நன்றி கலந்த நல்வாழ்த்துகள் மலிக்கா - வருக ! வருக ! மாணவன்

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பேற்ற சகோதரி மலிக்கா - ஏற்ற பொறுப்பினை நிறைவாக நிறைவேற்றி மன மகிழ்ச்சியுடன் நம்மிடமிருந்து விடை பெறுகிறார். இவர் ஒரு வாரத்தில் ஏழு இடுகைகள் இட்டு, 85 பதிவர்களை அறிமுகம் செய்து, 335 மறுமொழிகள் ( இதுவரை ) பெற்றிருக்கிறார். அறிமுகங்களும் சிறப்பான முறையில், படிப்பதற்குப் பரிந்துரைக்கும் இடுகைகளாக இல்லாமல், சிறந்த பதிவர்களையே அறிமுகம் செய்து விட்டார். வித்தியாசமாக, வலைத்தளத்தின் பெயர் மற்றும் முகவரி, பதிவர் பெயர், பதிவர் ஃப்ரொஃபைல் படம் ஆகியவைகளை அழகான படமாக இட்டு அறிமுகம் செய்திருக்கும் விதம் நன்றாக இருந்தது. இனி வரும் ஆசிரியர்கள் இம்முறையினையே பின் பற்றாமல் குறிப்பீட்ட இடுகைகளையே அறிமுகப் படுத்துமாறு வேண்டுகிறோம்.

சகோதரி மலிக்காவின் உழைப்பினையும், திறமையினையும் பாராட்டி, நல்வாழ்த்துகளுடன் வழி அனுப்புவதில் பெருமை அடைகிறோம்.

நாளை துவங்கும் வாரத்திற்குப் பொறுப்பேற்க வருகிறார் நண்பர் மாணவன். இவரது இயற்பெயர் ரவி.சிலம்பரசன். கணினித்துறையில், வன்பொருள் பொறியாளர் - பட்டயப் படிப்பு படித்து விட்டு, சிங்கையில் நான்காண்டு காலமாக ஒரு புகழ் பெற்ற நிறுவனத்தில் பணி புரிகிறார்.

நண்பர் மாணவனை வருக ! வருக ! அறிமுகங்களை அள்ளித் தருக ! என வரவேற்று வாழ்த்துவதில் மகிழ்ச்சி அடைகிறோம்.

நல்வாழ்த்துகள் மலிக்கா

நல்வாழ்த்துகள் மாணவன்

நட்புடன் சீனா