கனவு நிறைவேறி கம்பெடுத்துட்டேன்..

கனவு நிறைவேறி கம்பெடுத்துட்டேனுங்க..அட ஆமாங்க நான் வாத்தியாராயிட்டேன்.யாருடா இது திடீர்னு வந்து வாத்தியாராயிட்டேன்னு கூவுறான்னு நீங்கல்லாம் முழிக்கறது எனக்கு தெரியுது..ஒரு வருசத்துக்கும் மேல வலையெழுதினாலும் அதிகமா பிரபலமில்லாத வலைஎன்னோடது தான்..

என்னடா ஆளே தெரியலைங்கறோம்.இவன் வலையை பத்தி பேசிட்டிருக்கான்னு நினைக்கறீங்களா..என்னோட பேர் தணிகை (எ) தணிகாசலம்.ஊர்சென்னை.வயசு சொல்லணுமா? முந்தைய பதிவர் வயசையெல்லாம் சீனா ஐயா சொன்னதால நானும் 23 ன்னு சொல்லிகிறேன்.தணிகாசலம்(எ) தணிகை என்னோட விரிவான அறிமுகம் அன்புடனுக்காக எழுதியது..இங்கபோன நான் இன்னாரு எப்படி பட்டவன்னு தெரியும்..

படிச்சது பன்னிரெண்டாவது தான்..அதோட கருகி போன என்னோட வாத்தியார் கனவு இன்னைக்கு தான்ய்யா நிறைவேறிச்சு..அதைய நிறைவேத்தி வெச்ச என் சின்ன???????? நண்பர் சீனா ஐயாவுக்கு முதல்ல வணக்கமுங்க& நன்றியும் கூட;-))))))

அப்புறம் என்ன இது வரைக்கும் சூப்பரா எழுதின, கலாய்ச்ச,கும்முன எல்லா பதிவர்களுக்கு வணக்கமுங்க..


எவ்ளோ எழுதணும்னு தோணுது. ஆனாஎன்ன எழுதறதுன்னு தெரியலை..காலேஜிக்கு முதல் முதலா போன பயம் இன்னைக்கு இங்க எழுதும் போது வருது..ராகிங் பண்ணுவீங்களாப்பா???

என்னை பத்தின மொக்கை(சத்தியமா மொக்கை தான்னு நிஜமா நல்லவன் சொல்றது கேக்குது)போதும்னு நினைக்கிறேன்.


என் வலையை பத்தி சொல்லணும்னா லாட்டரி சீட்டை பொறுக்கி விளையாடும் போது அதுல இருந்த லாட்டரி அடிச்சா எப்படியிருக்கும்.. அப்படி தாங்க எதேச்சையா ஒரு வலைபக்கத்தை படிக்கும் போது தெரியாம சைன் இன் கிளிக் பண்ணி அதுல வந்த கிரியேட் ஆப்ட்சன் ல போய் எனக்குன்னு ஒரு வலை உருவாகிச்சு. கணினியை பத்தின அறிவு முழுசா இல்லாம தமிழ் குழுமங்களில் எழுதுவதை அப்படியே இங்க வெட்டி ஒட்டிடுவேன்..மத்தபடி என் வலைக்கு அதிகமா யாரும் வரூவதில்லை..எதுவாயிருந்தாலும் குழுமத்தோட நின்னுடும்..


இந்த வெற்றுகாகிதத்தின் எண்ணகுவியல்கள் தான் என்னோட வலை.இங்க கவிதைன்னு சில கொலைகளும் கதைன்ன்னு சில கொடுமைகளூம் இருக்கும்..அதிகமா சுயம் தேடியவைகளாகவோ இல்ல புலம்பல்களாகவோ தான் ....

என்னோட கவிதையில் தனிமைகள் .. கதையில் என் கனவு தேவதை ..இது ரொம்ப பிடிக்கும்..


டேய் விட்டுட்டு அடுத்த பதிவாச்சும் படிக்கற மாதிரி போடுடான்னு எல்லாரும் முட்டிக்கிறீங்கன்னு என் பட்சி வந்து சொல்றதால இதோட போதும்னு விட்டுட்டு அடுத்த பதிவு என்ன போடலாம்னு யோசிச்சுகிட்டே உங்க மறுமொழிஎனக்கும் வரணும் னு இப்பவே நன்றி சொல்லி ஜீட் விட்டுக்கறேன்..