மலர் கண்காட்சி

மகாகவி பாரதியின்

”அச்சமில்லை அச்சமில்லை அச்சமென்ப தில்லையே
இச்சகத்து ளோரெலாம் எதிர்த்துனின்ற போதினும்
அச்சமில்லை அச்சமில்லை அச்சமென்ப தில்லையே
துச்சமாக எண்ணி நம்மைத் தூறுசெந்த போதினும்
அச்சமில்லை அச்சமில்லை அச்சமென்ப தில்லையே”

இப் பாடலையும்

“
சாதிகள் இல்லையடி பாப்பா குலத்
தாழ்ச்சி உயர்ச்சி சொல்லல் பாவம்
நீதி,உயர்ந்தமதி கல்வி அன்பு
நிறைய உடையவர்கள் மேலோர்

உயிர்களிடத்தில் அன்பு வேணும் தெய்வம்
உண்மையென்று தானறிதல் வேணும்
வயிரெ முடைய நெஞ்சு வேணும் இது
வாழும் முறைமையடி பாப்பா”

மற்றும் குறளில்
“
இன்னா செய்தாரை ஒறுத்தல் அவர்நாண
நன்னயம் செய்து விடல்”

இவற்றிற்கு இணங்க நாமும் நம் சந்ததியினரும் வாழ்வோமாக!

இன்றையப் பணியை இனி துவங்குகிறேன்

வலைப்பூவில் கவிதைப்பூக்களை தூவி வந்த என்னை வலைப்பூக்களை வலைச்சரத்தில் கவிதைச் சரங்களாய் தொடுக்கச் சொல்லி அழைத்தீர்.. நட்பு மலர்களை நல்ல மனங்களை நறுமணம் தூவும் அவர்கள் நல்லெழுத்துக்களை நானிங்கு தருவேன் என்ற நம்பிக்கையில் இம்மி பிசகாது இயன்ற அளவு இனிதே அளிக்க முயல்கிறேன்....



தமிழகத்தின் தலை நகரம் என்று சொல்லும் போது மனக்கண்ணில் சென்னையும் அதன் முக்கியத்துவமும் அங்கு முதலிடம் வகிப்பவையும் நம்முள் ஒரு கணம் வந்து போகும் என்பது மறுக்கப்படாத உண்மை....சென்னையின் சிறப்பு ஆசியாவின் இரண்டாவது பெரிய அழகிய கடற்கரை மெரீனா...அடுத்து அங்கு அங்கம் வகிக்கும் சிலைகள் அண்ணா எம்.ஜி.ஆர் நினைவிடங்கள் பொழுது போக்கிடங்கள் எம்.ஜி.எம் கிஷ்கிந்தா வி.ஜி.பி மாயாஜாலம் திரை அரங்குகள் டி.நகர் பாண்டிபஜார் கோடம்பாக்கம்
லலிதா ஜீவல்லரி சரவணா ஸ்டோர்ஸ், குமரன் சென்னை சில்க்ஸ் நல்லி ஹோட்டல் சரவணபவன் கிருஷ்ணா ஸ்வீட்ஸ் அர்ச்சனா ஸ்வீட்ஸ் இப்படி சொல்லிக்கிட்டே போகலாம்....இப்ப ஏன் இந்த உலகம் அறியா உண்மைகள் என்று கேட்கிறீர்களா? சொல்கிறேன்.....

வலைப்பூ என்று சொன்னால்.......கண்முன் மலரும் தலங்கள் பதிவுகள் எல்லாம் இப்படித்தான் மேற்கூறியதைப் போல சிறப்பு வாய்ந்தவை. இவைகளைத்தான் நான் இனிவரும் ஆறு நாட்களுக்கு சொல்லப் போகிறேன்...மேலே சொன்ன இடங்கள் பார்வைக்கு விருந்து நான் சொல்லப் போவது எல்லாம் அறிவுக்கும் சிறந்த கருத்துக்களுக்கும் சில தெளிதலுக்கும் இப்படி ஒவ்வொன்றும் ஒரு விதத்தில் சிறப்பு வாய்ந்தவைகள் பதிவுகள் மட்டுமல்ல அதை புணையும் நண்பர்களும் தான். இவர்கள் எழுத்தில் மட்டுமல்ல எண்ணங்களிலும் சிறந்தவர்களே......













