வலைச்சரத்தில் ஒரு வலைப்பூ

’’நல்லதோர் வீணை செய்தே அதை
நலங்கெட புழுதியில் எறிவதுண்டோ?
சொல்லடி சிவ சக்தி எனை
சுடர்மிகும் அறிவுடன் படைத்துவிட்டாய்
வல்லமை தாராயோ இந்த
மாநிலம் பயனுற வாழ்வதற்கே.....”
எனச் சொன்ன என் பாரதிக்கு மலர் தந்து வணக்கம் கூறி என்னைப் பற்றி நான்...

வலைச்சரம் ஆசிரியராய் நான்.... எந்த நம்பிக்கையில் எனக்கு இப்பணியை அளித்தார் என அறியவில்லை.....”சீனா”அண்ணாவின் நம்பிக்கைக்கு நன்றி. அவருக்கு வணக்கம் சொல்லி என்னை வாழ்த்தவும் சொல்லி விஷயத்தை சொல்றேன்.....

நான் தாங்க எழுத்தோசை தமிழரசி..... என்ன சைதை தமிழரசி மாதிரி சொல்ற என்று நீங்கள் சொல்வது கேட்கிறது....என் நண்பர்களின் அன்போடும் ஆசியோடும்.....

நான் தமிழரசி B.A .,Eng Lit படிச்சிருக்கேன் ஆனா தமிழ் இலக்கணமே சரியா வராதுங்க எனக்கு. அதுக்காக English grammerல doubtன்னு யாரும் மெயில் பண்ணிடாதிங்க.....ஆமாம் நான் ஆந்திராவில் இருப்பதால் என்னால் முறையாக
சிறப்புற தமிழை பயில முடியவில்லை....எனக்கு தெரிந்தது சில தமிழ் எழுத்துக்களே..அதை கொண்டுத் தான் என்னுடைய எழுத்துப் பயணம் தொடங்கியது.....

”மகாகவி பாரதி” இவர் மேல் எனக்கு அளவிலாப் பற்று.....என்னுடைய மனவுறுதிக்கும்,தைரியத்திற்கும்,தன்னம்பிக்கைக்கும் வித்திட்டதும் இவர் பாடல்களே...... சோகங்கள் என்னை வீழ்த்தும் போது இவருடைய

”மனதி லுறுதி வேண்டும்,
வாக்கினி லேயினிமை வேண்டும்,
நினைவு நல்லது வேண்டும்,
நெருங்கினபொருள்கைப்பட வேண்டும்,
கனவு மெய்ப்பட வேண்டும்,
கைவசமாவது விரைவில் வேண்டும்,”

இந்த பாடல் என்னை வெகுவாக தேற்றும்...தெளிந்தும் விடுவேன்........

எப்பொருள் யார் யார் வாய்க் கேட்பினும் அப்பொருள்
மெய்ப்பொருள் காண்பது அறிவு.
இக்குறளின் பொருள் படி இக்குறள் பயன்ற அன்று முதல் இன்று வரை இதை நான் கடை பிடித்து வருகிறேன்.

எதை பார்த்தாலும் கவிதைகளாய் எப்பவுமே மனசுகுள்ள அசை போடுவது எனக்கு பழக்கம்...... மனசுகுள்ள எழுத எழுத அதை சுவடு இல்லாமல் அழித்தும்விடுவேன் சில நாட்கள் துண்டு பேப்பர் சுவர் என்று ஆரம்பித்து அடுத்து
அதற்காக தனியா ஒரு நோட்டு புத்தகம் வைத்து எழுதத் தொடங்கினேன்.....இந்த சூழ்நிலையில் எனக்கு என் நண்பர் நாமக்கல் சிபி தனது வலைப்பூவான பிதற்றல்களை என்னை படிக்கச் சொன்னார்..அதைப் பார்த்ததும் நான் வியந்தேன் இப்படியெல்லாம் இருக்குமா? என்று?

அதை கண்ட பின் ஏற்பட்ட ஓசை தான் இந்த எழுத்தோசை ...... இன்று இந்த அளவு நல்ல நட்புக்களையும் நல்ல மனங்களையும் எனக்கு அளித்திருக்கிறது..... நான் இத்தனை தூரம் பயணிக்க பாதை அமைத்தது என் நண்பர்களின் வலைப்பூக்கள் தான்..... கடந்த வந்த பாதை எல்லோருக்கும் முட்களாய் இருக்க எனக்கு மட்டும் பூக்கள்.....வலைபூக்கள் எனச் சொன்னால் அது மிகையாகாது.... இனி வரும் புதிய வலைப்பூ பதிவர்களுக்கும் நானும் பூக்களால் பாதை அமைப்பேன்.....என் கவிதைகளால் அவர்களுக்கு மேடை அமைப்பேன்.

