணி, ஜோலார் பேட்டையிலிருந்தெல்லாம் வருபவர்களே. நான் அனைவரின் வீட்டிற்கும் போயிருக்கிறேன். வீடு ஏதாவது கிராமத்தில் இருக்கும். வீட்டில் மாடு இருக்கும். விவசாயமும் பார்த்துக் கொண்டிருப்பார்கள். விடியற்காலை இது போன்ற ஊர்களிலிருந்து கிளம்பி சென்னைக்கு வேலைக்கு வந்து நள்ளிரவு வீட்டிற்கு திரும்புபவர்கள் பல்லாயிரக்கணக்கானோர் உள்ளனர். இவர்களின் வாழ்வு முறையே வித்தியாசமாக இருக்கும். காலை மதியம் இரவு மூன்று வேளையும் சாப்பாடு வீட்டிலிருந்து கட்டிக் கொண்டு வந்து வெளியிலேயே சாப்பிடுவர். ஞாயிறு மட்டும் தான் இவர்கள் வீட்டில் இருப்பார்கள். இவர்களின் சம்பளமும் மிகச்சில ஆயிரங்களில் தான் இருக்கும்.

என்னுடன் ஏழுமலை என்ற நண்பன் படித்தான். அவனது வீடு கடம்பத்தூரிலிருந்து மூன்று கிலோமீட்டர் உள்ளே உள்ள தண்டலம் என்ற கிராமமாகும். அவனது அப்பா அரக்கோணத்தில் உள்ள ரயில்வே ஷெட்டில் வேலைப் பார்த்து வந்தார். அவர்களுக்கு நிலமும் இருந்தது. அவன் வீட்டிலிருந்து காலை 4 மணிக்கு புறப்பட்டு 7 மணிக்கு வில்லிவாக்கம் வந்து சேருவான். வேலைநேரம் 7 மணியிலிருந்து 04.30 வரையிருக்கும். அதன் பிறகு புறப்பட்டு வீட்டிற்கு செல்ல 8மணியாகி விடும். நான் சென்னையிலேயே தங்கியிருந்ததால் இது போன்ற அவர்களின் வழக்கமான நடவடிக்கைகள் எனக்கு வித்தியாசமாகவே இருக்கும். அவனது வீட்டில் அப்படியே கிராமத்தானாவே வாழ்வார்கள். மாடு, வயல், விவசாயம் எல்லாம் அவர்களது வழக்கமான வாழ்க்கையாக இருக்கும். ஆனால் அவர்கள் சென்னையில் வேலை பார்ப்பவர்களாக இருப்பார்கள்.

எனக்கு கிராமம் என்றால் சென்னையிலிருந்து புறப்பட்டு ஒரு இரவு பயணம் செய்து மறுநாள் காலை செல்லும் ஊர்களில் வருவது தான். கிராமத்தில் வசித்து சென்னையில் வேலை பார்க்கும் இவர்கள் உண்மையில் வித்தியாசமானவர்கள் தான்.

----------------------------------------------

இனி பதிவர் அறிமுகம். வெறும் பதிவர் மட்டுமல்ல என் நல்ல நண்பர்கள் கூட.

கண்டிப்பாக நான் இவரை அறிமுகப்படுத்த யோசித்தேன். ஏனென்றால் எனக்கு பதிவுலகில் சீனியர். இருந்தாலும் எனக்கு இனிய நண்பர். இவரைப்போல் பதிவர்களை கலாய்ப்பதில் மற்றவர்கள் பின்வரிசையில் தான் நிற்க வேண்டும். அவர் என் சிறந்த நண்பர் சிவக்குமார். அவரின் மெட்ராஸ்பவன் மற்றும் நண்பேன்டா. அது மட்டுமில்லாமல் கவுண்டமணிபேன்ஸ் என்ற வலைத்தளத்திலும் எழுதி வருகிறார். தனக்கு ஹிட்ஸ் தேவையில்லை என்று இன்று வரை தன்னுடைய பதிவுகளை திரட்டியில் இணைக்காத நேர்மையான பதிவர்.

அடுத்தது கலாய்ப்பாளர் நண்பர் நாய் நக்ஸ் நக்கீரன். இவர் பதிவு அதிகம் எழுத மாட்டார். ஆனால் நண்பர்கள் எந்தப் பதிவுபோட்டாலும் அவர்களை கலாயத்து பின்னூட்டமிடுவதில் மன்னர்.

அடுத்த நண்பர் ஆணிவேர் என்ற பதிவு எழுதி வரும் சூர்யஜீவா. இவர் கம்யூனிச கொள்கையை சார்ந்தவர். நானே, எனக்கு ஏன் பின்னூட்டமிடவில்லை என்று கேட்டால் எனக்கு சினிமா பதிவுகள் மற்றும் குடி பற்றிய பதிவுகள் பிடிக்காது எனவே நான் பின்னூட்டமிட மாட்டேன் என்று சொன்ன நேர்மையாளர்.

தஞ்சை சங்கர் என்ற பெயரில் எழுதி வரும் சங்கர நாராயணன் புதியவர், அவரிடமிருந்து நிறைய பதிவுகள் பண்பட்டு வரும் என்று எதிர்பார்க்கலாம்.

நான் எழுதிய நண்பன் படத்திற்கு எழுதிய விமர்சனத்தை அடுத்த அரைமணிநேரத்தில் அதனை காப்பி செய்து போட்டு அதன் மூலம் ஹிட்ஸ் பெற்று எனக்கே போன் செய்து உங்கள் பதிவால் தான் எனக்கு ஹிட்ஸ் கிடைத்தது என்று சொல்லிய தைரியசாலி தஞ்சை குமணன்.

ஆரூர் முனா செந்தில்

நாள் 5 திருவாரூர் தியாகராஜ சுவாமி திருக்கோயில் மற்றும் பதிவர் அறிமுகம்

2012-01-20T12:28:00.003+05:30

மதம், கடவுள் என்பது அவரவர் தனிப்பட்ட நம்பிக்கை. அது போல் கடவுள் இல்லை என்ற நம்பிக்கை என்னுடையது. ஆனால் அதனை கூறுவதற்காக நான் இந்த பதிவை இடவில்லை. எந்த சூழ்நிலையிலும் எந்த கொள்கைக்காகவும் என் ஊர் கோயிலை மட்டும் நான் விட்டுக் கொடுக்க மாட்டேன். தஞ்சை பெரிய கோயிலுக்கு சில நூற்றாண்டுகள் முன்பே கட்டப்பட்டது திருவாரூர் பெரிய கோயில். என்னுடன், என் இளம்வயதில் என் நண்பனாக என் நிழலாக என்னுடன் இருந்தது திருவாரூர் பெரிய கோவில் என்று அழைக்கப்படும் தியாகராஜ சுவாமி திருக்கோயில் தான். என் வீடு கோயிலின் மிக அருகில் அதாவது 100 மீட்டருக்குளேயே உள்ளது. முன்பெல்லாம் கோயிலில் அந்தஅளவுக்கு கூட்டம் இருக்காது ஆனால் மிகப்பெரிய கோயில். கோயிலின் மொத்தப் பரப்பளவு 5 ஏக்கர். கமலாலய குளம் அந்த அளவுக்கு பெரியது தான்.

சிறு வயதிலிருந்து எங்கள் வீட்டுக்கு பக்கத்து வீட்டில் ஒரு ஓதுவார் இருந்தார், அவருக்கு கோயிலில் தான் வேலை. விடியற்காலை 4 மணியிலிருந்து கோயிலில் அவர் தான் பாடுவார். காலை நேரத்து பூஜை முடிந்ததும் வீட்டுக்கு வந்து மாலை 6 மணிக்கு நடக்கும் சாயரட்சை பூஜையிலும் தினந்தோறும் அவரே பாடுவார். கோயில் மைக் செட் வைத்து கட்டியிருப்பார்கள். அதனால் மொத்த திருவாரூர் நகர் முழுவதும் அவர் பாடுவது கேட்கும். அவர் மிகச்சிறு வயதில் அதாவது என்னுடைய 4 வயதிலிருந்து அவர் காலை கோயிலுக்கு போகும் போது என்னையும் அழைத்து சென்று விடுவார். அவருடனே காலையிலிருந்து கோயிலில் இருந்து விட்டு எட்டு மணிக்கு மீண்டும் வீட்டுக்கு வந்து பள்ளிக்கு புறப்படுவது எனது அந்த வயதில் அன்றாட பழக்கம்.

அது மட்டுமில்லாமல் எங்கள் தெருவில் உள்ள நண்பர்கள் அனைவரும் கால் பரிட்சை, அரைப் பரிட்சை மற்றும் முழுப் பரிட்சை காலங்களில் கோயிலில் அமர்ந்து தான் படிப்போம். காலையிலிருந்து மதியம் சாப்பாட்டு நேரம் வரை கோயிலில் தியாகராயருக்கு இடப்புறம் அதாவது நீலோத்பலாம்பாள் சன்னதிக்கு வலப்புறம் சிறு சிறு கோயில்களாக நிறைய லிங்கங்கள் இருக்கும். அதில் ஆளுக்கொரு சிறு கோயிலின் உள் அமர்ந்து படிப்போம். மதியம் புறப்பட்டு பள்ளிக்கு சென்று தேர்வழுதுவோம்.

அதே போல் நாங்கள் முதன் முதல் கிரிக்கெட் விளையாடியதும் கோயிலில் வெட்டவாசல் கோபுரத்தின் உட்புறம் உள்ள புல்வெளிகளில் தான். அங்கு ஒரு நெல்லிக்காய் பிள்ளையார் என்று ஒரு கோயில் இருக்கும். தரையிலிருந்து ஒரு சாண் உயரமே இருக்கும். அதனருகில் தான் ஸ்டம்பு நட்டு கிரிக்கெட் விளையாடுவோம். இப்பொழுது போல் ரெடிமேட் பேட் கிடையாது. பேட் வேண்டுமென்று என் தாத்தாவிடம் அடம் பிடித்து அவர் ஆசாரியிடம் சொல்லி செய்து கொடுத்த பேட் அது. நீண்ட நாட்களுக்கு 8ம் வகுப்பு படிக்கும் வரை அதனை வைத்து தான் கிரிக்கெட் விளையாடுவோம். ரப்பர் பந்து மட்டுமே. துவக்கப் பள்ளியிலிருந்து மேல்நிலைப்பள்ளிக்கு மாறிய பிறகு வீட்டிலிருந்து புறப்பட்டு கோயிலில் வெட்டவாசல் கோபுரத்தின் வழியாக உள்நுழைந்து ராஜகோபுரத்தின் வழியாக வெளி வந்து தான் பள்ளிக்கு செல்வோம்.

பதின் வயதில் முதன் முதலாக சைட் அடிக்க ஆரம்பித்ததும் கோயிலில் தியாகராஜ சுவாமிக்கு நடக்கும் சாயட்சை பூஜையின் போது தான். இன்னும் நிறைய, நிறைய இருக்கிறது. அதனை பொதுவிடத்தில் சொல்வது நன்றாக இருக்காது. அதனால் அது வேண்டாம்.

என்னுடன் கலந்து விட்ட கோயில் எனக்கு அங்குலம் அங்குலமாக அத்துப்படி. இன்றும் சரி திருவாரூருக்கு சென்றால் முதல் நாளே கோயிலுக்கு சாயரட்சை பூஜைக்கு செல்வது எனது வழக்கம். ஆனால் இப்பொழுதெல்லாம் கூட்டம் அதிகமாகி விட்டதால் அதன் தனித்தன்மையை இழக்க ஆரம்பித்து விட்டதாகவே எனக்கு தோன்றுகிறது.

--------------------------------------------------

இனி வலைப்பதிவுகள் அறிமுகம்.

எதைஎதையோ எழுதி விட்டு சமையலை மட்டும் விட்டு விடுவோமா. எனக்கு மிகவும் பிடித்தது சாப்பிடுவது தான். அதற்காக எந்த அளவுக்கு ரிஸ்க்கையும் நான் எடுப்பேன். நான் காதல் திருமணம் புரிந்தவன் தான். என் மனைவியிடம் நன்றாக சமைக்கத் தெரிந்தவள் என்று தெரிந்த பின்பே காதலை சொன்னவன். ஏனென்றால் என் மனைவி சொந்தங்களின்றி என்னை திருமணம் செய்யும் வரை ஹாஸ்டலிலேயே வளர்ந்தவள், அதனால் தான்.

கோவை2தில்லி என்ற வலைத்தளத்தில் எழுதி வரும் ஆதி அவர்களின் வாழைப்பூ பருப்புசிலி என்ற ரெசிபியை நானே சமைத்து வீட்டில் சபாஷ் வாங்கியவன். காஜர் ஹல்வாவும் சூப்பர் தான். தக்காளி தோசை பட்டைய கிளப்புது போங்கோ.

மீராவின் கிச்சன் என்ற வலைத்தளத்தில் வரும் ரெசிபிக்கள் அட்டகாசம். அதிலும் இந்த குழிப்பணியாரம் ஏ ஒன். ஆப்கான் ரெய்தாவும், மாங்காய்-வேப்பம் பூ பச்சடியும் சூப்பரோ சூப்பர். இன்னும் நிறைய உள்ளது அவரது வலைத்தளத்தில் சென்று படித்து பாருங்கள்.

பிதற்றல் என்ற வலைத்தளத்தில் வரும் சமையல் குறிப்புகள் அட்டகாசம். அதில் முதலாவதாக பெப்பர் சிக்கன் அசைவப் பிரியர்களுக்கு சூப்பர் டிஷ். வித்தியாசமான சிக்கன் பொறியல்… மற்றும் சிக்கன் போண்டா செய்து பாருங்கள்.

மரகதம் என்பவர் எழுதி வரும் வலைத்தளத்தில் உள்ள சமையல் குறிப்புகளை முயற்சித்து விட்டு பேசுங்கள். அதில் ரவா பொங்கல் என்ற ரெசிபி உள்ளது. நான் சிறு வயதில் பாபநாசத்தில் உள்ள ஒரு அய்யர் ஹோட்டலில் சாப்பிட்டது. இப்பொழுது அந்த கடை இல்லை. எனக்கு பழைய ஞாபகங்கள் வருகிறது. அப்புறம் பால் போளி. நான் நினைக்கிறேன். இவர் தஞ்சாவூர்க்காரராக இருப்பார் என்று. முந்திரி அமிர்தம் என்ற இந்த ரெசிபியும் சூப்பரோ சூப்பர்.

ஆரூர் மூனா செந்தில்

நாள் 4 டிராவல்ஸின் அடாவடியும் பதிவுகள் அறிமுகமும்

2012-01-19T17:04:00.008+05:30

சாதாரணமாக திருவாரூரிலிருந்து சென்னை வர டிராவல்ஸ் பஸ்ஸில் 300ரூபாய் டிக்கெட் வாங்குவார்கள். நேற்று நான் 600 ரூபாய் கொடுத்து சென்னை வந்தேன். சாதாரணமாக என் காரில் 500ரூபாய்க்கு பெட்ரோல் சென்னையிலும் 500ரூபாய்க்கு பாண்டியிலும் பெட்ரோல் போட்டால் சென்னையிலிருந்து திருவாரூர் வந்து விடுவேன். என்னையும் என் மனைவியும் சேர்த்து இரண்டு டிக்கெட்டுக்கு400ரூபாய் ஏன் தண்டம் பண்ணனும் என்று நினைத்து பஸ்ஸில் வந்தால் அதை விட அதிகமாக புடுங்குகிறான்கள். எல்லாம் நம்ம நேரம். நானாவது பரவாயில்லை. இந்த காசை கொடுக்க முடியாமல் அரசுப்பேருந்துக்காக காத்திருந்த எவ்வளவோ பேரை நேற்று நான் திருவாரூர் பேருந்து நிலையத்தில் கண்டேன். அவர்களெல்லாம் எவ்வாறு சென்னை வந்து சேர்ந்திருப்பார்கள் என்று நினைக்கும் போது வாழ்க ஜனநாயகம் என்று தான் சொல்ல தோன்றுகிறது.

---------------------------

பேருந்து நிலையத்தில் அடாவடி தாங்க முடியவில்லை. சென்னையிலிருந்து ஊருக்கு போகும் போது நேரமாகி விட்டதால் கோயம்பேடு ஆம்னி பேருந்து நிலையத்தில் என் பைக்கை பார்க் செய்து விட்டு சென்றிருந்தேன். நான் விட்ட நாளிலிருந்து கணக்கு செய்தால் ஒரு நாளைக்கு 20ரூபாய் வீதம் 120ரூபாய் தான் ஆனது. ஆனால் இவர்கள் ஏதோ கணக்குப் போட்டு 160 ரூபாய் கேட்டார்கள். நான் என் மனைவியுடன் நின்று சண்டை போட தயக்கமாக இருந்ததால் கேட்ட காசை கொடுத்து விட்டு நகர்ந்தேன். எவன்தான்டா இவனுங்களையெல்லாம் கேக்கிறது.

-------------------------

பதிவுகள் அறிமுகம்

தெட்சிணா என்ற பதிவரின் பதிவுகள் மிகவும் புரட்சிகரமாக இருக்கிறது. இவர் நான் தமிழன் கட்சியின் அபிமானி என்று நினைக்கிறேன். இவரின் டாம் 999 மத்திய அரசு நிலைப்பாடு கண்டனத்திற்குரியது – சீமான் அறிக்கை , மற்றும் லண்டனில் பிரபாகரன்… பிரான்ஸில் புலிக் கொடி! , மற்றும் மலையாளிகளால் கொல்லப்பட்ட சாந்தவேலுக்கு நாம் தமிழர் தோழர்கள் வீர வணக்கம்

வீடு சுரேஸ் குமார், இவர் புதிய பதிவர் அல்ல, எனது பதிவுலக நல்ல நண்பர். அவரது இடுகைகளும் கவனிக்கத்தக்கவை. நான் எழுதாவிட்டாலும் அவருக்கென்று பதிவுலகில் நல்ல மதிப்பு இருக்கிறது. இவரின் கோடீஸ்வரன் நிகழ்ச்சியும் தமிழனின் கோவணத்தை உறுவும் தந்திரமும் என்ற பதிவு குறிப்பிடத்தகுந்தது.

இப்படிக்கு இளங்கோ என்ற பெயரில் எழுதும் இளங்கோ அவர்களின் சினிமா : 12 ஆங்ரி மென் (12 Angry men ) என்ற உலகப்பட விமர்சனம் நன்றாக இருந்தது.

Chilled Beers என்ற பெயரில் எழுதி வரும் பதிவர் பல்சுவைகளில் கலக்குகிறார்.
செம ஹாட்டாக ஹன்சிகா, குஷ்பூ பற்றியெல்லாம் எழுதி ஈர்க்கிறார் அதேமாதிரி மதுரக்காரைங்க சினிமா என்ற பதிவில் சினிமாக்காரங்க அடிக்கும் லொள்ளைப் பற்றி எழுதியுள்ளார். ஒஸ்தி, மெளனகுரு என்று சமீப சினிமாக்களுக்கு விமர்சனங்கள் எழுதியிருக்கிறார். அதே சமயம் சாருவின் எக்சைல், வெற்றிலைக்கு அந்த வாசம் வந்த கி.ராவின் கதை என்று இலக்கியத்திலும் புகுந்து விளையாடுகிறார். இவர் எழுத்தைப்பார்த்தால் இவர் அறிமுகப்பதிவர் அல்ல என்றும் பழைய பதிவர் புதிய பெயரில் வந்து விளையாடுகிறார் என்றும் தோன்றுகிறது. இவரை எனக்கு அறிமுகப்படுத்தியவர் நமது பிலாசபி பிரபாகரன் அவர்கள்.

ஆரூர் மூனா செந்தில்

நாள் 3 : மாட்டுப்பொங்கலும் இடுகை அறிமுகமும்

2012-01-18T11:50:00.002+05:30

மக்களே வணக்கம், அனைவரும் என்னை மன்னிக்கவும். நேற்று என்னால் இணையத்திற்கு வரமுடியவில்லை. சென்னையில் இருந்தால் நான் பொதுவாக ஒரு நாளில் குறைந்தது 15 மணிநேரம் இணையத்தில் இருப்பேன். பொங்கல் பண்டிகைக்காக நான் திருவாரூர் வந்துள்ளேன். இங்கு நான் எனது கடைக்கோ, கடை திறக்காத நாட்களில் பிரவுசிங் சென்டருக்கோ சென்று தான் இணையத்தில் வருவேன். நேற்று என் தம்பியின் திருமண விஷயமாக பெண் வீட்டார் எங்களது வீட்டிற்கு வந்து விட்டனர். எனவே நேற்று முழுவதும் நான் வீட்டில் இருந்தாக வேண்டிய கட்டாயம். இன்றும் ஒரு பதிவு மட்டுமே. இன்றிரவு புறப்பட்டு நாளை சென்னை சென்று விடுவேன். நாளை முதல் நமது பக்கம் களைகட்டும் என்பதில் எனக்கு சந்தேகமில்லை.

பொங்கலெல்லாம் நல்லபடியாக இருந்திக்கும் என்று நினைக்கிறேன். நான் கிராமத்தான். எங்கள் வீட்டில் பொங்கல் மற்றும் இதர மாட்டுப்பொங்கல் மற்றும் காணும் பொங்கல் தான் மற்ற விஷேசங்களை விட சிறப்பாக இருக்கும். அதிலும் மாட்டுப் பொங்கலன்று எங்கள் வீட்டு மாடுகளையெல்லாம் சிறப்பாக குளத்தில் குளிப்பாட்டி விட்டு நாங்களும் அவற்றுடன் நீந்தி விளையாடி விட்டு மாட்டின் கொம்புகளுக்கு வர்ணமடித்து மாலைகள் சூட்டி ஊரில் உள்ள மற்ற மாடுகளுடன் ஊர்வலம் நடத்தி அவற்றுக்கென பிரத்யேகமாக செய்யப்பட்ட பொங்கலை படைத்து விட்டு மாட்டுக்கு சாப்பிடக் கொடுப்போம். அதற்குள் எங்கள் வீட்டில் அன்றிறவு எங்கள் தாத்தாவுக்கு படைப்பதற்காக அனைத்து வகை அசைவங்களையும் சமைத்திருப்பர். மட்டன், சிக்கன், மீன், நண்டு, இறால், கருவாடு, காடை, பயிறு பாயசம், முருங்கைக்கீரையுடன் எங்கள் தாத்தாவுக்கு மிக்வும் பிடித்த சார்மினார் சிகரெட், ஒரு குவாட்டர் ஆகியவற்றை படைத்து நாங்கள் சாப்பிட்டோம். ஆகா மீண்டும் அடுத்த மாட்டுப்பொங்கலுக்காக காத்திருக்கும் அளவுக்கு இருக்கும் அந்த விருந்து.

--------------------------------------------------

இன்று கவிதைப் பதிவுகள்

முதலாக எனது மதிப்பிற்குரிய அண்ணன் திரு. கேஆர்பி அவர்களின் அவர்களுக்கு வீடென்று எதுவும் இல்லை. அடுத்த கவிதை பாழாய்ப் போகும் நிலங்கள் (ஒரு பின் நவீனத்துவ கவிதை?). அடுத்த கவிதை மழை நாட்கள்...

