வலையில் சிக்கிய கவியலைகள்.

அன்பு நிறைந்த உள்ளங்களே! நேற்று நம்மோட  சுயபுராணம் ஓட்டியாச்சு. இதோ இன்று அடுத்தவாளோட சரித்திரத்தை அலசி ஆராயணுமுன்னு ஆவலோடு அனைவரும் கேட்டதால ஏதோ நம்மால முடிஞ்சவரைக்கும் வலையைவீசி ஆராய்ந்துள்ளோம். பார்த்துவிட்டு சொல்லுங்க,  இன்று வலையில் சிக்கியவைகள் எப்படியிருக்கிறதென்று .

ஒருவழியாக இன்றிலிருந்து நம்மளோட பணியை திறம்பட செய்யவேண்டுமென வலையை எடுத்துக்கொண்டு நீரோடையில் கிடந்த  படகில் ஏறியமர்ந்து இன்று என்ன சிக்கினாலும் விடக்கூடாது  கிடைப்பதையெல்லாம் அப்படியே அள்ளிக்கொண்டு வந்துவிடலாமுன்னு போனா நம்ம வீசிய வலையில் முதல் சிக்கியது அலைகள்தான்.  அடடே என்ன ஆச்சர்யம்! அதுவும் கவியலைகள்! சந்தோஷம் தாங்கல, இருக்காதா பின்ன? என்னயிருந்தாலும் நம்ம வலையில் முதலில் அதுதானே சிக்கும்

 

இன்றைய தினத்தில் சிக்கிய பெரிய அலை, சிறிய அலை, அழகிய அலை, ஆர்ப்பாட்ட அலை, ஆனந்த அலை, ஆளையிழுக்கும் அலை அமைதியான அலை, ஆர்ப்பரிக்கும் அலை, அடித்துச்செல்லும் அலையென அத்தனை அலைகளையும் அள்ளிக்கொண்டுவந்துட்டோமுல்ல.

[மீதமுள்ள அலைகள் அடுத்துவரும்].

அலைகளை எப்படி அறிமுகப்படுத்துவது என்று யோசித்தேன். அதனை அறிமுகப்படுதுவதைவிட நேரிலேயே காண்பித்துவிட்டாலென்ன? அப்படியே அலைகள் தன்னிலைகளைத் தானே அடித்துச்சொல்லட்டும் என்று தோன்றவே அப்படியே வலைக்குள் கட்டிவந்து இதோ உங்க முன்னால நிறுத்திவிட்டேன்.
  கொஞ்சமாவது சுவாரஸ்யமாக இருக்கனுமல்லவா அதான் .

எல்லாம் ஒரு வித்தியாசமாக இருக்கட்டுமேன்னுதான் இந்த ஏற்பாடு. எப்புடியிருக்கு? நமக்கு வலைவீசியெல்லாம் பழக்கமில்லைங்கோ. முதன்முதலா இப்படியொரு சந்தர்ப்பம் கிடைத்திருக்கிறது, அதை விட்டுவிடக்கூடாதுன்னு ஓடைவழியாக, கடலுக்கே போய் வலையை வீசியாச்சி. இனி உங்க கையில்தான் இருக்கு. வலையை சரியாக வீசியிருக்கேனா சிக்கியவைகள் சிறப்பானவைகளான்னு நீங்கதான் சொல்லனும். சொல்லுவீகதான?
ஸ்ஸ்ஸ் அப்பாடா இப்பவே கண்ணக்கட்டுதே!

கவியெழுதும் விரல்கள் தொட்டால்

கள்ளியிலும் தேன் வடியும்
கற்பனையின் உச்சத்திற்கு
கரைகட்டினால் உடைத்தெறியும்

சின்னஞ்சிறிய சொல்லெடுத்து

சிற்பிகள்போல் சீர்பட செதுக்கும்
சிந்தனைகள் செழிப்பதுபோல்
சிறக்கவைக்கும் கவிப்படைக்கும்

நற்சிந்தினைகள் வளர்த்திடவும்

நற்போதனைகள் புரிந்திடவும்
நானிலமே அறிவதுபோல்
நற்கவிகள் பலபடைக்கும்

கவிதைக்கு பொய்யழகென்று 

கற்பனைக் குதிரைகளை
கடிவாளமின்றி கட்டவிழ்த்துவிடும்
கவிதைகளுமிருக்கும்

உணர்ச்சிகளில்லா சிலதிற்கும்

உணர்வுகளில்லா பலதிற்கும்
உணர்ச்சிகொடுத்து உணர்வூட்டி
உருவாக்கும் கவி பலர்கள்

பொய்மைவிட உண்மைசேர்த்து

பொதிந்துதரும் கருதுக்களில்
உள்ளம்நெகிழ உருவாக்கும் கவிகளிலே 
உருக வைக்கும்  கவி பலர்கள்

தன்நிலையில்லா இவ்வுலகில்

தன்னெழுத்து நிலைபெறுவதுபோல்
நிலைநிறுத்திக்கொள்ளத் துடிக்கும்
நிஜமான உணர்களை
மனமாரப் போற்றிடுவோம்
மனநிறைந்து வாழ்த்திடுவோம்...

இன்றைக்கு  சிக்கியவைகள் அவ்வளவுதான்

நாளைக்கு எதில் என்ன சிக்குதுன்னு பார்ப்போம்..

அன்புடன் மலிக்கா