மார்கழிப் பனியில் - புதன்

 அருள் மலர்.

அனைவருக்கும்  வணக்கம். 

நேற்று இரண்டாவது பதிவில்  - வருகை தந்து கருத்துரையை பதிவு செய்து  பாராட்டி மகிழ்ந்த - மகிழ்வித்த,   நண்பர்கள் அனைவருக்கும்  மனமார்ந்த நன்றிகளைத் தெரிவித்துக் கொள்கின்றேன்.

வலைச்சரத்தில் மூன்றாம் நாளாகிய இன்றும் -  முதலில் ஆலய தரிசனம் செய்வோம். 

வருக - நண்பர்களே!..

இன்று திரு ஆதிரை.  திருச்சிற்றம்பலம் என்று புகழப்படும் தில்லை வனத்தில் இறைவனின் ஆனந்த தரிசனம் நிகழ்வுறும் பொன்னாள்.  தில்லை வனம் எனப்படும் இத்திருத்தலம் இன்று  - சிதம்பரம் என வழங்கப்படுகின்றது.

இத் திருக்கோயிலின் தலவிருட்சம் தில்லை எனப்படும் மரம்.

இதன் - இலை, விதை, மரப்பட்டை, அதில் கசியும் பால் - எல்லாமே விஷத் தன்மை உடையவை. அதேசமயம் மருத்துவ குணங்களையும் உடையது என்று கூறுவர்.

இத்தகைய மருத்துவ குணங்களையுடைய மரங்கள் அடர்ந்த வனத்தில் வீற்றிருக்கும் ஈசனைக் கண்டு வணங்கி வலம் வரும் போது - அந்த மரங்களில் இருந்து வெளியாகும் உயிர் வளி நம்மீது படும் தானே!..  

அத்தகைய மருத்துவ குணங்களுள்ள உயிர்வளியை நாம் சுவாசிக்கும் போது - தீர வேண்டிய நோய்கள் தீர்ந்து விஷக்கிருமிகள் தொலைகின்றன. நமக்கு அருள் நலமும் உடல் நலமும் எளிதில் கிட்டுகின்றன. 

ஆனால் - பாருங்கள்!..

இப்போது - சிதம்பரத்தில் தில்லை மரம் ஏதும் இல்லை என்றும் அருகிலுள்ள பிச்சாவரம் காட்டில் தான் தில்லை மரங்கள் உள்ளன என்று ஒரு தகவலை சமீபத்தில் படித்தேன். 

தில்லை மரத்தினைப் பற்றி மேலும் அறிவதற்கு -

வாழ்க்கைச் சுவடுகளும் சிந்தையும் பார்வையுமாய் வளைய வரும் பதிவு என்று அன்பர் இராம.கி. அவர்கள் வழங்கும் பதிவிற்கு செல்க!..

தில்லை - 1

தில்லை - 2

கோயிலுக்குச் சென்றும் குறை தீரவில்லை என்றால் - அது ஏன் என்று இப்போது  புரிகின்றதா!..  

மரங்களைத் தொலைத்து விட்டு - மருத்துவர்களைத் தேடிக் கொண்டிருக்கின்றோம்.

இயற்கையுடன் இணைந்த வாழ்வு நம்முடையது. அதை மீண்டும் எப்போது அடையப் போகின்றோமோ!..

இறைவழிபாடு என்பது கையெடுத்து கும்பிட்டு விட்டு வருவதல்ல!..  

நாம் சார்ந்திருக்கும் இயற்கைச் சூழலைக் காப்பாற்றுவதே!.. மனிதனுக்குள்ள ஐந்து கடமைகளுள் ஒன்று இயற்கையைக் காப்பாற்றுவது. அது பூத யக்ஞம் எனப்படும். 

இத்தகைய புரிந்துணர்வுகளால் சூழப்படுவதே - இறைவழிபாடு. 

அதனைக் கருப்பொருளாகக் கொண்டு விளங்கும் தளங்கள் சிலவற்றில் இன்று  உலவுவோம் வாருங்கள். 