மதிப்பிற்குரிய பெரியவர் புலவர் ராமனுசம் அவர்களின் எத்தனை காலம் ஆனாலும் !, அடுத்ததான என்றும் இளமை குன்றா மொழியே. அடுத்த கவிதையான மாட்டுக்கும் பொங்கலாம் இன்றே.

சாய்ராம்ஸின் கண்ணீரில் மிதந்து செல்லும் ரயில்.

குருசு சாக்ரடீசின் உள்ளங்கை தீவுகள்.

பாலகுமாரின் கந்தழி வட்டப்புள்ளி (அ) தனித்திருப்பவன் காமம்.

ரியாஸின் மழலையாகிறேன்..!

ராஜா சந்திரசேகரின் மழையில்.

நாகேந்திர பாரதியின் வயதும் வருடமும்.

நன்றி.

ஆரூர் மூனா செந்தில்

எனது பதிவுகள்.

2012-01-16T15:38:00.000+05:30

நாம் எழுதிய நன்றாக ரசிக்கப்படும் என்று நாம் எழுதிய சில பதிவுகள் சில சமயம் வெத்து வேட்டாக போவதுண்டு. அது போல் நான் ரசித்து சிலாகித்து எழுதியவை சில, அவை என் பதின் வயதுகளில் என்னுடைய குறும்புகளின் தொகுப்பாக இருக்கும்.

ஒரு முறை என் பெரியம்மா வீட்டுக்கு போய் திருவிழாவுக்காக ஒரு கிராமத்திற்கு வாங்கி வந்த பரபரப்பான பல்பு. ஆனால் அது அதிக பதிவர்களிடம் வரவேற்பை பெறாமல் போனது.

பிறகு ஏதோ ஒரு தலைவரின் கடைசி நாளை எழுதப்போக அது நன்றாக மற்ற பதிவர்களால் கவனிக்கப்பட்டு அதன் பிறகு மாதம் 10 தலைவர்களின் கடைசி நாட்களை எழுதி வருகிறேன்.

அதன் பிறகு திரை விமர்சனங்கள். எப்பொழுதும் சிபி அண்ணன் தான் முதல் விமர்சனத்தை எழுதுவார். ஆனால் நான் சென்னையில் இருப்பதால் சில பெரிய படங்களுக்கு சிறப்புக்காட்சிகள் அதிகாலையிலேயே நடக்கும் தியேட்டருக்கு சென்று படம் பார்த்து விட்டு எழுதிய சினிமா விமர்சனங்கள் தான் அதிக ஹிட்களை பெற்றுக் கொடுத்திருக்கின்றன.

ஆரூர் மூனா செந்தில்

வலைச்சரத்தில் ஆரூர் மூனா செந்திலாகிய நான் இன்று முதல்.

2012-01-16T10:55:00.003+05:30

சக பதிவர்களுக்கு என் இனிய வணக்கங்கள்,

இன்றிலிருந்து ஒரு வாரத்திற்கு வலைச்சரத்தின் ஆசிரியர் பொறுப்பேற்கும் நான், இந்த பொறுப்பிற்கு என்னை பரிசீலித்து நியமனம் செய்த அன்பின் சீனா அய்யா அவர்களுக்கும், திரு. தமிழ்பிரியன் அவர்களுக்கும், சகா. தமிழ்வாசி பிரகாஷ் அவர்களுக்கு என் இனிய நன்றிகளை தெரிவித்துக் கொள்கிறேன்.

சக வலைப்பதிவர்கள் அனைவருக்கும் என் இனிய பொங்கல் நல்வாழ்த்துக்கள். திமுகவினருக்கு மட்டும் தமிழ் புத்தாண்டு நல்வாழ்த்துக்கள் (துவங்கியவுடனே உள் குத்தா).

இன்று என்னைப் பற்றிய சுய அறிமுகம் என்று சொன்னார்கள். எனக்கெல்லாம் தேவையா என்று நினைத்தாலும் பெரியோர்களுக்காக அவையடக்கத்துடன் ஏற்றுக் கொள்கிறேன்.

என் இயற்பெயர் செந்தில் குமார். கடந்த ஒரு வருடமாக தோத்தவன்டா என்ற வலைப்பதிவை ஆரூர் மூனா செந்தில் என்ற பெயரில் நடத்தி வருகிறேன். இதனால் எனக்கு கிடைத்த பலன் அறிவு சார் நண்பர்கள் மட்டுமே.

எனது பூர்வீகம் திருவாரூர். பிழைக்க சென்னை. ஆனால் என் அப்பாவுக்கு பூர்வீகம் பட்டுக்கோட்டை. பிழைக்க திருவாரூர். சரி என் பாட்டனாரை எடுத்துக் கொணடால் பூர்வீகம் திருக்காட்டுப்பள்ளி, பிழைக்க பட்டுக்கோட்டை. முப்பாட்டனார் நீடாமங்கலம் பகுதியை பூர்வீகமாக கொண்டவர் பிழைக்க வந்தது திருக்காட்டுப்பள்ளிக்கு. இதனால் என்ன தெரிகிறது என்றால் யாருடைய பூர்வீகத்தை எடுத்துக் கொண்டாலும் இரு தலைமுறைகளுக்கு மேல் ஒரே ஊராக இருந்திருக்க வாய்ப்பில்லை. (போதும்டா மொக்கை என்பவர்களுக்காக இத்துடன் முடித்துக் கொள்கிறேன்.)

நான் திருவாரூரில் உள்ள வ.சோ. ஆண்கள் மேல்நிலைப்பள்ளியில் பள்ளி இறுதி வகுப்பு வரை படித்தவன். பட்டயப்படிப்பிற்காக சென்னையில் உள்ள ஐசிஎப்பில் சேர்ந்து மூன்றாண்டுகள் படித்து முடித்து தனியார் கட்டுமான நிறுவனத்தில் நிர்வாக அதிகாரியாக 10 வருடம் வேலை பார்த்தவன். தற்போது ரயில்வேயில் பொறியாளராக பணியில் சேர இருக்கிறேன்.

நாளை முதல் இரண்டு பாராவாக எழுத இருக்கிறேன். முதல் பாரா என்னுடைய பதிவு, இரண்டாவது பாரா புதிய பதிவர்கள் பற்றிய அறிமுகம். தினம் ஒருவராக அறிமுகப்படுத்தலாம் என்று இருக்கிறேன்.

மீண்டும் நாளை சந்திப்போம்.

ஆரூர் மூனா செந்தில்.

ஆரூர் முனா செந்திலுக்கு பொறுப்பை தருகிறார் சென்னை பித்தன்

2012-01-15T21:20:00.001+05:30

அன்பின் சக பதிவர்களே!

இன்றுடன் முடியும் வாரத்திற்கு பொறுப்பேற்றிருந்த ஐயா சென்னை பித்தன் அவர்கள் தனது வலைச்சர ஆசிரியர் பொறுப்பினை மிகச் சிறப்பாக நிறைவேற்றி மன நிறைவுடன் நம்மிடமிருந்து விடை பெறுகிறார்.

இவருடைய சுய அறிமுக இடுகையுடன் சேர்த்து மொத்தம் ஒன்பது இடுகைகள் எழுதியுள்ளார். சுய அறிமுகம் இல்லாமல் மற்றைய இடுகைகளில் சுமார் தொண்ணூற்றி ஐந்து பதிவுகளை அறிமுகம் செய்து சுமார் 300க்கும் அதிகமான மறுமொழிகளைப் பெற்றுள்ளார்.

தனது வலைச்சர ஆசிரியர் பொறுப்பினை மிகச்சிறப்பாக செய்து முடித்த ஐயா சென்னை பித்தன் அவர்களை "சென்று வருக!" என வாழ்த்தி வழியனுப்புவதில் வலைச்சரக் குழு பெருமையடைகிறது.

நாளை முதல் துவங்கும் வாரத்திற்கு ஆசிரியர் பொறுப்பேற்க இருப்பவர் "தோத்தவன்டா" என்ற வலைப்பூவை எழுதி வரும் செந்தில்குமார் என்ற ஆரூர் மூனா செந்தில் அவர்கள். திருவாரூரை பூர்வீகமாக கொண்ட இவர் டிப்ளமோ படிப்பு முடித்து சில வருட காலம் சென்னையில் பெரிய கட்டுமான நிறுவனம் ஒன்றில் மண்டல அதிகாரியாக பணியாற்றியுள்ளார். தற்போது ரயில்வேயில் நுழைவுத்தேர்வு மூலம் வெற்றி பெற்று முக்கிய பணிக்கு இன்னும் சில நாட்களில் செல்ல உள்ளார்.

இவர் தனது வலைப்பதிவை 2010இல் துவங்கி தன் அனுபவங்களையும், வரலாற்று குறிப்புகளையும் எழுதி வரும் இவர் இன்னும் சிறப்பான முறையில் எழுத வேண்டும் என விரும்புகிறார்.

ஆரூர் முனா செந்தில் அவர்களை வருக! வருக என வாழ்த்தி வரவேற்று ஆசிரியர் பொறுப்பினில் அமர்த்துவதில் பெருமகிழ்ச்சி அடைகிறேன்.

நல்வாழ்த்துக்கள் ஐயா சென்னை பித்தன்...
நல்வாழ்த்துக்கள் ஆரூர் முனா செந்தில்....

வாழ்க வளமுடன்,
நட்புடன்,
தமிழ்வாசி பிரகாஷ்.

அனைத்து உள்ளங்களுக்கும் வலைச்சர குழுவின் சார்பாக "இனிய பொங்கல் நல்வாழ்த்துக்களை" தெரிவித்துக் கொள்கிறேன்.

நாள்-7-பல்சுவை வேந்தர்கள்,வல்லவர்கள்!

2012-01-15T10:49:00.001+05:30

இந்த வலைச்சரம் தொடுக்கும் முன்பே இருமுறை என் வலைப்பதிவில் வலைப்பூ மாலை கட்டியிருக்கிறேன்.பதிவுகளின் தலைப்பை வைத்துக் கட்டப்பட்ட மாலைகள் அவை. அம்மாலைகளில் ரோஜா,மல்லிகை,முல்லை,ஜாதி,சம்பங்கி எனப் பல மலர்களிருக்கின்றன.அனைத்தும் என்னைக் கவர்ந்த மலர்கள். எனக்குப் பிரியமானவை அந்த மலர்களில் சிலவற்றையும் வேறு சில மலர்களையும் எடுத்து உங்கள் பார்வைக்கு சமர்ப்பிக்கிறேன். வெல்லப் பிள்ளையாரில் எந்தப்பக்கம் இனிப்பு என்று சொல்வது? எனவே வலைப்பூக்களில் எந்தப் பதிவையும் குறிப்பிட்டுச் சொல்லாது, வலைப்பூக்களை மட்டும் பகிர்கிறேன்.

------------------------------------------------------------------------------------------------------------

----------------------------------------------------------------------------
படித்த பின்னும் நினைத்துப் பார்க்கத்தூண்டும் பதிவு--நினைத்துப்பார்க்கிறேன்

நெஞ்சில் தங்கும் மனோகரப் பதிவுகளுக்கு- நண்பர் நாஞ்சில் மனோ.

இது வெறும் கவிதைவீதி மட்டும் அல்ல, கலக்கல் வீதி!

நல்ல பதிவுகளின் சரணாலயம் இந்த வேடந்தாங்கல்

இது நாமெல்லாம் உணர வேண்டிய உலகம் .நல்லதை உணர்த்தும் உலகம்-    உணவு உலகம்

நம்மை    வலை வீசி இழுக்கிறார் இந்த வலைஞன்.

நம் நினைவிலிருந்து   வெட்டி விட முடியாத பேச்சு இந்த கொஞ்சம் வெட்டிப்பேச்சு!

இவர் எழுதும் ஒவ்வொரு வரியும் பளீரென்று ஒளிரும் மின்னல் வரிகள்

இந்த மெட்ராஸ் பவன்ல ஸ்பெசல் மீல்ஸ் சாப்பிட்டுப் பாருங்க! அறுசுவை.

ஃபிலாசஃபி என்றால் தத்துவம்.ஆனால் அது என்ன தத்துப் பித்துவம் ?தெரிஞ்சுக்கலாமா?

இவர்,ஒரு ராஜபாட்டைக்கு என் ராஜபாட்டை என்று சொந்தம் கொண்டா டுகிறார். ராஜ நடைதான்!

நண்பர்கள் கூட்டம் என்றால் கொண்டாட்டம்தான்!எத்தனை சுவையான பேச்சுக்கள்!ரசிக்கலாம்!

உலகே மாயம் என்பர்..மாய உலகத்தில் எத்தனை எத்தனை ரசிக்க வைக்கும் காட்சிகள்!

நாற்றில்லாமல் பயிருண்டோ!இந்த நாற்று இல்லாமல் பதிவுல குண்டோ!

நல்ல பயனுள்ள கருத்துக்களை   அனைவருக்கும் ஆணித் தரமாகச் சொல்பவர் இவர்.அவரே சொல்வது போல் counsel for any..

சிறகுகள் காற்றில் பறந்தால் வானம் தாண்டுமோ!மென்மையான பறக்கும் சிறகு போல் இந்த வலைப்பூஜீ

வலைப்பூவின் தலைப்பே எவ்வளவு அழகு!நுனிபுல்லில் ஓர் பனித்துளி!அழகான பதிவுகளும்.

இவர் எழுத்துகள் ஆயுதம்தான்.நம இதயத்தில் நுழையும் ஆயுதம்

இந்த சிட்டுக்குருவியின் சமூகம் சார்ந்த சொற்சித்திரங்கள் அருமை.

இவர் ஒரு nighthawk.சமூகப் பிரச்சினைகளை எழுதுபவர்.அதிகம் எழுத வேண்டும்

இவை சில பகிர்வுகள் மட்டுமே!

நன்றி! வணக்கம்!

-------------------------------------------------------------------
எந்நன்றி கொன்றார்க்கும்!
-----------------------------------------
இந்த ஒரு வாரம் வலைச்சரப் பொறுப்பை என் மீது நம்பிக்கை வைத்து எனக்களித்த சீனா அவர்களுக்கும்,

நான் பகிர்ந்ததைப் படித்துப் பின்னூட்டமிட்டவர்க்கு,படித்து ஆனால் பின்னூட்டமிடாதவர்க்கும்,

தினம் தொலைபேசியில் தொடர்பு கொண்டு அன்றைய பதிவு பற்றிக் கருத்துரைத்த அன்பு நண்பர்க்கும்,

ஏதோ ஒரு விதத்தில் ஆதரவு தந்த அனைத்து அன்பு நெஞ்சங் களுக்கும்,

நன்றி,நன்றி,நன்றி.

இன்று தமிழர் திருநாள்.

அனைவருக்கும் என் மனங் கனிந்த பொங்கல் வாழ்த்துகள்!

பொங்கும் மங்கலம் எங்கும் தங்குக!

நாள்-6 -பொங்கி வரும் புதுப்புனல்!

2012-01-14T16:15:00.006+05:30

சென்ற ஆண்டு - 2011-கலக்கத்தொடங்கியிருக்கும் சில பதிவர்கள் பற்றிய பதிவு இன்று.

தேடல் கொண்டவர்கள் இளைப்பாறிச் செல்ல தண்ணீர்ப்பந்தல் அமைத்திருக்கிறார் வே.சுப்ரமணியன்.இவரது கடவுள், கத்தரிக்காய், வெங்காயம், மனிதன் ஒரு நல்ல பதிவு.

மனிதனின் மகிழ்ச்சிக்குத் தேவையான் மூன்று முத்துக்கள் என்ன தெரியுமா?சொல்கிறார் திண்டுக்கல் தனபாலன்.

குடியா குடிமகன் இவரின் படைப்பு, மரணம்-அதை ஒரு சிறுகதை முயற்சி என்று சொல்கிறார் இவர்--ஒரு சிறந்த சிறுகதை.

இவர் தி.தமிழ்இளங்கோ பக்குடுக்கை நண்கணியாரின் புறநானூற்றுப் பாடல் பற்றிய இவரது பதிவில் இலக்கிய மணம் கமழ்கிறது.

எனக்குப் பிடித்தவை உங்களுக்கும் பிடிக்கும் என்று சொல்லும் இவருடைய உன்னோடு நானிருந்த என்ற கவிதை நினைவில் நிற்கும்.

2010 இல் பதிவு தொடங்கினாலும் 2011 இல் தான் அதிகம் எழுதியிருக்கிறார் டி.என்.முரளிதரன்.இவரது காதில் விழுந்த கவிதை குட்டிக் கவிதைதான். ஆனால் ’நச் ’ ரகம்

முன்பனிக்காலம் பூவின் பெயர்.24 பதிவுகள் எழுதியிருக்கிறார்.இதைப் படித்துப் பாருங்கள்

2010 இல் தொடங்கப்பட்டாலும் இந்த வீடு 2011 இலிருந்துதான் அதிக நடமாட்டம் உடையதாக இருக்கிறது!பாருங்கள் சுரேஷ்குமாரின் அழகிய வீடு.

இவர் ”ஒயினுக்குப் பேர்போனது கோவா... ஒலகத்துல நடக்குறத எழுதுறேன் ராவா...” என்ற அறிமுகத்தோடு பதிவிடுகிறார்-மதுரை அழகு.

விநோதினியின் இந்தக் கிறுக்கல்களை ரசிக்கலாம்

ப.பிரகாஷ் அவர்களின் பெயரில்லாத வலைப்பூ! கொஞ்சம் வித்தியாசமான சிந்தனைகள்.ஒரு உதாரணம்

இவை மணம் வீசும் ஒரு சில புது மலர்களே.இன்னும் உண்டு எத்தனையோ வாசப் புது மலர்கள்.தேடிப் படியுங்கள்!

நாள்-5 (மாலை) -வழிகாட்டிகள் இவர்கள்!

2012-01-13T20:48:00.001+05:30

ஒரு கணினி உபயோகிப்பவரின் சந்தேகம்”எனது மின்னஞ்சலுக்கு பெறுநரிடமிருந்து பதில் வரவேண்டுமென்றால் நான் ஒரு சுய விலாசமிட்ட, தபால் தலை ஒட்டப்பட்ட உறை இணைக்க வேண்டுமா?!”

--------------------------------------------

ஒரு பெண் திரும்பத் திரும்ப வாசலுக்கு வந்து கடிதப் பெட்டியைத் திறந்து பார்த்து விட்டுச் சென்று கொண்டிருந்தாள்.

பக்கத்து வீட்டுக்காரர் அவளைக் கேட்டார்”என்ன செய்கிறீர்கள்”

அவள் சொன்னாள்”இந்த முட்டாள் கணினி ’தபால் இருக்கிறது’ என்று சொல்லிக் கொண்டே இருக்கிறது.வந்து பார்த்தால் ஒன்றும் இல்லை!”

------------------------------------------

இன்றைய கால கட்டத்தில் கணினி என்பது ஒரு இன்றியமையாத சாதனமாய் மாறியிருக்கிறது.சாதாரணமாகக் வீட்டுக்கணினிகளைப் பெரும்பாலோர்,மின்னஞ்சல் அனுப்பவும்,பெறவும் அல்லது அயல்நாட்டு உறவுகளோடு உரையாடவுமே பயன் படுத்துகிறார்கள். என்னைப் போன்று சிலர் அதற்கும் மேல் வலைப்பூ எழுதவும் பயன் படுத்து கிறார்கள்.இவர்களுக்கு அதிகப்படியான தொழில் நுட்பமெல்லாம் தெரியாது. அதெல்லாம் கிரேக்கமும் லத்தீனும்தான்தான். அப்படிப்பட்டவர்களுக்காகத் தொழில் நுட்பத்தை எளிதாக்கிப் புரிய வைக்கும் வித்தகர்கள் பலர் இருக்கிறார்கள்.இது வரை அவர்களைத் தொடுக்காத சரம் இல்லை. அவர்களில் சிலர்..

மனித உடலுக்குப் பிரச்சினையென்றால் மருத்துவரிடம் போகிறோம். கணினிக்கு என்ன பிரச்சினை என்று அறிய சிஸ்டம்டாக்டரைப் பார்க்கச் சொல்கிறார் வேலன்!---

புதிதாக வலைப்பூ தொடங்க விருப்பமா?கவலை ஏன்?உதவுகிறார் ப்ளாக்கர் நண்பன்.ப்ளாக் தொடங்குவது எப்படி என்று இதுவரை 13 பகுதிகள் எழுதியிருக்கிறார்-

புதிய ப்ரிண்டர்,மானிட்டர் போன்ற உபகரணங்கள் வாங்க வேண்டுமா? வாங்கும் முன் கவனிக்க என்று பதிவுகள் எழுதியுள்ளார் இவர்.

உங்கள் ப்ளாக்கில் நகரும் ஃபெவிகான் இணைக்க வேண்டுமா?

பாருங்கள் பொன்மலர்பக்கம்-

உங்கள் பதிவின் முடிவில் கையெழுத்து வரவைக்க வேண்டுமா? இதோ பதில் தருகிறார் வைரை சதீஷ்-

உங்கள் டெஸ்க்டாப் ஐகான்களை அழகு படுத்த என்ன செய்ய வேண்டும் என்று சொல்கிறார் சூர்யாகண்ணன்.

கூகிள் ஆட்சென்ஸ் பற்றிக் கேள்விப்பட்டிருப்போம்.ஆனால் அதை எப்படிப் பெறுவது என்பதெல்லாம் பலருக்குத் தெரியாது.இது குறித்த சந்தேகங்களுக்குப் பதிலளிக்கிறார் பிரபுகிருஷ்ணா.நாமும் கற்போம்!

நீங்கள் வீடியோக்கள் தரமிறக்குவதில் விருப்பம் உள்ளவரா? அனைத்துவித தளங்களில் இருந்தும் வேகமாக வீடியோக்கள் தரமிறக்க என்ன செய்ய வேண்டும் என்று சொல்கிறார் வடிவேலன்.

மிக ரகசியமான செய்தி ஏதாவது மின்னஞ்சலில் அனுப்ப வேண்டுமா? அதற்கென்றே ஓர் இணையதளம் இருக்கிறதாம். சொல்கிறார் சிம்மன்

உங்கள் கணினியில் இணைய வேகத்தை அதிகரிக்க வேண்டுமா? அதற்கு வழி சொல்கிறார் கவிரூபன்

நாளை வேறு சரம் தொடுக்கலாம்!

நாள் 5 -சீவன் என்ன சிவன் என்ன வேறில்லை!

2012-01-13T08:34:00.002+05:30

"விருந்துண்டோம்,அரு மருந்துண்டோம்

கரும்புக் கவிதைச் சாறுண்டோம்- பெரும்

பேறுதான் பெறவேண்டி இந்நாளில்

சிறிதே ஆன்மீகச் சுவை உண்போம் நாம்"

ஒரு கோவில் குடமுழுக்கின் போது மண்டபத்தில் ஆன்மீகச் சொற் பொழிவு நடந்து கொண்டிருந்தது.சொற்பொழிவாளர் கடவுள் பற்றி விரிவாகச் சொல்லிக் கொண்டிருந்தார்.இறைவன் எங்கும் இருப்பவன், அவன் இல்லாத இடம் இல்லை என்று அவர் சொன்னபோது,கூட்டத்தில் ஒருவன் எழுந்து கேட்டான்”அவன் எங்கும் இருப்பவன் என்றால் எங்கு வேண்டுமானாலும் வணங்கிக் கொள்ளலாமே,கோவில்கள் எதற்காக?”

