சென்று வருக ராஜா !!!!! வருக ! வருக ! ஆனந்த்

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பேற்ற ராஜா - வீட்டில் கணினியோ இணையத் தொடர்போ இல்லாத காரணத்தால் வெளியில் சென்று அத்தனை பதிவுகளையும் எழுதி சேமித்து விட்டு, ஒவ்வொரு நாளும் அலை பேசி வழியாக அவைகளை ஒவ்வொன்றாக வெளியிட்டிருக்கிறார். உழைப்பின் பலன் தெரிகிறது.

12 பதிவுகள் இட்டிருக்கிறார். அவற்றில் கடைசி இரண்டு பதிவர்களை அறிமுகப் படுத்துவதாக இல்லை. மற்ற பத்தில், ஏறத்தாழ நூறு பதிவர்களின் இடுகைகளை அறிமுகப் படுத்தி உள்ளார். கிட்டத்த்ட்ட 185 மறுமொழிகள் இது வரை பெற்றிருக்கிறார். இதுவே ஒரு சாதனை தான்.

பல சிரமங்களுக்கு இடையே, தான் ஏற்ற பொறுப்பினை மன நிறைவுடன் நிறைவேற்றி, நம்மிடமிருந்து விடை பெறுகிறார். அவரை நன்றி கலந்த நல்வாழ்த்துகளுடன் வழி அனுப்புவதில் பெருமை அடைகிறேன்.

நாளை துவங்கும் வாரத்திற்கு ஆசிரியப் பொறுப்பேற்க வருகிறார் நண்பர் ஆனந்த். இவர் பேநாமூடி என்னும வலைப்பூவினிலும், கிறுக்கல்கள் என்னும் வலைப்பூவினிலும் எழுதி வருகிறார். கணினித்துறையில், சென்னையில் பணி புரிகிறார். தஞ்சையைச் சார்ந்தவர். உலக சினிமாக்கள் பார்ப்பதில் அதிக ஆர்வமுடையவர். எழுதுவதை விட படிப்பதில் ஆர்வம் அதிகம் உடையவர்.

நண்பர் ஆனந்தினை வருக ! வருக ! என வரவேற்று வாழ்த்துவதில் பெருமகிழ்ச்சி அடைகிறேன்.

நல்வாழ்த்துகள் ராஜா

நல்வாழ்த்துகள் ஆன்ந்த்

நட்புடன் சீனா