கதம்ப மலர் மாலை!!

அளிப்பவர் அருணா செல்வம்
 

வணக்கம்

நட்புறவுகளுக்கு வணக்கம்!

    இன்று “கதம்ப மலர் மாலை” என்ற தலைப்பில் பல இயல்களைச் சார்ந்த பலரின் பதிவுகளின் தளங்களைச் சுட்டிக்காட்டப் போகிறேன். இதில் என்ன ஒரு கடினம் என்றால்... ஒவ்வொரு பதிவரும் பற்பல விசயங்களில் கைத் தேர்ந்தவர்களாக இருக்கிறார்கள். யாரையும் இவர் இதில் மட்டும் சிறந்தவர் என்று பிரித்துப் பார்த்து எழுத முடியவில்லை.

உதாரணத்திற்கு....

கண்ணே!

அருவிகள் ஆற்றில் கலக்கின்றன.

ஆறுகள் கடலில் கலக்கின்றன.

நான் மட்டும் ஏன்

உன்னோடு கலக்கக் கூடாது?

அதோ பார்!

உயர்ந்த மலைகள் வானைத் தழுவி முத்தமிடுகின்றன.

அலைகள் ஒன்றையொன்று தழுவி முத்தமிடுகின்றன.

நான் உன்னைத் தழுவி

முத்தமிடாவிட்டால்

இயற்கைக்குப் பொருந்துமா?

     இது “ஷெல்லி“ யின் தழுவல்! இதில் அன்பு, காதல், காமம், கவிதை என்பதை எந்த எந்த வரிகளில் சுட்டிக்காட்ட முடியும்?

    இது போலத்தான் இன்றுள்ளவர்களின் பதிவுகளில் எதையும் தனித்தனியாகச் சுட்டிக்காட்ட முடியவில்லை.

    தவறி கிணற்றில் விழுந்தவன் விழுந்ததே விழுந்தோம். நல்லா குளிச்சிட்டே வெளியேறலாம் என்று சற்றும் பயமில்லாமல் சிந்திப்பது போல் நானும் புதிய பதிவர்களைத் தேடுவதே தேடுகிறோம்... அவர்களிடம் உள்ள பயனுள்ளதை நானும் நன்றாக கற்றுக்கொள்வோமே... என்று நானும் படித்து மகிழ்ந்தேன்.

   “கற்றுக் கொடுக்கும் பொழுது தான் நாம் மேலும் கற்றுக் கொள்ள முடிகிறது“ என்ற உண்மை எனக்கு இப்பொழுது தான் புரிகிறது.

    அதிலே நான் தேடிப்பிடித்துப் படித்தத் தளங்களில் எனக்குப் பிடித்ததை உங்களுக்கும் பகிர்ந்து மகிழ்கிறேன்.

1 பேராசிரியர் தேவமைந்தன் (அ. பசுபதி)

. “மானுடம்பாடிய வானம்பாடியான பாவேந்தரின் புதுச்சேரிவாணன். தேவமைந்தன் என்னும் புனைபெயர் உடையவன். தாகூர் அரசினர் கலைக் கல்லூரித் தமிழ்த்துறைத் தலைவர்ப் பணியில் பணிநிறைவு பெற்றபின்பும் தொடர்ந்து 2006 லிருந்து பலவாண்டுகளாய் இணையத்தில் தமிழ்ப்பணியைச் செய்து வருபவன்“ என்று தன் அறிமுகத்தைத் தாழ்மையுடன் தொடங்கும் இவர் நம்மின் மிகவும் உயர்ந்தவர். இவரின் பதிவுகள் ஒருசில உங்களின் பார்வைக்கப் படைக்கிறேன்.

வள்ளல்களைக் காணவில்லை

முதுமை வயது எல்லோருக்கும் வருமே

எலிப்பொறி!