சொற்பொழிவாளர் கேட்டார்”உங்களுக்குக் காற்று வீசுகிறதா?”

அவன் சொன்னான்”ஆம்”

”எதனால்”

“மின் விசிறி இருப்பதால்”

“காற்றுதான் எங்கும் நிறைந்திருக்கிறதே,பின் மின் விசிறி எதற்காக?”

அவன் திகைத்துப் போனான்.

இப்போது ஆன்மீகம் பற்றிச் சிறிது பார்க்கலாமா?

தமிழ் வலைப்பதிவுலகில் மிகவும் புறக்கணிக்கப்பட்ட ஒரு துறை ஆன்மீகம் என நான் நினைக்கிறேன்.ஆன்மீகப் பதிவுகளுக்கு அவ்வளவாக வரவேற்பு இருப்பதில்லை.

இருந்தும் தொடர்ந்து ஆன்மீகம் பேசும் பதிவர்கள் இருக்கத்தான் செய்கிறார்கள்.

அப்படி நான் அறிந்த சில பதிவர்களைப் பார்க்கலாமா?

இந்த வலைப்பூவில் முதன்மை பெறுவது

1. மானுடம் - அது சார்ந்த ஆன்மீகம்
2. தமிழ் - அதை முன்னிறுத்தும் ஆன்மீகம்

ஆம்! இதுதான் மாதவிப்பந்தல்! கண்ணபிரான் ரவிசங்கரின் வலைப்பூ!

நான் ஒரு சிவபக்தன்.தொலைபேசியை எடுத்தவுடன் ஹலோ என்று சொல்லாமல் “ஓம் நமச்சிவாய’ என முகமன் சொல்பவன்,சிவனின் பெருமைகள் பற்றி 46 பதிவுகள் ஒருவர் எழுதியிருக்கிறார் என்றால் ,ஆகா,அதை விட எனக்கு வேறென்ன வேண்டும்?

ஆம்! குமரன் அவர்களின் கூடல் பற்றித்தான் சொல்கிறேன்.பாருங்கள்

வேதத்தின் அந்தம் வேதாந்தம்.அவைதாம் உபநிடத்துகள்.அவற்றில் சொல்லப்படாத கருத்துகள் இல்லை.முக்கியமான உபநிடத்துகளில் ஒன்றாகப் பேசப்படுவது, கடோபநிசத்து.சிறுவன் நசிகேதன் யமலோகம் சென்று,எமனிடம் வரங்கள் பெற்றுத் தன் கேள்விகளுக்கு எமனிடம் பதில் பெறுகிறான்.அவை நசிகேதனுக்கு மட்டுமல்ல.நமக்கும் வழி காட்டிகள்தான். இத்தகைய கடோபநிசத்தை மிக எளிமையாக வெண்பா வடிவில் அருமையான விளக்கத்துடன் தருகிறார் அப்பாதுரை நசிகேத வெண்பா என்ற தலைப்பில்.

ஆன்மீக நாட்டமுள்ளவர்கள் கோவில்களுக்குப் போவதிலும் அவை பற்றி அறிவதிலும் தாகமுள்ளவர்களாகத்தான் இருப்பர்.அத்தாகத்தைத் தீர்த்து வைக்கிறார் தன் மணியான பதிவின் மூலம் திருமதி இராஜராஜேஸ்வரி.கோவில்கள் பற்றிய செய்திகள்,தல புராணம்,அழகிய படங்கள் என்று ஒரே பக்தி மணம்!

”குருவாய் வருவாய் அருள்வாய் குகனே”

கந்தரனுபூதி படித்ததுண்டா?அந்தப் பாடல்களைப் பதம் பிரித்து அருமையாக விளக்கம் தருகிறார் ஆத்திகம் பதிவில்.படிக்கப் படிக்க சுவைக்கிறது

இப்போது ஒரு ஆன்மீகப்பயணம் போகலாமா,அழைத்துச் செல்பவர் திருமதி கீதா சாம்பசிவம் அவர்கள்.”நமச்சிவாய வாழ்க,நாதன் தாள் வாழ்க “ என்று 20க்கும் மேற்பட்ட பதிவுகள் எழுதியுள்ளார்.அருமை!

நமக்கெல்லாம் கந்த சஷ்டிக் கவசம் தெரியும்;சண்முகக்கவசம் தெரியும். ஆனால் ஆறு படை வீடுகளுக்கும் தனித்தனிக் கவசம் எழுதியி ருக்கிறார் தோழி.படிக்கக் கிடைத்ததே ஒரு பாக்கியம்.பதிவின் பெயரே ஆன்மீகம்

தைத்திரீய உபநிடதத்தின் முதல் பகுதி சீக்ஷாவல்லி என்பது.குரு- சீடன் தொடர்பு பற்றிப் பேசுகிறது .அதைப் பற்றி அருமையாக விளக்குகிறார் மதுரையம்பதி.

கடைசியாக திருமந்திரம் பற்றிய ஒரு பதிவின் அறிமுகம். நமக்குத் தொழில் பேச்சு என்று திருமந்திரப் பாடல்கள் பற்றி எழுதுகிறார் மதுரைசொக்கன். இந்தப் பதிவை முதல்நாள் அறிமுகம் செய்யலாமா வேண்டாமா என்ற குழப்பம்.எனவே இப்போது செய்கிறேன். ஜூலை மாதத்துக்குப் பின் எதுவும் எழுதவில்லை! எழுதுவாரா?!

போதுமா ஆன்மீகம்?

நாள்-4(மாலை)--இசை கேட்டால்!

2012-01-12T16:50:00.001+05:30

ஓய்வாகச் சாய்வு நாற்காலியில் சாய்ந்து கவிதை படித்து விட்டோம். இப்போது தூக்கம் லேசாகக் கண்களைத் தழுவுகிறதோ?கொஞ்சம் இசை கேட்டுக் கொண்டே துயிலில் ஆழலாமா?எடுங்கள் ஐ பாட்டை,காதில் செருகுங்கள் இயர் ஃபோனை.கேளுங்கள் பாட்டு!

கதிரி கோபால்நாத்தின் சாக்ஸில் தவழ்ந்து வரும் கர்நாடக சங்கீதம்.ரசியுங்கள்

தமிழ் திரைப்பாடல்களில் கர்நாடக சங்கீத ராகங்கள் இணயும்போது அந்தப்பாடல் மேலும் இனிமையாகிறது.கேளுங்கள் பிருந்தாவன சாரங்கா ராகத்தில் அமைந்த பாடல்களை

ஸ்ரீராகத்தில் அமைந்த ஒரு பாடல்,சிட்டிபாபுவின் இனிய வீணை

இசையோடு இணைந்த பாடல் கேட்டு ரசியுங்கள்.

ஒரு புதுமையான பாடல்.மாம்பலம் சகோதரிகளின் குரலில்.பாடலைக்கேளுங்கள்;பாடல் வரிகளையும் படியுங்கள்.இதோ

நல்லிரவு!

நாள்-4-நமக்குத் தொழில் கவிதை

2012-01-12T05:50:00.000+05:30

நல்ல விருந்து உண்டாகி விட்டது. செரிக்க மருந்தும் சாப்பிட்டாகி விட்டது. என்ன செய்யலாம்?சாய்வு நாற்காலியில் அமர்ந்து கவிதை படிக்கலாமா? ஆனால் பாட்டுக் கலந்திட பத்தினிப் பெண் இல்லை; எனவே கூட்டுக் களியும் இல்லை!(கூட்டும் களியும் திருவாதிரை யன்றுதான்!)

எனவே கவிதை மட்டுமே!

"சற்றே துவையலரை, தம்பியொரு பச்சடிவை
வற்றல் ஏதேனும் வறுத்துவை- குற்றமிலை,
காயமிட்டு கீரைகடை, கம்மெனவே மிளகுக்
காயரைத்து வைப்பாய் கறி!"

இது இலக்கணத்துக்கு உட்பட்ட படைப்பே!ஆனால் இது கவிதை யாகுமா? இலக்கணத்துக்கு உட்பட்டு எழுதிய ஒரே காரணத்தால் எதுவும் கவிதையாகி விட முடியாது.இது வெறும் செய்யுள்;கவிதையல்ல.

பள்ளிப்பருவத்தில் எனக்குப் பாரதி பரிச்சயமானான். கல்லூரிப் பருவத்தில் கம்பன் கைகோத்தான். பின், கணையாழியும், கசடதபறவும் புதுக் கவிதையை எனக்கு அறிமுகம் செய்து வைத்தன.மரபுக்கவிதை புதுக்கவிதை இரண்டுமே என்னைக் கவர்ந்தன.புதுக்கவிதைக்கு இலக்கணம் இல்லாமல் இருக்கலாம். ஆனால் அதைப் படிப்பவன் மனதில் பச்சென்று ஒட்டிக்கொள்ள வேண்டும்.ஒரு ஒலி நயம் வேண்டும்.வெறும் வாக்கியங்களை மடித்துப் போட்டுக் கவிதை என்று சொல்லும் ஒரு அபாயம் இருக்கிறது.அவையெல்லாம் கம்பாசிட்டர் கவிதைகளே!

பதிவுலகில் தங்கள் கவிதைகளால் கலக்கும் பதிவர்கள் பலர்.அவர்களுள் நான் ரசித்த சிலர் பற்றிய பகிர்வே இன்று.

பதிவின் பெயரே கவிதைகள் என்றால்,நான் வேறெதுவும் சொல்லவும் வேண்டுமோ?மரபுக் கவிதை மன்னன் இவர். குறிப்பிட்டு ஒன்றைச் சொல்லல் இயலாது.பாருங்கள்

இவர் மதுரை பாரதி.புதுக்கவிதையில் மட்டுமே தொட இயலும் என்ப வற்றை மரபுக்கவிதையிலும் அழுத்தமாகச் சொல்பவர். ரிக்‌ஷாக்கார மாரிமுத்துவின் திருமணம் பற்றி இவர் எழுதிய கவிதை “நானாச்சு,நீயாச்சு” அருமை.

வசந்த மண்டபத்துக்கு நம்மை அழைத்துச்செல்கிறார் இவர்.நலிந்துவரும் தமிழ்நாட்டுக்கலைகள் பற்றி இவர் எழுதிய கவிதைகள்

பறையடிச்சி பாடி வந்தோம்-----

நூலிழை கைகொண்டு

இவர் அம்பாளடியாள்;நான் இவர் கவிதைகளடியான்.காதல் பற்றிய இவரது கவிதைகள் மகிழ வைக்கும்;கலங்க வைக்கும்;வியக்க வைக்கும்.பாருங்கள்

இவர் குட்டிக் கவிதைகளில் பெரிய விஷயங்களை நறுக்கென்று சொல்லும் கவித்துரை—துரை டேனியல்

இவர் அழகான கவிதைகள் எழுதும் கவிக்கிழவன்!

இவரது தூரிகையின் தூறல் கவிதைத் தூறல். மதி போன்ற கவிதைகளில் மது இருக்கும்-

மேலோட்டமாகப் படித்து விட்டுப் போக முடியாது இவர் கவிதைகளை. முதலில் அந்த வார்த்தை ஜாலங்கள்,பின் உள்ளிருக்கும் கருத்து; பொறுமையாய்ப் படிக்க வேண்டும்.இது கலியுகம்

இவர் ஒரு கவி மன்னர்தான்.சமீபத்திய ஒரு கவிதையில் தான் ஏன் கவி மன்னராயிருக்கிறார் என்பதை இவரே சொல்கிறார்.ரமணியம்!

கன்னங்களால் முத்தமிடுவோம்!கவிதைகளால் எழுதப்படுவோம் என்று சொல்கிறார் இவர். கவிதைகளுக்காக இவர் முத்தமிடப் படலாம்!

நதியில் விழுந்த இலை,இந்தப் பூவின் பெயர்.இவரது கடவுளும் சாத்தானும் என்ற வித்தியாசமான சிந்தனை கொண்ட கவிதை அருமை

காதலும் காதல் சார்ந்த உளறல்களும் கவிதையாய் மலர்ந்தால்?!- பாருங்கள் இந்தக் காதலில் உதிர்ந்தாய்--

கவிதைச் சரத்தில் இந்த சில ரோஜாக்கள் இல்லாவிட்டால் எப்படி? ஒவ்வோரு ரோஜாவும் ஒவ்வொரு நிறம்!

வேல்கண்ணன் கவிதைகள் பல பத்திரிகைகளில் வெளி வந்திருக்கின்றன. படித்துப் பாருங்கள் இந்த அமிழ மறுக்கும் பந்துகள்.

இந்த மழையில் கொஞ்சம் நனைந்து பாருங்களேன்.என்ன ஒரு கற்பனை இந்தக் கவிதையில்?

இன்னும் இருக்கிறார் எத்தனை எத்தனையோ.இது கடற்கரையில் நான் பொறுக்கிய சில கிளிஞ்சல்கள் மட்டுமே!

வலைச்சரம் நாள் 3-- விருந்துக்குப் பின் மருந்து!

2012-01-11T07:20:00.000+05:30

ஒரு இளம் மருத்துவர் ஒரு சிறிய கிராமத்து மருத்துவ மனையின் பொறுப்பேற்கச் சென்றார்.அங்கு அது வரை பணி புரிந்து வந்த வயதான மருத்துவர்,தான் அன்று சில நோயாளிகளைப் பார்க்கப் போகும்போது,புதிய மருத்துவரும் உடன் வந்தால் அறிமுக மாகிவிடும் என்று கூறி அவரையும் உடன் அழைத்துச் சென்றார்.

முதல் வீட்டில் இருந்த பெண், தனக்குக் காலை முதல் வயிற்றை வலிக்கிறது என்று கூற, பழைய மருத்துவர்,அவள் பழம் அளவுக்கு மீறிச் சாப்பிட்டதால் இருக்கும், எனவே பழைத்தைக் குறைத்துக் கொள்ள வேண்டும் எனவும் கூறினார்.

அவரது நோய் அறுதியீட்டைக் கண்டு வியந்த புதியவர் வீட்டை விட்டு வெளியே வந்ததும் அப்பெண்ணைப் பரிசோதிக்காமலே எவ்வாறு முடிவு செய்தார் என வினவினார்.

பழையவர் சொன்னார்”அவசியமேயில்லை.நான் அங்கு என் இதயத்துடிப்பு மானியைக் கீழே போட்டேன் அல்லவா.அதை எடுக்கக் குனிந்தபோது கட்டிலுக்கடியில் ஏழெட்டு வாழைப்பழத் தோல்களைக் கண்டேன். எனவே அந்த முடிவுக்கு வந்தேன்.”

எப்படி டயக்னோசிஸ்!

(இது பாதிக்கதை மட்டுமே!மீதிக்கதை தெரிய இங்கு போக வேண்டும்!)

ஆக மருத்துவம் கால்,மதி முக்கால் என்பது தெளிவாகிறது!

இப்போது இந்தக் கதை எதற்கு?

இன்று மருத்துவம்,மருத்துவம் சார்ந்த பதிவுகளைப் பார்க்கப் போகிறோம்.

நேற்று சாப்பாட்டில் ,சுவை காரணமாக அதிகம் சாப்பிட்டதால், அஜீரணம் ஏற்படும், அதற்குப் பாட்டி வைத்தியம் சொல்லுங்கள் என்று கேட்டிருந்தார் நண்பர் வாசு.இதோ அவர் கேட்ட பாட்டி வைத்தியம்! இங்கு நமது நோய்களுக்கான பாட்டி வைத்திய முறைகள் கொட்டிக் கிடக்கின்றன!

சமையலறை மருத்துவம் பாருங்கள், இந்தப் பெட்டகத்தில்.பல நாட்டு வைத்திய முறைகளும் இங்கு தெரிந்து கொள்ளலாம்.

இன்று இரத்தக் கொதிப்பு என்பது ஒரு தேசீய நோயாகி விட்டது. மாறி வரும் வாழ்க்கை முறைகளே அதற்கான பெருங்காரணமாக இருக்கின்றன. இதைக் கட்டுப்பாட்டில் வைக்க எளிய முறைகள் என்னவென்று சொல்கிறார் Dr.G.சிவராமன்.

நமது நாட்டில் 5 கோடிக்கும் மேற்பட்ட மக்கள் நீரிழிவு நோயினால் பாதிக்கப்பட்டிருக்கிறார்கள் என்று ஒரு புள்ளி விவரம் சொல்கிறது. 2030 இல் இது 8.7 கோடியாக உயரும் என்றும் சொல்லப் படுகிறது. அநேகர் இன்சுலின் ஊசி போட்டுக்கொள்கிறார்கள்.நமக்கெல்லாம் இன்சுலின் ஊசி தெரியும்; இன்சுலின் செடி தெரியுமா? அதை நமக்கு அறிமுகம் செய்விக்கிறார் திரு.குப்புசாமி.

நமது பல நோய்களுக்கு/குறைபாடுகளுக்கு எளிய சித்த மருத்துவக் குறிப்புகள் தருகிறார் கை.க.சோழன்.எல்லாமே சின்னச் சின்ன குறிப்புகள். தேவைப்படுவர்கள் முயன்று பார்க்கலாம்.

தைலங்களில்தான் எத்தனை வகை?வாத நோய்க்கு ,உடல் குளிர்ச்சிக்கு,வலிபோக,முடி வளர என்று எத்தனை தைலங்கள்? அவற்றின் செய்முறை பற்றியும்,பயன்கள் பற்றியும் விளக்கமாகச் சொல்கிறார் curesure4u.தைலங்களைச் செய்ய இயலாவிடினும், அவற்றின் பலன் தெரிந்து அவற்றை வாங்கிப் பயன் படுத்தலாமே!பாருங்கள் ஆயுர்வேத மருத்துவம்

இவரது உலகம் அன்பு மயமானது.ஆம்,அன்பு உலகம் ரமேஷ் பற்றித்தான் சொல்கிறேன்.நாம் அன்றாடம் பயன்படுத்தும் உணவுப் பொருள்களின் மருத்துவ குணங்கள் பற்றித் தொடர்ந்து எழுதி வருகிறார்;எளிய உடற்பயிற்சி முறைகள் பற்றியும் எழுதுகிறார். உடல் நலம் பேணப் பாருங்கள்.

மற்றொரு தளம்.நாம் பயன்படுத்தும் காய்,கனிகளின் இயற்கை மருத்துவ குணங்கள் பற்றிக் கூறும் தளம் ,இதோ!

சிறுநீரகத்தின் செயல்பாடுகள்,அது சரியாகச் செயல் படவில்லை யெனில் ஏற்படும் விளைவுகள்,அதற்கான அறிகுறிகள், யாருக் கெல்லாம் சிறுநீரகம் பாதிப்படையும்,சிறு நீரகத்தைக் காப்பதற்கான வழிமுறைகள் என்று விளக்கமாகச் சொல்லியிருக்கிறார் கனடா பதிவர் தென்றல்,கீரன் தகவல் பலகையில்.

வெங்காயத்துக்குப் பல மருத்துவ குணங்கள் உண்டு என்பது அனைவரும் அறிந்ததே.ஆனால் வெங்காயத்தை எப்படிப் பயன் படுத்தினால்,என்ன பலன்கள் கிடைக்கும் என்று விளக்கமாக 50 குறிப்புகளில் சொல்கிறார் சிவகுமாரின் சித்த வைத்தியத்தில்

காய்ச்சல் வராத மனிதர்கள் இருக்கலாம்.வயிற்றுப்போக்கு வராதவர்களும் இருக்கலாம்.ஆனால் ஜலதோசம் எனப்படும் சளித்தொல்லை வராதவர்கள் இருக்க முடியுமா?சளி பிடித்ததோ, சனி பிடித்ததோ என்பார்கள்.ஆங்கில மருத்துவத்தில்,மருந்து சாப்பிட்டால் ஒரு வாரத்திலும் சாப்பிடாவிட்டால் 7 நாட்களிலும் சரியாகி விடும் என்று சொல்வார்கள். அந்தச் சளிக்குச்,சித்த மருத்துவ முறைகள் சொல்கிறார் சாந்தன்

போதுமா?

நாள்-2--வயிற்றுக்கு ஈயப்படும்!

2012-01-10T07:10:00.000+05:30

ஒருவன் வியாபார நிமித்தமாய் வெளியூர் போக நேரிட்டது.அந்த ஊரில்தான் அவன் மாமியார் வசித்து வந்தார்.எனவே மதிய உணவுக்கு மாமியார் வீட்டுக்குச் செல்லத் தீர்மானித்தான்.மாமியாருக்கு முன் கூட்டியே தகவலும் அனுப்பி விட்டான்.

அவன் போன வேலை மதியத்துக்கு முன்பே முடிந்து விட்டது.சாப்பிட்டு விட்டு ஊருக்குத் திரும்ப வேண்டியதுதான்.

மாமியார் வீட்டில் விருந்து தடபுடலாக ஏற்பாடு செய்யப்பட்டிருந்தது. மாமியார் கொழுக்கட்டை அருமையாகச் செய்வார்கள்.எனவே அது விருந்தில் முக்கிய இடம் பெற்றது.அவன் வயிறு முட்டச் சாப்பிட்டான். குறிப்பாக 20 கொழுக்கட்டைகளுக்கு மேல் உள்ளே தள்ளினான். மாமியாரிடம் கேட்டான்”இது என்ன ?நான் சாப்பிட்டதே இல்லையே” என்று.

”மாப்பிள்ள! இது கொழுக்கட்டை.சரோஜா(மகள்) நல்லாச் செய்வாளே? செய்ததே கிடையாதா?” என்றாள்.

மாப்பிள்ளை புறப்பட்டான். பெயர் மறக்காமல் இருக்க ”கொழுக்கட்டை, கொழுக்கட்டை” என்று ஜபித்த படியே புறப்பட்டான்.நடுவில் பாதையில் தண்ணீர் தேங்கியிருந்தது.கால் நனையாமல் அதை ஒரே தாவலில் தாண்ட எண்ணி "அத்திரிமாக்கு” என்று சொல்லிய படியே தாண்டினான்.பின் அது வரை சொல்லி வந்ததை மறந்தவனாய் ”அத்திரிமாக்கு” என்று சொல்லிய படியே வீடு வந்து சேர்ந்தான்.

வீட்டுக்கு வந்து மனைவியிடம் “உன் அம்மா அத்திரிமாக்கு செய்திருந் தார்கள். பிரமாதம்.நீயும் அத்திரிமாக்கு செய்” என்றான்.

அவளுக்கு ஏதும் புரியவில்லை”அத்திரிமாக்கா?அப்படி எதுவும் கிடையாதே” என்றாள்.

வாக்குவாதம் நடந்தது.முடிவில் அவன் அவளை நன்கு அடித்து விட்டுக் கோபத்துடன் வாசலில் போய் அமர்ந்து கொண்டான்.

