விளக்கம் தேவை!!!

போனவாரம் கோபிநாத் ரொம்பவும் ரொம்பவும் பொறுப்பா தினம் தினம் ஒரு பதிவு போட்டு அசர அடிச்சிட்டார்.. தன்னுடைய பதிவுகளைக்கூட இத்தனை வேகமா போட்டதே இல்லை அவர் .. அதுவே ஆச்சரியமான ஒன்று. அவருடைய அலுவலக வேலை நேரம் காரணமாக நானே அவருடைவலைச்சரத்தின் பதிவுகளை பிரசுரித்தும் மைபிரண்ட் தங்கச்சி தமிழ்மணத்தில் இணைத்தும் உதவினாலும் முன்பே எழுதி தயாராகவைத்திருந்த கோபிக்கு நன்றிகள்.. சினிமா பொழுதுபோக்குசரம் இதற்கு முன்பு இத்தனை அழகா இங்கே வலைச்சரத்தில் வரவில்லை என்றே நினைக்கிறேன்.. ஒவ்வொரு சரமும் அழகாக நட்பும் பாசமுமாகத் தொடுத்திருந்தார் .





பொதுவாக இங்கே வலைச்சரத்தில் நண்பர்களின் சரங்களையே எல்லாரும் சுட்டிக்காட்டுகிறார்கள் என்று ஒரு கருத்து நிலவுகிறது. யாருடையவைகளை படித்து ரசிக்கிறோமோ அவர்களுடன் நட்பு உண்டாக்கிக்கொண்டுவிடுகிறோம்.. பின்னர் தொடர்ந்து படிப்பதில் நல்லதை தொடுக்கச்சொன்னால் நண்பர்களுடைய பதிவுகளே வரும் என்பதில் தவறு இருக்கமுடியாது என்று நினைக்கிறேன்.





--------------**************----------------





இந்த வாரம் எழுதுபவர் யார் என்பதை இப்பதிவு தலைப்பிலிருந்து கண்டுபிடிச்சிட்டீங்களா ஆமாங்க டிபிசிடி தாங்க.. புரியல தயவு செய்து விளக்கம் சொல்லுங்கங்கற அவரோட கமெண்ட் ப்ரபலமாச்சே.. பொதுவா அரசியல் தான் இவரோட பதிவுகளில் முக்கியபொருளா இருக்கின்றதென்றாலும் கதை சொல்லுறோம் வாங்கன்னு இன்னொரு பதிவிலும் கதை எழுதி வரும் இவர் இதுவரைக்கும் எதெல்லாம் படிச்சு புரிந்து புரியாம குழம்பி குழம்பாம ரசிச்சிருக்காரோ அதெல்லாம் நமக்கு தொடுத்தளிக்க வருகிறார்.