எனக்கு முன்னே சித்தர்பலர் இருந்தாரப்பா!

எனக்கு முன்னே சித்தர்பலர் இருந்தாரப்பா!
யானும் வந்தேன் ஒருசித்தன் இந்தநாட்டில்;

- மகா கவி பாரதியார்

பதிவுலக நட்புகள் அனைவருக்கும் என் இனிய வணக்கங்கள்

நான் யாருன்னு கேக்குறீங்களா?

எம்பேரு வசந்தகுமார்

ஊரு மதுரப்பக்கம் தேனி-லட்சுமிபுரம்புதுப்பட்டி ஆமாங்க கிராமத்தானுங்க...

(ஆமா உன் மூஞ்சியும் முகரகட்டையும், நீ எழுதுற பதிவுகளையும் கமெண்டுகளையும் பார்த்தாலே தெரியுது நீ கிராமத்தான்னு அங்க யாரோ முறைச்சு பாத்துட்டு சொல்றது கேக்குது...)

இப்போ கத்தார் நாட்டில் கட்டுமான துறையில் மின்னியல் பிரிவில் பணிபுரிகிறேன்...

பிரியமுடன்...வசந்த் என்ற வலைப்பூவில் எழுதி(கிறுக்கிட்டு)வருகிறேன்...

(அப்பிடியொரு வலைப்பூ இருக்கான்னெல்லாம் கேக்கப்புடாது)

வலையுலக வாழ்க்கை சரியா போன டிசம்பர்18 லிருந்துதான் ஆரம்பித்தது... இப்போ இந்த டிசம்பர்ல திரு.சீனா ஐயாவின் ஆசியால் வலைச்சரம் ஆசிரியராவும் ஆயிட்டேன்....

(அதத்தான் எங்களால நம்ப முடியலைன்னு தமிழரசி மேடம் கேக்குறீங்கதானே! )

இதுக்காக என் பெயரை சீனா ஐயாவிடம் பரிந்துரை செய்தது யார்ன்னு தெரியலை அவங்களுக்கும்,சீனா ஐயா அவர்களுக்கும் நன்றி சொல்லிக்கிறேன்...

முதல்ல நான் எழுத்தாளனே கிடையாது ஏதோ எனக்கு தெரிஞ்சதை கிறுக்கிகிட்டு இருக்கேன்.. மிக நன்றாக எழுதுபவர்கள் போல் இலக்கியம் எல்லாம் படிக்கலை இலக்கணம் கூட சரியா தெரியாதுங்க..ஏதோ என் எண்ணத்தில் தோன்றியதை எழுத்துவடிவில் கொண்டுவந்து உங்களின் பார்வைக்கு வைப்பதுவரை என் வேலை முடிந்தது.. அவ்வளவுதான்... அதுக்கப்புறம் டார் டாராக்குறது எல்லாம் உங்க வேலை...

முதன் முதல்லா அப்பாவி முரு என்னை வலைச்சரத்தில அறிமுகப்படுத்திவச்சு ஆட்டத்தை ஆரம்பிச்சு வச்சாரு எனக்கு பிடித்த என் மேல் உண்மையான பாசம் வைத்திருக்கும் நண்பர்களாலும் அதன் பிறகு அறிமுகப்படுத்தப்பட்டேன்..இப்போ நானும் இந்த வலைச்சர ஆசிரியர் ஆவேன்னு நினைச்சு கூட பாக்கலைங்க..(டேய் பொய்யெல்லாம் சொல்லாதன்னு நானே என்னைய கேட்டுக்கிறேன்)

இதுக்கெல்லாம் காரணம் என் இடுகைகளை படிச்சு தொடர்ந்து ஆதரவு தரும் என் நண்பர்களாகிய நீங்கள்தான்... எனக்கு முன்ன என்னோட சீனியர்ஸ் நிறையபேர் ஆசிரியரா பொறுப்பேற்ற வலைச்சரத்தில் நானும் ஆசிரியரா இருக்குறது எனக்கு ரொம்ப பெருமையா இருக்குங்க...

எனக்கு பதிவுகளை வாசிக்க பிடிக்கும்...என்னை பொறுத்த அளவில் ஒரு பதிவரா இருப்பதை விட ஒரு நல்ல வாசகனா இருக்கவே விரும்புறேன்..இந்த ஒரு வருடத்தில் நான் படித்த பதிவர்கள் எண்ணற்றோர்...அவர்களில் எனக்கு பிடித்த நன்றாக எழுதும் பதிவர்களையும், இன்னும் பதிவுலகத்துக்கு வந்து சில நாட்களே ஆனாலும் சிறப்பாக எழுதும் அனைவரையும் அறிமுகப்படுத்துவதில் எனக்குத்தான் பெருமை...

