வானவில் மீண்டும் தோன்றும்

கடந்த ஒரு வாரம் எப்படி ஓடியது என்றே தெரியவில்லை .கண்மூடித் திறப்பதற்குள்,அழகாக ஓடி விட்டது
நாளொரு வண்ணமும் பொழுதொரு விஷயமுமாய் பதிவுகள் இட்டு,என்னால் இயன்ற அளவு வலைச் சர ஆசிரியர் பொறுப்பை ஏற்றுச் செய்திருக்கிறேன் .
அது அத்தனையும் உங்கள் ஆதரவிலும் நீங்கள் தந்த ஊக்கத்திலும்தான் என்பதை நன்றியுடன் கூறிக்கொள்கிறேன்.
பிளாக்ஸ்பாட் ஒரு மாபெரும் கடல் அதில் மூழ்கி அனைத்து முத்துக்களையும் அள்ளிப் பார்க்க வேண்டும் என்பது எப்படி இயலாத காரியமோ ,அதை விடக் கடினமானது,ஒரே வாரத்துக்குள் அனைத்துப் பதிவர்களையும் கண்டு எழுதுவது.
நான் வலைச்சரத்தை ஏற்று நடத்தத் தொடங்கிய நாளிலிருந்து என் கூடவே வந்து வாழ்த்தி தவறுகளை அழகாக எடுத்துக் கூறி ,உற்சாகப்படுத்தி வந்த எல்லோருக்கும் நன்றி.
மார்ச் முதல்தேதி நட்புடன் சீனா ,எனக்கு ஈமெயில் அனுப்பி கேட்ட நாளிலிருந்து இன்று மதியம் வரை வலைச்சரத்துக்காகப் பல வலைப்பூக்களைக் கண்டு வாசித்ததில் நான் கற்றுக் கொண்ட விஷயங்கள் பல.
எழுதுவதற்காக வாசித்தது குறைந்து, எனக்காக வாசிக்கத் தொடங்கினேன்.ஒவ்வொருவரும் எப்படியெல்லாம் எழுதுகிறார்கள், எப்படியெல்லாம் ,தங்கள் மனஓட்டத்தை வெளியிடுகிறார்கள் ,என்று பார்க்கும் பொழுது, ஆச்சரியப் பட்டுப் போனேன்.
நட்புடன் ஜமால்,ராமலஷ்மி அன்புமணி வால்பையன்,திகழ்மிளிர்,வெயிலான் ,ரம்யா என்று வரிசையாக எழுதிக் கொண்டே போகும் வண்ணம் நண்பர் கூட்டம் ஒன்று என்னை திக்கு முக்காட வைத்தது.வலைச்சரத்துக்கு நன்றி
லின்க் கொடுப்பது எப்படி என்பதிலிருந்து, தவறுகள் கண்டவுடன்,செல்லில் அழைத்து சரி செய்யச் சொல்லி , துணை இருந்த ராமலஷ்மிக்கு என் நன்றி.பலரை அறிமுகம் செய்யாததற்குக் காரணம் நேரமின்மையே.
என் கடன் பணி செய்து கிடப்பதே என்று இன்று வரை செய்திருக்கிறேன் .
அனைவருக்கும் என் அன்பு வணக்கம்
நன்றி கூறி விடை பெறுவது உங்கள் அன்பு வலைச்சரத்தின் ஒருவார முதல்வர்.கோமா