2  முதல் துளி – நிரேஷ் குமார் (சிறுகதைகள்)

   தமிழின் மீது நான் கொண்ட பற்றும், சமூகத்தின் மீது நான் கொண்ட கோபமும் என் விரல்களை எழுதத் துாண்டியது! பத்திரிகை நண்பர்களின் ஆதரவும் கிடைத்த பரிசுகளும் என் எழுத்தைத் தொடர வைத்தன!! எவ்வளவு காலம்தான் பத்திரிகைகளுக்காகவும்  பரிசில்களுக்காவே  எழுதுவது?  இப்போது நான் தமிழுக்காகவும் தமிழ் மக்களுக்காகவும் எழுதுகின்றேன். என் எழுத்தைப் பரவலாக்கும் முயற்சியின் முதல் தடமே தமிழ் வலையில் என் கால் தடம்.......!“  என்று தன் அறிமுகத்தைத் தொடர்ந்து இவர் எழுதிய அனைத்துப் பதிவுகளுமே அருமையானவைகள்.   

விரக்தி..!!

படித்த முட்டாள்களும் படிக்காத மனிதர்களும்!

என்ன செய்வாள்?

3. காலக் கூத்து (சிறுகதைகள்)

“ஆடுகள் தங்களை ஆடுகள் என்று உணரும் போது மந்தையிலிருந்து விலகி விடுகின்றன“ - கலீல் ஜிப்ரான்

   வரிகளை அறிமுகமாகக் கொண்ட இவரின் படைப்புகள் நாங்கள் மனிதர்கள் என்பதை உணர்த்தும்.

அவன்... அவள்... அப்புறம்...

ஜீன்ஸ்,பளாக்பெர்ரி...!!

சென்டில் மேன் சைத்தான்!

4. தெம்மாங்கு பாட்டு.

    “நாங்கள்ளாம்... தலையில இடியே விழுந்தாலும் !!.. வாய்க்குச் சேதாரம் இல்லாம இருந்துச்சின்னா சாப்புடச் சூடா என்னா இருக்கு? -ன்னு கேக்குறவிங்க..!!!“ என்ற நகைச்சுவை உணர்வுடன் கூடிய அவரின் படைப்புகளில் சில...

இப்படியும் இருக்கிறது இந்தியா

விவசாயமும் புதுமைகளும்

பயணங்களும் சில சிந்தனைகளும்!