இப்போ சுயபுராணத்துக்கு போவோமா( வேண்டாம்டா சாமீ அத உன்னோட வலைப்பூவுலதான் பார்த்துட்டு மெர்சலாயிப்போய் இருக்கோமேன்னு நீங்க சொன்னாலும் புதுசா வாசிக்கிறவங்களும் உங்களை மாதிரியே இதப்படிச்சுட்டு மெர்சல் ஆகவேணாமா?)

பொதுவா நான் படங்களை ரசிப்பது உண்டு சினிமா படமில்லப்பா போட்டோபடம் அதில் நகைச்சுவையா இரு இடுகைகள்

பட்டப்பெயர்கள் சண்டே எண்டெர்டெயின்மெண்ட், இதுதான் உண்மையா,

அப்புறமா என்னோட இந்த 32 கேள்விகள் 32 நபர்களிடம் படிக்காதவங்க படிச்சுடுங்கப்பா (ஒருத்தரோட 32 கேள்வி பதில்களையே படிக்கமுடியாது இதுல 32 பேரா இப்போ உன்னோட 32 பல்லையும் உடைக்கப்போறேன்னு பிரியாக்கா சொல்றா)

பின்ன மேக கூட்டத்துக்கிட்ட நான் பேசிய மேகமும் நானும்

(ஆமா நீதான் ஆடு,மாடு,கோழி,நாய் எல்லா பாஷையும் படிச்சவனாச்சே மேக பாஷை மட்டும் படிக்காமயா விட்ருப்பன்னு சுசிக்கா கேக்குறா)

தொடர் பதிவா நான் அறிமுகப்படுத்தி பதிவுலகையே வலம் வந்த தேவதையின் வரங்கள்

(அந்த தொடர் பதிவ அனுப்புன மவ ராசன் நீதானான்னு நைனா நற நறன்னு பல்ல கடிக்கிறதான)

பின்பு என்தங்கை பிரியாக்கு நான் எழுதிய சொர்கத்துக்கு ஒரு கடிதம்

(இதுக்கு பதில் கடிதம் எழுதிய தங்கை சந்தியாக்கும் அதை வெளியிட்ட தேவதை இதழுக்கும்,அதை அனுப்பிவைத்த ரம்யாக்காக்கும் நன்றி)

சமையல் விமர்சனம் மாதிரி எழுதிய பிரியாணி - விமர்சனம்

(சினிமா விமர்சனமே படிக்க முடியல இதுல பிரியாணிக்கு வேற விமர்சனமா?ன்னு நவாஸ் சொல்றாரு..)

நகைச்சுவை? மாதிரி வா முனிம்மா வா வா முனிம்மா வா

(மும்தாஜ்தான் கேள்விப்பட்டுருக்கோம் முனிம்மா யாருன்னு கலையரசன் கேட்டாலும் கேப்பான்)

சும்மா கருத்து கந்த சாமி மாதிரி எழுதுன

ஆறாவது அறிவு,அரசாங்கமே கொஞ்சம் காதை குடுத்து கேளுங்க...

(நீ திருந்தவே ஆயிரம் கருத்து சொல்லணும் இதுல நீ கருத்து சொல்றியாக்கும்ன்னெல்லாம் கேக்ககூடாது ஆமா..)

பிரபல காதல் கதையாகிப்போன கிட்னாப்

(இந்த இடுகைக்கப்பறம் வர்ற மின்னஞ்சல் ரசிக,ரசிகைகள் தொல்லை தாங்க முடில்லப்பா)

அப்புறமா அப்போ அப்போ கவிதைன்னு கிறுக்குனதுல வந்த ஒரு கிறுக்கல்

இரண்டுமாம் ஒன்றுமாம் யாவுமாம்...!

இப்போ சொல்லுங்க நான் எழுதுனது எல்லாமே கிறுக்கல்தான...

(போதுண்டாப்பா... உன்னோட சுய புராணத்தை முடிச்சிட்டியாடான்னு பெரு மூச்சு விட்டுட்டீங்கதானே..)நாளைக்கும் அதற்க்கு அடுத்த நாளும் இன்று அளித்த ஆதரவைப்போல் தொடர் ஆதரவளிக்கும் படி கேட்டுக்கிறேன்...

(இன்னைக்கே தாங்க முடியல இன்னும் ஆறு நாளா ஷ்ஷப்பா கண்ணக்கட்டுதே...)

நன்றி நாளைக்கு மீண்டும் சந்திப்போம்...

ப்ரியமுடன்...வசந்த்