மிக்க நன்றி சாந்தி - வருக வருக சைவகொத்துபரோட்டா

அன்பின் சக பதிவர்களே மற்றும் வாசக அன்பர்களே

கடந்த ஒரு வார காலமாக ஆசிரியப் பொறுப்பேற்று, ஒன்பது இடுகைகள் இட்டு, நூற்றுக்கும் மேலான மறுமொழிகள் பெற்று, பல தலைப்புகளில் பதிவர்களையும் இடுகைகளையும் அறிமுகப்படுத்தி, தன் கடமையைச் சரி வரச் செய்து, மன நிறைவுடன் நம்மிடமிருந்து விடை பெறுகிறார் சகோதரி க.சாந்தி லக்ஷ்மணன். அவரை வாழ்த்தி வழி அனுப்புவதில் மிகப் பெருமை அடைகிறேன். நல்வாழ்த்துகள் சகோதரி

அடுத்து நாளை 03.05.2010ல் துவங்கும் வாரத்திற்கு ஆசிரியப் பொறுப்பேற்க வருகிறார் அருமை நண்பர் சைவகொத்துபரோட்டா. இவர் தனது வலைப்பூவில் ஆறு மாத காலமாக எழுதி வருகிறார். இவரது பெயர் இன்னும் வலை உலகத்திற்கு அறிவிக்கப்பட வில்லை. தூத்துக்குடியில் பிறந்த இவர் திண்டுக்கல், சென்னை, ஓசூர், பெங்களூர் போன்ற நகரங்களில் பணியாற்றி, தற்பொழுது பன்னாட்டு நிறுவனம் ஒன்றில் பணியாற்றிக் கொண்டிருக்கிறார்.

தமிழில் எழுதப்படும் கவிதை, கதை, கட்டுரை ஆகியவற்றைப் படிப்பதில் மிக்க ஆர்வம் கொண்டவர். கதை கவிதை எழுதுவதிலும் திறமை பெற்றவர்.
ஆசிரியப் பொறுப்பேற்று, பல புதிய பதிவர்களை அறிமுகப் படுத்த வந்துள்ள இவரை வருக ! வருக ! என வரவேற்று, வாழ்த்துவதில் பெருமகிழ்ச்சி அடைகிறேன்.

நல்வாழ்த்துகள் சைவகொத்துபரோட்டா
நட்புடன் சீனா