வலைச்சரத்தில் முருவின் ஐந்தாம் பதிவு.

தமிழன் இல்லாத நாடில்லை., ஆனால்

தமிழனுக்கென்று தனியே ஒரு நாடில்லை.

தமிழ்நாட்டிற்கு வெளியே அதிகப்படியான தமிழர்கள் வாழும்நாடுகளில் மலேசியாவுக்கு மூன்றாவது இடம். மலேசிய நாட்டை உருவாக்கியதில் தமிழர்களுக்கு பெரும்பங்குண்டு.

ஆனால் இன்று மலேசியாவில் தமிழர்கள் தமிழ் படிப்பதற்கு பல தடைகள் உண்டு. அந்தவிதத் தடைகளைத் தாண்டியும் நல்ல தமிழினை பேசும் நண்பர்களைச் சந்திக்கும் போதோ, அவர்களின் எழுத்தை படிக்க நேரும் போதும் மனதுக்குள் பொங்கும் இன்பத்திற்கு அளவே இல்லை.

எனவே இன்றய அறிமுகம் முழுக்க முழுக்க மலேசிய அன்பர்கள் மட்டுமே.

*********************************************

கவித்தமிழ்

கிருஷ்ணமூர்த்தி எனும் மலேசிய நண்பர் எழுதும் கவித்தமிழ் பதிவினைப் பற்றி பார்க்கலாம். கவிதைகள் மேலான ஆர்வத்தால் கவிதைகளை மெட்டுப்போட்டு, சரணம், பல்லவி, அநுபல்லவி பிடித்து அழகாக எழுதுகிறார்.

வரமா சாபமா..?

என்ற இடுக்கையில் குழந்தை நமக்கு வரமா, சாபமா என கேட்டு எழுதியதில், வார்த்தைகள் அத்தனையும் இன்றய நவீன உலகின் அவலத்தை எளிய தமிழில் எழுதியுள்ளார்.

*******************************************

கணைகள்

தோழி து. பவனேஸ்வரி எழுதும் இந்த பதிவில் கவிதைகளும், தொடர்கதையும் சிறப்பாக உள்ளன.

கவிதைகளில் நட்பு, காதல், சோகம், தன்முனைப்பு என பலதளங்களில் பொங்கிப் பிரவாகம் எடுக்கின்றது தமிழ்.

தொடர்பு கொடுக்கவேண்டிய அவசியம் இல்லை. தலைப்பைத் தொட்டு கணைகளுக்குச் சென்று அவசியம் அனைத்து இடுக்கைகளையும் படித்து இன்புற கேட்டுக்கொள்கிறேன்.

********************************************************************************

நினைவெல்லாம்

யார் எழுதுகிறார் என்ற விபரத்தினை இடுக்கைகளில் காணவில்லை..

எழுதுவது, எழுதியது எல்லாம் காதல், காதல், காதல் கவிதைகள் மட்டுமே. ஆனால் அத்தனையும் அருமை.

**********************************************************************************

கண்டிப்பாக எல்லோரும் வாசிக்கவேண்டிய பதிவர்களை அறிமுகம் செய்து உங்களிடமிருந்து விடைப்பெறுவது உங்கள்

அப்பாவி முரு