சத்தம் கேட்ட அடுத்த வீட்டுப் பாட்டி வந்து பார்த்தாள் ”அய்யய்யோ! இப்படி அடிச்சிருக்காறே!கொழுக்கட்டை கொழுக்கட்டையா வீங்கிப் போச்சே” என்றாள்.

அது அவன் காதில் விழுந்ததும்” அதேதான் ”என்று குதித்தானாம்.

ஆக, ஒரு ஆண் நாக்கு ருசிக்கு எந்த அளவு அடிமை எனத் தெரிகிறது.

அதனால்தான் சொன்னார்கள்"The way to a man's heart is through his stomach" என்று!

அப்படி அருமையாகச் சமைக்க உதவும் சில தளங்களை இன்று பார்க்கலாம்!

உணவுக்குப் பின்தானே மற்றதெல்லாம்!

எனவே ஒரு விருந்துடன் தொடங்கலாம்.

அம்மாவின் சமையல் என்றால் தனி ருசிதான்.முதலில் ஒரு சூப்புடன் ஆரம்பிக்கலாமா? பாருங்கள் அம்மாவின் சமையலில் காலிப்பிளவர் சூப்.

எத்தனையோ விதமான பாயசம் சாப்பிட்டிருப்பீர்கள்.உளுந்து பாயசம் சாப்பிட்டிருக்கிறீர்களா? எப்படி என்று சொல்கிறார் தர்ஷினி.

அடுத்ததாக அடுப்பங்கரையில் கொஞ்சம் எட்டிப்பார்க்கலாம்!என்ன செய்கிறார்கள்?அடடே,சொஜ்ஜியப்பம்!

வடையில் இத்தனை விதமா?அடேயப்பா!தனியாக ஒரு வடை விருந்தே வைக்கலாம் போலிருக்கிறதே!பத்து வித வடைகள் பற்றிச் சொல்கிறார் காஞ்சனா ராதாகிருஷ்ணன்

அடுப்பங்கரை,சமையலறை எல்லாம் ஒன்றுதான்.இங்கே ”என் சமைய லறையில்” சுவையான முள்ளங்கி சப்பாத்தி எப்படிச் செய்வது எனச் சொல்கிறார் கீதா.

சப்பாத்திக்குத் துணையாக ஒரு சப்ஜி வேண்டுமா?அனைவருக்கும் பிடித்த பன்னீர் பட்டர் மசாலா செய்து பார்க்கலாமா? வித்யாஸ் கிச்சனில் பார்க்கலாம்.

நல்ல காரசாரமான துவையல் ஒன்று இருந்தால் எப்படி இருக்கும்?இதோ பீர்க்கங்காய்த் துவையல் தருகிறார் ராகவன்

அடுத்ததாக ஒரு கலந்த சாதம்;வழக்கமான புளியோதரை,லெமன் சாதம் இவற்றுக்குப் பதிலாக கொத்தமல்லிச் சாதம் செய்து பார்க்கலாமா?இதோ ஆதி வெங்கட் சொல்கிறார்.

புதுமையான,சுவையான, பச்சடி ஒன்று சேர்ந்தால் எப்படி இருக்கும்? முருங்கைக்காய் கத்தரிக்காய் பச்சடி செய்முறை பற்றிச் சொல்கிறார் தேனம்மை லெக்ஷ்மணன்

பொரியலுக்கு ஒரு ஸ்டஃப்டு கத்திரிக்காய் செய்து பார்க்கலாம். சொல்பவர் தெய்வ சுகந்தி.

ரசமில்லாத சாப்பாடு ரசமில்லை என்று சொல்வார்கள். சுவை, ஆரோக்கியம் இரண்டும் சேர்ந்த பூண்டு ரசம் எப்படிச் செய்வது என்று அகிலாவின் அடுப்படியில் எட்டிப் பார்க்கலாமா?

கடைசியாக எதைச் சொல்வது, எதை விடுவது என்று தெரியாத ஒரு வலைப்பூ! எனது தமிழ்மண நட்சத்திர வாரத்தில் சாம்பார் பற்றி எழுதிய பதிவில் இவரது சின்ன வெங்காய சாம்பார் பற்றிய பதிவை வெளியிட் டிருந்தேன்.அதைப் படித்த அமெரிக்க நண்பர்கள் பலர் செய்து பார்த்து அசந்துபோக,அமெரிக்காவில் எல்லாத் தமிழ் வீடுகளிலும் அச்சாம்பார் மணக்கிறதாம்! பாருங்கள் ஜயஸ்ரீ கோவிந்தராஜனின் வலைப்பூ.செய்து பாருங்கள்!

வயிறு நிறைந்து விட்டதல்லவா?

நாள்-1-மூங்கையான் பேசலுற்றான்!

2012-01-09T08:30:00.002+05:30

பதிவுலகில் என் வாசிப்பு அனுபவம் குறைவே.இருப்பினும் ,சீனா அவர்கள் கேட்டவுடன் ஒப்புக்கொண்டேன்!காரணம்,நான் படித்தவற்றைப் பகிர்ந்து கொள்ளலாம் என்ற அவா!உங்களுக்குத் தெரியாத புதிய பதிவர்கள் என்று அநேகமாக யாரும் என் சரத்தில் இருக்கமாட்டார்கள். இவர்கள் யாருக்குமே அறிமுகம் தேவையில்லை. எனவே இதை அறிமுகம் எனக்கூறாது ,பகிர்வு என்று கூறுவதே முறை. எனது வாசிப்பு அனுபவத்தைப் பகிரும் இம் முயற்சியை, கம்பன் சொல்வது போல்”மூங்கையான் பேசலுற்றான் என்ன, யான் மொழியலுற்றேன்” என்றுதான் கூற வேண்டும்.

இந்த வாரம் முழுவதும் விருந்தா அல்லது மருந்தா என்பது கடைசி யில்தானே தெரியும்!

முதல் நாள் சுய அறிமுகம்.நானும் என் பதிவும் என்று நான் சொல்லும் போதே “நீயும் உன் மூஞ்சியும்” என்று யாரோ சொல்வது போல் உள்ளது!

விருப்ப ஓய்வுக்குப் பின் சமஸ்கிருதம்,ஜோதிடம் ,வேதம் என்று என்ன எல்லாமோ கற்றுப் பின் ஒரு நாள் தற்செயலாகத் தமிழ் வலைப்பதிவு அறிமுகமாகப், பின் பிறந்ததே “நான் பேச நினைப்பதெல்லாம்”. தொடக்கம் முதலே நிகழ்வுகள்,அனுபவம்,கதை என்று எல்லா வகையானவையும் எழுதிக்கொண்டிருக்கிறேன்;ஆனால் கவிதையில் கால் பதிக்கக்(கை பதிக்க?) கொஞ்ச நாள் ஆயிற்று.பள்ளி நாட்களில் பாரதியும்,கல்லூரி நாட்களில் கம்பனும்,கணையாழி,கசடதபற நாட்களில் புதுக்கவிதையும் அறிமுகமாகி எல்லா விதமான கவிதைகள் மீதும் ஓர் ஈர்ப்பு ஏற்பட்டிருந்தது.நான் எழுதுவது கவிதையா என எனக்குத் தெரியாது.இருப்பினும் என் படைப்புகள் சில உங்கள் பார்வைக்கு.

என்னுள் பிரவாகமாய்ப் பொங்கி வந்த ஒன்று-

ஊழிக்கூத்து-கவிதை முயற்சி.

எனது காதல்(காதலி) பற்றிய புலம்பல்கள்-
இன்னும் மறக்கவில்லை

சாந்தோம் சந்திப்புகள்

சாந்தோம் சந்திப்புகளின் முடிவு

சிறுகதையையும் விட்டு வைக்கவில்லை.எழுதியவற்றில் எனக்குப் பிடித்தது-

துணை

விதி

நாகரத்தினம்

கொஞ்சம் நகைச்சுவையும் முயன்றதுண்டு. நான் ஜோக்குகள் எழுதுவதைச் சொல்லவில்லை.வேறு பதிவுகள்.இதோ, மாதிரி

கண்ணும் கதையும்

பயண அனுபவம் எழுதியதில் ஒரு அனுபவம்!

பயணமும் எண்ணங்களும்

சென்னை பித்தன் ஆகிய என்னை சென்னைக் காதலன் என அழைத்து என் சென்னைக் காதல் பற்றி எழுதத்தூண்டி விட்டார் நண்பர் கக்கு மாணிக்கம் .

சென்னைக் காதல்

சென்னைக் காதல்-2

சென்னைக்காதல்-3

ஆனால் மிகுந்த வேகத்துடன் எழுத ஆரம்பித்து,நடுவில் பலமுறை தேங்கி, மீண்டும் வளர்ந்து,மீண்டும் தேங்கிப்போன ஒரு பதிவு, கட்டாயமாக நான் எழுதியே தீர வேண்டிய ஒரு பதிவு,”ஒரு வரலாறு" என்ற தலைப்பில் நான் எழுதி வந்த பதிவு.

ஒரு வரலாறு-அத்தியாயம் 4-

ஏதோ சில காரணங்களால் நின்றுபோன இப்பதிவைத்தொடர எல்லாம் வல்ல இறைவன் அருளும் நீங்கள் தரும் ஆதரவும் துணை நிற்கட்டும்.

போதுமா சுய அறிமுகம்?!

செல்விருந்தோம்பி வருவிருந்து காத்திருத்தல்

2012-01-08T20:40:00.006+05:30

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பேற்ற சகோதரி திருமதி கோமதி அரசு தான் ஏற்ற பொறுப்பினை மன நிறைவுடன் நிறைவேற்றி மகிழ்ச்சியுடன் நம்மிடமிருந்து விடை பெறுகிறார்.

இவர் தன் சுய அறிமுகப் பதிவில் அறிமுகப் படுத்திய இவரது சொந்தப் பதிவுகள் தவிர, மற்றவர்களின் பதிவுகளில் 54 பதிவுகள் அறிமுகப் படுத்தி இருக்கிறார். 220க்கும் மேலான மறுமொழிகள் பெற்றிருக்கிறார்.

தான் ஏற்ற பொறுப்பினை சரிவரச் செய்து - மகிழ்ச்சியுடன் விடைபெறும் சகோதரியினை சென்று வருக ! என நல்வாழ்த்துகளுடன் வழி அனுப்புவதில் பெருமை அடைகிறேன்.

அடுத்து நாளை துவங்கும் வாரத்திற்கு ஆசிரியப் பொறுப்பேற்க அன்புடன் இசைந்துள்ளார் அருமை அண்ணன் சென்னை பித்தன் அவர்கள். இவர் ஏற்கனவே தமிழ் மணத்தில் நடசத்திரப் பதிவராக தேர்ந்தெடுக்கப் பட்டவர். தமிழ் மண முன்னணி வலைப்பதிவு வரிசையில் மூன்றாவதாகத் திகழ்பவர்.

இவர் சென்னையில் பிறந்தவர். புகழ் பெற்ற தேசிய மயமாக்கப்பட்ட வங்கி ஒன்றில் தலைமை மேலாளராகப் மதுரை உள்ளீட்ட பல்வேறு ஊர்களீல் பணியாற்றி 2001ல் விருப்ப ஓய்வு பெற்றவர். கணிதத்தில் பட்ட மேற்படிப்பு படித்தவர். பிறகு வடமொழி, வேத உச்சாடனம், ஜோதிடம் இவை எல்லாம் கற்றுத் தேர்ந்தவர். ஆக்ஸ்ட் 2008ல் எழுதத் துவங்கியவர். 2011ல் அதிகப் பதிவுகள் எழுதியவர்.

அன்பின் அண்ணா சென்னைப் பித்தன் அவர்களை வருக வருக ! என வரவேற்று ஆசிரியப் பொறுப்பினை ஏற்க ! என நல்வாழ்த்துகளுடன் கூறி பொறுப்பில் மகிழ்ச்சியுடன் அமர்த்துகிறேன்.

நல்வாழ்த்துகள் கோமதி அரசு

நல்வாழ்த்துகள் சென்னை பித்தன்

நட்புடன் சீனா

மனநிறைவு

2012-01-08T06:31:00.000+05:30

வலையுலக அன்பர்களே!

ஏழு நாட்களாகப் பல தலைப்புகளில் செய்திகளை உங்களுடன் பரிமாறிக் கொண்ட நான்,இன்று நிறைவுப் பகுதியில் வாழ்க்கைக்கு உபயோகமான சில பொதுச்செய்திகளை வலை அன்பர்களின் தளங்களில் இருந்து தொகுத்துத் தந்திருக்கிறேன்.

’கொஞ்சம் வெட்டி பேச்சு’என்ற தளத்தில் சித்ரா அவர்கள் அயல் நாட்டிலும் நல்ல கலாச்சாரத்தைப் பின் பற்றி

வாழும் மக்களையும் அவர்களுடைய கட்டுக் கோப்பான வாழ்க்கை முறை பற்றியும் சொல்கிறார். இங்கு நமக்கு மின்சாரம் ஒரு நாள் இல்லையென்றால் வேலை நடக்க மாட்டேன் என்கிறது .மின் சாதனங்கள் இல்லாமல் இன்றும் இயற்கையோடு இணைந்து வாழுகிறவர்கள் அங்கு இருக்கிறார்கள். தங்கள் தேவைகளைத் தாங்களே பூர்த்தி செய்து
கொள்கிறார்கள். அந்த மக்களைப்பற்றி விரிவாய் அழகாய் சொல்கிறார் சித்ரா.

’இங்கிட்டு கலாச்சாரம் .... அங்கிட்டு அமெரிக்கா...’என்பது தலைப்பு.

// ”சித்ரா, நீ அமெரிக்காவிலேயே இருக்கியே? நம்ம ஊரு கலாச்சாரத்தை அங்கே பின்பற்ற முடிகிறதா?"
என்று கேட்ட தோழிக்கு :

நான் இருக்கும் //மாநிலத்திலும் சரி, அருகில் உள்ள சில மாநிலங்களிலும் சரி - தமிழ் கலாச்சாரங்களை தூக்கி

சாப்பிட்டு விடுகிற மாதிரி ஒரு கட்டுக்கோப்பான கலாச்சாரத்தோடு, ஆமீஷ் ( Amish) என்ற ஒரு பிரிவினர் (sect) வாழ்ந்து வருகிறார்கள். அவர்களே இங்கே - இதே அமெரிக்காவில் இருக்கும் போது - நாங்கள், நம்மூரு கலாச்சாரத்தைப் பின்பற்ற தடை என்ன? சொல்லுங்க...

Amish Mennonites என்ற ஒரு குழுவினர், கிறிஸ்தவ மார்க்கத்தின் ஒரு சபையை (denomination)
சார்ந்தவர்கள். எளிமையான வாழ்க்கை முறை - உடலை முழுவதும் மறைக்கும் எளிய ஆடை - எந்த வித நவநாகரீக தொழில்நுட்ப முறைகளையும் ஏற்று கொள்ளாது, இன்றும் இயற்கையோடு ஒத்து வாழ்பவர்கள்.//
எங்கிருந்தாலும் பாரம்பரிய கலாச்சாரத்தோடு வாழ்வது சாத்தியம்தான் என்பது விளங்குகிறது.

*********

அம்பாள் அடியாள் அவர்கள் குழந்தைகள் தினத்திற்கு ஒரு அருமையான பதிவை எழுதியிருக்கிறார்கள்

குழந்தைகள் தினத்திற்கு வாழ்த்து சொல்லிகிறார். எப்படி குழந்தையை சிறப்பாய் வளர்ப்பது என்று பெற்றோர்களுக்கு நிறைய குறிப்புகளைத் தருகிறார்.
”வாழ்த்துச் சொல்லலாம் வாருங்கள்... ”என்ற தலைப்பில்.

//குற்றமற்ற இந்த உள்ளங்களால் என்றும் யுத்தங்கள் நிகழ்வதில்லை .ஆனாலும் இவர்கள் வளர்ந்து வரும்போது எவ்வாறு வர வேண்டும் என்பதை எமது வாழ்க்கையின் நடைமுறைகள்தான் தீர்மானிக்கின்றன .
இயற்கையாக எல்லாப் பிள்ளைகளுக்கும் ஏதோ ஓர் திறமை கண்டிப்பாக இருக்கும் .பெற்றோர்களாகிய நாம் எம் குழந்தைகளிடம் ஒளிந்திருக்கும் திறமைகளைத்தான் முதலில் அதிகம் ஊக்குவிக்க முற்பட வேண்டும் .தவிர பிள்ளைக்கு நாட்டம் இல்லாத எந்த ஒரு கலையையும் எங்கள் விருப்பத்தின் அடிப்படையில் தெரிவு செய்து
திணித்து வந்தால் நிட்சயம் அதில் வெற்றிகொள்வது மிகவும் அரிது .அத்துடன் வயது எல்லைகளையும் நாம் கவனத்தில்க்கொள்ளல் மிக மிக அவசியம் .எல்லாப் பிள்ளைகளாலும் எடுத்த எடுப்பில் சாதனை புரிய முடியாது .அவர்களின் அறிவு வளர்ச்சியை நாம் மெல்ல மெல்லத்தான் வளர்த்தெடுக்க வேண்டும் .//

நாளைய தலைமுறை நல்ல விதமாய் வளர்ந்திட இக்கருத்துக்கள் பயன்படும்.

**********

”பார்வைகள்” கவிதா ,எந்த காரியம் செய்யும் போதும் திட்டமிடுதல் அவசியம் என்கிறார். திட்டமிட்டு செய்யும் வேலைகள் எல்லாம் சிறப்பாய் முடியும்.

’நமக்கு நாமே திட்டமிடல் - எல்லா பிஸி நண்பர்களுக்கும்.’-என்பது தலைப்பு.

//வாழ்க்கையில், தொழிலில், செய்யும் வேலையில் முன்னேற்றமும், வெற்றியும் பெற்ற எல்லோருக்குமே இதே 24 மணி நேரம் தான் இருந்து இருக்கிறது. அதே நேரத்தை கொண்டு தான் அவர்கள் சாதித்தும் இருக்கிறார்கள்.

அவர்களால் முடிந்தது நம்மாலும் முடியும் அல்லவா?

இவர்களின் வெற்றிக்கு பின்னால் இருக்கும் மிக முக்கிய காரணம், அவர்களின் தினப்படி நாட்கள், நாளைய தினம், எதிர்காலம் பற்றிய திட்டமிடல் மட்டுமே முன் நிற்கும். காலை எழுந்ததிலிருந்து இரவு தூங்கும் வரையிலான நம் நேரத்தை எப்படி நாம் பயன்படுத்த போகிறோம் என்பதை திட்டமிட வேண்டும்.//

வாழ்க்கையில் முன்னேறத் துடிப்பவர்கள் இதைத் தெரிந்துகொள்ள வேண்டும்.

******************

தமிழ் வலைப்பூ வைத்து இருக்கும் கார்த்திக் லக்ஷ்மணன் அவர்கள் ’தனிமனித கருத்துக்கள் & ஆரோக்கியமான உறவுகள்’ என்ற தலைப்பில் அமைந்த பதிவில் நாம் அனைவரும் வேவ்வேறு விதமாக சிந்திப்பதால் தான் நாம் முன்னேறிக் கொண்டு இருக்கிறோம் என்கிறார். எல்லோரும் ஒரே மாதிரி யோசித்தால் அந்த உலகம் எப்படி இருக்கும் !

//உளவியலின் மிக அடிப்படை தத்துவம் என்னவென்றால், ஒவ்வொரு மனிதனும் தனித்தன்மை வாய்ந்தவன். எந்த

இரு மனிதர்களும் சிந்திப்பதிலும், புரிந்து கொள்வதிலும் மிகச் சரியாய் ஒரே போல் இருப்பதில்லை, கிட்டத்தட்ட ஒரே பின்புலம் கொண்ட இரட்டையர்கள் கூட வெவ்வேறு விதமாக சிந்திக்கிறார்கள். ஏனெனில் ஒவ்வொருவரும் வெவ்வேறு விதமான அனுபவம், சிந்தனை முறை கொண்டவர்கள். வேறு விதமாய் சொல்ல வேண்டுமானால், கடவுள்
ஒவ்வொருவரையும் ஒவ்வொரு விதமாய் படைத்துள்ளார். இதனால் கருத்து முரண்பாடுகள் ஏற்படுவது இயற்கை.//

முரண்பாடுகள் முன்னேற்றத்திற்கு அடிப்படை என்று தெரிகிறது.

****

முகுந்தஅம்மா தனது தளத்தில், ’தண்ணீருக்கா ஒரு யுத்தம்? வேண்டாம் ’என்கிறார்.

//உலக புள்ளிவிவரங்கள் எல்லாம் இருக்கட்டும், தற்போது தமிழ்நாட்டுக்கும் அதன் அண்டை மாநிலங்களுக்கும் அடிக்கடி நடக்கும் உரசல்கள் எல்லாம் நதிநீர் சம்பந்தப்பட்டது.தானே. அது உள்ளூர் கலவரமானது அனைவரும் அறிந்ததே.
சரி! இதற்கு தீர்வு!

1. இருக்கும் நீர் நிலைகளை காப்பது
2. கழிவு கூடாரமாகி இருக்கும் ஆறு குளங்களை சுத்தபடுத்துவது
3. மேலும் கழிவு ஆறு குளங்களில் கலக்காமல் காப்பது.
4. நிலத்தடி நீரை அதிகப்படுத்துவது

நீர்இன்று அமையாது உலகெனின் யார்யார்க்கும்
வான்இன்று அமையாது ஒழுக்கு . //

தண்ணீரைச் சேமிக்க தண்ணீர்த் தட்டுப்பாட்டைத் தடுக்க பல நல்ல கருத்துக்களை நம்முடன் பகிர்ந்து கொள்கிறார்.

***********

’தலை வாழை விருந்து.’என்ற தலைப்பில் மங்கை அவர்கள் கூறுகிறார்கள்:

//வாழையிலைச் சூட்டுக்குத் ஒரு பிரத்யேக சுவையும் மணமும் உண்டு என்பதுடன், இதில் ஒரு மருத்துவத் தன்மையும்

உண்டாம். வாழை இலையில் சாப்பிடுவதால் இளநரை வராமல் இருக்குமாம். நீண்ட நாட்களுக்கு முடி கருப்பாக இருக்கும் என்று ஒரு புத்தகத்தில் படித்தேன். நம் முன்னோர்கள்களின் வாழ்க்கை முறையில்தான் எத்தனை சிறப்பம்சங்கள். அவர்கள் வகுத்துள்ள வாழ்க்கை விதிகள் யாவுமே மனிதர்களின் உடல் நலத்தையும் மன நலத்தையும் பெருக்கிப் பாதுகாக்கும் சிறப்புகள் படைத்தவை என்று நன்கு தெரிந்தும் ஏனோ நாம் அதை எல்லாம் விட்டு வெகு தூரம் வந்து விட்டோம். சாம்பார், ரசம் சாப்பிட்ட பிறகு பாயசம் போடுவது... சாப்பாட்டில் ஒரு நிறைவைத் தந்துவிடும். பிறகு மோர் சாதம் சாப்பிடும்போது அந்த இனிப்பான பாயசம் நெஞ்சிலே ஏப்பமாக வராமல் இருக்கும்.//

இனி வாழை இலையிலேயே சாப்பிடுவோம்!

