செல்விருந்தோம்பி வருவிருந்து காத்திருத்தல்

சென்று வருக ரியாஸ் அஹமது - பொறுப்பேற்க வருக சகோதரி மனோ சாமிநாதன் 

அன்பின் சக பதிவர்களே 

இன்றுடன் முடியும் வாரத்திற்கு ஆசிரியப் பொறுப்பேற்ற ரியாஸ் அஹமது தான் ஏற்ற பொறுப்பினை மனை நிறைவுடன் நிறைவேற்றி நம்மிடமிருந்து மகிழ்வுடன் விடை பெறுகிறார்.

இவர் எழுதிய பதிவுகள்     : 7
அறிமுகப்படுத்திய பதிவுகள் : 66
அறிமுகப்படுத்திய பதிவர்கள் :  78   

நண்பர் ரியாஸ் அஹமதினை வாழ்த்தி வழி அனுப்புவதில் பெரு மகிழ்ச்சி அடைகிறேன்

நாளை துவங்கும வாரத்திற்கு ஆசிரியப் பொறுப்பெற்க இசைந்துள்ளார் சகோதரி மனோ சாமிநாதன்.

இவர்   ஐக்கிய அரபுக்குடியரசில் இருக்கும் ஷார்ஜாவில் கடந்த 37 வருடங்களாக வாசம். பாலைவன வாழ்க்கையில் தாகம் அதிகமாகி விட்டால் அவ்வப்போது சொந்த ஊரான தஞ்சை சென்று தண்ணீர் குடித்து பாட்டரியை ரீசார்ஜ் செய்து கொள்வதை  வழக்கமாகக் கொண்டிருக்கிறார்.

இரண்டு வருடங்கள் முன் ஆரம்பித்த முத்துச்சிதறல் இன்று வரைக்கும் 161 பதிவுகளுடனும் 209 பின் தொடர்வோருடனும் பதிவுலக வானில் சுகமாய் பயணிக்கிறது. சிறு வயது முதல் மிகவும் நேசிக்கும் கலைகளான ஓவியம், சங்கீதம், சமையல், வாசிப்பு இவற்றின் அருகாமையைக்கூட பின்னுக்குத்தள்ளி விட்டது இவரதுபதிவெழுதும் சுவாரஸ்யம்! 
இவரது குடும்பத்தைப்பற்றி:

 முதலில் பிரச்சினைகளை சமாளிக்க, பின் குடும்ப உறவுகள், நட்புகளுக்கு உதவ, பின் தன்னிலைப்படுத்திக்கொள்ள, தற்போது மகனின் அன்பிற்காக என்று இவரது  பாலைவன வாழ்க்கை தொடர்கிறது!

கணவர் தென்னிந்திய உணவகத்தின் உரிமையாளர். ஒரே மகன் ஸ்விட்சர்லாந்து, அமெரிக்கா நாடுகளில் மேல்நிலைக்கல்வி முடித்து, தற்போது துபாயில் ஐந்து நட்சத்திர ஹோட்டலில் முதல்நிலை விற்பனை மேலாளராக உள்ளார்.
 
சகோதரி மனோ சாமிநாதனை வருக ! வருக ! என வரவேற்று ஆசிரியப் பொறுப்பில் அமர்த்துவதில் பெருமை அடைகிறேன். 

நல்வாழ்த்துகள் ரியாஸ் அஹமது 

நல்வாழ்த்துகள் மனோ சாமிநாதன்   

 நட்புடன் சீனா 

 
வாசகர்களுக்கு தித்திக்கும் பொங்கல் நல்வாழ்த்துக்கள்