விடை அளிக்கிறோம் - வரவேற்கிறோம்

அன்பின் பதிவர்களே

கடந்த ஒரு வார காலமாக அருமை நண்பர் இரா.வசந்த குமார் ஒன்பது பதிவுகள் இட்டு இது வரை 72 மறுமொழிகள் பெற்றிருக்கிறார். அவர் பன்முக வித்தகர் என்ற வகையில் பல துறைகள் பற்றி பதிவுகள் இட்டிருக்கிறார்.

இசை, எழுத்து, பிரபலங்கள், சமையல், குற்றம், திரைப்பட விமர்சனம், பொருளாதாரம், பற்பல ஊர்கள், வெண்பா, இயற்பியல், இலக்கியம் எனக் கலக்கி இருக்கிறார். அத்தனையும் அறிமுகப் படுத்திய பதிவுகளோ ஏராளம் ஏராளம்.

கடும் உழைப்புடன் முழு ஈடுபாட்டுடன் ஒரு வார காலம் நல்ல முறையில் பொறுப்பினை நிறை வேற்றிய நண்பர் வசந்த குமாருக்கு நன்றி கலந்த நல்வாழ்த்துகளுடன் விடை அளிக்கிறோம்.
---------------------------------------------------------

அடுத்து இந்த வாரத்திற்கு ச்சின்னப்பையன் என்னும் சத்ய நாராயண், பூச்சாண்டி என்னும் வலைப்பூவின் உரிமையாளர் பொறுப்பேற்கிறார். தங்கமணியால் குடம் நீரால் தண்னீர் தெளித்து விடப்பட்டவர். எழுதுவதில் மொக்கை முதல் சீரியஸ் பதிவுகள் வரை எழுதுபவர். ஏறத்தாழ நூற்று எண்பத்து ஐந்து பதிவுகள் இட்டிருக்கிறார்.

வருக வருக ச்சின்னப் பையா என்று அன்புடன் பாசத்துடன் அழைத்து, பொறுப்பேற்க வருகிற அருமை நண்பர் சத்யாவினை வரவேற்கிறோம்.

நல்வாழ்த்துகள் சத்யா

சீனா