*******

’மூலிகை வளம்’ என்ற தளம் வைத்து அதில் மூலிகைகளைப் பற்றி விரிவாகச் சொல்கிறார்,திரு.குப்புசாமி அவர்கள்.
பொங்கலுக்கு வெற்றிலை வாங்குவோம். அதன் பயனை தெரிந்து கொண்டால் நல்லது தானே! என்ன சொல்கிறார்,பார்ப்போம்.

//வெற்றிலை வகைகள்-கம்மாறு வெற்றிலை, கற்பூரவெற்றிலை மற்றும் சாதாரண வெற்றிலை என்பன.
வேறு பெயர் -: தாம்பூலம், நாகவல்லி, வேந்தன், திரையல் என்பன.
பயன்தரும் பாகங்கள் -: கொடியின் இலை மற்றும் வேர்.
மருத்துவப் பயன்கள் -: பொதுவான குணம். சீதம் நீக்கும், வெப்பம் தரும், அழுகல் அகற்றும், உமிழ்நீர் பெருக்கும், பசி உண்டாக்கும், பால் சுரக்க வைக்கும், நாடி நரம்பை உரமாக்கும், வாய் நாற்றம் போக்கும்.//

வெற்றிலை சுவைக்கு மட்டுமின்றி மருந்துக்காகவும் பயன்படுகிறது.

திரு குப்புசாமி அவர்கள் மருதாணி இலையின் குணங்கள் பற்றிக் கூறும்போது,
// மருதாணி இலை கிருமி நாசினி, கண்ணுக்குப் புலப்படாத கிருமிகளை அழிக்க வல்லது. நகசுத்தி வராமல்

தடுக்கும்.புண்ணை ஆற்றவும் நல்ல மருந்து.//

பொங்கல் விழாவுக்கு மருதாணி வைக்கும் பழக்கம் நல்லது. அழகுக்கு அழகு! மருத்துவ பயன்களும் உண்டு!

**********

’கவிதை வாழ்த்துக்கள். என்ற தளத்திலிருந்து சில கவிதைகள்.

(தளத்திற்கு உரியவரின் பெயர் காணப்படவில்லை.)

//பழையன கழிதலும்
புதியன புகுதலும் நலமேயாம்
வாழையடி வாழையாய் வந்த
நல்லதோர் முதுமொழியாம்
தைமாதமதில் தைத்திருநாள் பொங்கலதில்
விடியும் வேளை நாமெழுந்து நீராடி
நற்காலைப் பொழுதினிலே
பொங்கல் விழா தனிப்பெருந்
திருவிழாக்கோலம் பூணுகிறது.
தைப்பொங்கல் திருவிழா என்பது
ஒரு சமய விழா அல்ல!
தமிழரின் பண்பாட்டு விழா!
தமிழரின் தமிழ்ப் புத்தாண்டு
கொண்டாடும் நாள்!
அனைவருக்கும் இனிய
பொங்கல் நல்வாழ்த்துக்கள்! //

இந்தப் பண்பாட்டு விழாவைச் சிறப்பாகக் கொண்டாடுவாம்.

***பொங்கலோ! பொங்கல்

ஒரு வாரம் வலைச்சரம் மூலம் நான் படித்த வலைப் பதிவர்களின் பதிவிலிருந்து சிலவற்றைப் பகிர்ந்து கொண்டேன்.நீங்கள் எல்லோரும் கொடுத்த ஆதரவுக்கு நன்றி. வலைச்சரப் பொறுப்பாசிரியர் திரு. சீனா அவர்களுக்கும், என்னைப் பரிந்துரை செய்த
திரு. வை கோபாலகிருஷ்ணன் அவர்களுக்கும் நன்றி. பின்னூட்டங்கள் மூலம் எனக்கு ஊக்கம் அளித்த அனைத்து அன்பர்களுக்கும் ,நண்பர்களுக்கும் நன்றி.

எல்லோருக்கும் பொங்கல் வாழ்த்துக்கள்!

கவிதாயினி கவிநயா அவர்களின் பொங்கல் வாழ்த்து கவிதை.

//பாலுடன் பொங்கல் எங்கும் பொங்குக!
பொங்கும் மங்கலம் எங்கும் தங்குக!
பொங்கலோ பொங்கல்!!

பச்சரிசிப் பொங்கல் எங்கும் பொங்குக!
அச்சு வெல்லச் சுவை எங்கும் தங்குக!
பொங்கலோ பொங்கல்!!

நெய்மணக்கும் பொங்கல் எங்கும் பொங்குக!
மெய்மணக்கச் செய்யும் அன்பே தங்குக!
பொங்கலோ பொங்கல்!!

மனங்கள் தோறும் என்றும் மகிழ்வே பொங்குக!
கணங்கள் தோறும் அங்கு கனிவே தங்குக!
பொங்கலோ பொங்கல்!!
நாளும் பொழுதும் எங்கும் நலமே பொங்குக!
இல்லந் தோறும் என்றும் இன்பம் தங்குக!
பொங்கலோ பொங்கல்!//

//பாட்டாளி மக்க ளெல்லாம் பல்லாண்டு வாழ்கவே!
வீட்டுக்கு வீடு செல்வம் விரைந்துயர்ந்து பொங்குகவே
நாட்டிலும் வீட்டிலும் நல்லோர் சொல் செயல்படுக!
ஏட்டறிவோடியற்கையறி வெங்கும் பொங்கித் திகழ்க!//---வேதாத்திரி மகரிஷி.

வாழ்க வளமுடன்!

பல்சுவை

2012-01-07T07:30:00.000+05:30

வாழ்க்கைக்குத் தேவையான பல செய்திகள்,விவரங்கள் பதிவுகளில் உள்ளன.பல சுவையான அச்செய்திகளை பகிர்ந்துகொள்கிறேன்.

தருமி அவர்கள் தான் கற்றுக் கொண்டவைகளைப்பற்றி சொல்கிறார்: முதலில் ஒவியம், பின் புல்லாங்குழல், பின் புல் புல் தாரா, மவுத்ஹாரன், விசில் அடித்துப் பாடுவது, பலவித விளையாட்டுகள் என்று விளையாடி கடைசியில் புகைப்படக் கலையை ஒரு கை பார்ப்பது என்று முடிவு செய்து விட்டதை அழகாய்ச் சொல்கிறார். வயதானாலும் கற்கும் ஆசை இருந்தால் எப்படியும் கற்கலாம் தானே!.

539. நானும், photography-யும் .. 1

//-வாழ்க்கையில் ஏதாவது ஒன்றை புதுசா கத்துக்கிடணும்னு சின்ன வயசில இருந்து அப்படி ஒரு ஆசை. ஏதாவது ஒண்ணுன்னா ... ஏதாவது ஒரு கலையைக் கத்துக்கிடணும்னு ஆசை.
எங்க காலத்தில் அப்பா அம்மாக்களுக்கு இது மாதிரி ஆசைகளை பிள்ளைகளிடம் வளர்த்து விடணும்னு எல்லாம் தெரியாது. இப்போ கொஞ்சம் பரவாயில்லை.//

ஆமாம், இப்போது பரவாயில்லை.குழந்தைகள் தங்கள் படிப்புடன் பொழுதுபோக்குகளை மேற்கொள்ளப் பெற்றோர்கள் உறுதுணையாக இருக்கிறார்கள்.

*************

மருத்துவர்கள் உயிரைக் காக்கும் பணி, உயர்ந்த பணி. அதை சரியாக செய்த மருத்துவரை பற்றிய ஒரு உண்மைக் கதை:

//மருத்துவம் என்பது ஒரு தொழில் அல்ல – ஒரு சேவை- என ஒரு சிறுகதை அவரது முக நூல் பக்கத்தில் 21.12.2011 நாள் எழுதியிருக்கிறார். இது உண்மைக்கதை. ஒரு மருத்துவரின் வாழ்வில் நடந்த்து. நண்பரின் அனுமதி வாங்கி பதிவாக வெளியிடுகிறேன். திரு இராமசுப்ரமணியம் நாகேஸ்வரன் அவர்களுக்கு எங்களது மனப்பூர்வ நன்றி.//

இப்படி கூறிப்பிட்டு எழுதி இருக்கிறார், தன் பதிவில் திரு ரத்னவேல் நடராஜன் அவர்கள்.
டாக்டரின் உண்மைக்கதை ப்டிக்கவேண்டிய ஒன்று.
*********

’ஒரு மாலைக்குறிப்பு’ - வழங்குபவர் செல்வநாயகி.

//பாவாடை சட்டை போட்டுக்கிட்டு அம்மாவோடு இடுப்பு உசரம் இருந்தப்ப ஊர்ல அடிக்கடி
நான் போய் உட்கார்ந்து அனுபவிச்ச மொட்டப்பாறையும், சும்மா வெறுமனே போய் நின்னுட்டு வரத் தோணுமே அந்தப் பெரிய புளியமரத்து நெழலும் ஏன் என்னை ஈர்த்துதோ அது போலத்தான் இந்த ஊர்ல அந்த மியூசியமும் போறப்பெல்லாம் எனக்குள்ள ஒரு பிடிபடாத அமைதியை, நெகிழ்வைத் தருது.//

நமக்கும் அந்தப் புளியமரத்து நிழல் மகிழ்ச்சியைத்தருகிறது!

************

'என் முயற்சியால் ஒரேயொரு விபத்து குறைந்தாலும் நான் மகிழ்ச்சி அடைவேன்’
என்று திரு.சபாபதி அவர்கள் குறிப்பிட்டார்.அவரது கருத்துக்களை திரு தருமி அவர்கள் மேற்கோளாகத் தனது பதிவில் கூறியுள்ளார்.

// சாலை பாதுகாப்பு வார கடைசி நாளான 7-1-2012 அன்று அனைத்து பதிவர்களும் சாலையைப் பயன்படுத்துவோர் பாதுகாப்புக்காக அவரவர்களுக்கு தோன்றும் ஆலோசனைகளை (அவரவர் பிளாக்குகளில்) பதிவு செய்ய அன்போடு கேட்டுக்கொள்கிறேன். இதை மற்ற பதிவு உலக நண்பர்களுக்கும் தெரிவிக்க வேண்டுகிறேன். என் முயற்சியால் ஒரேயொரு விபத்து குறைந்தாலும் நான் மகிழ்ச்சி அடைவேன் ஏனெனில் விபத்தினால் ஏற்படும் பாதிப்புகளையும் சிரமங்களையும் அதிகம் உணர்ந்தவன் நான்—உதவுவீர்களா?//
அன்புடன்
அவைநாயகன் எனும் நா.சபாபதி //

சாலைப்பாதுகாப்பு வாரத்தில் மட்டுமின்றி எப்போதுமே பாதுகாப்பாக இருப்போம்.

*************

‘ஏன் ஏஏன், ஏன் இப்படி - வேகம்’

ஒவ்வொரு ஆண்டும் ஜனவரி 1ம் தேதி முதல் 7ம் தேதி வரை சாலை பாதுகாப்பு வாரம்
கடைபிடிக்கப்பட்டு வருகிறது.
சிறுமுயற்சி முத்துலெட்சுமி தானும் சாலைப்பாதுகாப்பு பற்றி எழுதியுள்ளார்.

//விதிமுறைகளை பின்பற்றினாலே பாதுகாப்பு தானாக அமைந்துவிடும்.
மிகப்பெரிய சாலைகளில் 4 லேன்கள் இருந்தாலும் ட்ராபிக் முண்டியடிக்கும். உண்மையில் அவரவர் லேனில் தொடர்ந்து பயணித்தால் ட்ராபிக் இத்தனை இருக்கவே செய்யாது. மக்கள் லேன் பற்றிய எந்த ஒரு உணர்வுமே கொண்டவர்கள் அல்ல. அவர்களுக்கு எப்படி முன்னேறுவது என்பது தான் வழியே ஒழிய விதிமுறைகள் பொருட்டு அல்ல. 5 கார்கள் ஒரு வரிசையில் அதற்கும் நடுவில் மூக்கை நுழைக்க முண்டியபடி ஆறாவது என்பது சர்வ
சாதாரணம்.//

டெல்லி அனுபவத்தை இப்படிக் கூறுகிறார்.

*** ’வேகம் விவேகம் அல்ல’
இது முத்துலெட்சுமியின் தொடர்பதிவு அழைப்பிற்கு நான் எழுதியது.

//வேகம் வேகம் என்று தாங்களே முதலில் முந்திப் போக வேண்டும் என்று எல்லோருமே நினைக்கிறார்கள் .சீக்கிரம் போகவேண்டும் என்றும் நினைக்கிறார்கள் .டிராபிக் ஜாம் ஏற்பட்டால் காத்திருத்தல் என்பது பெரிய குற்றமாய் கருதப்படும் காலம்.

முன்பு நான் சிறுமியாய் இருக்கும் போது நீதி போதனை வகுப்பு உண்டு.
அதில் சாலை குறியீடுகள்,சாலை அடையாள குறிகள்,சாலை விளக்குகள்
பற்றி எல்லாம் பாடம் உண்டு .இப்போது இல்லை.//

மீண்டும் அவை பாடத்திட்டத்தில் அரசு சேர்த்தால் நல்லது.

***

’சித்ரா பெளர்ணமியும் நிலாச் சோறு நினைவுகளும்..’

என்ற தலைப்பில் திருமதி. ராமலக்ஷ்மி தன் சிறு வயது நிலாச்சோறு நினைவுகளைப் பகிர்ந்து கொள்கிறார். இப்போது அந்த மாதிரி காலங்களை மறுபடியும் வாழமட்டோமா என்ற ஏக்கங்கள் எல்லோருக்கும் வரும் இதைப் படிக்கும் போது. குடும்பத்துடன் எல்லோரும் சேர்ந்து சாப்பிட நேரம் இல்லாமல் ஒடிக் கொண்டு இருக்கிறோம்.இனிமேலாவது உறவுகளுடன் கூடி மகிழ நேரம் ஒதுக்குவோம்.

//அம்மாவும் பெரியம்மாவும் பெரிய சட்டியில் ‘கொழுக்க கொழுக்க’ தயிர்சாதம் பிசைந்து, மதிய சாம்பார் அவியலை சுண்டவைத்து செய்த பழங்கறியுடன் உருட்டிப் போடப் போட குளுமையாக அவை தொண்டைக்குள் வழுக்கிச் செல்லும்.பின்னாளில் கல்லூரி பக்கமாய் வீடு மாறி வசித்த போது, தூத்துக்குடியிலிருந்து கோடை விடுமுறைக்கு வரும் சித்தி குழந்தைகளோடு சித்திரா பெளர்ணமி சாப்பாடு தொடர்ந்தது, அவர்களுக்கு மிகப் பிடித்த எங்கள் அம்மாவின் கைமணத்தில் தயாராகும் கூட்டாஞ்சோறு மற்றும் பொரித்த அப்பளம் கூழ் வற்றலோடு.//

நிலாச்சாப்பாட்டைச் சிறப்பாகப் படங்களுடன் கொண்டுவந்து தருகிறார்.

***************

’உங்களின் மந்திரச் சொல் என்ன? என்ற தலைப்பில் திண்டுக்கல் தனபாலன் அவர்கள் நிறைய நல்ல மந்திரச்சொற்களை சொல்லி இருக்கிறார்.’அம்மா’என்பதே முதல் மந்திரச்சொல் என்று கூறுகிறார்.

’சும்மா’ என்ற வலைத்தளம் வைத்து இருக்கும் திருமதி .தேனம்மை லெக்ஷ்மணன் அவர்கள் ’போராடி ஜெயித்த கதைகள்’ என்று எழுதி இருக்கிறார்.

அதில் தலைமை ஆசிரியர் திருமதி. லூர்துராணி அவர்களைப் பற்றி எழுதி இருக்கிறார். ஹீமோக்ளோவின் அளவு குறைவுக்காக ஸ்டிராய்டின் தொடர்ந்து சப்பிட்டதால் அவரிடம் அது ஏற்படுத்திய பக்க விளைவுகள் -அதை போக்கி சாதனைகளச் சாதித்து கொண்டு இருப்பது- பற்றி எல்லாம் எழுதி இருக்கிறார்.

//டயாபட்டீஸ்., ரத்த அழுத்தம்., காடராக்ட்., கிட்னியிலும் நெஃப்ரான்கள் வீக், 2000 ஆம் வருடத்தில் கான்சர் வந்து மார்பக நீக்கம்., கீமோதெரஃபி., மற்றும் ரேடியேஷன் 55 நாட்கள் கொடுக்கப்பட்டிருக்கிறது.

வாழ்நாள் பூரா இது எல்லாவற்றுக்கும் தனித்தனி மாத்திரை சாப்பிட வேண்டும். இவை எல்லாம் சமாளித்து இவர் பள்ளிக்கு பங்சுவலாக காலை 8 3/4 க்கு வந்தாரென்றால் மாலை 4 மணிக்கு பள்ளி பூட்டியபின்தான் வீடு செல்வார்.இதுவரை ஆஸ்பத்ரியில் படுத்திருந்த நாள் தவிர லீவே எடுத்ததில்லை. பிள்ளைகளுக்கு மெட்ரிக்குலேஷன் கல்விக்கு இணையாக இங்கும் கல்வி அளிக்கப்படுவதாக சொன்னார் //

திருமதி.லூர்துராணி அவர்கள் விரைவில் பூரண நலம் பெற வாழ்த்துவோம்.

வாழ்வில் எல்லா சுவைகளும் அளவோடு இருந்தால் தான் மகிழ்ச்சி.

நம்பிக்கை தான் வாழ்க்கை

2012-01-06T07:40:00.001+05:30

உலகில் வாழும் மக்கள் எல்லோருக்கும் இறை நம்பிக்கை மிகவும் அவசியம். வாழ்வில் பிடிப்பும் , அமைதியும் இன்பமும் கிடைக்கும். நமக்கு மேல் ஒரு சக்தி இருக்கிறது; அது நம்மை ஆண்டு கொண்டு இருக்கிறது என்பார்கள். சித்தர்கள்,’ இருக்கும் இடத்தைவிட்டு இல்லாத இடம் தேடி எங்கெங்கோ அலைகின்றாய், ஞானதங்கமே!’ என்கிறார்கள். உள்ளத்தில் உறைந்திருப்பது உண்மை. உண்மைப் பொருள் அவன் தானே!

//பெம்மானே, என்னை உன்னோடு பிணைத்து வைப்பது பக்தி.பக்தியை பெறுவதும் உன்னைப் பெறுவதும் ஒன்றே. பக்தியை நீ எனக்கு உவந்தளிப்பாயாக!//என்கிறான் பக்தன்.
// பக்தி வலையில் படுவோன் காண்க- //என்றார் அப்பர்.

//நல்ல மனம் என்னும் வீட்டை நான் கட்டிவைத்திருக்கிறேன், நாதா,நீ நீங்காது அதனுள் குடியிருப்பாயாக.//என்கிறான் பக்தன்.

//நெஞ்சம் உமக்கே இடமாக வைத்தேன்
நினையாது ஒருபோதும் இருந்தறியேன்//
என்றார் அப்பர்.
***

**ஆட்டி வைத்தால் யார் ஒருவர் ஆடாதாரே!

"நாட்டியமாடுது மண்ணின் பாவை."என்ற தலைப்பில் கபீரன்பன் சில கூறுகிறார்.

சீக்கியரின் புனித நூலான ஆதிகிரந்தத்தில் ரவிதாஸின் நாற்பத்தியொரு பாடல்கள் இடம் பெற்றுள்ளன. அவற்றில் ஒன்றிரண்டை இத் தளத்தில் பகிர்ந்து கொண்டு இருக்கிறார் கபீரன்பன்.

//உலகில் நாம் காண்பதெல்லாம் வெறும் பொம்மலாட்டம் என்ற பொருளில் ரவிதாஸ்ர் சொல்லியிருக்கும் இந்தப் பாடலும் பிரபலமானது.

माटि के पुतरा कैसे नचतु है
देखे देखे सुनै बोलै दउरिओ फिरतु है
जब कुछु पावै तब गरबु करतु है
माइआ गई तब रोवनु लगतु है
कहि रविदास बाजी जगु भाई

நாட்டியம் ஆடுது மண்ணின் பாவை;
பார்க்குது கேட்குது பேசுது
இப்படி அப்படி ஓடவும் செய்யுது
நெனச்சது கெடச்சா உடனே துள்ளுது
கெடச்சது போனா அம்மா! அழுவுது
ஐயோ பாவம்;
சொல்லுறேன் கேளு
எல்லாமே வெறும் நாடக மாச்சு
ரவிதாசு எனக்கு புரிஞ்சு போச்சு

[இது வரிக்கு வரி மொழிபெயர்ப்பு அல்ல. ஆனால் முழுக்கருத்தும் சொல்லப்பட்டுள்ளது. சாமானியர்களோடு பழகி சாமானியராய் அவர் வாழ்ந்ததால் சாமானியன் மொழியில் மொழியாக்க முயற்சி.]//என்கிறார் கபீரன்பன்.

அவர் மேலும் கூறுகிறார்:

//இந்த காயம் மண்ணால் ஆனது தானே அதனால்தான் மண்ணில் முடிகிறது. நாமெல்லோரும் இறைவனின் கையில் பொம்மைகள். அவன் சூத்திரதாரி. அறியாமை நம்மில் இருக்கும்வரை நமக்கு ஆட்டம் ருசிக்கிறது. ரவிதாஸ் போன்றவர்களுக்கு ஆட்டம் முடித்தபின் பொம்மைகளுக்கான இடம் எது என்பது தெரியுமாதலால் இது வெறும் நாடகம் என்ற உண்மையில் மனம் லயித்து அறிவுரை கூறுகிறார்கள். உலகத்திலே மிக சிறந்த பொக்கிஷமாக காமதேனுவாக இராம நாமம் இருக்கையில் வேறென்ன வேண்டும் என்பதே அவருடைய கொள்கையாக இருந்தது.

ரவிதாஸை, மாபெரும் கிருஷ்ண பக்தையான மீராவின் குரு என்றும் சொல்வர். ராஜா பீபா வும் இவரிடம் ஞானோபதேசம் வேண்டி நின்றார். பீபாவும் ஒரு தலைசிறந்த பக்தர்.
மகான்களின் கதையைப் படித்துக் கொண்டிருந்தாலே சத்சங்க பலன் உண்டு.//

அனைவரும் தெரிந்துகொள்ள வேண்டிய செய்தி!

****
**தீர்த்தயாத்திரை

திருமதி ஹுஸைனம்மா அவர்கள் முஸ்லிம்களின் ஐந்தாவது கடமையான ஹஜ் யாத்திரை பற்றி விரிவாக பக்தி மணம் கமழச் சொல்கிறார்.அவர் அந்த கடமையை இறையருளால் நல்லபடியாக முடித்து மாதாஜி ஆகிவிட்டார்.

