பிகாசா ஷாட் ஒன் டேக் 2 கிளாப்

நான் பதிவைத் தொடங்கும் முன் PIT வலைப்பூவுக்கு நன்றி சொல்லிக் கொள்ள வேண்டும் .புகைப்படத்துக்காக பிளாக் தொடங்கியவர்கள் அனேகம் பேர் இருப்பார்கள்,ஆனால் கவிதையும் கட்டுரையும் எழுதத்தொடங்கி கேமராவையும் காதலிக்கத் தொடங்கியவர்கள் அதை விட அதிகம் இருப்பார்கள்.அந்த அளவு புகைப்படப் போட்டியும் ,வகுப்புகளும் நடத்தி கேமராவை யூசர் ஃபிரண்ட்லி ஆக்கியது பிட் என்றால் அது மிகையாகாது என்பதை, இந்த இடத்தில் சொல்லிக்கொள்ள ஆசைப் படுகிறேன்.
பிளாகர் உலகில் -பிட் -ரொம்ப நல்லவர் ,வல்லவர்....அவர் இல்லையென்றால் பலர் வெறும் எழுத்தோடு நின்றிருப்பர் அவரது சேவை இந்த வலை உலகுக்கு அவசியம் தேவை என்பதை ஆணித்தரமாக அடித்துச் சொல்கிறேன்...........
[கொஞ்சம் இருங்கள்ட்ராக் எங்கேயோ போகிறதே ,எழுத்து ,மேடைப் பேச்சு லெவலில் போகிறது. யாராவது சோடாவை நீட்டி விடப் போகிறார்கள்..நடையை மாற்றிக் கொள்கிறேன்]
ஒரு படம் அழகாக இருக்கிறது என்று சொல்ல வைப்பதில் பல விஷயங்கள் பங்கு வகிக்கின்றன.
என் கேமரா கண்ணோட்டத்தில்,என் வரையில் நான் கண்டதை ரத்னச்சுருக்கமாக சொல்லி விடுகிறேன்

1-இறைவன் வரைந்த ஓவியங்கள் [உ.ம்]சூரியன் நிலா,கடல்,மலர்கள் என்று வரிசையாகச் சொல்லலாம்.
2-சிசுக்கள் மழலைகள் குழந்தைகள் எப்படியெடுத்தாலும் அழகுதான் .
3-கேமராவின் தரம் .அதன் ஒளி ஈர்ப்புத்தனமை ,வேகம் ,என்று எத்தனையோ தகுதிகளோடு எடுக்கப் படமும் அழகை அழகாகப் படமெடுக்கும்.
4-கேமராவைக் கையாளும் கலைஞரின் தேர்வு,கோணங்கள் இவைகளும் படத்தின் தரத்தை உயர்த்தும் மற்றொரு அம்சம்.
ஒவ்வொறுக்கும் உதாரணமாக ஒவ்வொரு படம் அடுத்த பதிவில்.
கேமராவின் ஒய்டேங்கிள் லென்ஸ் ஃபில்ட்டர்,மாட்டிக்கொண்டேன் விரைவில் சந்திப்போம்