பவளங்கள்!!!

இன்று ஒரு தகவல்!

பூமித்தாய் தோட்டம்.

இன்றைக்கு வயல்களெல்லாம் தூர்க்கப்பட்டு, விளை நிலங்கள் மாற்றப்பட்டு அங்கங்கே மனைகளாக பிரிக்கப்பட்டு விற்கப்படுகின்றன! ஆயிரம் காரணங்கள் விற்பவர்களால் சொல்லப்பட்டாலும் நம் தமிழ்நாட்டின் பசுமை விற்கப்படுகின்றது என்பது தான் உண்மை! மனதுக்குள் புழுங்கும் மக்களும் வலிமை படைத்த அரசாங்கமும் ஏதும் செய்யாத நிலையில் இயற்கையை நேசிக்கும் பலரும் இருக்கத்தான் செய்கிறார்கள்.. அவர்களில் திரு. சந்தானமும்  ஒருவர். இவர் தான் இந்த பூமித்தாய் தோட்டத்தின் உரிமையாளர்.

திருச்சி நகரிலிருந்து சுமார் 3 கிமீ தொலைவில் குழுமணி சாலையில் உள்ளது மருதண்டாக்குறிச்சி. இங்குதான் "பூமித்தாய் தோட்டம்' அமைந்திருக்கிறது. "சாதி, மத, இன, மொழி, பால் வேறுபாடுகளைக் களைந்து மனிதநேயத்துடன், இயற்கை நேயத்துடன் வாருங்கள்' என நுழைவாயில் அழைக்கிறது
தோட்டத்தின் நடுவே கேரள பாணி கோயில் போன்று ஒரு சிறிய கட்டடம். உள்ளே சுவரில் இத்தோட்டத்தின் தத்துவம், கீழே இயற்கை குறித்த புத்தகங்கள் சில. வருகைதரும் எல்லோருக்கும் பிரசாதம் உண்டு- அது சில மரங்கள், செடிகளின் விதைகளாக!

"பூமித்தாய் தோட்டம்' குறித்து விளக்குகிறார் சந்தானம்:
"2009 இறுதியில் இந்த இடத்தை வாங்கி, இப்படியொரு தோட்டத்தை அமைக்கத் தொடங்கிய நாளில், "பூமி பூஜை போட்டு தேங்காய் உடைக்க வேண்டும்' என்றார்கள். நான் சுற்றிலும் 108 தென்னை மரக்கன்றுகளை நட்டுவைத்தேன்."

உலக நாடுகளுக்கெல்லாம் செல்லும்போது, சாதி-மத-இன-மொழி வேறுபாடுகள் அகன்றுவிடுகின்றன. மனிதகுலம் என்பதைத் தவிர வேறொன்றும் தெரியவில்லை. எனவே, இந்த மனித குலத்தை தொடர்ந்து உயிர்ப்போடு இருக்கச் செய்ய இயற்கைச் சூழல் அவசியம்.
இயற்கையை நேசிக்கும், அதற்காகப் பாடுபடும் இவரை  நாமும் கை குலுக்கலாம்!!

பவளம் [ CORAL]

முத்துக்களைப் போலவே பவளத்திற்கும் ஆழ்கடல் தான் வீடு. வெது வெதுப்பான நீர்ப்பகுதியில் இது விளையும். பவளப்பூச்சி என்ற கடல் வாழ் உயிரினம், கறையான் கூடு போன்று கட்டும் புற்றே பவளப் பாறைகள் ஆகும். பவளப்பூச்சிகளின் எச்சமும் பவழப்பாறைக்ளாக மாறுகின்ரன என்றும் சொல்லப்படுகின்றன. 

இரத்தம் போல் ஜொலிக்கும் பவளம் தான் சிறந்தது. சுற்றுச் சூழல் சீர்கேடுகளால் பவளப் பாறைகள் அழியத்  தொடங்கிய பிறகு, பவளத்தின் விலை மிகவும் உச்சத்தைத் தொட்டுள்ளது. தற்போது இத்தாலி மற்றும் ஜப்பான் கடல் பகுதிகளில் கிடைக்கப் பெறுகிறது. பவழத்தில் எந்த அமிலம் பட்டாலும் உடனே கரைந்துவிடக்கூடிய தன்மை கொண்டது

இனி பவளங்களாய் ஜொலிக்கும் பதிவர்கள்....

சகோதரர் பாலகணேஷ், தலைப்பில் என்னவோ கல்யாண சமையல் சாதம் என்று போட்டு சாப்பாட்டு வகைகள், சாப்பிடும்போது கடை பிடிக்க வேண்டிய நாகரீகங்கள் என்று அருமையாக எழுதியிருந்தாலும் கடைசியில் வெறும் தோசையும் வற்றல் குழம்பும் சுட்ட அப்பளமுமே போதுமென்கிறார் தனக்கு!!

