01.04.09 - ரத்தினச்சரம்-(lapiz lazuli) புதிய பதிவர்கள்

புதிய பதிவர்கள் என்று எழுத ஆரம்பிக்கும் போதே நான் புதிதாக இங்கு வந்தபோது எனக்கு உதவியவரை நினைவு கூறவது சரி என்று நினைக்கிறேன். ப்ளாக் எனக்கு அறிமுகம் செய்தவர் ஒருவர் என்றாலும் அதற்கு மேல் அவர் எந்த வழிகாட்டுதலையும் செய்யவில்லை. என்னுடைய அறிமுக பதிவின் போதே, பாலா(பாரதி) தானாக ஓடி வந்து உதவி செய்தார், அவருக்கு அப்போது எல்லாம் அது தான் முழுநேர வேலையாக இருந்தது. யாராவது புதிதாக வந்துவிட்டால் போதும் குடுகுடுகுடு'ன்னு ஓடி வருவார், "இந்த பக்கம் பாலா", அந்த பக்கம் உங்களை பற்றி சொல்லுங்கள்" என்று எவ்வளவு முடியுமோ அவ்வளவு உயிரை வாங்கி அதற்கு பின் நாம் வேணும்னு நினைப்பதற்கு மேலேயே உதவியும் செய்வார். என்னை தமிழ்மணத்தில் சேர்த்துவிட்டது, என்னுடைய டெம்லெட் டில் எல்லாவித தேவையான மாற்றங்களை செய்து கொடுத்தது, எல்லாமே பாலா தான். பாலா இல்லைன்னா நான் தமிழ்மணத்திற்குள் எல்லாம் கண்டிப்பாக வந்து இருக்க வாய்ப்பு இல்லை. அவருக்கு என் மனமார்ந்த நன்றியை இங்கே சொல்லிக்கொள்ள கடமைப்பட்டு இருக்கேன்.

சரி சரி ரொம்பவும் கொசுவத்தியை கொளுத்தி உங்களை எல்லாம் அழவைக்காமல், புதியவர்களின் அறிமுகத்திற்கு செல்லுவோம். :-

ரத்தினங்களாக நான் கண்ட சில புதியவர்களை அறிமுகம் செய்வதில் சந்தோஷம் அடைகிறேன். படித்து விட்டு சும்மா செல்லாமல் எல்லோருக்கும் அவரவர் பதிவில் சென்று வாழ்த்து சொல்லிட்டு போகனும் டீல் சரியா..!!

1. சுபஸ்ரீ இராகவன் கவிதை நிறைய எழுதறாங்க.. கவிதைகள் நன்றாகவே உள்ளன, அதற்கு அவரின் ஆத்திசூடி கவிதை ஒரு உதாரணம். அவருக்கு வாழ்த்துக்கள் சொல்லி அவரை உற்சாகப்படுத்தலாமே..

2. நிலா – ராஜா, கோமதி தம்பதியின் குழந்தை நிலா குட்டி பெயரில் அவர்கள் ஆரம்பித்துள்ள பதிவு. கோமதி இது வரையில் எழுதியதில்லை, இந்த ப்ளாக் மூலம் நிலா குட்டியியுடன் தன் அனுபவங்களை இதில் பகிர்ந்து கொள்கிறார்கள். நிலாவை பற்றி நீங்களும் தெரிஞ்சிக்கனுமா.. வாங்க வாங்க....

3. கிருஷ்ணாபிரபு என்பவர் இந்த ப்ளாகை எழுதுகிறார். சற்று வித்தியாசமாகவே இருந்தது. அவருக்கு பிடித்த புத்தகங்களை அறிமுகம் செய்து எழுதுகிறார், புத்தகங்களை புரட்டி பாருங்களேன்.

4. சிம்பா என்பவர் எழுதுகிறார், அவருடைய அனுபவங்களை பகிர்ந்து கொள்கிறார். எனக்கு பிடிந்திருந்தது.. நீங்களும் பாருங்களேன்..

5. கலகலபிரியா.. :- ஆஹா பெயரே கலகல..வென இருக்கு, பதிவுகளும் கலக்கல்ஸ் ஆ இருக்கும், உங்களுக்கு எப்படி இருக்குன்னு முயற்சி செய்து பாருங்க..