நாடு, மொழி, இனம், ஆண், பெண், ஏழை, பணக்காரன், இளையவர், முதியவர் என எந்தப் பேதமுமில்லாமல் கடைபிடிக்க வேண்டிய முஸ்லிம்களின் ஐந்து கடமைகள்

1. இறை நம்பிக்கை 2. தொழுகை3. நோன்பு 4. ஸாகத் 5. ஹஜ்யாத்திரை என்பவையாம். இந்த ஹஜ் யாத்திரை பற்றி தனது தளத்தில் குறிப்பிட்டு இருக்கிறர்கள்.

//ஒருவர் செய்த ஹஜ் ஏற்றுக் கொள்ளப்பட்டால், அவரது அதுவரையான பாவங்கள் மாத்திரமே மன்னிக்கப் பெறும். அதன் பின்னர் அந்நிலையைத் தன் நல்ல நடத்தைகளினால் தக்கவைத்துக் கொள்வது அவர் பொறுப்பு.அதனால்தான், அந்தக் காலங்களில், பக்குவம் அதிகம் வந்திருக்கும் வயதான காலத்தில்தான் ஹஜ் கடமையை நிறைவேற்ற வேண்டும் என்று நினைத்தார்கள்போல. எனினும், வாய்த்திருக்கும் வசதியும், வாழ்க்கையும் (உயிர்) என்றுவரை நிலைத்திருக்கும் என்பதை நாம் அறியமுடியாதே! ஆகையால், உரிய காலத்திலேயே இக்கடமையை நிறைவேற்ற முனைவோம், இன்ஷா அல்லாஹ்.//

*********

***என்னில் நீ உன்னில் நான்!

’எங்கிருக்கிறான்?..’என்ற கவிதையில் திரு ஜீ,வி அவர்கள் சொல்வது :

//நீரே மேகம் எனில் நீள் விசும்பில்
நீந்திப் போவது எவ்வாறு என்கின்றார்

நீர்மோரே நெய் எனில் கலயத்திலது
நீர்த்து இருப்பது எப்படி என்கின்றார்

நிலவே இரவியின் தண்மை ஒளியெனில்
நீளிருட்டு இரவு எங்ஙனம் என்கின்றார்

யாழின் மீட்டல் நாத தாலாட்டில் மயங்கி
இத்தனை நேரமிது இருந்ததெங்கே என்கின்றார்

நீக்கமற நிறைந்தோனின் இருப்பு இதுவென்றால்
பார்க்கிறபடி தோற்றம் அவனுக்கில்லையா என்கின்றார்

உன்னின் ஜீவிதத் துடிப்பு அவனே என்றால்
என்னில் தெரியலையே எங்கிருக்கிறான் என்கின்றார்

நீயே அவன் தான் என்றால் நாணிச் சிரித்து
நானே அவனென்றால் நான் யார் என்கின்றான்//

சிந்திக்கத்தூண்டும் கவிதை இது.

****************

எல்லாம் வல்ல இறைவன்

திரு. சுப்பு ரத்தினம் அவர்கள் அன்னையின் பிராத்தனையைச் சொல்கிறார்,
’ஒரு அன்னையின் பிரார்த்தனை’யில்:

//பரந்தாமனே ! பிரபுவே! நீ இருக்கின்றாய் அல்லவா?
சர்வவல்லமை பொருந்திய உனது பேரன்பு
நிச்சியம் இவ்வுலகைக் காக்கும்.
- ஸ்ரீ. அன்னை.//
இறைவனின் பேரன்பு நிச்சியம் நம்மை காக்கும்.
**********

திருமதி. புவனேஸ்வரி ராமநாதன் அவர்கள் இறையருள் என்ற தலைப்பில் கோவில் வழிபாடு பற்றிச் சொல்கிறார்.

//நாம் இப்போது மேற்கொள்ளும் நடைப் பயிற்சியினால் கிடைக்கும் பயனை அப்போது கோயில் பிரகாரத்தை சுற்றியே பெற்றார்கள். எப்படியென்றால் கோயில் பிரகாரப் பாதையில் கருங்கல் தரையில் நடக்கும்போது பாதத்தில் உள்ள நரம்புகள் மூலமாக நமக்கு உள்ள உடல் உபாதைகள் தீரும். கோயிலில் நாம் உச்சரிக்கும் மந்திரங்களின் அதிர்வலைகள் நமக்கு நன்மைகளை அளிக்கும். அங்கு நமக்கு தரப்படும் பிரசாதங்களை ஏழை பணக்காரன்
பாகுபாடின்றி அனைவரும் சேர்ந்து உண்ணும்போது கடவுளின் முன் அனைவரும் சமம்.//

முன்னோர்களைப் பின்பற்றினால் துன்பமில்லை.

**************

அன்பென்ற மழையிலே என்ற தலைப்பில் திருமதி இராஜராஜேஸ்வரி அவர்கள்
இயேசு பிறப்பு தினத்தை எந்த எந்த நாட்டில் எப்படி கொண்டாடுகிறார்கள் என்பதை அருமையான பாடல்கள், அருமையான படங்களுடன். விளக்குகிறார்.

//மாட்டுக் குடிலில் வைக்கோல் படுக்கையில் அன்பான மரியன்னைக்கு கிடைத்த பரிசுதான் இயேசு என்னும் இறைவன்// என்று அழகாய் கூறுகிறார்.
இறை பாலகன் அன்பும், கருணையும் தருவார்.

*******
தூணிலும் இருப்பான் துரும்பிலும் இருப்பான்.

நிறைய நம்பிக்கைகளை உள்ளடக்கிய கோவில்ஆகிய
பானக நரசிம்மர் கோயில் பற்றிச் சொல்கிறார், புதுகை தென்றல்.

//அத்தனை பானகம் உபயோகப்படுத்தினாலும் சந்நிதியிலோ ஒரு எறும்பு கூட இல்லை!!! இந்தியாவிலேயே வெல்லம் உபயோகித்தும் அங்கே ஒரு எறும்பு கூட இல்லை என்பது மங்களகிரியில் மட்டும்தான்!!!!! எப்பொழுது எறும்புக்களும், ஈக்களும் இந்த இடத்தில்
வருகிறதோ அப்பொழுது இந்த யுகம் முடிவுக்கு வரும் என அர்த்தமாம். //

//முன்பு இந்த மலை ஒரு எரிமலை என்றும் அது பொங்கி விடாமல்
இருக்க பானகத்தை ஊற்றி குளிர்விக்கிறார்கள் என்றும் தகவல்.//

//நாரதர் இன்றளவும்
அங்கே இந்த மர வடிவில் இருப்பதாக பக்தர்கள் நம்புகிறார்கள்.
இதுதான் அந்த மரம்.//

நம்பிக்கை தான் வாழ்க்கை!
வாழ்வோம் வளமுடன்!

உடல் நலம் ,உள நலம், காப்போம்

2012-01-04T21:42:00.005+05:30

அன்பு உள்ளங்களுக்கு

முதல் நாள் என் கதையைக் கேட்க வந்தீர்கள், மறுநாள் நான் கொடுத்த விருந்தை ரசித்தீர்களா?இன்று உடல் நலம் எப்படி இருக்கிறது? (அந்த காலத்தில் )கடிதம் எழுதும் போது நலம் நலம்றிய ஆவல். என்று தான் எழுதுவோம். இப்போது ஒவ்வொருவர் சந்திக்கும் போது, தொலைபேசி, அலைபேசியில் எல்லாம் நல்ம் விசாரிப்பு நடக்கிறது. உடலில் ஏதாவது தொந்திரவு செய்வதைச் சொன்னால் கிடைக்கும், நிறைய அறிவுரைகள். ஆரோக்கியம்
என்பது நம் கையில் தான் இருக்கிறது. நாள் தோறும் உடற்பயிற்சிகள், உள் உணர்வுகளை ஒழுங்கு படுத்தச் சிறிது நேரம் தியானம், அளவான உணவு, உறக்கம்,இருந்தால் நல்லது. வாய்விட்டு சிரித்தால் நோய் விட்டுப் போகும் . அப்படியே நோய் வந்தாலும் அதை மனவலிமையோடு எதிர் கொண்டால் இருந்த இடம் தெரியாமல் போய்விடும். முதுமையில் கவலை, இயலாமை தரும் சினம் எலலாம் வராமல் நம்மை பாதுகாத்துக் கொள்ள வேண்டும்.
நம் உடல் நலத்துக்காக ஒரு மணி நேரத்தை ஒதுக்கி பயிற்சிகளை செய்யலாம். மனம் வைத்து இந்த தளங்களுக்கு சென்று படித்துப் பார்த்தால் கண்டிப்பாய் நேரம் ஒதுக்க முடியும். உடல் நலத்தைக் காத்துக் கொள்ளலாம். சுவர் இருந்தால் தானே சித்திரம் வரைய முடியும் என்பார்கள் !

//நோய் நாடி நோய் முதல் நாடி அதுதணிக்கும்
வாய்நாடி வாய்ப்பச் செயல்.//

என்ன நோய் வந்து இருக்கிறது, நோய் வந்ததின் காரணம் என்ன, அதைக் குறைப்பதற்கு என்ன வழி, என்று ஆராய்ந்து நோயைப் போக்க வேண்டும்.

முதலில் எளிதாக செய்யும் முத்திரைகள்: நம் உடலில் மறைந்திருக்கும் சக்தியை வெளிக் கொண்டு வருவதே முத்திரை ஆகும். நரம்புகளுடன் சம்மந்தமுள்ள உடல் உறுப்புகளை முத்திரை ஆள்கிறது. 1.கட்டைவிரல்- அக்னி, 2.ஆள்காட்டிவிரல் -காற்று, 3. நடுவிரல்- விண், 4. மோதிரவிரல் - நிலம், 5 .சிறுவிரல் - நீர். இந்த ஐந்தும் சமநிலையில்
இருக்கும் போது உடல் ஆரோக்கியமானதாக இருக்கும்.இம் முத்திரைகளை நிற்கும் போதோ,நடக்கும் போதோ ,அமரும் போதோ செய்யலாம்,

கைகளின் அற்புத சக்தி:

முத்திரைகளை உங்களுக்கு தரப் போவது திரு என்.கணேசன் அவர்கள். முத்திரைகளால் என்ன நன்மைகள் என்று அவர் கூறுகிறார்:
/// இந்த விரல் முத்திரைகள் உடல் நலத்திற்கும், மன நலத்திற்கும் பெரிதும் பயனளிப்பதாக இருக்கிறது என்று கூறுகிறார்கள். இந்த விரல் முத்திரைகளை யோகா மற்றும் தியானக் கலைகளில் பயன்படுத்தும்போது கிடைக்கும் பலன்கள் பல மடங்காக இருப்பதாகப் பயன்படுத்தி பலன் கண்டவர்கள் கூறுகிறார்கள். இது குறித்து

பல ஆராய்ச்சிகளும் மேற்கொள்ளப்பட்டு வருகின்றன, பல நூல்களும் எழுதப்பட்டிருக்கின்றன. சில முக்கிய எளிய முத்திரைகளையும், அவற்றைச் செய்வதனால் ஏற்படும் பலன்களையும் சற்றுப் பார்ப்போம். இந்த முத்திரைகள் மூலம் சிறிது பலன் கிடைத்தாலும், மருந்துகள் இன்றி பக்க விளைவுகள் இன்றி இயல்பான வழியில் கிடைப்பது பெரிய விஷயம் அல்லவா?//
********

டாக்டர் முருகானந்தம் M.K அவர்கள் மருத்துவ பதிவுகளின் பட்டியல் வைத்து இருக்கிறார். அத்தனையும் நமக்கு பலன் தரக் கூடியது. அனுபவ பதிவுகளும் இருக்கிறது. சிரிக்க ,சிந்திக்க நலமுடன் வாழ அனைத்தும் உள்ளது இவரது வலைத்தளத்தில்.

’ஹாய் நலமா?’ என்னும் பகுதியில் எவ்வளவு உடற்பயிற்சி என்ற தலைப்பில் நாம் காண்பது:
//உடற்பயிற்சி அவசியம் என்பதை வைத்தியர்களும் சரி நோயாளிகளும் சரி ஏற்றுக் கொள்கிறார்கள். ஆனால், வைத்தியர்கள் சொல்லும் அளவிலான பயிற்சியைச் செய்ய பலருக்கும் முடிவதில்லை. உடலால் முடிவதில்லை என்பது ஒரு காரணம், நேரம் கிடைப்பதில்லை என்பது இரண்டாவது காரணமாகும்.

எனவே, சோம்பிக் கிடக்காதீர்கள். சிறிய அளவிலான உடற் பயிற்சியையாவது ஆரம்பியுங்கள். படிப்படியாக அதிகரியுங்கள். உடல் நலம் நாடி வரும், பிரஷர், கொலஸ்ட்ரோல், நீரிழிவு, மாரடைப்பு, பக்கவாதம் யாவும் விலகி ஓடும்.//

** சுவாச நோய்க்கு ஒரு பயிற்சி.:

’நெஞ்சு நிறையப் பாடுங்கள் சுவாச நோய்கள் பறந்தோடும்.’

//பாடுவதானது, மூச்செடுப்பதில் சிரமப்படும் நோயாளிகளது துன்பத்தைக் குறைத்து சுவாசத்தை இலகுவாக்கும் என

அண்மையில் ஒரு ஆய்வு கூறுகிறது. பாடுவதானது ஒரு நுணுக்கமான கலையாகும். இதனைச் செய்வதற்கு எமது சுவாசத் தொகுதியில் உள்ள தசைகளின் இயக்கத்தை, துல்லியமாக நாம் எமது கட்டுப்பாடிற்குள் கொண்டு வருகிறோம். எம்மையறியாமலே இது நிகழ்கிறது. தன்னிச்சையாக இயங்கும் எமது சுவாசத் தொகுதியானது இதன் மூலம் எமது மனதின் கட்டுப்பாற்றிற்குள் வருகிறது. இயங்க மறுக்கும் அல்லது இறுகிப் போயிருக்கும் எமது சுவாசத் தொகுதித் தசை நார்கள் இப்பொழுது இசைவாக இயங்குகின்றன.

பிறகென்ன பாடுங்கள். தினசரி பாடுங்கள். இறைவனைத் துதிக்கையில் பாடுங்கள். குளிக்கும்போது குளியலறையிலும் பாடுங்கள். வானொலியில் தொலைக்காட்சியில் பாட்டுகள் வரும்போது சேர்ந்து பாடுங்கள்.

சந்தர்ப்பம் கிடைக்கும் போதெல்லாம் பாடிக்கொண்டே இருங்கள்.//

** மூட்டு வலிக்குப் பயிற்சி:

மூட்டு வலிகளா? பயிற்சிகள் உதவும்.

//பயிற்சி செய்வது மூட்டு வலியை அதிகரித்து, மூட்டுகளை மேலும் இறுக்கமடையச் செய்து இயங்கவிடாமல் தடுக்கும்

எனப் பலரும் எண்ணுகிறார்கள். ஆனால் உண்மை அதுவல்ல. பயிற்சிகள் செய்யாது மூட்டுகளை ஆட அசையாது வைத்திருப்பதுதான் உண்மையில் மூட்டுகளின் வலியை அதிகரித்து இறுக்கமடைய வைக்கின்றன.

இதற்குக் காரணம் என்னவென்றால் மூட்டுகளும் எலும்புகளும் திடமாக இருப்பதற்கு சுற்றியுள்ள தசைகள் பலமாக இருப்பது அவசியம். அவை திடமாக இருந்து போதிய ஆதரவையும் பக்கபலத்தையும் கொடுக்கவில்லை எனில் மூட்டுகள் சிதைவடைவதற்கும் எலும்புகள் உடைவதற்குமான சாத்தியம் அதிகமாகும். //

***

** சிரிப்பு நல்ல மருந்து:

’.
வாழ்வில் நகைச்சுவை மிக மிக அவசியம் அது நம்மை எப்போதும் இளமை யாக வைக்க உதவும் என்பார்கள் அது திருமதி கோமா அவர்களிடம் நிறையவே இருக்கிறது. நகைச்சுவைக்கு என்றே தனித் தளமே வைத்து இருக்கிறார்.

’ஹா ஹா ஹாஸ்யம்’என்ற தளத்தில் எழுதும் திருமதி. கோமா அவர்கள் ’இடுக்கண் வருங்கால் நகுக ஹ ஹ ’ என்ற தலைப்பில் அவர் அளித்த நகைச்சுவை. கண்,காது, மூக்கு, தொண்டை ,பல், இருதயம் எல்லாவற்றுக்கும் சிறந்த டாகடரை சிபாரிசு செய்கிறார் நகைச்சுவையாக .
எல்லா டாக்டருகளுக்கு மேலாய் அவர் சொல்வது:

// எல்லாத்துக்கும் மேலே நம்ம வைத்தீஸ்வரர் இருக்கார் .அவர்தான் நல்ல டாக்டர், அவர் பார்த்துப்பார் . அவர் கையிலே நம்ம டாக்டர்ஸ் எல்லாருமே டூல்ஸ்தான் //

உண்மைதானே!
***

** உணவு உண்ணும் முறை:

உடல் ஆரோக்கிய டிப்ஸ் தருகிறார் திரு. M.R அவர்கள்.

இவர் வலைத்தளத்தில் உடல் நலக் குறிப்புகள் எல்லாம் கிடைக்கும். எப்படி உணவு உண்பது, எவ்வளவு தண்ணீர் அருந்த வேண்டும் என்று எல்லாம் சொல்கிறார் . பயனுள்ள பதிவு.

***

மனவலிமை:

’பிசையோ வலியோ தெரபி :) ’-இது தலைப்பு.

உடல் துன்பத்தையே நினைத்துக் கொண்டு இருக்காமல், தான் ஃபிசியோதெரபி எடுத்துக் கொள்ள வைத்திய சாலைக்குப் போன அனுபவங்களை நகைச்சுவையாக நம்முடன்பகிர்ந்து கொள்கிறார், திருமதி. வல்லிசிம்ஹன் அவர்கள்.

இப்படி மனதைரியத்துடன் எதிர் கொண்டால் நோய் வந்த இடம் தெரியாமல் ஒடிவிடாதா!

***
சினம் தவிர்த்தல்:

’கோபத்திற்கு குட்பை ’ என்ற பதிவில் , ’ஆறுவது சினம் என்றார் அவ்வைப்பாட்டி. மனித வாழ்க்கை சீராக சுபமாக செல்லவேண்டுமாயின் கோபத்தைக்குறைப்பதுதான் கைகண்ட மருந்து’ என்கிறார் திருமதி ஸாதிகா அவர்கள்.
***

உடலைக் காப்பது நம் கடமை:

மகரிஷியின் சிந்தனைகளை அழகாக் பகிர்ந்து இருக்கிறார், திரு. குமாரன் அவர்கள்.

’உடல் என்ற நற்கருவியை நன்றாகப் போற்றிக் காத்துப் பயன்படுத்த வேண்டும். எனவே மனிதன் தனது நோக்கத்தை

ஒட்டி இயல்பாக வாழ்ந்து, அமைதியும், மகிழ்ச்சியும் பெற வேண்டுமெனில் அறிவில் முழுமை பெறுவது, உடலைப்

பொறுப்போடு காப்பது என்ற இரண்டு வகையிலும் உணர்ந்தாற்ற வேண்டும்.’
-- யோகிராஜ் வேதாத்திரி மகரிஷி
***

முதுமை என்பது நோயல்ல.:

திருமதி கீதா சாம்பசிவம் அவர்கள் ’வயோதிகம்! 500 வார்த்தைகளில், சாத்தியமா!’
என்ற பதிவில் முதுமைக் காலத்தில் எப்படி இருக்க வேண்டும் என்று அழகாய் சொல்கிறார் நமக்கு.

// என்னைப் பொறுத்த அளவில் வயோதிகம் என்பது மனதிலும் ஏற்பட்டாலே வயோதிகர் ஆகலாம். வெறும்

உடல்மாற்றம் அல்ல. வயோதிகத்திலும் அழகாய் இருந்த எம்.எஸ். அம்மா, சந்திரலேகா, கம்பீரம் குறையாத இந்திரா

காந்தி, அன்னை தெரசா, போன்ற எத்தனையோ பேர் உதாரணம் காட்டலாம்.//

வயோதிகம் என்பது உடலுக்குத் தான்.மனதுக்கு இல்லை என்கிறார்.

வயோதிகத்தை எப்படி கழிக்கலாம் என்கிறார் . ஆன்மீக விஷயங்களில் ஈடுபாடு அதிகம் இருத்தல் நலம் பயக்கும். இது ஓரளவு மன வலிமையைக் கொடுக்கும். நல்ல புத்தகங்களைத் தேர்ந்தெடுத்துப் படிக்க வேண்டும் தொலைக்காட்சி நிகழ்ச்சிகளில் பல நல்ல நிகழ்ச்சிகள் இருக்கின்றன.//

நோயின்றி வாழ இந்தக்கருத்துக்கள் நன்கு பயன்படும்.

வாழ்க நலமுடன்!

மார்கழிக் கலைகள்

2012-01-04T07:23:00.000+05:30

இது மார்கழி மாதம் அல்லவா? மார்கழி என்றாலே நினைவுக்கு வருவது கோலம், இசை , கோயில், அங்கு தரப்படும் பிரசாதங்கள். தெருவை அடைத்து கோலம் போடும் பழக்கம் எல்லாம் இன்னும் கிராமங்களில் இருக்கிறது. நகரங்களில் வாழும் மக்கள் பெரும்பாலும் அடுக்கு மாடிக்குடியிருப்புகளில் வாழும் மக்களாகவே இருக்கிறார்கள். கொஞ்ச இடம் தான் இருக்கும். அதற்குள் சிறு கோலங்களை மனது இருந்தால் போடலாம்.

மார்கழி மாதத்தில் கண்களுக்கு விருந்து - கோலம், நாவுக்கு விருந்து - இறைவனின் பிரசாதங்கள், செவிக்கு விருந்து - இறைவனின் புகழ் பாடும் கீதங்கள்.

நம் வலைப் பதிவர்களில் நான் படித்த பதிவுகளிலிருந்து, கோலங்கள், சமையல்கள், இறைவனின் புகழ்பாடும் இசை ஆகியவை பற்றிப் பகிர்ந்து கொள்கிறேன்.

கண்களுக்கு விருந்து:

கோலப்போட்டி எல்லாம் இந்த மாதம் நடைபெறும். நல்ல செய்திகளைச் சொல்லும் கோலங்கள் பெரும்பாலும் பரிசினைத் தட்டி செல்லும். அப்படி, தன் அலுவலகத்தில் நடந்த ரங்கோலிப் போட்டியைப் பற்றி நம்முடன் பகிர்ந்து கொள்கிறார் சந்தனமுல்லை.

கோலங்கள் எத்தனை வகை உண்டோ அவை எல்லாவற்றையும் அழகாய்க் கண்களுக்கு விருந்து அளித்து மார்கழிக் கோலங்களின் நன்மைகளைச் சொல்கிறார்,அமைதி சாரல்.
’கோலங்கள் நம்ம மக்களோட வாழ்க்கையில் பிரிக்க முடியாதபடிக்கு இழையோடுது.’ என்கிறார். காண்க: அமைதிச்சாரல்

கமலாவின் ’கோலங்கள்’ரசிப்பதற்கு உரியன. கோலங்களைப் பற்றிய அவரது தளம்

இது கோலம் போட ஆசை இருப்பவர்களுக்கு ஏற்ற தளம். பண்டிகைக்கோலங்கள், சிக்குக் கோலம், புள்ளிக் கோலம், ரங்கோலி., நவக்கிரக கோலங்கள், பூக் கோலம் ,
சின்னக் கோலங்கள் பெரிய கோலங்கள் என்று கோலம் போடவும் சொல்லித் தருகிறார்.