மகாத்மா காந்தியை கொன்றதற்கான காரணங்களையும் விளக்கங்களையும் வாக்குமூலமாக வெளி வந்ததை இங்கே பாஸ்கர் மூக்கன் தன் வலைப்பூவில் பதிவாக்கிக் கொடுத்திருக்கிறார்! நீங்களும் படித்துப்பாருங்கள்!

யந்திர வழ்க்கை வாழ்ந்து கொண்டு பனம் சம்பாதிக்கும் நாமெல்லாம்கூட வெறும் ரோபோக்களே என்று இங்கே யுவராணி பொட்டில் அடித்த மாதிரி தனது தெரிந்ததும் தெரியாததும் என்ற பதிவில் சொல்லுகிறார்!

வென்று விடச் சொல்லி விட்டு நீயே கொன்று போட்டால் எப்படி என்று தன் மனதிடம் கேள்விக்கணைகள் தொடுத்து, மயங்காதிரு மனமே என்று மனதிடம் ஆணையிடுகிறார் அதிசயா!

கும்பகோணம் கடப்பா எப்படி செய்வது என்று சாந்தி முத்துவேல் இங்கே அருமையாக சொல்லியிருக்கிறார்! விளக்கங்களும் தெளிவான புகைப்படங்களும் கூடுதல் போனஸ்!!

சாலை விபத்துக்களைப்பற்றியும் பாதுகாப்பு பற்றியும் சீனிவாசன் இங்கே அழுத்தந்திருத்தமாக பதிவு செய்திருக்கிரார்!

ஆனந்தராஜா விஜயராகவன் என்ற தனது பெயரை சுருக்கமாக ஆவி என்று மாற்றிக்கொண்டிருக்கும் இவர் அமெரிக்க வாழ்க்கை எந்தெந்த விதத்தில் எல்லாம் இனிக்கிரது என்று வரிசையாய் சொல்லி கடைசியில் இதயத்தை இந்தியாவிலேயே கழற்றி வைத்து விட்டால் அமெரிக்க வாழ்க்கை இனிக்கும்தான் என்று கூறுகிறார்!!

மாமியார் மருமகள் உறவு எப்படியெல்லாம் இருக்க வேண்டும் என்று தன் கருத்துக்களை இங்கு ஆணித்தரமாய்ச் சொல்லுகிறார் கோவை.மு.சரளாதேவி!

போஸ்டர் கலாச்சாரம் வேரூன்றி விட்டது நம் தமிழ்நாட்டில்! ஊருக்குப்போகும்போதெல்லாம் இப்படியுமா போஸ்டர் அடித்து ஒட்டுவார்கள் என்று பல சமயங்கள் ஆச்சரியபப்ட்டிருக்கிறேன். சகோதரர் தமிழ் இளங்கோவும் எது எதற்கெல்லாம் நன்றி கூறி போஸ்டர் அடிப்பது என்ற விதி முறை இல்லையா என்று இங்கே விளக்கமாகக் கேள்வி கேட்டிருக்கிறார்!!

புதிய பொருளாதாரக்கொள்கைகளால் இந்திய கலாசார சீரழிவு எத்தனை வேகமாக கரையான் போல இந்திய நாட்டை செல்லரிக்கின்றது என்பதை, அதன் உண்மைகளை தன் வலிவான எழுத்தால் நெஞ்சில் அறைவது போல இடித்துரைக்கிறார் ஜெயந்தி! படித்துப்பாருங்கள்!!

சைக்கிள் ஓட்டிய அனுபவங்களை இத்தனை நேசிப்புடனும் சுவாரஸ்யத்துடனும் சொல்ல முடியுமா? சொல்ல முடியும் என்பது தீபாவின் பிரவாகமாய்ப்ப்பொங்கி வரும் எழுத்து நடையிலிருந்து உணர முடிகிறது!

புதுவிதமான கறிமசாலாத்தூள் தயாரிக்கும் முறையை பாக்யலக்ஷ்மி இங்கு விளக்குகிறார்!

தனக்குத் தெரிந்தது மற்றவர்களுக்கும் தெரிய வேண்டும் என்ற நல்ல மனதுடன் கார்த்திக் இங்கே ஹிந்தி பழகலாம் என்று அனைவரையும் அழைக்கிறார்!

10 ரூபாய்க்குள் சிறுநீரகக்கல்லுக்கு வைத்தியம் செய்து விட முடியும் என்று சொல்லி இங்கே அதற்கான மருத்துவ விளக்கத்தை விரிவாகச் சொல்லியிருக்கிறார் ஜே!

சளைக்காமல் சமையல்குறிப்புகளை விதம் விதமாகப் போட்டு அசத்தி வருகிறார் மேனகா! 700க்கும் மேல் பின் தொடர்வோர்களைக்கொண்டிருக்கும் இவர் இங்கே பொன்னாங்கண்ணிக்கீரை கடையல் செய்து காண்பிக்கிறார்!