மாய உலகம் ராஜேஷ் பொறுப்பேற்கிறார்.

அன்பின் சக பதிவர்களே

11.09.2011 முடியும் வாரத்திற்கு ஆசிரியப் பொறுப்பேற்ற அருமை நண்பர் சத்ரியன், தான் ஏற்ற பொறுப்பினை, அழகாக, அருமையாக, மன நிறைவுடன், ஈடுபாட்டுடன், செய்து - மகிழ்வுடன் நம்மிடமிருந்து விடை பெறுகிறார். இவர் பல்வேறு தலைப்புகளில் பல்வேறு பதிவர்களையும் இடுகைகளையும் அறிமுகப் படுத்தி இருக்கிறார். இவரை வலைச்சரம் குழுவினர் சார்பாக, வாழ்த்தி வழி அ னுப்புவதில் பெருமை அடைகிறேன்.

12.09.2011 முதல் ஆசிரியப் பொறுப்பேற்க, அன்புடன் இசைந்துள்ளார் நமது நண்பர் மாய உலகம் ராஜேஷ். சேலத்தைச் சார்ந்த இவர் பொறியியல் பட்டதாரி. சென்னையில் திரைப்படத் துறையில் உதவி இயக்குனராகப் பணி புரிகிறார். குறும்ப்டங்களிலும், விளம்பரப் படங்களிலும், தொலைக்காட்சிகளில் நிகழ்ச்சி ஒருங்கிணைப் பாளராகவும்,, மட்டுறுத்துனராகவும் பணி புரிகிறார்.

ஆன்மீகத்தினைப் பற்றி ஒரு வலைப்பூவும் பொழுது போக்கிற்காக ஒரு வலைப்பூவும் வைத்திருக்கிறார். வலைப்பூ துவங்கி குறுகிய காலத்திலேயே ஐம்பதிற்கும் மேலாக பல்வேறு தலைப்புகளில் இடுகைகள் இட்டுள்ளார். ப்லரும் இவரைப் பின்தொடர்கின்றனர்.

ராஜேஷை வருக வருக ! என வரவேற்று அறிமுகங்களை அள்ளித் தருக என வாழ்த்துவதில் பெருமகிழ்ச்சி அடைகிறேன்.

நல்வாழ்த்துகள் சத்ரியன்

நல்வாழ்த்துகள் ராஜேஷ்

நட்புடன் சீனா