பைங்கிளியிடம் இருந்து ஸாதிகா பொறுப்பேற்கிறார்.

அன்பின் சக பதிவர்களே

அனைவருக்கும் வணக்கம்

இன்றுடன் முடியும் வாரத்திற்கு ஆசிரியப் பொறுப்பேற்ற தென்காசித் தமிழ்ப் பைங்கிளி - தான் ஏற்ற பொறுப்பினை வித்தியாசமான முறையில் - மன நிறைவுடன் நிறைவேற்றி - நம்மிடமிருந்து விடை பெறுகிறார்.

இவர் தினந்தினம் ஒரு பதிவரினைத் தேர்ந்தெடுத்து அவரின் பதிவுகளில் பலவற்றை அறிமுகப்படுத்தியபின், ஐந்து பதிவர்களின் தேர்ந்தெடுக்கப்பட்ட ஐந்து பதிவுகளையும், புதிய பதிவர்களில் ஐந்து பேருடைய ஐந்து பதிவுகளையும் அறிமுகப்படுத்தி ஆக தினந்தினம் 11 பதிவர்களின் இருபது பதிவுகளை அறிமுகப்படுத்தி இருக்கிறார்.

தன்னுடைய சுய அறிமுகத்தினில் - தன்னுடைய சிறந்த 18 பதிவுகளை அறிமுகப் படுத்தி இருக்கிறார்.

இவரது பதிவுகள் : 7

அறிமுகப் படுத்தப் பட்ட பதிவர்கள் : 67

அறிமுகப் படுத்தப் பட்ட பதிவுகள் : 138

பெற்ற மறுமொழிகள் : 145

பைங்கிளியினை வாழ்த்தி வழி அனுப்புவதில் பெருமை அடைகிறேன்.

நன்றி பைங்கிளி ; சென்று வருக பைங்கிளி

அடுத்து நாளை துவங்கும் வாரத்திற்கு ஆசிரியப் பொறுப்பேற்க அன்புடன் வருகிறார் சகோதரி ஸாதிகா ஹாஜா .

இவர் "எல்லாப் புகழும் இறைவனுக்கே " என்ற தளத்தில் எழுதி வருகிறார்.1980 களில் பதின்பருவத்தில் இருந்தே பத்திரிகைகளுக்கு எழுதுவதில் அதிக ஈடுபாடு காட்டி வந்த இவருக்கு,கதை,கட்டுரை,கவிதை எழுதுவதில் ஆர்வம் அதிகம். திருமணம்,குழந்தைவளர்ப்பு என்று இவருக்கும் ,பத்திரிக்கைக்குமான தொடர்பு சிறிதுகாலம் விட்டுப்போய் இருந்தாலும், மீண்டும் 2009 இல் இருந்து எழுத ஆரம்பித்து விட்டார்..தமிழ்நாட்டில் தென்கோடியில் பிறந்த இவர் இப்பொழுது குழந்தைகள் படிப்பு நிமித்தமாக புலம்பெயர்ந்து வசிப்பது சென்னையில்.

சகோதரி ஸாதிகா ஹாஜாவினை வருக வருக ! அறிமுகங்களை அள்ளித் தருக என வரவேற்று வாழ்த்துவதில் பெரு மகிழ்ச்சி அடைகிறேன்.

நல்வாழ்த்துகள் தென்காசித் தமிழ்ப் பைங்கிளீ

நல்வாழ்த்துகள் ஸாதிகா ஹாஜா

நட்புடன் சீனா