நன்றிச்சரம்

சில வார்த்தைகளை தவிர்க்கவே முடியாது. அப்படிப்பட்ட வார்த்தைகளை அந்தந்த நேரத்தில் சரியாக சொல்லாவிட்டால் அதனால வரும் இழப்பு நமக்கு தான். அப்படிப்பட்ட வார்த்தைகளில் ஒன்றுதான் நன்றி. இந்த நேரத்தில் யாருக்கு நன்றி சொல்லுவது?


வாழ்க்கையில் கிடைக்கின்ற ஒவ்வொரு நாளையும் அனுபவிக்கும் ஒரு சாதாரண பயணி நான். அந்த பயணங்களில் சக பயணிகளிடம் ரசித்தவைகளை பகிர்ந்துகொள்ளும்பொழுது ஏற்படுகின்ற அனுபவத்தை எந்த வார்த்தையை கொண்டு சொல்வது! வார்த்தைகளில் சொல்ல முடியாத அனுபவம் அது..!! அப்படி ஒரு அனுபவம்தான் இந்த வாரம் முழுக்க கிடைத்தது. இந்த வாரம் முழுக்க என்னை தினமும் பதிவு போட வைத்து புதிய அனுபவத்தை கொடுத்திருக்கிங்க. அதுவும் வருடத்தின் ஆரம்பத்தில்!. ரொம்ப மகிழ்ச்சியான அனுபவம் இது. இந்த வாரம் முழுக்க என் பழைய‌ நினைவுகளோடு என்னை நானே ரசித்தேன்னுதான் சொல்லணும். இவ்வளவு அழகாக என்னை ரசிக்க வைத்த அனைத்து பதிவர்களுக்கும் என்னோட நன்றிகள்.


பின்னூட்டத்தில் அனைவரும் எனக்கு நன்றி சொல்லியிருந்தார்கள். உண்மையில் நான்தான் அவர்களுக்கு நன்றி சொல்ல வேண்டும். ரசிக்கும்படியாக எழுதியது நீங்கள் தான்! அதனால் உங்களுக்குத்தான் என்னோட நன்றிகள். எத்தனை எத்தனை பதிவர்கள்.. எத்தனை எத்தனை பதிவுகள்.. மிகச்சிறப்பாக எழுதுகிறார்கள். அவர்களின் எழுத்துகளில் இருந்து தினமும் ஒரு செய்தி கற்றுக்கொண்டுதான் இருக்கின்றேன். விடுபட்ட பதிவர்கள், பதிவுகள் இன்னும் நிறைய உள்ளது. இந்த ஒரு வார காலத்தில் என் நினைவுக்கு தோன்றிய‌ பதிவுகளையும், பதிவர்களையும் சரமாக தொடுத்திருந்தேன். அனைவருக்கும் சரியான அறிமுகம் கொடுத்தேனா என்று தெரியவில்லை. எல்லாவற்றிலும் ஏதாவது ஒரு குறையாவது இருக்கும். என்னோட இந்த வாரத்திலும் குறைகள் கண்டிப்பாக இருக்கும். அதுதான் நான் இன்னும் கற்று கொள்ள வேண்டியிருக்கிறது என்று நினைவு படுத்தும்.


குறிப்பாக முத்துக்காவிற்கு என்னோட சிறப்பு நன்றிகள். வேலை நேரம் சரியாக அமையாத‌தால் சரியான நேரத்திற்கு பதிவுகளை போட முடியவில்லை. என்னோட அனைத்து சரங்களையும் பதிவிட்டு அதை தமிழ்மணத்தில் அனுப்பி உதவி செய்தார்கள். இந்த சமயத்தில் அவர்களுக்கு என்னோட சிறப்பு நன்றியை சொல்லிக் கொள்கின்றேன்.

நான் ரசித்த பதிவுகளை பகிர்ந்து கொள்ள அருமையான வாய்ப்பை கொடுத்தவலைச்சர ஆசிரியர் குழுவுக்கும் பின்னூட்டத்தில் உற்சாகம் அளித்த சக பதிவர்கள் அனைவருக்கும் என்னோட நன்றிகள். அடுத்து வரவிருக்கும் சக பதிவருக்கும் என்னோட வாழ்த்துக்கள்.

சரி நேரம் ஆகிடுச்சி! பதிவுகள் படிச்சி பின்னூட்டம் போட வேண்டும் வரட்டா...!!