வலைச்சரத்தில் முதல் நாள் - பலா பட்டறை - ஷங்கர்..

வணக்கம் நண்பர்களே!

வாய்ப்பளித்த சீனா அய்யா அவர்களுக்கு நன்றி கூறி வலைச் சரத்தில் முதல் நாள் என்னைப் பற்றிய சிறிய அறிமுகத்துடன் துவங்குகிறேன்...

பலா பட்டறை என்பது என் வலைப்பக்கத்தின் பெயர். ஷங்கர் என்பது என் பெயரில் ஒன்று!:) போன வருடம் நவம்பரில் ஆரம்பித்து, நல்ல பல நட்புகளுடன்/சந்திப்புகளுடன் தொடரும் என் பயணத்தில் இன்றைக்கு வலைச்சர ஆசிரியர் பணி. நானும் இதே வலைச்சரத்தில் பல நல்ல உள்ளங்களால் அறிமுகப்படுத்தப்பட்டவன்தான் என்பது கூடுதல் மகிழ்ச்சி.

இதுவரை வந்த ஆசிரியர்கள் பணி மிகச் சிறப்பானது. ஓரளவிற்கு தொடர்ந்து வலைச்சரம் வாசித்தவன் என்றபோதிலும் சமீபகாலங்களில் சொந்த காரணங்களால் வாசிப்பு குறைந்தது.

பின்னூட்டமிடாது நான் மட்டுமே எழுதவும் மனமில்லை. எண்ணத்தில் உதிப்பதை எனக்குத் தெரிந்த தமிழில் என்னை பாதித்த அல்லது எழுதத் தூண்டுவதையே நானும் எழுதி வந்திருக்கிறேன். எழுதும் இடுகைகளில் ஏதேனும் முன்னேற்றமிருப்பின் அதற்கு உங்களின் எழுத்தும், அன்பும், ஆதரவுமே காரணம். அதற்காய் மீண்டும் வலைச்சரம் மூலமாக உங்களனைவருக்கும் நன்றி சொல்லிக் கொள்கிறேன்.

இனி அறிமுகப் படுத்தவேண்டிய பதிவர்கள் இருக்கிறார்களா என்கிற அளவிற்கு வலைச்சரத்தின் வீச்சு இருக்கிறது. எனக்கு தெரிந்த அளவில் பகிரவே விருப்பம். ஏதேனும் குறை இருப்பின் மன்னிக்க!

~~~~

நான் எழுதியவற்றில் சில உங்களின் பார்வைக்காக மீண்டும்..

என் வாழ்வில் நான் கடந்த பாதையில் எதிர்பட்டவைகள்..

கடவுளின் குழந்தைகள்..

தள்ளி திரிந்த காலம்..

உயிர் வியாபாரம்..

என்னுடைய ஒரு காதல் கவிதையைப் படித்த திரு.கேபிஎஸ் என்ற மலையாள பதிவர் அந்தக் கவிதை பிடித்துப் போய் அவர் பதிவில் அதைப் பற்றி எழுதியது போக, தன் குரலிலேயே பதிவும் செய்து இருந்தார். அதையும் இங்கே பகிர விரும்புகிறேன்.:-)

ചില കാതല്‍ കടിതങ്കളും കായ്ന്ത മല്ലികൈകളും

மீண்டும் சந்திப்போம்.

நன்றி நண்பர்களே. :-)