***

’சங்கடமான சமையலை விட்டு சங்கீதம் பாடப் போறேன்’ என்று பழைய பாடல் ஒன்று உண்டு. சமையல் செய்வது அவ்வளவு கடினம் , சங்கீதம் எளிது என்பது போல். முன்காலத்தில் கடினம் தான். விறகு அடுப்பு, கரி அடுப்பு, என்று கஷ்டப்பட்டார்கள். இப்போது நவீன மின் அடுப்புகள், கேஸ் அடுப்புகள் என்று சமையல் செய்வது எளிதாகி விட்டது. மனம் தான் வேண்டும் சமைக்க.(பட்டனைத் தட்டிவிட்டால் இரண்டு தட்டிலே இட்லியும் காப்பியும் நம் பக்கத்திலே வெண்டும் என்றால்)

சமையல் செய்வது ஒரு பெரிய கலை. செய்த சமையலை நன்கு அழகாய்ப் பாத்திரங்களில் அழகு படுத்தி பரிமாற ஆயத்தமாக வைத்தால் கண்களுக்கு முதலில் விருந்து, பின் வயிற்றுக்கு விருந்து. அது நான் பகிர்ந்து கொண்ட எல்லோருக்கும் இருக்கிறது. ’ஏங்க இன்று சமையல் எப்படி இருக்கு?’ என்று கேள்வி கேட்டால் சிலர் ’வீட்டில் இன்று சமையல் அசத்திவிட்டாய், சிலர் வீட்டில் அட்டகாசம் போ’ என்பார்கள்.
வெளி நாட்டில் உள்ள நம் மக்கள் விழாக்கள் , பண்டிகைகளை ஒன்றாகச் சேர்ந்து கொண்டாடுவார்கள். அப்போது ஒவ்வொருவர் வீட்டிலிருந்தும் ஒவ்வொரு விதமான உணவுகளைக் கொண்டுவந்து எல்லோரும் உண்டு மகிழ்வார்கள். அது போல் நானும் நம் வலைத்தளத்தில் உள்ள சமையல் கலை அரசிகளின் குறிப்பில் இருந்து மார்கழி பிரசாதங்களை உங்களுக்கு வழங்குகிறேன். நீங்களும் சுவைத்து மகிழுங்கள்.

எளிதாக, புளியோதரை.(பெருமாள் கோவில் புளியோதரை நன்றாக இருக்கும் என்பார்கள்.) ஆசியா சுலப புளியோதரை செய்து நமக்கு விருந்து அளிக்கிறார்.

ஜலீலா ’முந்திரி ,ரவைகீர்’ தருகிறார்.

மிராவின் தளத்தில் ’நவராத்திரி’ என்ற பதிவில் ’நவதானிய சுண்டல்கள்’,’கோலத்தில் நவராத்திரி கொலுவின் படம்’ என்று அசத்துகிறார். உணவே மருந்து என்று உணவுப் பொருளில் சமைத்து தருகிறார்.

மிராவின் கிச்சனில், அவர் ’பொங்கலோ பொங்கல்’ பதிவில், பால் பொங்கல், வெண்பொங்கல், சர்க்கரைப் பொங்கல் தருகிறார்.

மாதேவி பழச்சாறு பொங்கல் செய்து தருகிறார்.

//வயலில் விளைந்த அரிசி எடுத்து, சுவைக்கு பால், வெல்லம், பருப்பு இட்டு சமைத்துப் படைத்து வருடம் பூராவும் இனிதே இருக்க வேண்டி உண்பர்.// - எவ்வளவு விஷயங்களை இதில் சொல்லியிருக்கிறார் பாருங்கள்!

ஆதி வெங்கல உருளியில் அரிசிப்பாயாசம் தருகிறார்

***

மனித வாழ்வில் இசை விருந்தாக மட்டும் அல்ல மருந்தாகவும் இருக்கிறது.உடலுக்கும், உள்ளத்திற்கும் உற்சாகம் அளிக்கிறது.இசை என்பது வெறும் பொழுது போக்கு மட்டுமல்ல.
இசைக்கு மயங்காதவர் உண்டோ! இசைக்கு இறைவனும் வசப்படுவான்.

/பொய்யான தேவைகளை உருவாக்கிக் கொண்டு அதை நிறைவேற்ற போராட்ட வாழ்க்கையை நடத்துவதும், இயற்கையிலிருந்து விலகிக் கொண்டே செல்வதும், அவசர ஓட்டமும் இக்கால மனிதர்களின் நிம்மதியின்மைக்கு முக்கிய காரணங்களாக சொல்கிறார்.* குமரன்//
அதற்கு மாற்றாக அமையும் இசை.

இசை விருந்து:

இசை இன்பம் தளத்தில் தமிழிசை வரலாறு -5,- சிலப்பதிகாரம் முதல் சிவன் வரை என்ற தலைப்பில் மார்கழி மஹா உற்சவத்தில் திருமதி செளம்யா பாடிய பாடல்களைக் கேட்கலாம். பகிர்ந்து கொள்பவர் ஜீவா.

* தி. ரா. ச.(T.R.C.)
* மலைநாடான்
* ஷைலஜா
* கவிநயா
* மடல்காரன்
* ராதா
* ராகவ்
* இரா. வசந்த குமார்
* சங்கர்
* ச்சின்னப் பையன்
* லலிதா மிட்டல்
இவர்கள் எல்லாம் கண்ணனின் புகழபரப்புவர்கள்.
பாடல் வரிகள், பாடல் இசை, பாடல் காட்சி!
முத்தமிழால் முதல்வனைக் கொண்டாடி மகிழந்து
நம்மையும் மகிழ்விக்கிறார்கள்.

’கண்ணம்மா எனது குலதெய்வம்’ என்ற பதிவில் காருகுறிச்சி பி.அருணாசலம் அவர்களின் கம்பீரம் நாதஸ்வர இசையில்,

’நின்னைச் சரணடைந்தேன் - கண்ணம்மா !
நின்னைச் சரணடைந்தேன் !’

கேட்க கேட்க இன்பம். பகிர்ந்து கொள்பவர் ராதா. இது பின்னால் வரும் ஆண்டாள் ரங்கன் திருமணத்திற்கு மங்கள இசை வாசிப்பது போல் இருக்கிறது.

’தோழி கோதை பிறந்தநாள்!’ என்ற பதிவில் ஆண்டாளின் பாடல்கள், திருமணம் எல்லாம் காணலாம். மார்கழி என்றாலே ஆண்டாள் தான். மாதங்களில் நான் மார்கழி என்கிறான் கண்ணன். அந்த கண்ணனின் புகழ்பாடும் தளம் இது. சினிமாவில் வரும் கண்ணன் பாட்டு, தனிப் பாடல்கள், பஜனைப் பாடல்கள் என்று நிறைய உள்ளன. கேட்டு மகிழுங்கள்.

கதை கதையாம் காரணமாம்

2012-01-03T07:55:00.001+05:30

முன்பு எல்லாம் குழந்தைகளுக்கு நல்ல படிப்பினை ஊட்டும் கதைகளைச் சொல்லி வளர்க்க தாத்தா, பாட்டி இருப்பார்கள். ஒவ்வொரு வீட்டிலும் கதை சொல்லிகள் உண்டு. என் பேத்திக்கு தினம் கதை கேட்க வேண்டும் படுக்கப் போகும் முன். நல்ல கதை கேட்டு நல்லபடியாக வளர்வார்கள் குழந்தைகள். கதை கதையாம் காரணமாம் காரணத்தில் தோரணமாம் , என்பது போல் இன்று கதைத் தோரணம் கட்டப் போகிறேன். கதை கேட்க ரெடியா?

எந்த ஒரு செயலைச் செய்தாலும் இறைவன் அருள் இருந்தால் தான் முடியும் என்பார்கள்.அவனின்றி ஓர் அணுவும் அசையாது என்பார்கள். எந்தச் செயலைச் செய்யும் போதும் முழுமுதற் கடவுளான விநாயகனை வணங்கிச் செய்தால் நல்லது என்பார்கள்.

வை. கோபாலகிருஷ்ணன் அவர்கள் நல்ல கதை சொல்லி. நல்ல படிப்பினை ஊட்டும் கதைகள், சிரிக்க, சிந்திக்க வைக்கும் கதைகள் எல்லாம் எழுதுவார். நீ முன்னாலே போனால் நான் பின்னாலே வரேன் ’என்ற கதை படித்துத் தான் நான் அவருடைய வலைத்தளத்திற்குப் போக ஆரம்பித்தேன்.

உருக்கமான கதை.

’ஏமாற்றாதே ! ... ஏமாறாதே’ கதை உச்சிப் பிள்ளையாருக்கு 12 தேங்காய்கள் உடைப்பதாய் வேண்டிக் கொண்டவரின் கதை. தெருவோரம் தேங்காய் விற்பவரிடம் எப்படி தேங்காய் வாங்குகிறார் பாருங்கள்.

//அவளுடன் ஏதேதோ பேசிக்கொண்டே ஒவ்வொரு தேங்காய்களையும் தன் காதருகே வைத்து ஆட்டிப்பார்த்தும், கட்டை விரலையும் ஆள்காட்டிவிரலையும் சேர்த்து வைத்து ஒவ்வொரு காய்களின் மீது தன் ஆள்காட்டி விரல் நகத்தினால் மிருதங்கம் வாசித்தும், பன்னிரெண்டுக்கு பதிமூன்றாகத் தன் பையில் போட்டுக்கொண்டு, நூறு ரூபாய்த் தாள் ஒன்றை நீட்டியபடி, மீதிப்பணம் கொடு என்றார் அவசரமாக.//

வேண்டிக்கொண்டபடி 12 தேங்காய்களை உச்சி பிள்ளையாருக்கு உடைத்தபின் ஏமாற்றி வாங்கிய 13வது தேங்காயை தன் மனைவியின் சமையலுக்கு கொடுக்கிறார். அது எப்படி இருந்தது என்று சொல்கிறார் பாருங்கள்.

//பெரிய ஜவுளிக்கடைகள், நகைக்கடைகள் போன்றவற்றில் அவர்கள் சொல்லுவது தான் விலை. யாரும் பேரம் பேசுவது கிடையாது. பிறர் வயிற்றில் அடிக்காமல் நியாயமான விலை கொடுத்து வாங்கி வந்தால் அதன் ருசியே தனியாக இருக்கும். மனைவி கையில் வைத்திருந்த அந்த அழுகல் தேங்காய் மூடிகளை உற்று நோக்கினார். அதில் அந்த ஏழைக் கிழவியின் தளர்வான முகம் அவருக்குக் காட்சியளித்தது.//

காசு கொடுத்து வாங்கிய தேங்காய்கள் பிள்ளையாருக்கு நல்ல வெள்ளையாக உடைந்தது. ஏமாற்றி வாங்கிய காய் என்ன ஆனது பாருங்கள். இறைவன் என்ன நினைக்கிறார் என்பதை நினைத்துப் பார்க்கிறார் பாருங்கள்.

//அனைத்துப் பிள்ளையார்களும் தன்னைப்பார்த்து ஏளனமாகச் சிரிப்பது போலவும் அவருக்குத் தோன்றியது. தான் செய்த தவறுக்கு சரியான தண்டனை கைமேல் கிடைத்து விட்டதாக உணர்ந்தார். //

கதை சொல்லும் நீதி- யாரையும் ஏமாற்றகூடாது. தெய்வம் பார்த்துக் கொண்டு இருக்கிறது என்பது தானே!

***

அடுத்த கதையும் வை.கோபாலகிருஷ்ணனின் கதைதான். கதையின் பெயர் உடம்பெல்லாம் உப்புச்சீடை உருவம் கண்டு எள்ளல் கூடாது என்பதை வலியுறுத்தும் கதை. பலாப்பழம் வெளித் தோற்றத்தில் முட்கள் நிறைந்ததாய்க் காணப்பட்டாலும் உள்ளே உள்ள சுளை மிகவும் இனிப்பானது.

காசி செல்லும் ரெயில் பயணத்தில் சக பயணியாய் வருபவரை எப்படி நினைக்கிறார்கள் என்று சொல்கிறார் பாருங்கள்:

//அவருக்கு சுமார் 75 முதல் 80 வயதுக்குள் இருக்கலாம். உயரமான ஒல்லியான தேகம். சற்று கருத்த உருவம். பின் கழுத்துக்கு மேல் கொஞ்சமாக தொங்கும் நரைத்த முடிக்கற்றைகள். அதன் மேற்புறம் சந்திர பிம்பம் போன்ற வளைவு. முகம், நெற்றி, தலை, கை, கால்கள், விரல்கள் என எல்லா இடங்களிலும் சிறியதும், பெரியதுமான கொப்புளங்கள். உப்புச்சீடை, வெல்லச்சீடை போல முண்டும் முடிச்சுமாக பார்க்கவே அருவருப்பான தோற்றம்.//

அழகற்ற அவரைப் பார்க்கவும் ,பேசவும், பிடிக்காமல் அவரை வார்த்தைகளால் சக பயணி சாடுகிறார்., பின் அந்த அழகற்ற அவர், அவர்களுக்கு உதவிய போது, அவர்களுடைய மனதில் அழகிய மனிதராய் உயர்ந்து நிற்கிறார்.

இந்தத் தொடர்கதையைப் படித்து முடிக்கும்போது கண்ணின் ஓரத்தில் கண்ணீர் வந்தது உண்மை.

அழகிய உடலோ
அருவருப்பான உடலோ

உயிர் என்ற ஒன்று பிரிந்தபின்
அழுகக்கூடிய,
நாறக்கூடிய
அப்புறப் படுத்த வேண்டிய
பொருளாகி விடுகிறது.

அதை எரிக்க வேண்டிய
அவசரமும், அவசியமும், நிர்பந்தமும்
ஏற்படுகிறது.

எரிந்த அதன் சாம்பலில்

அழகும் இல்லை
அருவருப்பும் இல்லை.சாம்பல் கரைக்கப்படும் கங்கையோ
என்றுமே புனிதமாகப் போற்றப்படுகிறது!//

என்று பெரியவர் சொல்வதாய் தோன்றுகிறது சக பயணிக்கு. உயர்ந்த மனிதர் என்ன உதவிசெய்தார் என்பதைப்

படித்துப் பாருங்களேன்!

***

அடுத்த கதை-

கே.பி. ஜனா அவர்களின் சிறுகதைகள்

பக்கம் பக்கமாய்ச் சொல்லும் விஷயங்களை எளிமையாகத் தன் சிறுகதையில் சொல்லிவிடுகிறார். இவர் நாவல்களும் எழுதியிருக்கிறார். கவிதைகளும் எழுதி இருக்கிறார். இவரைப் பற்றி வசந்தபாரதி கூறியது மிகவும் சாலப் பொருத்தமே:

//வாழ்வில் ஏதேதோ நிகழ்ச்சிகள், காட்சிகள், அசைவுகளை நாம் சந்திக்கிறோம். அவற்றில் பிடித்ததை நாம் எடுத்துக் கொள்கிறோம். சிலவற்றை வெறுக்கிறோம். இந்நூலாசிரியர் பல்வேறு பிரபல இதழ்களில் எழுதிய 23 சிறு கதைகளில் வாழ்க்கையில் அன்பின் பரிமாணம் நிகழ்த்தும் விளைவுகளைச் சித்தரித்துள்ளார். அன்பின் அடிநாதம் இழையோடும் இக்கதைகளை, அன்றாடம் நாம் சந்திக்கும் மனிதர்களை வைத்து எழுதியுள்ளார். நிச்சயம் படிக்க வேண்டிய சிறுகதைத் தொகுப்பு. --வசந்த பாரதி //
நலம் வாழ சிறுகதையில் மனைவிக்கு பிறந்தநாள் பரிசாக என்னக்கொடுத்து மகிழ்வித்தார் பாருங்கள். தன் மனைவியின் முன்னாள் தோழியின் முகவரியைக் கண்டுபிடித்துச் சந்திக்க வைக்கிறார், தன் மனைவிக்கு மறக்க முடியாத பரிசாக.
சிறந்த பரிசு தானே!

சந்தோஷ முகம் -சிறு கதையில் : // என்ன வாத்தியார் ஐயா? மெடிகல் செக் அப்புக்கு சென்னை போறீங்களாமே? கேள்விப்பட்டேன். கண்டிப்பா நம்ம பையன் வீட்டில தான் தங்கணும்.'' பரிவோடு சொன்னார் பொன்னையா. //

//சோமு , பரதன்,லோகநாதன் -- எல்லாருமே தற்போது சென்னையில் இருக்கும் அவரது பழைய மாணவர்கள் -- இவர்களின் பெற்றோரும் அவரை சந்தித்து, தங்கள் மகன் வீட்டில் தங்கிக் கொள்ளச்சொல்லி வற்புறுத்திவிட்டுப் போயிருந்தார்கள்.//

இத்தனை பேர் அழைத்தும் அவர் யார் வீட்டில் தங்கினார்? அவர் மனைவிக்கு எழுந்த ஆவல் போல் நமக்கும் ஏற்படுகிறது. மனைவியிடம் ,’வெங்கட் வீட்டில்’ என்கிறார். காரணம் கேட்கும் மனைவியிடம் அவர் சொல்வது :

// வெங்கட்டைத் தவிர மற்ற எல்லாரும் கல்யாணமானதும் பெற்றோரைத் தங்களோட அழைச்சிட்டுப் போகாம இங்கே கிராமத்திலேயே விட்டு வெச்சிருக்காங்க. பெத்தவங்களையே கவனிக்காதவங்க, என்னை எவ்வளவு தூரம் வரவேற்பாங்க? ஓர் ஆசிரியர் பார்க்க விரும்பறது தன் மாணவன் முன்னுக்கு வந்து நல்லா இருக்கிறதை மட்டுமில்லே, அவனைப் பெத்தவங்களோட சந்தோஷ முகத்தையும்தான். அதுக்கு நான் அங்கேதானே போகணும்?''//

வாழ்த்து - சிறுகதை, அடுத்தவர் மனது புண்படாமல் அவர்களை சந்தோஷப்படுத்திப் பார்ப்பது தான் மனிததன்மை. என்பதையும், தவறை மறந்து மன்னித்தலையும் வலியுறுத்துகிறது. அதைக் கதை நாயகனுடைய தாயின் மூலம் சொல்லவைக்கிறார். தன்னை அவமானப்படுத்திய மாமன் மகன் திருமணத்திற்கு வர மறுக்கும் மகனுக்குப் புத்தி சொல்லும் தாயைப் பாருங்கள்:

// ''இத பாரு ரகு, நீ சொல்றது சரிதான். உன் மனசில் விசனம் இருக்கும். வார்த்தைகள் வெளி உதட்டிலேயிருந்துதான் வரும். ஆனால் இது வெளியில் யாருக்காவது தெரியப்போகிறதா? இல்லையே? அவங்க கோணத்திலேயிருந்து பாரு. நீங்க சிரிச்சபடியே அங்கே வர்றீங்க. எல்லா நிகழ்ச்சியிலேயும் கலந்துக்கறீங்க. கைகுலுக்கி வாழ்த்தறீங்க. அதைக் கேட்டு அவங்க மனசு சந்தோஷம் அடையுது. பார்க்கிறவங்களும் சந்தோஷப்படறாங்க. அத்தனை பேரையுமே சந்தோஷப்படுத்த நம்மால முடியுதுன்னா அப்புறம் பிரயோசனமில்லைன்னு ஏன் நினைக்கிறே? யார் கண்டது? ஒரு வேளை அந்த சந்தோஷ சூழ்நிலையில் உன் மனசிலேயும் ஒரு மன்னிப்பு உண்டாகி மனசார அந்த வாழ்த்தை
வாழ்த்திடலாமில்லையா?''//

ரகு திருமணத்திற்கு போனாரா வாழ்த்தினாரா படித்துப் பாருங்களேன்.

***

அடுத்து ரிஷபன்.

இவர் , சிறுகதைகள், கவிதைகள் எல்லாம் எழுதுகிறார்.
அவர்களின் சூர்யா- சிறுகதை சமூக அவலங்களை கூறுகிறது.

இதில் குழந்தையை 10 மாதம் சுமந்து அதை இழக்கும் தாயின் சோகத்தைச் சொல்கிறார். ஆசையாய் தந்தி கிடைத்தவுடன் குழந்தையைப் பார்க்க ஆவலாய் வந்த தந்தையின் சோகத்தையும் கண்முன்னே கொண்டு வருகிறார்.

// "...ஹரீஷ்னு பேர் வச்சோம். பொண்ணா இருந்தா... சூர்யான்னு..."// என்று சொல்லி புலம்பும் தந்தை ராஜன் கதாபாத்திரம்

உண்மையான சோகத்தை சொல்கிறது.

இது ஒரு புறம் இருக்க, குழந்தை வேண்டாம் என்று குப்பைத் தொட்டியில் எறியும் ஒரு கல்மனதையும் சொல்கிறது.குழந்தையின் தந்தையின் நண்பர் பாலு குழந்தையை இழந்த தன் நண்பனுக்கு ஆறுதல் சொல்லி வெளியில் அழைத்து செல்வதும் தான் நடத்தும் இளைஞர் நற்பணி மன்றம் மூலம் குப்பைதொட்டிகளை துப்புரவு செய்வதும் அதில் குழந்தை கிடப்பதை பார்த்த சிறுவன் பாலுவிடம் வந்து சொல்லும் போது நம் மனதும் பதை பதைத்துப்
போகிறது.

//"...அண்ணே... ஒரு குழந்தையை யாரோ குப்பைத் தொட்டில போட்டுட்டுப் போயிட்டாங்க..."//

பாலு தன் நண்பனை அழைத்துக் கொண்டு அங்கு போனபோது அவர்கள் பார்க்கும் காட்சி நெஞ்சை உலக்குகிறது.

