பெண்ணீயம் - வலைச்சரம் மூன்றாவது நாள்

பெண் சுதந்திரம் என்பது சமூகமேம்பாட்டிற்கு வித்திடும் ஒரு தளம். எந்த ஒரு நாட்டில் பெண் இனம் அடிமைப்பட்டுக்கிடக்கிறதோ அந்த நாடும், எங்கே பெண் கண்ணீர் வடிக்கிறாளோ அந்தக்குடும்பமும் மிளிர்வதில்லை. அதே சமயத்தில் குடும்பங்கள் மிளிர்வதும் பெண் என்பவளின் தியாகத்தாலும், உழைப்பாலும் என்பதை யாரும் மறுக்கமுடியாது.

குடும்ப வன்முறையிலும், வரைமுறையற்ற அடிமைத்தனத்திலும், பாலியல் சுரண்டலுக்கும் ஆளாகி, சிக்கிச்சீரழிந்து கண்ணீரில் மூழ்கி, தம்மை இழந்த பெண்கள் ஒரு புறம்.அடிப்படை உரிமைகள், கல்வி, சமுதாய மேம்பாடு, போதுமான விழிப்புணர்வு இத்தனையும் கிடைத்த போதிலும் விட்டுக்கொடுப்பதற்கும், அடிமைத்தனத்திற்கும் வித்தியாசம் புரியாமல், குடும்பங்களைப் போர்க்களமாக்கி, குழந்தைகளின் வாழ்வை சீரழித்து, சொந்தங்களோடு உறவை பலப்படுத்தத்தெரியாது,பொய் வழக்குப்போட்டு உறவை அறுத்தெரிந்து, கொண்டதே கோலமெனும் பெண்கள் அதிகரித்துக்கொண்டே வருவது ஒரு புறம்.

அடிமையாய்க் கிடக்கும் பெண்களுக்கு விழிப்புணர்வு ஊட்டி, அவர்களை அந்தத்துன்பங்களில் இருந்து மீட்டெடுத்து, மறுவாழ்வு கொடுக்க தமது சுகதுக்கங்களை மறந்து பாடுபடும் சமூக சேவகர்களின் எழுத்தும், பேச்சும் உரியவர்களைப்போய்ச்சேருவதில்லை. மாறாக விழிப்புணர்வுடன் இருக்கும் பெண்களுக்கு அதீத விழிப்புணர்வு தர உதவுகிறது என்பது தான் உண்மையோ என்று எனக்கு ஒரு எண்ணம் உண்டு. அதனாலேயே பெண்ணீய எழுத்துக்களை அதிகம் வாசிப்பதிலை.ஆனால் நிதர்சனங்களை, எங்கோ மூலைகளில் நடக்கும் அநியாயங்களை நியாயமாக எடுத்துரைக்கும் பெண்ணீய எழுத்தாளர்கள் நம் வலையுலகில் உண்டு.

எழுத்தாளர் குட்டி ரேவதியின் இந்தப்பதிவு கயர்லாஞ்சியின் சம்பவம் சொல்லும் இந்தப்பதிவு மனதை உருக்கி கண்ணீர் வழிவதைத் தவிர்க்கமுடியவில்லை எனக்கு. http://kuttyrevathy.blogspot.com/2010/04/2_20.html

தீபாவின் நீரோவின் விருந்தாளியா நீங்கள் பதிவு கூறுவதும் அதே சம்பவத்தைப்பற்றியது தான். http://deepaneha.blogspot.com/2010/04/blog-post_06.html

சோதனை எலிகளாக்கப்படும் பழங்குடிப் பெண்கள் - மு.வி நந்தினியின் இந்தப்பதிவு சம்பந்தப்பட்டவர்களைப் போயடைந்து அந்தப்பெண்களுக்கு விழிப்புணர்வைத்தருமா? http://mvnandhini.wordpress.com/2010/03/31/சோதனை-எலிகளாக்கப்படும்-ப/

தமிழச்சியின் தோட்டியும், மலக்குழியும் என்ற பதிவு மலம் அள்ளும் பெண்களின் அவலத்தைச்சொல்லும் பதிவு. http://www.tamizachi.com/index.php?page=echoarticle&rubrique=01&article=2047

சந்தன முல்லையின் குட் பை ஜெய் ஸ்ரீ மற்றும் இனிஷியலைப் பற்றி இனிஷியலாக பதிவுகள் அதீத வர்ணனையற்ற இயல்பான பதிவுகள் http://sandanamullai.blogspot.com/2010/03/blog-post_27.html

படித்துப்பாருங்கள் நண்பர்களே! பெண், ஆண் என்ற பேதமின்றி ஒரு உயிர் என்ற உணர்வோடு, ஏற்ற தாழ்வின்றி, அனைவரும் சமம் என்று அன்பை மட்டும் ஆயுதமாக்கி வாழ்ந்தால் வாழ்க்கை ஒரு பூந்தோட்டம். தந்திரமற்று, ஜாலங்கள் இன்றி மனதில் நல் எண்ணங்களோடு வாழ்க்கையை வாழ்வோம். ஒன்றுபட்டு அநீதிகளை எதிர்ப்போம்.இனியொரு கயர்லாஞ்சி சம்பவம் உலகின் எந்த மூலையிலும் நடந்துவிடக்கூடாது என்ற பிராத்தனைகளுடன்.

என்றும் அன்புடன்

க.நா.சாந்தி லெட்சுமணன்