செல்விருந்தோம்பி வருவிருந்து காத்திருத்தல்

அன்பின் சக பதிவர்களே

இன்றுடன் முடியும் வாரத்திற்கு ஆசிரியப் பொறுப்பேற்ற அமைதிச்சாரல், தான் ஏற்ற பொறுப்பினை, சிறப்புடன் நிறைவேற்றி, மன நிறைவுடன் நம்மிடமிருந்து விடை பெறுகிறார். இவரது பதவிக் காலத்தில் - இவர் ஏழு இடுகைகளில், ஏறத்தாழ ஐம்பது பதிவர்களை அறிமுகப்படுத்தி, இருநூற்று ஐம்பது மறுமொழிகள் பெற்று மகிழ்ச்சியுடன் பணியாற்றி இருக்கிறார். இவரை நன்றி கலந்த வாழ்த்துகளோடு, வழி அனுப்புவதில் பெருமை அடைகிறேன்.

நாளை துவங்கும் வாரத்திற்கு ஆசிரியப் பொறுப்பேற்க வருகிறார் பாலா. இவர் விருதுநகரினைச் சார்ந்தவர். இவர் முதுகலை கணிப் பொறியியல் பட்டம் பெற்றவர். சிவகாசியில் உள்ள புகழ் பெற்ற பொறியியல் கல்லூரியில் உதவிப் பேராசிரியராகப் பணியாற்றி வருகிறார். இவர் கணினித் துறையில், "Web Technology" மற்றும் "OOPS" பிரிவுகளில் திறமைசாலி.

இவர் எழுத்தார்வமும் வாசிப்பில் ஆர்வமும் கொண்டவர். நூறு இடுகைகள் வரை இவரது பதிவில் இட்டிருக்கிறார். நண்பர் பாலாவினை வருக ! வருக ! ஏற்ற பணீயினைச் சிறப்புறச் செய்க ! என வரவேற்று வாழ்த்துவதில் பெரு மகிழ்ச்சி அடைகிறேன்.

நல்வாழ்த்துகள் அமைதிச் சாரல்

நல்வாழ்த்துகள் பாலா

நட்புடன் சீனா