வலைத்தள வாயிலாக இறைவனிடம் நம்மை வழிப்படுத்துவதில் -

அன்பின் இராஜராஜேஸ்வரி அவர்கள் குறிப்பிடத்தக்கவர்.

அழகான  படங்களுடன் ஒவ்வொரு நாளும் ஒரு பதிவினை வழங்கி - நம்மை ஆச்சர்யப்படுத்துகின்றார்.

அவர் பணி மேலும் சிறக்க இறைவன் அருள் புரிவானாக!..

தெய்வத்தமிழ் என - திரு.சிவபாத சேகரன் வழங்கும் வலைத்தளத்தில்,

தேவாரத் திருப்பாடல்களையும் 

திருவாசகத் திருப்பாடல்களையும்  

ஆழ்ந்து அனுபவித்து அவற்றின் விளக்கத்தை, 

நமக்கு அருளமுதம் என வழங்குகின்றார்.

அடுத்ததாக - மயிலை மன்னார் அவர்கள்,

''..கெடைக்காதது கெடைக்கறது பெரிசில்ல! அது கெடைச்சதும், ஒடனே கூடவே ஓடி வர்ற மயக்கத்தை நெருங்கவிடாமப் பாத்துக்கறதுதான் அத்த வுடவும் பெரிய சமாச்சாரம்!..''

''..உள்ளாரயேத் தேடுங்கப்பா அந்த குகனை! குருவருளால.. அந்தக் கந்தக் குருவருளால.... கண்டிப்பாக் கிடைப்பான்!..'' 

 - என்று,  கந்தர் அநுபூதியின் விரிவுரையை அழகான சென்னைத் தமிழில் நிகழ்த்துகின்றார். எங்கே!.. ஆத்திகம் எனும் பெயரில் திரு.VSK வழங்கும் வலைத் தளத்தில்!..

ஆன்மீகம் எனும் பெயரில் திரு.முத்துக்குமார் வழங்கும் வலைத் தளத்தில்,

மஹாலக்ஷ்மி வாசம் செய்வது எங்கே?.. -  என்று தெரிந்து கொள்ளலாம்.

தியானம் செய்வோர் கவனத்தில் கொள்ள வேண்டியவைகளையும் அறியலாம்.  

கெளசிகம் எனும் பெயரில் - திரு. தி.ரா.ச. வழங்கும் வலைத்தளத்தில் -
ஸ்ரீ ஹனுமனைத் துதி மனமே!.. - என்கின்றார். மேலும் காஞ்சி ஸ்ரீபரமாச்சார்ய ஸ்வாமிகளுடனான - தனது அனுபவத்தையும் பகிர்கின்றார்.

சரி..  நான் சொன்னா ஒத்துகிறயா!..
பெரியவா.. சொன்னா அப்படியே ஒத்துகிறேன்!..

திரு. ஜீவா வெங்கட்ராமன் - என்வாசகம் எனும் தளத்தில்,
காசி அல்லது காஞ்சி ஏன் செல்ல வேண்டும்?
காளி.. காளி.. காளி.. என்று நானும் சொன்னால் -  

காளி அன்னையின் பெயரில் அத்தனை சக்தி

இருப்பதை யார் அறிவார்?..

ஸ்ரீராமகிருஷ்ண பரமஹம்சர் பாடிய பாடலின் ஒலிப் பேழையை பதிவிட்டுள்ளார்.

மேலும் மலையாள மொழிப்பாடல் ஒன்றின் வரி வடிவமும் உள்ளது. அந்தப் பாடல் -

ஆனந்த நடனம் ஆடும் கனக சபாபதியைப் பற்றியது.

அன்பு நண்பர்களே!.. மேலும் தளங்களுடன் - 

நாளை சந்திக்கும் வரை நமது சிந்தனைக்கு,

Thanks - Facebook

இன்று இந்த அளவுடன் உங்களிடம் விடை பெற்றுக் கொள்கின்றேன்.  வணக்கம்.