5. இசையின் ஈர இயக்கங்கள் (நித்தியவாணி மாணிக்கம்)      இவரின் பதிவுகள் அனைத்தும் இசையைக் குறித்தே உள்ளது. இசை விரும்பிகளுக்கு பிடித்தமான தளமாக இருக்கும் இவரின் தளம். வாழ்க்கையில் இசை வயலின் மன்னர் புல்லாங்குழல் 6. வானம்பாடி      கவி வானில் சுற்றித் திரியும் சுதந்திர பறவை. என் மனம் சிந்திக்கிற விசயங்களை இந்த வலைப்பூவின் வழியே எண்ணச்சிதறல்களாக எழுதி வைக்கிறேன்… தங்களைப் போன்ற நல்ளுள்ளங்களின் ஆதரவும், விமர்சனமும் என் வளர்ச்சிக்கு உதவட்டும்“ என்று நம்மை அழைக்கும் இவரின் படைப்புகள் சமுக சிந்தனையுள்ள படைப்புகள். படித்துப்பாருங்கள். பைத்தியக்கார்ர்கள்  நகர(நரக)மழை!  அதிசய ராகம்!   7. டினேஷ் பக்கங்கள்     விருப்பு வெறுப்புக்கு அப்பால் விதி தந்த பாதையிலே நகர்ந்திடும் பல கோடிப் பேரில் நானும் ஒருவன்.“ என்று சொல்லி நமக்கு அறிமுகம் கொடுத்துவிட்டு இவர் படைத்தப் படைப்புகள் நமக்கு விருந்தாக உள்ளது. சுதந்திர தினம் (சிறுகதை) ஈபில் கோபுரம்.. எலி கோயில் 8. . டைரி கிறுக்கல்கள் ஹைகூகள்     கல்லூரிப் பருவம் முதல் வசந்த காலம் தற்போது நான் என்னைப் புதுப்பித்துக் கொண்ட இரண்டாம் வசந்த காலம் இது.! இந்தக் காலம் என்னைப் போல சாதிக்கத் துடிக்கும் பெண்களுக்கெல்லாம் பொற்காலமாக அமையட்டும்.  எனது வாழ்த்துக்கள் அனைத்து மகளிருக்கும்.! “ என்று தன்னை அறிமுகம் படுத்தும் இவர் எழுதிய நிறைய குறுங்கவிதைகளை இன்றைக்கெல்லாம் படித்துக்கொண்டே இருக்கலாம். எது நீ?   பயணம்    தாய் வாசம்   9. பூவிழி மலர்பாலன்    தன்னைப்பற்றி எதுவுவே அறிமுகப் படுத்தாத இவர் எழுதிய பதிவுகள் நம்மைச் சிந்திக்க வைக்கின்றன. படித்து ஊக்கமூட்டுங்கள். காதல் கிச்சி கிச்சி    மூடிய கையில் என்ன இருக்கிறது?   அவலம் அவலம் அவலம்..?   10 ஜோக்களி     தின“சிரி“ ஒரு ஜோக். இவரைப்பற்றி நான் சொல்லவே தேவையில்லை. எல்லோரும் இவரைப் படித்திருப்பீர்கள் என்றே நினைக்கிறேன். இவர் தினமும் எழுதும் சின்னச் சின்ன நகைச்சுவைகள் ஒவ்வொன்றும் நம்மை சிரிக்க வைப்பன. (நேற்று இரவு வலைச்சரத்திற்காக எழுத இவரின் வலைப்பதிவுக்குள் போய்.... படித்துச் சிரித்துச்... சிரித்து... வயிற்று வலியே வந்துவிட்டது. அது மட்டுமல்லாமல் படுத்தப்பிறகும் இவரின் ஜோக்குகளை நினைத்துச் சிரிக்க... “எனக்கு ஏதோ பிடித்துக்கொண்டது“ என்பது போல் என் கணவர் என்னைப் பார்த்தார்...!) கோவிலுக்கு போனால்...   காலி பிளவர்   கஞ்ச பிசினாறி!       இது வரையில் கதம்ப மாலையில் உள்ள பூக்களைச் சுட்டிக் காட்டினேன். ஆனால் பறிக்க முடியாத உயரத்தில் இருக்கும் பூவலைகளையும் இங்கே சுட்டிக்காட்டக் கடமை பட்டுள்ளேன். திறக்காத வலைப்பூக்கள்!! கே.பி. ஜனா அன்புடன் அருணா சென்னை பித்தன் திருமதி பக்கங்கள். (கோமதி அரசு) கவிதை வீதி சௌந்தர்.      இவர்களின் தலைப்புகளைத் தமிழ் மணத்தில் பார்த்து விட்டு வாசலுக்கு நுழைந்தால் கதவைத் திறந்து உடனே மூடிவிடுவார்கள். நான் தட்டத் தட்டத் திறக்காத வலைகள் இவைகள். (இப்பவாவது அவர்கள் இதைச் சரி செய்வார்களா... படிக்க நிறைய பேர் காத்துக் கொண்டிருக்கிறோம்)      நண்பர்களே இன்றைய வலைச்சரத்தின் கதம்ப மலர்கள் அனைத்தும் உங்களுக்குப் பிடித்திருக்கும் என்று நம்புகிறேன். நாளை வலைச்சர கடைசி பதிவுடன் உங்களைச் சந்திக்கிறேன். நட்புடன் அருணா செல்வம்.