தன்னம்பிக்கை உத்வேகம் ஆக்கப்பூர்வம் நட்புபேணல் உழைப்பு விடாமுயற்சி சின்ன குழந்தை கோவம் தைரியம் பேயிடம் பயம் வலி வாழ்க்கை இப்படி இன்னும் அடுக்கலாம்.ஆதரவற்ற முதியோர்களுக்கும்,ஏழைகளுக்கும் இவர் இயன்ற அளவு உதவியும் தொண்டும் ஆற்றி வருகிறார்.எதிர்காலத்தில் இவர் சுயமாக தொண்டு நிறுவனம் ஒன்றை நிறுவவுள்ளார்.இதன் பால் இவர் மேல் எனக்கு தனி மரியாதையும் மதிப்பும் உண்டு.ஒன்னாம் நம்பர் அரட்டைப் பேர்வழியும் கூட... இந்த அபூர்வ பெண்ணைப்பற்றி.....ஆம் இவர் என் முதல் அறிமுகம் காரணம் இவரோட தலத்தின் பெயரே ஒரு உற்சாகம் ஊக்குவிக்கும் பெயர் ஆதலால்.....இவரின் பதிவில் குறிப்பிட்ட ஒரு அம்சம் மட்டுமல்ல அனைத்தும் அரங்கேறும் கதை கவிதை வாழ்த்து நகைச்சுவை கருத்தாழமிக்க எண்ணம் இப்படியே இவர் அலசாத விஷயங்களே இல்லை..இவருடைய பதிவில் கேள்விபதிலும் முதியோர் இல்லம் என்ற பதிவும் என்னை மட்டுமல்ல அனைவரையும் வெகுவாக ஈர்க்கும் என்பதில் ஐயமில்லை......இப்போது புரிந்திருக்கும் அவர்WILL TO LIVE ரம்யா......

ஆதரவற்ற குழந்தைகளும் - முதியவர்களும்!!
ஊட்டி அனுபவம் நண்பர்களுடன் !!
















நல்ல மனிதருக்கும் மனிதத்துக்கும் சிறந்த எடுத்துக்காட்டு.இன்று இங்கு என்பால் ஏற்படும கவிதை கொடுமைகளுக்கு இவர் தான் காரணம் ஆம் இவர் தான் எனக்கு வலைப்பூ என்ற ஒன்றை அறிமுகப்படுத்திய ஆசான்.புகைப்படம் எடுப்பது இவருக்கு சிறந்த பொழுது போக்கு.. என் மிகச் சிறந்த நண்பர் இவரை ஒருமுறையாவது கோவப்படுத்தி பார்க்கனும் என்பது என் தலைச்சிறந்த லட்சியங்களில் ஒன்று...புன்னகைப்பூக்கும் பொன் மரம் ஆம் எப்போதும் சிரித்த முகம்.....அமைதியான பேச்சு அப்படின்னா சத்தம் மட்டும் தான் குறைவு..என் நேரமும் கேலியும் கிண்டலும் தான் அதே சம்யம் இவர் எழுத்துக்களில் ஆழமான கருத்தும் சிந்தனையும் அதில் அடங்கியிருக்கும்.பல தலங்கள் வைத்திருக்கிறார்.நாமக்கல் சிபி மா நக்கல் சிபி என்று நண்பர்களால் செல்லமாக அழைக்கப்படுவார் அவர் பதிவில் சில இங்கு
பிதற்றல்கள்
மனமும் நினைவும்!

சௌம்யாவுடனான ஓட்டப்பந்தயம்

நான் இந்தியன் இல்லை!



இவர் அணுகாத வலைப்பூக்களே இல்லை என சொல்லலாம் அனைவர் மனதிலும் அன்பின் பால் நட்பாய் சகோதரனாய் நேசமாய் கனிவாய் வலம் வந்துக் கொண்டு இருக்கும் இவர் கலை உலகில் மக்கள் திலகம் எம்.ஜி.ஆர் எங்கள் வீட்டுப் பிள்ளை என்றால் இவர் வலை உலகில் எங்கள் வீட்டுப் பிள்ளை... அனைத்து பதிவர்களுக்கு பின்னுட்டம் இடுவதில் இவருக்கு நிகர் இவரே.கவிதை,கதை,கட்டுரை,பொது,மருத்துவம்,கணினி என அனைத்திலும் வலம் வருபவர்.எழுத்தோசையின் வளர்ச்சியில் இவருக்கு மிக முக்கிய பங்குண்டு..தன் நண்பர்களுக்கெல்லாம் எழுத்தோசையை அறிமுகம் செய்து இன்று அவர் அதில் பெருமிதம் கண்டுவிட்டார் என்றே சொல்லலாம்..அனைவரையும் தென்றலாய் வருடுபவர்.... சமீபத்தில் கதைக் களத்தில் குதித்து கருப்பு ரோஜாவை அறிமுகப் படுத்திய சிரிப்பு ராஜா இவர் ஆம் புன்னகையின் இருப்பிடம் இவர் இதழ்கள் எனச் சொல்லலாம்........ கற்ப்போம் வாருங்கள் என்று நட்புடன் நேசக்கரம் நீட்டும் ஜமால்
இவரது பதிவில் என்னை கவர்ந்தது
இரவிலும் உதிக்கும் வானவில்லே
தேடல்.
அறிமுகமல்ல … அறியும் முகம்















