கதை கேளுங்க.

http://kathaikathaiyaam.blogspot.com/2007/12/blog-post_19.html#links
நண்பர் திவா [மருத்துவ மயக்குனர்]கதைகள் எழுதி நம்மை அசத்தகிறார்.
ஆரம்பத்தில் , குத்தாட்டம் போடும் இவருடைய யானையைச் சீண்டி விளையாடி ,பின்னூட்டம் இடுவதென்றால் எனக்கு படு குஷி.
ஒரு நாள் திவாவின் வலைப்பூவில், தேன் எப்படி என்று பார்க்கப் போனால் ,தமிழ் ஆராய்ச்சியாளரின், தமிழ் மன்றம் போல்,மதுரைச் சங்கம் போல் எனக்கு எட்டாத உயரத்தில் இலக்கிய பதிவுகள் அடுக்கி இருக்கக் கண்டு மலைத்தேன் .பெரிய பெரிய தலைகள் அங்கே தமிழ் ஆராய்ச்சி செய்து கொண்டிருப்பதைக் கண்டு வியந்தேன்.கொல்லன் பட்டரையில் ஈ போல் பறந்து பார்த்ததில்
ஒரு வழியாக திவாவை கதை பதிவில் பிடித்தேன் .
இதுதான் நமக்குத் தோதான இடம் என்று ,நிதானமாக அமர்ந்து ஒவ்வொரு மலரையும் ,இதழ் இதழாக அழகு பார்த்ததில், நான் எடுத்தது..இந்த சிறுகதை.

இந்த தலைமுறை ஆண்களாகட்டும் பெண்களாகட்டும் தத்தம் வாழ்க்கை எப்படி அமைய வேண்டும் எது நல்லது எது தீயது என்பதை உணர்ந்துதான் இருக்கிறார்கள்.மேலோட்டமாக பார்த்தால் டீமோடு ஒத்துப்போக ,ஆபத்தில்லா ,ஒரு சில சில்மிஷங்கள் இருக்கலாம்.
ஆனால் மொத்தத்தில் முந்தைய தலைமுறையை விட இன்றைய தலை முறை தலை சிறந்துதான் இருக்கின்றனர்.திவாவின் கதை அழகாக விளக்குகிறது
----------------

http://anbuvanam.blogspot.com/2009/03/blog-post.html#links
அடுத்தகதை அன்புமணிஎழுதியது.
எப்பொழுதோ கேட்ட கதையை அழகாகச் சொல்லியிருக்கிறார்.இதில் அனைவரும் தெரிந்து கொள்ள வேண்டிய விஷயம் பொதிந்து கிடக்கிறது.
ஒரு கதையை நாமே எழுதுவது சுலபம்
கேட்ட கதையை கருத்து மாறாமல் எழுதுவது சிரமம்.
கதையின் நாயகன்,விஷயத்தை முழுவதும் படிக்காதது ,படித்த பின் முடியுமா முடியாதா என்று யோசிக்காதது ,அடுத்தவரிடம் இந்த ரகசியத்தைச் சொல்ல தயங்குவது போன்ற அவரது , தவறுகளுக்கெல்லாம் இறுதியாக, அவர் கண்ட பலன் நெய்யா பொய்யா நீங்களே வாசித்துத் தெரிந்து கொள்ளுங்கள்.
ராமலஷ்மி ஈமெயில் மூலமும் செல் மூலமும் இந்த ஹைப்பர்லின்க் இணைப்பைக் கற்றுத் தந்தார் .வகுப்பில் தாமதம் வண்டியும் தாமதமாகி விட்டது .வால்பையன் மகிழ்ச்சிதானே.நன்றியை முத்துச் சரத்தில் கோர்த்து விடுங்கள்