பொறுப்புகளை ஒப்படைக்கும் விஜி - பொறுப்பேற்க வரும் மோகன் குமார்

அன்பின் சக பதிவர்களே !

இன்றுடன் முடியும் வாரத்திற்கு, ஆசிரியப் பொறுப்பேற்ற மயில் என்ற பெயரில் எழுதும் விஜி, ஏழு இடுகைகள் இட்டு , ஏறத்தாழ 150 மறு மொழிகள் பெற்றிருக்கிறார். துறை வாரியாக பல புதிய பதிவர்களை அறிமுகம் செய்து, ஏற்ற பொறுப்பினை சிறந்த முறையில் நிறைவேற்றி, மன நிறைவுடன் நம்மிடமிருந்து விடை பெறுகிறார். வலைச்சரம் சார்பினில், நன்றி கலந்த நல்வாழ்த்துகளுடன் விடை அளிப்பதில் பெருமை அடைகிறேன்.

அடுத்து, நாளை துவங்கும் வாரத்திற்கு ஆசிரியப் பொறுப்பேற்க வருகிறார் சென்னையில் வசிக்கும் அருமை நண்பர் மோகன் குமார். இவர் சட்டப் படிப்பும் கம்பெனி செக்ரட்டிஷிப்பும் படித்திருக்கிறார். சென்னையில் உள்ள ஒரு பிரபல நிறுவனத்தில் சட்ட ஆலோசகராகவும், கம்பெனி செக்ரட்டரியாகவும் பணி புரிகிறார்.
இவர் வீடு திரும்புதல் என்ற தமிழ்ப் பதிவிலும், நீடா மோகன் என்ற ஆங்கிலப் பதிவிலும் எழுதி வருகிறார். ஜூன் 2008ல் எழுதத் துவங்கிய இவர் ஏறத்தாழ, இரு பதிவுகளிளும் சேர்த்து நூற்று நாற்பது பதிவுகள் இட்டிருக்கிறார். இவர் அரட்டை அரங்கம், நீயா நீனா போன்ற தொலைக்காட்சி நிகழ்ச்சிகளிலும் மற்றும் பல்வேறு தொலைக்காட்சிகளிலும் பங்கு பெற்றிருக்கிறார்.

இவர் பதிவர்களை சிறந்த முறையில், பல இடுகைகளில், முழுவதுமாக அறிமுகம் செய்திருக்கிறார். பல தர்ம காரியங்களுக்கு நன்கொடையும் அளிக்கிறார்.

நண்பர் மோகன் குமாரை வருக! வருக ! - நல்ல முறையினில் அறிமுகப் பணியினைத் தொடர்க என வரவேற்று வாழ்த்துவதில் பெரு மகிழ்ச்சி அடைகிறேன்.

நல்வாழ்த்துகள் மோகன் குமார்
நட்புடன் சீனா