தமிழ் முகில் வலைச்சர ஆசிரியர் பொறுப்பை மழைக்காகிதத்திற்கு தருகிறார்!!!

வணக்கம் வலை நண்பர்களே,

இன்றுடன் முடிகிற வாரத்திற்கு ஆர்வமுடன் ஆசிரியர் பொறுப்பேற்று இருந்த திருமதி தமிழ் முகில் பிரகாசம் அவர்கள் தமது பணியை திறம்படவும், ஆர்வமுடனும், மிகுந்த பொறுப்புடனும் செய்து முடித்து நம்மிடமிருந்து முழு மன நிறைவுடன் விடை பெறுகிறார்.

அவர் கீழ்கண்ட தலைப்புகளில் ஏழு பதிவுகள் வரை எழுதியுள்ளார். அவருக்கு கிடைத்த மறுமொழிகள் மற்றும் பக்கப்பார்வைகளை கீழே உள்ள படத்தில் பார்த்து அறிந்து கொள்ளுங்கள்.

திருமதி தமிழ் முகில் பிரகாசம் அவர்களை வாழ்த்தி வழியனுப்புவதில் வலைச்சரக் குழு பெருமகிழ்ச்சி அடைகிறது.

நாளை முதல் துவங்கும் வாரத்திற்கு ஆசிரியர் பொறுப்பேற்க மழைக்காகிதம் என்ற வலைப்பூவை எழுதி வரும் பதிவரை அழைக்கின்றேன். ஆன்மீகத்தில் நாட்டம் உள்ள அவரைப் பற்றி சொல்வதென்றால் பிறந்தது விருதுநகரில். வளர்ந்தது மதுரை அருகே இருக்கும் திருவேடகம். படித்தது பெருந்துறை மற்றும் சென்னை. முனைவர் பட்டம் வாங்கியது கான்பூர் IIT. விஜயவாடா மற்றும் அமெரிக்காவில் பணியாற்றிய இவர் தற்பொழுது வேலூர் தனியார் பொறியியல் கல்லூரி ஆசிரியராக பணியாற்றி வருகிறார். 

இவரது வலைப்பூவை ஆரம்பிக்க அவரது தம்பி பலராமன்(ஏறுழ்வலி) காரணம் என சொல்கிறார்.

 மழைக்காகித வலைப்பூ பதிவரை வருக வருக என வாழ்த்தி வரவேற்று ஆசிரியர் பணியில் அமர்த்துவதில் பெருமகிழ்ச்சி அடைகிறேன்....

நல்வாழ்த்துகள் மழைக்காகிதம்

நல்வாழ்த்துகள் சுரேஷ் குமார்.

நட்புடன்,

தமிழ்வாசி பிரகாஷ்.