கல்வி + அறிவு = வாழ்க்கை!

கல்வி என்றால் என்ன?
கல்வியை கல்விநிலையங்களில் மட்டும்தான் பெறமுடியுமா?
அச்சடித்த காகிதங்களிலும்..
வாங்கும் மதிப்பெண்களிலும்..
வைத்திருக்கும் பட்டங்களிலும் தான் கல்வி இருக்கிறதா?

நகலெடுக்கும் இயந்திரங்களா மாணவர்கள்?
சொன்னதைச் சொல்லும் கிளிப்பிள்ளைகளா மாணவர்கள்?

கல்விச் சாலைகள் கூடா? கூண்டா?
பறவைகள் கட்டும் கூட்டில் அவற்றுக்கு சுதந்திரம் இருக்கும்.
கிளிகள் வாழும் கூண்டுக்குள்..???


கல்வியால் கிடைக்கும் அறிவு வாழ்க்கைக்குப் பயன்படும்போது அந்த வாழ்க்கை பயனுள்ள வாழ்க்கையாக அமைகிறது. அந்த வாழ்க்கை தரமான நல்லதொரு சமூகத்தை உருவாக்கத் துணைநிற்கிறது!

கல்வி என்பது படிக்கும் ஏட்டில் மட்டும் இல்லை!
நாம் எதிர்கொள்ளும் ஒவ்வொரு நிகழ்வுகளிலும் இருக்கிறது என்றே நம்புகிறேன்.

கல்விச் சாலைகள் திறக்கப்படும்போது 

சிறைச்சாலைகள் மூடப்படுகின்றன'

என்ற சிந்தனையோடு இன்று கல்விகுறித்த தேடல்மேற்கொண்ட பதிவுகளைக் காணப்போகிறோம்.

41.உஷா அன்பரசு அவர்களின் எந்தக்குழந்தையும் நல்ல குழந்தைதான் என்ற இடுகை ஒவ்வொரு பெற்றோர்களும், ஆசிரியர்களும் படிக்கவேண்டிய சிந்தனைகளை உள்ளடக்கியதாக உள்ளது.

42. எழுந்துநில் விழித்துக்கொள் என்ற வலையில் இடம்பெற்றுள்ள இன்றைய கல்வி என்ற பதிவு கல்வியின் பரிணாம வளர்சி்யை அழகாக எடுத்துச்சொல்லுகிறது.

43. முனுசாமி அவர்கள் வன்னகம் என்ற வலைப்பதிவில் இன்றைய கல்விமுறை என்ற கட்டுரையில் “30 ஆண்டுகளுக்கு முன்னால் இளங்கலை பட்டம் பெற்ற ஒருவரது அறிவு இன்று முதுகலை பட்டம்பெறும் ஒருவருக்கு வருவதில்லை என்ற ஆற்றாமையைப் புலப்படுத்திச்செல்கிறார்.

44. சாளரம் என்ற வலைப்பதிவு காலந்தோறும் கல்வியின் படிநிலைகளை இந்தியக் கல்விவரலாறு என்ற தலைப்பில்அழகாகக் காட்சிப்படுத்தியுள்ளது.

45. அருண்ஜோசப் அவர்கள் புதிய கல்விமுறை பற்றிக் கூறும்போது “பள்ளிகளில் பாடங்களை எந்திரகதியாக உரத்த குரலில் படிக்கும் குழந்தைகள், அவற்றின் அர்த்தத்தை உள்வாங்கிக் கொள்வதில்லை. இதனால் அவர்களுக்கு அடுத்தடுத்து புத்தகங்களைத் தேடிப் படிக்கும் ஆர்வம் வருவதில்லை“ என்ற உண்மையைப் புலப்படுத்திச்செல்கிறார்.

46.யோ.உஜேயந்தன் அவர்கள் எழுத்தறிவு குறித்த புள்ளிவிவரங்களை அழகுபட மொழிந்துசெல்கிறார்.

47. மு.சுந்தரபாண்டியனின் ஆழ்கடல் என்னும் வலைப்பதிவில் மூன்றே வரிகளில் அறிவைத் தேடுவதைவிடக் கடினமானது எதுஎன்று சொல்லியிருக்கிறார்.

48. மதுரை சரவணன் அவர்களின் எது விழுமியம் தரும் கல்வி என்பதை அடையாளப்படுத்தியிருக்கிறார்.

49. என் இராஜபாட்டை இராஜா அவர்களின் மாணவர்கள் மற்றும் பெற்றோர்கள் கவனத்திற்கு என்னும் பதிவு பெற்றோர்களும் மாணவர்களும் படித்து உணரவேண்டிய பதிவாக உள்ளது.

50. சம்பத் அவர்களின் தமிழ்பேரண்ட்ஸ் என்னும் வலையில் குழந்தைகளின் வளர்ப்பு குறித்த பல்வேறு தகவல்களைத் தொடர்ந்து வழங்கிவருகிறார்.

இந்த உலகம் ஒரு விசித்திரமான பள்ளிக்கூடம்

இங்கு பாடம் நடத்தியபிறகு தேர்வுவைப்பதிலை

தேர்வு வைத்தபிறகு பாடம் சொல்லித்தரப்படுகிறது

என்ற சிந்தனையை இன்று தங்கள் முன்வைக்கிறேன்.