சாஸிகா கிச்சன் மேனகா பொறுப்பில் இந்த வார வலைச்சரம்..!

வணக்கம் வலைச்சர நண்பர்களே...

வலைச்சரத்தில் இன்றுடன் முடிகிற வாரத்திற்கு ஆசிரியர் பொறுப்பேற்றிருந்த ரஞ்சனி நாராயணன் அம்மாள் அவர்கள் தமது ஆசிரியர் பொறுப்பை மிகுந்த ஆர்வமுடனும், அதிக திறமையுடனும் செய்து முடித்துள்ளார். 

அவர் எழுதிய பதிவுகளில் தமது அனுபவங்களை சுவாரஸ்யமாய் பகர்ந்ததோடு பதிவர்கள் பலரையும் குறிப்பிட்டு சிறப்பான, சுவாரஸ்யமான வலைச்சர வாரமாக நமக்கு அளித்தார்.

அவர் எழுதிய ஏழு பதிவுகளில் 350 மறுமொழிகளும்,  2250 பக்கப்பார்வைகளும் கிடைத்துள்ளது. 

தனது வலைச்சர வாரத்தை சுவைபட முடித்த ரஞ்சனி நாராயணன் அம்மாள் அவர்களை வாழ்த்தி வழியனுப்புவதில் வலைச்சரக் குழு பெருமகிழ்ச்சியடைகிறது.

நாளை முதல் துவங்கும் வாரத்திற்கு வலைச்சர ஆசிரியராக பொறுப்பேற்க "சாஸிகா கிச்சன்" என்ற வலைப்பூவை எழுதி வரும் மேனகா சத்யா அவர்களை அழைக்கின்றேன். அவர் தற்போது குடும்பத்துடன் பிரான்ஸில் வசித்து வருகிறார். அவர் தன் வலைப்பூவில் தான் சமைத்த, ருசித்த உணவுகள் பற்றிய செய்முறை குறிப்புகளை பகிர்ந்து வருகிறார்.

மேனகா சத்யா அவர்களை வலைச்சர ஆசிரியர் பொறுப்பில் அமர்த்தி "வருக.... வருக.." என வாழ்த்தி வரவேற்பதில் வலைச்சரக்குழு பெருமகிழ்ச்சியடைகிறது.

நல்வாழ்த்துக்கள் ரஞ்சனி நாராயணன் அம்மாள்..

நல்வாழ்த்துக்கள் மேனகா சத்யா...

நட்புடன்,

தமிழ்வாசி பிரகாஷ்....