சரம் 5 – ஒரு விசிட் போங்களேன்..

என்ன நண்பர்களே.. சௌக்கியமா? நேற்றைய சரத்தில் நான் பகிர்ந்த சமையல் குறிப்புகள் அனைத்தையும் முயன்று பார்த்தீர்களா?? (அடச்சே.. ஏதோ பட்டிமன்றத்துல பேசுற மாதிரி இருக்குது.. வழக்கமான மொக்கைப் பேச்சு தான் நமக்கு லாயக்கு).

சமையல் குறிப்பு எதையுமே ட்ரை பண்ணிப் பாக்கலையா?  (ஹூம்ம்..). சரி விடுங்க. பல்பு வாங்குறதே எனக்குப் பொழப்பா போய்டுச்சு. அந்த லிங்க்கையாவது க்ளிக் பண்ணிப் பாத்தீங்களா??? (இல்லையா??? டேய் மாயாண்டி.. எடுடா அந்த அரிவாள... ம்ம்ம் அந்த பயம் இருக்கட்டும்). இன்னைக்கு சில பதிவர்களோட வலைதளங்கள உங்ககிட்ட பகிர்ந்துக்கப் போறேன், அவங்களோட தளத்துக்குப் போய் ஒரு விசிட் போடுங்க.. என்ன?? சரிதானே???

ஒரு கண்ணாடி வீடும் சில கற்களும்“னு... அட.. கதை சொல்ல வரலைங்க.. ஒரு பதிவர் எழுதிகிட்டு இருக்கார். அனுபவப் பதிவர்களுக்கு ஏதேதோ கேள்வியெல்லாம் வச்சிருக்காராம்.. என்னானு தான் கேளுங்களேன். (எனக்கு சின்ன வயசுலருந்தே எக்ஸாம், கேள்வினாலே பயம்“னு சொல்லி எஸ்“ஸாக கூடாது... சொல்லிப்புட்டேன்).

வெங்காயம்.. அட முறைக்காதீங்க.. நா ப்ளாக்கோட பேர தான் சொன்னேன். (காம்ப்ளான் குடிக்காம) வளர்ந்து வரும் பதிவர்களில் இவரும் ஒருத்தர்.. அரசியல் பற்றிய பதிவுகள் இவரோட தளத்துல அதிகமா கிடைக்கும்.

யோஹன்னா யாழினி.. (கரெக்டா உச்சரிக்கணும்.. சொல்லிட்டேன்..). இவரோட பதிவுகளின் எண்ணிக்கை கம்மியா இருந்தாலும், படிக்கும்போது கட்டாயம் ரசிக்க வைக்கும். இவரோட எழுதாத கவிதைகளும், அனுபவங்களும் படிக்கிறவங்கள நிச்சயம் ஈர்க்கும்.

அன்பே சிவம்.. (படம் இல்ல.. இது ப்ளாக்கோட பேரு..). இவர் புத்தகங்கள்ல வெளியான தன்னோட கதைகளைப் பகிர்ந்துக்குறதுல ஸ்வாரஸயம் மிக்கவர். முக்கியமாக ஒரு பக்க கதை எழுதுறதுல திறமையானவர்.

சில பகிர்வுகள் பார்வைகள்.. இந்த தளத்துல பகிரப்படும் பதிவுகள்ல, கவிதைகளுக்குப் பஞ்சமேயில்லைனு சொல்லலாம்.

எனது பயணங்கள்.. பேரைப் பாத்துட்டு பயணம் பற்றிய பதிவுகள் மட்டும் தான் இருக்கும்னு நெனச்சுடாதீங்க.. பயணப் பதிவுகளோடு மற்ற வகைப் பதிவுகளும் இருக்கும்.

படிச்சுட்டீங்களா?? இன்னைக்கு நண்பர்களோட அறிமுகங்கள் போதும்னு நெனைக்கிறேன்.

தளங்களின் தேடுதலுக்கு உதவிய நண்பர் சங்கவிக்கு நன்றி  (நா ரொம்ம்ம்ம்ப நல்லவளாக்கும்..)

மீதி நண்பர்களோட பட்டியல, நாளைக்கு தொடுக்கப்போற சரம்“ல பாக்கலாம்.

வழக்கம்போல தத்துவத்தப் பகிர்ந்துட்டு கிளம்புறேங்க..

“பலசாலிக்கு பாரம் என ஒன்றும் இல்லை.

முயற்சி உடையவர்களுக்கு தூரம் என ஒன்றும் இல்லை.

கல்வியாளர்களுக்கு அந்நிய நாடு என ஒன்றும் இல்லை.

அன்போடு பேசுபவர்களுக்கு அந்நியன் என ஒருவரும் இல்லை"

நாளைக்கு சந்திக்கலாமங்க.. (அட.. இது தத்துவமில்லீங்க..)

.

.