தாயின் மடியில் பிள்ளைகள் தவழ்வது இயல்பு...இங்கோ நேர் எதிர் மாறாய் தமிழ்த் தாய் இவர் நாவில் தவழ்ந்து விளையாடுகிறாள்..உவமை கூற எடுத்துக் காட்ட பதிவு சொல்ல என இவர் எதைத் தொட்டாலும் கையாள்வது தமிழைத் தான்..நீர் சிந்தும் வானத்தை சந்தோஷத்தின் மிகுதியில் தேன் சிந்துதே வானம் எனச் சொல்வோம் தேன் சிந்தும் தமிழை தான் சிந்துபவர்.இவரால் தமிழ் தழைத்தோங்கி மேலும் செழித்தோங்குகிறது என்றால் அது மிகையாகாது தமிழில் மட்டும் அல்ல கனிணி பற்றிய மென்ப்பொருள் நுட்பத்திலும் இவருக்கு நிகர் இவரே தமிழ் பேச தயங்கி நுனி நாக்கு ஆங்கிலம் பேசும் தற்கால இளைய சமுதாயத்தினர் மத்தியில் கற்கால தமிழை இக்காலம் வளரச் செய்வதில் இவர் பெரும் பங்காறறுகிறார்.இவரது படைப்புகள் பல பலத்தலங்களில் வெளிவந்துள்ளது.என்னை வியக்கச் செய்த பதிவர்களில் தமிழ் மேல் நான் கொண்ட ஈர்ப்பால் இவருக்கு தான் முதல் இடம்.இவர் படைப்புகளில் ஒன்றை மட்டும் குறிப்பிட்டு சிறந்தது என சொல்லமுடியாது.அத்தனையும் செந்தமிழின் தமிழரின் சிறப்பையும் வாழ்வியலையும் சொல்லும் பதிவுகளே. இவர் தான் வேர்களைத்தேடி குணா.வெறியாட்டு இவரது சிறந்த படைப்புகளில் ஒன்றாகும்


வெறியாட்டு

விட்ட குதிரையார்

புள்ளோப்புதல்










இவர் அரட்டை அரங்கத்தின் அம்சம் இவர்.துறு துறுவென்று என் நேரமும் கலகலப்புக்கு பஞ்சமில்லாதவர்...கும்மித் திலகம் பின்னுட்டம் இடுவதிலும் இவருக்கு நிகர் இவரே... நல்ல பதிவர்களை ஊக்குவிப்பதிலும் சிறந்தவர் நல்லுறவுகளையும் நட்பையும் நன்றே பேணி வருபவர்.இவர் கதை,கவிதை,கட்டுரை என எல்லாவற்றிலும் வலம் வருபவர்...தங்கமணியை உயிராய் நேசிக்கும் ரங்கமணி அவருக்காக பல கவிதைகள் எழுதியுள்ளார்... இவருடைய பிறந்த நாளை எழுத்தோசையில் பதிவாய் இட்டதுக்கு நன்றி கூறி ஒரு பதிவிட்டு எனக்கு பெருமை சேர்த்து கண்ணீர் மல்க செய்தார்.. நட்பே உனக்கு இத்தனை வலிமையா?எழுத்தோசையின் வெகு குறுகிய வளர்ச்சிக்கு இவர் மிகப் பெரிய காரணம் 32 கேள்விகள் தொடர்பதிவுக்கு அழைத்து என் எழுத்துக்களை மேலும் பிரபலமாக்கியவர் இவர்.இவருடைய பாராட்டுக்குரிய பல பதிவுகள் காணாமல் போனது துரதுஷ்ட்டம் இவருடைய தற்போதிய எல்லை இல்லா சந்தோஷம் புதுவரவான உறவு இவர் மகள் அஃப்ஷின். என் உயிரே என இவர் அழைப்பது அவர் உறவுகளை.... அபுஅஃப்சர் அவர் மகளுக்காக இவர் எழுதிய பதிவே இங்கு சிறந்த பதிவாக அறிமுகபடுத்தபடுகிறது.
என் குட்டி தேவதை
வலைப்பதிவுகளின் பெயரில் ஒரு கவிதை
இடி! மின்னல்!!