6. மாதவன் என்னுடைய பதிவுகளில் பின்னூட்டம் இடுவார், அதை கொண்டு அறிவேன், அவ்வப்போது படிப்பேன், இவருடைய புகைப்படங்கள் எனக்கு ரொம்பவும் பிடித்தவை.

7. ஜஸ்டின் , பத்திரிக்கை துறையில் வேலை செய்த அனுபவங்களின் மூலம் பதிவுகளை எழுதுகிறார். நன்றாகவே உள்ளன.

8. தமயந்தியின் நிழம்வலை என்ற பெயரிட்டு சூப்பர் பதிவுகளை எழுதி இருக்கிறார்கள். ஆனால் யாரும் படிப்பதாக தெரியவில்லை. .இவர்களை போன்றவர்களை குழுக்களில் சேர்த்துவிட்டால் படிப்பவர்கள் அதிகமாகும்.

9. ஒரு வார்த்தை :- என்ற பெயரில் எழுதுகிறார், திரைபடதுறையில் பணியாற்றும் இவரை பற்றி அறிமுகமே என்னை கவர்ந்தது, தைரியமாக அரசியல் பதிவில் ஆரம்பித்து இருக்கிறார், படித்துதான் பாருங்களேன்..

10. வெங்கிராஜா:- வாவ்!! இவருடைய பாதசாரி டெம்ளேட்.. சூப்பர்.. !! இதற்காக ஒருதரம் சென்று பார்த்துவிட்டு அப்படியே பதிவுகளை படித்துவிட்டு வாருங்கள்..

11.பொன்னிலா , பெயர் தான் நிலா வென்று முடிகிறது ஆனால் நிலா சுடுகின்றது… சுடுவதை நீங்களும் உணர்வீர்கள் சென்று படியுங்கள்.

புதிய பதிவர்களுக்கு எனக்கு தெரிந்த சில டிப்ஸ்' :

1. முகம் தெரியாமல் எழுதினால் என்ன வேண்டுமானாலும் எழுதலாம்னு என்ற நினைப்பை விட்டுவிடுங்கள்
2. உங்களுடையது எப்படிப்பட்ட முகமாக இருந்தாலும் நான் இப்படித்தான் என்று காட்டிக்கொள்ள தயங்காதீர்கள்
3. எத்தனை கும்மி அடித்தாலும் நடுவே ஒரே ஒரு நல்ல பதிவாவது எழுதுங்கள்

அணில் குட்டி அனிதா :- என்னை அடக்கி அராஜகம் செய்வதால் நானும் ஒரு புது பதிவு ஆரம்பிக்கிறேன் மக்கா… அல்ரெடி இங்க யூ.ஆர்.எல் ரெடி செய்துட்டேன், சோ...எல்லாரும் இனிமே அங்க வந்து சேருங்க. .அம்மணிய எல்லாரும் Boycott பண்ணுங்க….. நோ மோர் டீலிங் வித் திஸ் லேடி !! கவி நோ மோர் ரீடர்ஸ் டூ யூ !! ...ஹாங்... ஐ சேலஞ்சு..!!

மக்கா உங்கள நம்பி சேலஞ்சு எல்லாம் ஓவரா சவுண்டு விட்டுட்டேன்.. சோத்துல மண்ணை போட்டுடாதீங்க… !! அவ்வ்வ்வ்வ்!! ஆதரவு கொடுங்கோஓஓஓ!!

பீட்டர் தாத்ஸ் : ரத்தினச்சரம் - (lapiz lazuli) :
Lapis Lazuli with deep azure blue color, often flecked with golden pyrite inclusions, was treasured by ancient Babylonian and Egyptian civilizations and often worn by royalty. Lapis lazuli was widely used by Egyptians for cosmetics and painting . Persian legend says that the heavens owed their blue color to a massive slab of Lapis upon which the earth rested. Lapis Lazuli was believed to be a sacred stone, buried with the dead to protect and guide them in the afterlife.
Read more about Lapiz Lazuli
http://www.astroshastra.com/gemstore/lapiz.asp
http://en.wikipedia.org/wiki/Lapis_lazuli
http://www.all-that-gifts.com/se/lapis_lazuli.html