வருகிறார் வாத்தியார்

சராசரியாக தினம் ஒரு பதிவு வீதம் போல வலைச்சரம் தொடுத்து மகிழவைத்த நெல்லை சிவாவிற்கு நன்றி. வகைகளைப் பிரித்து சின்னதாக தொகுப்புகளை இட்டு பதிவுகளை அறிமுகம் செய்ததும் ரசிக்க வைத்தது.

ஒருசில பதிவுகள் முந்தைய ஆசிரியர்களால் அறிமுகம் செய்யப் பட்டவை திரும்ப வந்தது தவிர வேறு பிரச்சினை இல்லை. இந்த பிரச்சினையை தவிர்க்க பதிவுகளை அறிமுகம் செய்வதற்கு பதிலாக குறிப்பிட்ட இடுகைகளை அறிமுகம் செய்வது அவசியம். இதன்மூலம் அடுத்த ஆசிரியர் அதே பதிவரின் இன்னொரு இடுகையைக்கூட வேறொரு காரணத்திற்காக அறிமுகம் செய்யலாம். பரிந்துரைக்கலாம். இது இனிவரும் ஆசிரியர்களும் கவனிக்க வேண்டிய ஒன்று.

வாழ்த்துக்கள் சிவா.

இனி வலைச்சரத்தின் நான்காவது ஆசிரியர் யாரென்று பார்ப்போம். பலவகை புதிர்களும் கண்ணதாசன் புகழ்பரப்பும் பல்சுவை விருந்தும் தந்து தமிழ்வலைப்பதிவுகளில் வாத்தியாராக வலம் வந்து கொண்டிருக்கும் SP.VR.சுப்பையா அவர்களே வலைச்சரத்தின் அடுத்த ஆசிரியர்.

ஓவர் டு வாத்தியார்.