கோவையிலிருந்து அகிலா...

வலைச்சரத்தின் இனிய வாசகர்களுக்கும் அன்பான பதிவர்களுக்கும் என் வணக்கங்கள். இந்த இனிய வாரம் எனக்கே என்று சொன்ன வலைச்சரத்தின் பொறுப்பாசிரியர் சீனா அவர்களுக்கும் தமிழ்வாசி பிரகாஷ் அவர்களுக்கும் என் நன்றி.

ஆசிரியர் பொறுப்பு...

மிகப் பெரிய வேலைதாங்க இது. நாம பாட்டுக்கு பதிவு போட்டமா காணாம போனமான்னு இல்லாம தீயா வேலை செய்ய வைக்குது....

இந்த வாரம் முழுவதும் தேடிப் பிடிச்சு நிறைய வலைப்பதிவர்களை அறிமுகப்படுத்தலாம்ன்னு இருக்கிறேன். என்னையும் இந்த வலைச்சரத்தில் தான் இதற்கு முன் ஆசிரியர் பொறுப்பு ஏற்றவர்கள் அறிமுகப்படுத்தி இருக்கிறார்கள். ஒரு சிறிய வட்டத்தில் பிரபலமாய் இருக்கும் நம்மை பெரிய வட்டத்தில் இன்னும் பிரபலமாக்கி விடுகிறது இந்த அறிமுகம்.

இதில் நமக்கு என்ன பயன் என்றால், சும்மா கிறுக்கிட்டு இருப்போம். நாலு பேர் கவனிக்கிறாங்கன்னு தெரிந்தவுடன் கிறுக்கல்களை எழுத்துக்களாக உருப்படியாக்குவோம்.

என்னை பற்றி...

நண்பர் சீனு எல்லோரையும் பற்றி சொல்லும் முன் என்னை பற்றி சொல்லனும்ன்னு சொன்னார். பெரிதாக சொல்ல ஒன்றுமில்லை.

நான்தான் அகிலா.

என் பெயர் எனக்கு மிகவும் பிடிக்கும் என்பதால் புனைப் பெயர் எதுவும் வைத்துக் கொள்ளவில்லை.

படித்தது பொறியியலும் கணினி மேற்படிப்பும். பிடித்துச் செய்யும் தொழில் ஓவியம் வரைவது.

அப்புறம் கவிதை எழுதுவது, சமையல் செய்வது (இது பெண்கள் செய்யும் வேலைதானேன்னு முணுமுணுக்கக் கூடாது....அதையும் பிடித்தால் தான் செய்வோம் நாங்கள்...)

அவ்வளவுதாங்க....  

தமிழில் என் வலைப்பதிவு நான்கு...

சின்ன சின்ன சிதறல்கள்

சின்ன சின்ன சினிமா 

நிலாதுளி

அடுப்படி 

இவற்றில் பிரதானமாய் இருப்பது சின்ன சின்ன சிதறல்கள் தான்.

நிறைய கற்பனை, கொஞ்சமாய் கவிதை, அதில் இன்னும் கொஞ்சமாய் சமூக அக்கறை, பெண்ணாக இருப்பதால் கொஞ்சம் அதிகமாய் பெண்ணீயம் இது எல்லாம் சேர்ந்ததுதான் என் வலைப்பதிவு.

கவிதைகளாய்...

ஆச்சிரியப்படுத்திய இரவின் நிசப்தங்கள்...

இரவின்..., உடைந்த..., துரத்திவிடப்பட்ட...

கண்ணீருடன் காதலின் வலிகள்...

நனைந்த தலையணைகள்..., விடியலின் வாசிப்பு..., மௌனத்தின்...

அக்கறையுடன் சமூக விஷயங்கள்...

சித்திரமாய்..., அனாதை...

என் ரயில் பயணங்களின் பதிவுகள்...

ஜீன்ஸ் போட்ட அம்மா..., பெண்களின் உடை..., அருகில் ஆண்கள்...

பெண்களைப் பற்றிய பதிவுகள்...

பெண்களும் தோழமையும்...மாமியாராய் பெண்கள்...அதிகாரமான பெண்கள்...

திரை விமர்சனம்...

கும்கி

இது போதும் என்று நினைக்கிறேன்...

இனி நாளை முதல் வரும் இந்த ஆறு நாட்களும் வலை போட்டுத் தேடி தமிழ் வலைபதிவர்களின் அழகான எழுத்துக்களைக் கோர்த்து உங்களுக்குக் கவிதையாக்கித் தருகிறேன். ஆனால் தினமும் அதனுடன் கண்டிப்பாக என் குட்டி கவிதை ஒன்றையும் உங்களுக்கு இலவசமாகத் தருவேன்....வேற வழி...படிச்சுத் தானே ஆகணும்...ஹாஹா...

சந்தோஷமா இருங்க...

நாளைக்கு பட்டியலோடு வரேன்...

நன்றி...