பிரியம் இவர் உடன் பிறப்பு.குறுகிய காலத்தில் பிரபலமானதோடு அல்லாமல் 100பதிவுகளையும் கடந்து விட்டார்......திரைபடங்களில் குடும்பப் படம்,கலைப் படம்,கமர்ஷியல் படம், நகைச்சுவை படம்,பொழுதுபோக்கு படம் இப்படி வகைகள் இருப்பது போல் குடும்பத்தோடு பார்க்ககூடிய பொழுதுபோக்கு திரைப்படம் போன்றது இவருடைய வலைப்பூ. என் செல்ல மகள் சந்தியா இவருடைய விசிறி காலையில் அம்மா இன்று அவர் என்ன பதிவு போட்டு இருக்கார் என்று கேட்டு அதை மட்டும் அவசியம் அன்றாடம் நோட்டம் விட்டுவிடுவாள்..இவர் ரசிகையாவதற்கு இன்னோரு உள் நோக்கம் அவளும் விஜய் ரசிகை..இவ்ருடைய வித்தியாசமான பதிவுகள் அனைத்தும் அனைவரை கவர்ந்தது என சொன்னால் மிகையாகாது.அதில் அசையும் சொத்து என்று ஒரு கவிதை வியர்வையின் சிறப்பை சொல்லியிருப்பார் மிகவும் சிறப்பாக இருக்கும் அந்த பதிவு மற்றும் அதை எனக்காக என்று அவர் சொன்னது இரட்டிப்பு மகிழ்ச்சி எனக்கு... ப்ரியமுடன் வசந்த் பெயருக்கு ஏற்றாற் போல் பிரியமானவர்
(அசையும் சொத்து) வியர்வை
சில கிடைக்கலத்துவங்கள் சீரியசாக
நூறு ரூபாய்
நான் தமிழக முதல்வரானால்.....














உறுதி திடம் வலிமை என அனைத்திலும் சக்திவாய்ந்தவரே.இவர் அணுகாத தலைப்பேயில்லை ஒரு தலைப்பை கொடுத்தால் போதும் அடுத்த சில நிமிடங்களில் கவிதை அறுவி அங்கு பாயும்.சமுக சிந்தனையும்,பெண்ணுரிமையும் அதிகம் போற்றுபவர்.எனக்கு சகோதரியும் தோழியும் ஆவார்.. நம்மிடம் உரிமை எடுத்து பழகும் இனியவர்..கோவம் இவருக்கு மணிமகுடம் அதை மறந்து மீண்டும் இயல்பாய் பேசுவது இவர் குழந்தைத் தனம்..அரசியல் கவிதைகளில் அனல் பறக்கும்.அநீதியை துணிந்து எழுதுவதில் இவருக்கு மட்டுமே சக்தி..ஆம் அதர்மத்தை கண்டால் வெகுண்டெழுவார் இவரை கண்டால் எனக்கே ஆச்சிரியம் பல விஷயங்களில் நாங்கள் ஒருமித்த கருத்துக் கொண்டவர்கள் நாங்கள் அறியாமலேயே..இவருடைய எண்ணிலடங்கா பதிவுகள் இளமை விகடனில் வெளிவந்துள்ளது என்பது குறிப்பிடத்தக்கது....இவர் கவிதைகளில் நல்ல தமிழ் சொற்கள் நடமாடும் பெயருக்கு மட்டும் தான் புறா...இவர் வெகுண்டால் வேங்கை... சக்தி வீட்டுப்புறா என்ற வலைப்பூவை கொண்ட இவர் பெயருக்கு ஏற்றாற் போல் சக்தி தான்.இவர் எழுதியதில் சில இங்கு


இனியேனும் நெற்றிக் கண்ணை திறந்துவிடு....

என் மனதின் குரல்

இன்று இத்தோடு நிறைவு செய்கிறேன். நாளை சந்திப்போம்.