ரஞ்சனி நாராயணன் பொறுப்பில் இந்த வார வலைச்சரம்!!!

வணக்கம் வலைச்சர நண்பர்களே...

வலைச்சரத்தில் நேற்றுடன் முடிந்த வாரத்திற்கு ஆசிரியர் பொறுப்பேற்றிருந்த உமையாள் காயத்ரி அவர்கள் தமது ஆசிரியர் பொறுப்பை மிகுந்த ஆர்வமுடனும், அதிக திறமையுடனும் செய்து முடித்துள்ளார். அவர் எழுதிய பதிவுகள் 371 மறுமொழிகளும், 1560 பக்கப்பார்வைகளும் பெற்றுள்ளது. 

தனது வலைச்சர வாரத்தை சுவைபட முடித்த உமையாள் காயத்ரி அவர்களை வாழ்த்தி வழியனுப்புவதில் வலைச்சரக் குழு பெருமகிழ்ச்சியடைகிறது.

இன்று முதல் துவங்கும் வாரத்திற்கு ஆசிரியர் பொறுப்பேற்க ரஞ்சனி நாராயணன் அம்மாள் அவர்கள் விருப்பம் தெரிவித்துள்ளார். "திருவரங்கத்திலிருந்து" எனும் பெயரில் வலைப்பூ வைத்திருக்கும் இவர் தற்சமயம் பெங்களூரில் வசித்து வருகிறார்.

2000 வது ஆண்டிலிருந்து பத்திரிகைகளில் எழுத ஆரம்பித்த இவர் 2011-லிருந்து வலைத்தளத்தில் எழுதி வருகிறார். இவருக்கு புத்தகங்கள் படிப்பது பிடித்த பொழுதுபோக்கு. பிடித்த எழுத்தாளர் திரு கி.ராஜநாராயணன். இணைய இதழ்கள் பலவற்றிலும் எழுதி வரும் இவர் இரண்டாவது முறையாக வலைச்சரம் ஆசிரியர் பதவியை ஏற்கிறார்.  

ரஞ்சனி நாராயணன் அவர்களை வருக.. வருக... என வாழ்த்தி வரவேற்பதில் வலைச்சரக் குழு பெருமகிழ்ச்சியடைகிறது.

நல்வாழ்த்துக்கள் உமையாள் காயத்ரி..

நல்வாழ்த்துக்கள் ரஞ்சனி நாராயணன்...

நட்புடன்,

தமிழ்வாசி பிரகாஷ்....