ஜனவரி 31 முதல் எழுத்தோசையை நான் ஆரம்பித்திருந்தாலும் ஏப்ரல் மாதத்திலிருந்து தான் இதில் முழு கவனம் செலுத்த முடிந்தது.ஆரம்பத்தில் ஒன்றும் தெரியாதிருந்த நான் இப்போது ஒரளவு தேர்ச்சி பெற்றுள்ளேன்......ஏப்ரல் 23 முதல் ஜுன் 26 வரை என்னுடைய 18 பதிவுகளுக்கு மேல் இளமை விகடனில் வெளிவந்துள்ளது ஆதலால் இங்கு விகடனுக்கு நன்றி சொல்ல மிகவும் கடமைப்பட்டிருக்கிறேன்.

என்னுடைய பதிவுகளில் எனக்கு பிடித்த சில பதிவுகள் இங்கு

நட்பை தொலைக்காதே
மனிதரில் இத்தனை நிறங்களா?
பெண்ணும் பூமியும்
பட்டினிக்கு பிறந்தோம்
எல்லாமே இங்கு கேள்விகள் தான்?
முதல்நிலை இடைநிலை கடைநிலை
வாழ்க்கை
உனக்கே உனக்காய்
தாகம்
இறையே உன்னிடமுமா?
நீ வரும் வரை
மறுத்தது ஏன் மறவனே
இம்மையே போதும் இனி மறுமை வேண்டாம்
அழகிப் போட்டி
அச்சு வெல்லம் நான் அவனுக்கு
காதல் வலி
குண்டோசையும் கூக்குரலோசையும்
எய்ட்ஸ்
அழகிப்போட்டி
பூகம்பம்
அன்னிய நாட்டுச் செலவானி நான்

மானிடராய் பிறப்பதற்கே மாதவம் செய்திடல் வேண்டுமம்மா என கவிச் சொன்னான் மாதவம் எதும் செய்திடாமலே மானிடராய் பிறந்திட்டோம்.ஆனால் பிறந்த மண்ணிற்கு என்ன செய்திட்டோம்?

என்ன செய்யப் போகிறோம்?



























பொருப்பில்லாமல் இருக்கிறோம்
பொங்கியெழ மறக்கிறோம்.....
துடிப்போடு இருந்தும் கூட
துணிந்து செல்ல மறுக்கிறோம்....

வற்றிய நதிகளை பற்றி கவலை இல்லை
வாடிய பயிர்களை பற்றி துயரம் இல்லை!!!!
வற்றாத சேமிப்பு வங்கியில் பெறுக்குவதற்கு
வாழ்நாள் எல்லாம் உழைகிறோம்.....

வறுமை தான் நம் எல்லைக் கோடு
ஆனால் காஷ்மிர் எனச் சொல்கிறோம்....
ஐந்தாண்டு அரசியல் செய்து அள்ளி கொண்டு
போவோனையும் தட்டி கேட்க தயங்குகிறோம்!!!!

அறிவிலிகளாய் மட்டுமே இருந்து
ஆற்றாமை பட்டுக் கொண்டு இருக்கிறோம்!!!!
வாசமுள்ள மலர்களை அறிகிறோம்
வஞ்சம் கொண்ட முகங்களை அறிவதில்லை....

விவசாயிக்கு இங்கு நிலமில்லை
கடனில் விழுந்தவனை எழுப்ப யாருமில்லை....
கேணிகளில் நிரில்லை அதில்
தூர் வாரும் நிலையும் அவருக்கில்லை....

வீட்டுக்கு ஒரு மரம் வளர்க்கச் சொன்னால்
அதை வீதியில் அல்லவா வளர்க்கிறோம்!!!!
நாட்டுக்கு எதேனும் செய்யச் சொன்னால்
ஓட்டு போடாமல் ஒளிகிறோம்!!!!

விதண்டா வாதம் பேசும்
வீண்ர்களாய் இருக்கிறோம்!!!!
முரண்பாடுகளை மட்டும் சுட்டிக் காட்டும்
முட்டாள்களாகத் தானே இருக்கிறோம்!!!!

நாட்டுக்கு ஏதேனும் செய்யச் சொன்னால்
நாம் என்ன செய்யப்போகிறோம்????

************************************

இன்று இத்துடன் விடைப் பெற்றுக் கொண்டு நாளை சந்திக்கிறேன்.நாளை முதல் சிறந்த பதிவர்களை மேலும் இங்கு சிறப்பிக்க எண்ணுகிறேன்..... என்னுடைய பதிவுகளில் எதேனும் சொல்குற்றமோ பொருள்குற்றமோ இருப்பின் பொருத்தருள வேண்டாம் எடுத்தருளவும்.....

இவன் தமிழ்