//பிறந்த சிசு. கண் மூடிப் படுத்திருந்தது. வாழை இலை ஒன்றின் மேல் விடப்பட்டிருந்தது. சுள்ளெறும்புகள் மெல்லப் பரவ ஆரம்பித்திருந்தன. அவசரமாய் வாரித் தூக்கினான். மேலே ஒட்டியிருந்த குப்பைகளைத் தட்டிவிட்டான். //

பாலு அங்கு வேடிக்கை பார்க்கும் பெண்ணைப் பார்த்துக் கேட்கும் கேள்வி:

//"...ஏம்மா... நீயும் புள்ளையப் பெத்தவதானே... அட... புள்ளை யாருதுன்னு தெரியாட்டியும் போவுது... எடுத்து நிழல்ல வச்சிருக்கலாமில்ல..." என்றான் பாலு ஆற்றாமையுடன்.//

நம்மையும் அப்படித்தான் கேட்கச் சொல்கிறது.பாலுவுக்கும் அந்த பெண்ணுக்கும் நடக்கும் உரையாடல் மிக யதார்த்தம். சிணுங்கும் குழந்தையின் பசியை எப்படிப் போக்குவது என்றவுடன் குழந்தையை இழந்த தந்தை தன் மனைவி கொடுப்பாள் என்று சொன்னதும் கதையின் முடிவு தெரிந்து விடுகிறது. கூட்டத்தில் இருந்த சிறுமி குழந்தையை ஏன் குப்பை தொட்டியில் போட்டார்கள் யார் போட்டார்கள் இவர்கள் ஏன் தூக்கி போகிறர்கள் என்ற
கேள்விக்கு கணேசன் சொல்லும் பதில் "...பாப்பா... இங்கே... வா..." "உனக்கு அம்மா... அப்பா இருக்காங்க... அவங்க உன்னைப் பார்த்துப்பாங்க... இல்லையா... பாவம்... அந்தக் குழந்தைக்கு யாரும் இல்லே... அதனால தான்... நாங்க எடுத்துக்கிட்டுப் போய்... வளர்க்கப் போறோம்..."புரிந்தவள் போல தலையாட்டியது.

//கூட்டத்தில் ஒரு குரல் என்ன குழந்தை என்று கேட்டது. சூர்யா என்றான் //
பெண் குழந்தை என்றால் கள்ளிப் பால கொடுத்து அழிப்பது, குப்பைத்தொட்டியில் போடுவது எல்லாம் என்று முடிவுக்கு வரும்?

***

வெங்கட் நாகாராஜ் நிறைய பயணக்கட்டுரைகளை சுவாரசியமாக எழுதி உள்ளார். அவருடைய பதிவிலிருந்து ஒரு அனுபவக்கதை..

’ தடுப்பது மேல்’
இந்தக் காலத்தில் ஆண் பெண் திருமண வயது தள்ளிப் போகிறது. அவர்கள் வாழ்க்கையில் செட்டில் ஆன பின் தான் குழந்தை என முடிவு எடுக்கிறார்கள் . அப்புறம் குழந்தைக்காக மருந்து மாத்திரைகள், புதிதாக வந்து இருக்கும் சிகிட்சை என்று நேரத்தையும், பணத்தையும் தண்ணீராய்ச் செலவு செய்கிறார்கள்.

முதல் குழந்தைக்கு 11 மாதம் தான் ஆகிறது அதற்குள் அடுத்த குழந்தை. அந்த குழந்தையை அழிக்க வந்த தாயைப் பற்றிய கதை.

டாக்டரைப் பார்க்க வந்த கணவன் மற்றும் மனைவியின் மன நிலையை அழகாகக் கூறுகிறார். கணவன் தன் குழந்தையை கண்ணே! மணியே என்று கொஞ்சுகிறான்.

தாயின் கவலை தோய்ந்த முகத்தைப் பற்றியும் சொல்கிறார். சூழ்நிலைக் கைதியாக சில நேரம் பெண்கள் அகப்பட்டுக் கொள்கிறார்கள். முதல் குழந்தை பெண் என்றால் அடுத்து பிறக்கப் போவதும் பெண் என்றால் புகுந்த வீட்டில் வேண்டாம் என்கிறார்கள். ஆண்பிள்ளை இலலை என்று மறு திருமணம் செய்வதும் நடக்கிறது. ஸ்கேன் செய்து பார்த்து அந்த குழந்தைக்கு நோய் இருந்தால் வேறு வழி இல்லாமல் அழிக்கலாம். மற்றபடி அழிப்பது பாவம் இல்லையா
டாகடருக்கும், அந்த குழந்தையின் தாயுக்கும் நிகழும் உரையாடல்கள் அருமை.

//டாக்டர்: சரி, வாம்மா, பார்க்கலாம் [சிறிது நேரத்திற்குப் பின்], "ம்ம்ம் கொஞ்சம் கஷ்டம் தான். உங்க பிரச்சனை ஒரு குழந்தை ஏற்கனவே இருக்கும்போது அதையும் பார்த்துக்கொண்டு இன்னுமொரு குழந்தையை வயிற்றுக்குள் வளர்த்து பெற முடியாது என்பதுதானே. வயிற்றுக் குழந்தையை இப்போது ஒன்றும் செய்ய முடியாது, அதாவது அதை அழிக்க முடியாது. வேண்டுமானால் ஒன்று செய்யலாம், ஏற்கனவே பிறந்த இந்த குழந்தையை வேண்டுமானால் அழித்து விடலாம். அது கொஞ்சம் சுலபம்... அப்புறம் நீங்கள் உங்கள் வயிற்றில் வளரும் குழந்தையை பிறந்த பின் பொறுமையாக வளர்க்கலாம் இல்லையா! //

டாக்டரின் கேள்வியில் பதறி போகும் பெற்றோரிடம் டாகடர் கூறும் விளக்கமும் அவர் காட்டும் காணொளியும் பார்க்க வேண்டிய ஒன்று. முடிவில் என்ன ஆயிற்று என்று படித்து தெரிந்து கொள்ளுங்களேன்.

வலைச்சரத்தில் நான்

2012-01-02T07:32:00.002+05:30

வலைச்சர வாசகர்களுக்கு வணக்கம்.

புத்தாண்டு வாழ்த்துக்கள்.
இந்த புது வருடம் எல்லோருக்கும், எல்லா வளங்களையும், எல்லா நலங்களையும் தரட்டும்.

என்னை வலைச்சர ஆசிரியராக இந்த வாரம் அழைத்து இருக்கும் திரு. சீனா அவர்களுக்கும், அவரிடம் என்னைப் பரிந்துரை செய்த திரு. வை. கோபாலகிருஷ்ணன் அவர்களுக்கும் நன்றிகளும், வணக்கங்களும்.

என்னைப் பற்றி:

என் சொந்த ஊர் பாளையங்கோட்டை. நான் பிறந்தது திருவனந்தபுரம். என் அப்பாவுக்கு ஊர் ஊராக மாற்றல் ஆகும் உத்யோகம். செட்டில் ஆனது மதுரை. பள்ளிப் படிப்பு பல ஊர்களில். பாதியில் திருமணம். என் கணவர் கல்லூரிப் பேராசிரியாராக இருந்து ஓய்வு பெற்று விட்டார்கள். இப்போது வேறு ஒரு கல்லூரியில் சிறப்பு விரிவுரையாளாராய் இருக்கிறார்கள். நான் திருமணத்திற்குப் பின் பள்ளிப் படிப்பை முடித்து, B.A பொருளாதாரம் படித்தேன், அதுவும் ஒரு வருடப்படிப்புடன் நின்று விட்டது. காலையில் பிள்ளைகள் பள்ளிக்கும், கணவர் கல்லூரிக்கும் சென்றவுடன் ஆங்கிலத் தட்டச்சு, தமிழ்த் தட்டச்சு, தையல், என்று போனேன். நான் போகும்போது பள்ளி பிள்ளைகள் ’குட் மார்னிங் டீச்சர்’ என்பார்கள் . என்னைப் பார்த்தால் டீச்சர் போல் தோன்றி இருக்கிறது. குழந்தைகள் மனதில் பட்டது பலித்து விட்டது. நான் ஆசிரியர் ஆகிவிட்டேன். எப்படி என்று கேட்கிறீர்களா? உலக சமுதாய சேவா சங்கத்தில் சேர்ந்து யோகா , தியானம், முத்திரைகள் படித்து அதில் ஆசிரியர் பயிற்சி, பொறுப்பாசிரியர் பயிற்சி எல்லாம் எடுத்தேன்.

கடமைகள் முடிந்து விட்டன( இப்போது தான் பொறுப்புகள் அதிகமாகிறது) . சமுதாயத்திற்கு ஏதாவது பணி செய்யலாம் எனறு முடிந்த சர்வீஸ் செய்து கொண்டு இருக்கிறேன்.

விடுமுறைக்கு வந்த என் மகள் அம்மா நீங்களும் வலைத்தளத்தில் எழுதலாமே ஒன்றும் கஷ்டம் இல்லை என்று என்னை வலைத்தளம் ஆரம்பிக்க வைத்தாள்.
அவளும் வலையில் எழுதுபவள் தான் சிறுமுயற்சி வைத்து இருக்கும் முத்துலெட்சுமி.

என் மருமகள் ”திருமதி பக்கங்கள்” என வலைத்தளத்திற்குப் பெயர் சூட்டினாள், என் கணவரது பெயரையும் என் பெயரையும் சேர்த்து. எனக்கு வலைக் கல்வியை மகள், மகன், மருமகள், பேத்தி சொல்லிக் கொடுத்தார்கள். அவர்களுக்கு நன்றி. என்னை எழுத ஊக்கப் படுத்தும் என் கணவருக்கு நன்றி.

2009 மே மாதம் 31 ம் தேதி ’கிளிக்கோலம்’ என்று கிளிக்கோலம் போட்டு, மகரிஷியின் மாக்கோலமாய் விளைந்த மதி விருந்து கவிதையுடன் என் வலைத் தளத்தை ஆரம்பித்தேன்.

//எண்ணமே இயற்கைதன் சிகரமாகும்
இயற்கையே எண்ணத்தில் அடங்கி போகும்.//

முதல் முதலில் வந்து வாழ்த்தியது தெகா.
’அம்மா, அழகான எண்ணங்கள்.
இந்த அடிப்படை உண்மையை ரொம்ப உறுதியா நம்புறேன்!
உங்க எண்ணங்களையும் எங்களோட பகிர்ந்துக்கோங்க..’
June 2, 2009 8:55 AM

என் பதிவுக்கு வந்த முதல் பின்னூட்டம். அவருக்கு நன்றி.
அடுத்து சென்ஷி -வலைப்பதிவுலத்திற்கு வணக்கத்துடன் வரவேற்றார்.
மங்கை ஜோதியில் ஐக்கியமாக வாருங்கள் என்றார்கள்.
நானானி , சந்தனமுல்லை, கோபி நாத் கோலத்தைப் பாராட்டி என்னை வரவேற்றார்கள்.
ராமலக்ஷ்மி
கிளிக் கோலம் உங்களை காட்டிக் கொடுத்து விட்டது. நீங்கள் யாரென்று என்று எழுதி இருந்தார்கள். அவர்களை பதிவர் சந்திப்பில் பெங்களூரில் சந்தித்த போது நானும் பதிவு எழுத ஆரம்பித்து விட்டேன் என்று சொன்னதை வைத்துக் கொண்டு அடையாளம் கண்டு கொண்டார்கள்.

தீபாவின் பின்னூட்டம்:
‘வணக்கம் அம்மா,
வலைப்பதிவுலகிற்கு உங்களை அன்புடன் வரவேற்கின்றோம்.
நீங்க ஸ்கூல்லே படிச்ச காலத்திலே நோட்டுபுத்தகத்திலே கிறுக்கினதை இனிமேல் வலைப்பதிவுகள் மூலமாக பதியுங்கள்.. இது கிழியாது,செதிலரிக்காது..எப்பவுமே பர்மனெண்ட்..

வாழ்த்துக்கள்
மேலும் மேலும் பதியுங்கள்
தீபா கோவிந்த்
July 14, 2009 9:07 PM’

தீபா சொன்னது போல் படித்ததை, நோட்டுப் புத்தகத்தில் கிறுக்கி வைத்ததை எழுதிக் கொண்டு இருக்கிறேன்.

வலைஉலகம் பெரிய கடல் அதில் துளிதான் நான் கற்றுக் கொண்டது. தினம் அதில் கற்க வேண்டியது நிறைய உள்ளது.”கற்றது கை மண் அளவு கல்லாதது உலகளவு” என்பது போல் நான் கற்றுக் கொண்ட வலைக் கல்வி ஒருகைப் பிடி அளவு கூட இல்லை. எத்தனை திறமைகள் ஒவ்வொருவரிடமும்! எல்லோரும் நன்கு எழுதுகிறார்கள்.

அந்த காலத்தில் தாங்கள் எழுதிய கதை, கட்டுரை கவிதைகளை பத்திரிக்கையில் வருவதற்கு எவ்வளவு சிரமப்பட்டு இருக்கிறார்கள் ! இப்போது அப்படியில்லை. நமக்கு என்று ஒரு தளம் நம் எண்ணங்களை ,அனுபவங்களை பகிர்ந்து கொள்ள முடிகிறது. உடனுக்கு உடன் அதற்கு விமர்சனமும் கிடைக்கிறது. பத்திரிக்கையில் எழுதினால் அடுத்தவாரம் தான் வாசகர் கடித்தில் காணமுடியும். வாழ்க்கையில் நம்மாலும் எழுத முடியும் என்ற நினைப்பே மனதுக்கு உற்சாகத்தையும், தெம்பையும் தருகிறது. பத்திரிக்கைகளும் நம்மை வரவேற்கின்றன. என்னுடைய மார்கழிக் கோலங்கள் லேடீஸ் ஸ்பெஷலில் இடம் பெற்றது, போன மார்கழியில். தேவதையில் ’குருந்தமலை குமரன்’ என்ற என் ஆன்மிகப் பதிவும், ’தண்ணீர் சிக்கனம் வேண்டும் இக்கணம்’ என்ற பதிவிலிருந்து ஒரு சிறு பகுதியும், ’எண்ணம் முழுதும் கண்ணன் தானே’ என்று என் பேரனைப் ப்ற்றி எழுதிய பதிவிலிருந்து ஒரு சிறு பகுதியும் வெளி வந்தன. நம் எழுத்தை பத்திரிக்கையில் பார்க்கும் போது மனதுக்கு மிகவும் மகிழ்ச்சியாக இருந்தது.

இதுவரை 82 போஸ்ட்கள் எழுதி இருக்கிறேன். அவற்றில் சில:

குழந்தைகள் உடல் நலத்திற்கு விளையாட்டு மிக அவசியம் என்று சொல்லும்” ஓடி விளையாடு பாப்பா”

சாலை பாதுகாப்பு தொடர் பதிவில் ”வேகம் விவேகம் அல்ல” சாலை பாதுகாப்பு சட்டத்தை மதித்து நடக்க வலியுறுத்தும் பதிவு.

’வாழ்க்கை வாழ்வதற்கே!’ காதல்,கடவுள்,அழகு பணம் ஒன்றோடு ஒன்று தொடர் உடையதைப் ப்ற்றி எழுதியது.

‘பேரக்குழந்தையின் குறும்புகள்”

சர்வதேச முதியோர் நாளுக்காக ”முதியோர் நாள்”

ஆன்மீகப் பயணத் தொடர்கட்டுரையில் திருக்கயிலைப் பயணக் கட்டுரை எழுதியது எல்லாம் மனதுக்கு நிறைவு தந்தது.

எனக்கு வாய்ப்பு அளித்த திரு. சீனா அவர்களுக்கும், என்னைப் பரிந்துரைத்த
திரு. வை.கோபாலகிருஷ்ணன் அவர்களுக்கும், என் குடும்பத்தார்களுக்கும், என பதிவுகளுக்கு தொடர்ந்து வந்து பின்னூட்டங்களால் என்னை ஊக்கப்ப்டுத்தினவர்களுக்கும், வலைச்சரத்தில் படிக்க வரும் புதிய அன்பர்களுக்கும் பூங்கொத்து கொடுத்து வரவேற்கிறேன்.

கடல் போன்ற பதிவுலகத்தில் கரையோரமாய்க் கால் நனைத்துப் படித்துச் சுவைத்த என் நினைவில் உள்ள பதிவுகளைப் பற்றி உங்களுடன் பகிர்ந்து கொள்ளலாம் என்று இருக்கிறேன்.

தொடர்ந்து வந்து ஆதரவு தருவீர்கள் தானே!

செல்விருந்தோம்பி வருவிருந்து காத்திருத்தல்

2012-01-01T20:45:00.003+05:30

அன்பின் சக பதிவர்களே !

அனைவருக்கும் இனிய புத்தாண்டு நல்வாழ்த்துகள்.

இன்றுடன் முடியும் வாரத்திற்கு ஆசிரியப் பொறுப்பேற்ற பன்னிரண்டாம் வகுப்பு மாணவன் வைரை சதீஷ் தான் ஏற்ற பொறுப்பினை அதிக ஈடுபாட்டுடன் நிறைவேற்றி நான்கு பதிவுகள் இட்டு ஏறத்தாழ ஐம்பத்து ஐந்து மறுமொழிகள் பெற்று, முப்பத்து மூன்று பதிவர்களின், தன்னுடைய பத்து பதிவுகள் உள்ளிட்ட, ஐம்பத்து நான்கு பதிவுகளையும் அறிமுகப்படுத்தி மன நிறைவுடன் நம்மிடமிருந்து விடைபெறுகிறார். இவர் தானே புயலின் தாக்கத்தினால் ஏற்பட்ட கடும் மழையினால் உடல் நலமின்றி மூன்று நாட்கள் இணையத்தின் பக்கம் வர இயலாமையினால் குறைந்த பதிவுகளே இட முடிந்ததென வருத்தத்தோடு கூறினார். இவர் நம்மிடமிருந்து இன்று விடை பெறுகிறார்.

இவரைப்பாராட்டி, சென்று வருக ! என வாழ்த்தி வழி அனுப்புவதில் பெருமை அடைகிறேன்.

நாளை துவங்கும் வாரத்திற்கு ஆசிரியப் பொறுபேற்க அன்புடன் இசைந்துள்ள திருமதி கோமதி அரசு அவர்கள் பாளையங்கோட்டையைச் சார்ந்தவர். சமுதாயத்திற்கு ஏதாவது செய்ய வேண்டும் என்பதற்காக உலக சமுதாய சேவா சங்கத்தில் சேர்ந்து யோகா ஆசிரியையாகச் சேவை செய்கிறார். கணவர் ஓய்வு பெற்ற கல்லூரிப் பேராசிரியர்.

திருமதி கோமதி அரசு அவர்கள் திருமதி பக்கங்கள் என்ற வலைத் தளத்தில் எழுதி வருகிறார். இவரை வருக வருக ! என நல்வாழ்த்து கூறி வரவேற்பதில் பெரு மகிழ்ச்சி அடைகிறேன்.

நல்வாழ்த்துகள் வைரை சதீஷ்

நல்வாழ்த்துகள் திருமதி கோமதி அரசு

நட்புடன் சீனா

தொழில்நுட்ப பதிவுகள் ஒரு பார்வை

2011-12-30T20:54:00.000+05:30

அனைவருக்கும் வணக்கம்

எனக்கு நேற்று எனக்கு உடல்நலம் சரியில்லாததால் பதிவிட முடிவவில்லை.அதனால் சீனா ஐயா என்னை மன்னிக்கவும்

நாம் இன்று சிலபயனுள்ள தொழில்நுட்ப பதிவுகளை பார்ப்போம்

ப்ளாக்கர் நண்பன்
நமக்கு தேவையான File-களை Online-ல இலவசமாக பதிவேற்றலாமாம்.இதுல நிறைய வசதி இருக்காம்.மேலும் இவர் நமது ப்ளாக்கை பிரபலமாக்குவது எப்படி?-ன்னு ஒரு தொடர் பதிவும் எழுதிருக்காரு.அதுவும் நமக்கு பயன்படும்.

கற்போம்
இப்போ கணிணியில விண்டோஸ் 7 பயன்படுத்துறாங்க அது இன்ஸ்டால் ஆகுறதுக்கு நிறைய நேரம் எடுக்குதுன்னா20 நிமிடத்தில் Windows 7 இன்ஸ்டால் செய்வது எப்படி-ன்னு நண்பர் பலேபிரபு சொல்லிதாரத கேளுங்க.
இந்த நண்பர் வெப் ஹோஸ்டிங் பற்றி தொடர் பதிவு எழுதுறாரு

வந்தேமாதரம்
இப்போது Google-தனது தோற்றங்களை மாற்றி வருகிறது.அந்த வகையில் அதனுடைய logo-வையும் நம்முடைய பிறந்தநாள் இல்லன்னா ஏதாவது ஒருநாள் Google-ன் லோகோ-வையும் மாற்றலாமாம். இதை பற்றி வந்தேமாதரம் சசி அண்ணன் சொல்றாரு.இவரும் ஒரு தொடர்பதிவு எழுதுறாரு அது எதுன்னா சில பதிவர்கள் செய்யும் தவறுகள்

தமிழர்கள்
நம்மை போல கணிணியிலயும் ஆண் பெண்-ன்னு இருக்காம்.ஆணா பெண்ணான்னு எப்படி கண்டுபிடிக்கனும்-ன்னு தமிழர்கள் சொல்லிதாராங்க.இவரும் ஒரு தொடர் பதிவு எழுதிருக்காரு அது என்னது தெரியுமா? உங்களை ஹாக்கர்களிடமிருந்து காப்பாற்றிக்கொள்ள

அறிவின் உச்சகட்டம்
இவர் Adobe Photoshop CS3 மென்பொருளை இலவசமாக தறவிறக்க நமக்கு
சுட்டிய சொல்லிகொடுக்குறாரு.மேலும் இவர் Google இடம் Domain வாங்குவது எப்படின்னு தொடர் பதிவும் எழுதுறாரு

கூகிள் சிறி
உங்கள் கணிணியின் இயங்கு தளம் Windows 7-ஆக இருந்தால் அது குறைவான வேகத்துடன் இயங்கினால் அதனுடைய வேகத்தை அதிகரித்துக்கொள்ளுங்கள்

பொன்மலர் பக்கம்
கணிணியில இருந்தே இலவசமா SMS அனுப்பலாமாம்.அதுக்கு ஒரு மென்பொருளும் இருக்காம் அது பற்றி அக்கா பொன்மலர் சொல்லிதாராங்க

தமிழ் கம்ப்யூட்டர்
நமக்கு தேவையானது மாதிரி அல்லது பிடித்த மாதிரி மாற்றி வைக்கலாமாம் அது எப்படின்னு பார்க்க சுட்டி

தமிழில் கம்ப்யூட்டர் தகவல்கள்
இவுங்க நமது File-களுக்கு பாஸ்வேர்டு கொடுத்து அதை CD,DVD மற்றும் Pen Drive-ல காப்பி பன்னலாம்னு சொல்ராங்க

அதே கண்கள்
நம்மளுடைய ப்ளாக்கில் கர்சர்-ல உங்க படத்தையே வைக்கலாமாம்.அது பற்றி சொல்கிறார் அதே கண்கள்

தமிழ்நுட்பம்
இவுங்க என்ன சொல்றாங்கன்னா Microsoft Office-ல உள்ள Microsoft Office PowerPoint -கோப்புகளை வீடீயோவா மாற்றலாம்னு சொல்றாங்க

தமிழ் கம்ப்யூட்டர் மினி உலகம்

இவுங்க Nokia,Samsung போன்ற Compay Mobile-க்கு Pc Suite இருக்குற மாதிரி China Mobile-க்கும் Pc Suite இருக்காம்

கொம்பியூட்டர் உலகம்

இவர் ந்மக்கு 1001 எழுத்துரு இருக்குற ஒரு இனையதளத்தை காட்டி தாராரு

தகவல் தொழில்நுட்பம்

நாம இப்போது அதிகமாக பயன்படுத்திக்கிட்டிருக்க PenDrive எப்படி தயாரிக்கிறாங்கன்னு சொல்லிதராங்க