காரஞ்சன் ( சேஷ் ) உஷா அன்பரசு வேலூரிடம் பொறுப்பினை ஒப்படைக்கிறார்

காரஞ்சன் ( சேஷ் ) - உஷா அன்பரசு வேலூரிடம் பொறுப்பினை ஒப்படைக்கிறார். 

நேற்றுடன் முடிந்த வாரத்திற்கு ஆசிரியப் பொறுப்பேற்ற காரஞ்சன் ( சேஷ் ) என்ற சேஷாத்ரி தான் ஏற்ற பொறுப்பினை சரிவர நிறைவேற்றி மன நிறைவுடன் நம்மிடமிருந்து விடை பெறுகிறார். 

அவர் இட்ட பதிவுகள்                           : 7

அறிமுகப் படுத்திய பதிவர்கள்      : 38

அறிமுகப் படுத்திய பதிவுகள்         : 70 ( சுய அறிமுகப் பதிவுகள் உள்ளிட்ட)

பெற்ற மறுமொழிகள்                           : 281

நண்பர் ஈ.சீ.சேஷாத்ரி [ E S SESHADRI ] அவர்களை வாழ்த்தி விடை அளிப்பதில் பெரு மகிழ்ச்சி அடைகிறேன். 

இன்று துவங்கும் வாரத்திற்கு ஆசிரியப் பொறுப்பேற்க அன்புடன் இசைந்துள்ளார் உஷா அன்பரசு அவர்கள். 

உஷா அன்பரசு  நிறைய புத்தகங்களை படிக்க மாட்டார். ஏனெனில், அவர் எழுத்தில் எவர் சாயலும் குளிர்காயக் கூடாது என்று நினைப்பவர்.பிறரிடம் தன்னை எப்பொழுதும் புத்திசாலியாய் காட்டிக் கொள்ள மாட்டார். ஏன் தெரியுமா? அப்போது தான் மற்றவர்களிடமிருந்து சில விஷயங்களை நம் மனதில் ஏற்றிக்கொள்ள முடியும் என்று சொல்வார்.பெரியாரை ரொம்ப பிடிக்கும். இருந்தாலும்  அவருக்கு கடவுள் நம்பிக்கை உண்டு.அவர்  ஒரு தனிமை விரும்பி, அதே சமயம்,  நல்ல நட்பாக பேசுபவர்.எப்பொழுதும் நடுநிலைமையாக தான் பேசுவார். சந்தர்ப்பத்தில் கொஞ்சம் கடுமையாகவும் பேசுவதுமுண்டு.அலுவலகப் பணிகளுக்கிடையையேயும் குடும்பப்  பொறுப்புகளுக்கிடையேயும் கவிதை, கதை, கட்டுரை போன்றவற்றில் எழுதும் ஆர்வம் அதிகம்.  பாக்யா, தினமலர்-பெண்கள் மலர், வாரமலர்,தேவதை, ராணி வார இதழ், கல்கி, தினத்தந்தி- குடும்பமலர் இவைகளில் இவரது படைப்புகள் வெளிவந்திருக்கிறது. 

வேலூரினைச் சார்ந்த உஷா அன்பரசினை வருக வருக ! அறிமுகங்களை அள்ளீத் தருக ! என வாழ்த்தி வரவேற்பதில் பெருமை அடைகிறேன்.

நல்வாழ்த்துகள் காரஞ்சன் ( சேஷ் ) 

நல்வாழ்த்துகள் உஷா அன்பரசு வேலூர்

நட்புடன் சீனா