என் திங்கள்...

வலைச்சரம் எனக்கு அறிமுகம் ஆனதே தேவா அவர்களால் தான். அவர் வலைச்சரத்தில் ஆசிரியராக இருந்த பொழுது அறிமுகம் ஆனது அன்று முதல் இன்று வரை வலைச்சரத்தை பின்தொடர்ந்து வருகிறேன். என்னை வலைச்சர ஆசிரியராக்கி அழகுபார்க்கும் சீனா அய்யா அவர்களுக்கு என் நன்றியை தெரிவித்து கொள்கிறேன்.

நான் மே மாதம் தான் வலைபக்கம் தொடங்கினேன்..விளையாட்டாய் தொடங்கினேன்...முழுதாய் ஒரு வருடம் கூட ஆகவில்லை. சாதித்தது ஒன்றுமில்லை தமிழ்மணம் விருது...இப்பொழுது வலைச்சர ஆசிரியர் பொறுப்பு...இதை விட நிறைய நண்பர்கள் கிடைத்து இருக்கிறார்கள்....

நான் எழுதியதில் எனக்கு மிகவும் பிடித்த பதிவு விவசாயிகளின் நிலை விவசாயிகள் பற்றி எழுதி இருந்தேன். இந்த பதிவை போல் என்னால் மீண்டும் எழுத முடியுமா..? என்பது சந்தேகம் தான் ...இந்த பதிவிற்கு நிறைய பாராட்டுக்கள் கிடைத்தது ...முதன் முதலில் யூத்ஃபுல் விகடனில் குட் ப்ளாக் என தேர்ந்தெடுத்தார்கள்.  

நமது அரசாங்கம் எப்போதும் பெட்ரோல் விலையை உயர்த்தி கொண்டே வருகிறது..அப்படி ஒரு விலை உயர்வு நேரத்தில் எழுதியது தான் இந்த பதிவு. கோவமான வார்த்தைகள் நிறைய எழுதியிருந்தாலும் உண்மையான வார்த்தைகள்..முன்பு பெட்ரோல் விலை உயர்வு என்றால் முன் அறிவிப்பு இருக்கும் இப்பொழுது அதுவும் கிடையாது. இவங்களுக்கு எல்லாம் சும்மா... 

அவ்வப்போது விழிப்புணர்வு பதிவுகளும் எழுதுவது உண்டு அப்படி எழுதியது தான் இந்த மது நாட்டுக்கு லாபம் வீட்டுக்கு நஷ்டம்  பதிவை எழுதினேன் இதற்கு கிடைத்த வரவேற்பை அடுத்து நிறைய விழிப்புணர்வு பதிவுகள் எழுத தொடங்கினேன்....

சாதாரணமாக தான் பதிவு எழுதி கொண்டு இருந்தேன் கதை எழுதும் அளவுக்கு வருவேன் என நினைத்து பார்க்க வில்லை....நான் முதன் முதலில் எழுதிய கதை தான் தட்டான் பூச்சி ... அவ்வப்போது கதைகள் எழுதி வருகிறேன் இன்னும் கதைகள் நிறைய எழுத ஆசை.... 

கதை எழுதியாச்சி அடுத்து என்ன கவிதை தான் அதுவும் அரைகுறை தான்...சும்மா ஏதோ எழுதுவேன் அந்த அளவுக்கு நன்றாக இருக்காது. உன் கரம் பற்றி.. 

இவ்வளவு தாங்க என்னுடைய அறிமுகம்....இதுவே ரொம்ப ஓவரா சொல்லிட்டேன் ....நாளைக்கு என் நண்பர்கள் பற்றிய அறிமுகத்தை பார்ப்போம்....

நாளைக்கு சந்திக்கிறேன்...