நான் ஆவி..!

           
                           வலைச்சர வாசகர்களுக்கு என் முதற்கண் "ஓண ஆஷம்ஷகள்" (ஆஷம்ஷகள் - வாழ்த்துகள்). கேரளாவில் மட்டுமல்லாது தமிழ் நாட்டிலும் பரவலாக கொண்டாடப்படும் இந்த ஓணம் பண்டிகை தமிழர்களின் பொங்கல் பண்டிகை போன்ற ஒரு அறுவடைத் திருநாளாகும். மகாபலி எனும் மன்னனின் வருகையை கொண்டாடும் நாளாகவும் இதைக் கூறுவர். மக்கள் மனம் கோணாது (பெட்ரோல், டீசல், வெங்காயம் எல்லாம் விலை ஏறாமல் பார்த்துக் கொண்ட) ஆட்சி செய்த அவரை வரவேற்க பூக்களால் கோலமிடுவர். பத்து நாட்கள் நடக்கும் இந்தத் திருவிழாவில் நாம் இன்று கொண்டாடுவது பத்தாவது நாளான "திருவோணம்" என்பதாகும். (சுந்தரி நீயும், சுந்தரன் ஞானும்  சேர்ந்திருந்தால் திருவோணம் ன்னு  கமல் பாடுவாரே, அதே தான்!)

                           என்னைப் பற்றி சுருக்கமா சொல்லணும்னா நான் ஒரு அஞ்சு வருஷம் வைரமுத்து சார்கிட்ட உதவியாளரா இருந்துட்டு, அப்படியே ரஹ்மான் சார்கிட்ட ம்யுசிக் கத்துக்கிட்டேன் ன்னெல்லாம் சொல்ல ஆசைதான். ஆனா அப்படி எதுவுமே நடக்கலேயே. 2008 இல் ஆங்கிலத்தில் வலைப்பூ ஆரம்பித்து எழுத துவங்கினேன். (பெரும்பாலும் சொந்த சரக்குகளே) அப்போது தான் 2010ல் என் எழுத்துக்காக ஏங்கிக் கொண்டிருந்த தமிழ் நல்லுலகத்தின் பால் என் பார்வை திரும்பியது. (ஆங்கிலத்தில் எழுதிக் கொண்டிருந்த வரை எனக்கு ஐந்தாறு வாசகர்கள் மட்டுமே.. )

                             தமிழில் ஆரம்பித்த போதும் வாசகர்கள் வருகை குறைவாக இருந்த காரணத்தால் என் வலைப்பூவைப் படிக்க  வேண்டி நண்பர்களுக்கும், உறவினர்களுக்கும் போன் செய்து அன்புடன் மிரட்ட வேண்டியிருந்தது. ஒரு கட்டத்தில் எழுதுவதை நிறுத்திவிடலாம் என்று கூட யோசித்ததுண்டு. அப்படி ஒரு சந்தர்ப்பத்தில் தான் என்னை பாரி எனும் பதிவர் வலைச்சரத்தில் அறிமுகம் செய்தார். பிற்பாடு திருமதி B.S. ஸ்ரீதர்  மற்றும் அப்பாவி தங்கமணி  ஆகியோர் அறிமுகம் செய்தனர். இந்த அறிமுகங்கள்  என் தளத்தை  நிறைய வாசகர்களுக்கு கொண்டு சென்றது என்பது மறுக்க முடியாத உண்மை.  சென்ற மாதம் சீனா ஐயா வலைச்சர ஆசிரியர் பொறுப்பேற்க அழைத்த போது மிக்க மகிழ்ச்சியுடன் ஏற்றுக் கொண்டேன். இவ்விடத்தில் பிற பதிவர்களை அறிமுகப் படுத்தி வைக்க சந்தர்ப்பம் கொடுத்த அவருக்கும், என்னை அறிமுகம் செய்த நல்ல உள்ளங்களுக்கும், என் பிரிய வாசகர்களுக்கும் என்  நன்றிகளை உரித்தாக்குகிறேன்.

                               முதல் நாள் நாம பாக்கப் போகும் பதிவர் கோவை ஆவி (ஆமாங்க நானே தான், ஹிஹிஹி.. ) நான் எழுதி எனக்கு ரொம்பப் பிடிச்ச சில பதிவுகள உங்க கூட பகிர்ந்துக்கறேன். நாளையிலிருந்து ஆவி உங்கள வேற உலகத்துக்கு கூட்டிட்டு போய் சுத்தி காமிக்கப் போவுது. (சுத்தியும் வேண்டாம், ஆணியும் வேண்டாம்னு நீங்க சொல்றது கேக்குது..) வேற உலகம்னதும் பயந்துடாதீங்க.. பதிவுலகத்த தான் அப்படி சொன்னேன்.  சரி, பதிவுகள் பாக்க நீங்க ரெடியா?

             என் சிறு வயதில் நிகழ்ந்த ஒரு சம்பவம், திருவள்ளுவரே என்னைப் பார்த்து திருதிருன்னு முழிச்ச நாள் அது. 

          வாய்மை எனப்படுவது யாதெனின்..

           ஒரு வித்தியாசமான "காதலுக்காக" நான் அலைந்த கதை.

           மேலே ஒரு சூரியன்..

              பட்டிமன்ற ராஜா அவர்களை நான் சந்தித்தபோது நான் கேட்ட கேள்வி

  ராஜா, இது நியாயமா? 

               வெளிநாடுகளில் வாழும் இந்தியர்களின் உணர்வை நான் அமெரிக்காவில் வாழ்ந்த போது உணர்ந்து எழுதியது இது.

  அமெரிக்க வாழ்க்கை

                குழந்தைகளுக்காக நான் எழுதி, மெட்டமைத்துப் பாடிய பாடல்

  நியு-ஏஜ் பாப்பா பாட்டு  

                  மற்றுமொரு திகில் அனுபவம்

  ஆவி சந்தித்த ஆவி 

                  என்னுடைய அனுபவத் தொடர் மற்றும் என் பயணக் கட்டுரைகள் 

நான் எழுதிய எல்லாமே எனக்கு இஷ்டமானவை தான் என்றாலும் மேற்கூறிய பதிவுகள் என் வாசகர்களால் அதிகம் பாராட்டப் பட்டவை என்ற முறையில் இவற்றிற்கு கொஞ்சம் செல்லம் அதிகம். இதுல உங்களுக்கு எது பிடிச்சதுன்னு நீங்க சொல்லுங்க..நாளை ஒரு முக்கிய நபர் உங்க எல்லாரையும் சந்திக்க விரும்பறாங்க.. அவங்களோட உங்களை சந்திக்கிற வரைக்கும் இப்போ  உங்களிடமிருந்து ஜூட் விடுவது உங்கள் ஆவி!!