4. வலைச்சரம் நான்காம் நாள்: கூகிளுக்கு நன்றி!

வலைப்பதிவில் பதிவர்களுக்கு மட்டுமன்றி தமிழில் தேடும் அனைவருக்கும் ஒரு வரமாக இண்டர்நெட் அளித்த கொடை கூகிள் (GOOGLE ) ஆகும். நான் எனது பதிவுகளில் கூகிளில் இருந்து படங்களை எடுத்து கையாளும்போது அந்த படத்தை எடுத்தவர்களுக்கோ அல்லது உதவிய கூகிளுக்கோ நன்றி சொல்லிவிடுவேன். கூகிள் தமிழில் வந்த பிறகுதான் தமிழ் வலைப்பதிவில் ஒரு மறுமலர்ச்சி உண்டானது. இன்றைக்கு கூகிள் இல்லையேல் பல பதிவர்கள் இல்லை. எனவே கூகிளுக்கு நன்றியைச் சொல்வோம்.

இன்றைய  எனது அறிமுக வலைப்பதிவுகள்:

பதிவின் பெயர் : கே.பி.ஜனா... 

http://kbjana.blogspot.com 

பழைய திரைப் படங்களிள் ஒவ்வொன்றிலும் குடும்பத்திற்கு தேவையான ஒரு நீதி அல்லது மையக் கருத்து இருக்கும். அதுபோல எழுத்தாளர் கே.பி.ஜனா அவர்கள் எழுதிவரும் ஒரு பக்கக் கதைகள் ஒவ்வொன்றிலும் ஒரு நீதி அல்லது படிப்பினை இருக்கும். சமீபத்தில் நான் அவரது வலைப் பதிவில் படித்த கதை தனக்கே தெரிகிறபோது  http://kbjana.blogspot.com/2012_11_01_archive.html

பதிவின் பெயர் : வெங்கட் நாகராஜ் 

http://venkatnagaraj.blogspot.com 

                                            

எனது பள்ளி மற்றும் கல்லூரி நாட்களில் நூலகத்தில் பிலோ இருதயநாத் எழுதிய பயணக் கட்டுரைகளை விரும்பிப் படிப்பேன். இதயம் பேசுகிறது மணியன் அவர்கள் எழுதிய பயணக் கட்டுரைகளை அவ்வப்போது படிப்பதுண்டு. அதே போல நமது பதிவர் வெங்கட் நாகராஜ் அவர்களின் பயணக் கட்டுரைகளைப் படிக்கும்போது ஆர்வமாக உள்ளன.  ஃப்ருட்சாலட் என்ற தலைப்பில் தொடர்ந்து சினனச் சின்ன துணுக்கு துண்டுகளை கோப்பையில் தருகிறார். அண்மையில் இவர் படங்களுடன் தந்த  தக்கர் பாபா பழங்குடியினர் அருங்காட்சியகம்   அனைவரும் படிக்க வேண்டும். http://venkatnagaraj.blogspot.com/2012/12/blog-post_16.html

இவரது குடும்பம் பதிவு உலக குடும்பம். இவர், இவரது மனைவி மற்றும் மகள் அனைவரும் வலைப்பதிவர்கள் என்பது மகிழ்ச்சியான விஷயம்தான்.

பதிவின் பெயர் : கோவை2தில்லி 

http://kovai2delhi.blogspot.in ( ஆதிவெங்கட் )

நான் இருந்தது கோவையில். திருமணம் ஆனபின்பு தில்லியில் உள்ளேன். என்ன இருந்தாலும் கோவை கோவைதான். நம்ம ஊரு போல வருமா? –  என்று சொல்லுகிறார் இந்த பதிவர்.

என்றுதான் திருந்துவார்களோ? என்ற பதிவில் இவர் கண்ணில் பட்ட சில அனுதாப அனுபவங்களைச் சொல்லுகிறார்.

( http://kovai2delhi.blogspot.in/2012/10/blog-post_29.html )

பதிவின் பெயர் : அமைதிச்சாரல். .

http://amaithicchaaral.blogspot.com  (சாந்தி மாரியப்பன்)

இந்த வலைப் பதிவை எழுதிவரும் சகோதரி சாந்தி மாரியப்பன் அவர்கள் "வல்லமை" இணைய இதழின் துணையாசிரியை. இவர் வலைப்பதிவுகளில் எழுதுவதோடு பிடித்தமான காட்சிகளை புகைப்படமாகவும் பதிவு செய்து வருகிறார் “ ஒவ்வொன்றும் ஒருவிதம் “ என்ற பதிவில் பல பறவைகளின் படங்களைக் காணலாம்.

(http://amaithicchaaral.blogspot.com/2012_10_01_archive.html)

பதிவின் பெயர் : தொடுவானம்    

http://senbagadasan.blogspot.in(காளிதாஸ் முருகையா)

இந்த பதிவினைத் தருபவர் திரு.காளிதாஸ் முருகையா அவர்கள், தஞ்சை மண்ணுக்கு சொந்தக்காரர். கவிதை, கட்டுரைகளை தனது வலைப் பதிவில் தருபவர். இவர் எழுதிய கதை சொல்லும் கொள்ளிடம் என்ற பதிவில் பல வண்ணப் படங்கள் கொள்ளிடம் ஆற்றின் கரையைக் கொஞ்சும்.

http://senbagadasan.blogspot.in/2012/06/blog-post_21.html#comment-form

பதிவின் பெயர் : நிகழ்காலம் 

http://nigalkalam.blogspot.com  (எழில்)

இந்த வலைப்பூவைத் தரும் சகோதரி எழில் அவர்கள் வாசித்தல் எழுதுதல் மற்றும் சமூகசேவைகளில் ஆர்வம் கொண்டவர். சுற்றுப்புறச் சூழல், கவிதைகள், எங்கேயோ கேட்ட குரல்கள் என்று சமூகத்தை அலசுகிறார். இவரது  மழைக்கால நினைவுகள் (http://nigalkalam.blogspot.com/2012_10_01_archive.html என்ற தலைப்பில் கண்ட சில வரிகள்

இப்போதும் வருகிறது
மழை நாட்கள்
எந்தத் திட்டுமில்லை,தடையுமில்லை
ஆனாலும் மழையில் நனையத்
தோன்றவில்லை
நினைவுகள் மட்டுமே நனைகின்றன

பதிவின் பெயர் : வேர்களைத் தேடி

www.gunathamizh.com  (இரா.குணசீலன்)

.திருச்செங்கோடு, கே.எஸ்.ஆர்.கலை அறிவியல் கல்லூரியில் தமிழ் விரிவுரையாளராகப் பணியாற்றும் திரு இரா.குணசீலன் அவர்கள்  தனது வ்லைப் பதிவுகளில் பொருத்தமான படங்களுடன் இலக்கிய கட்டுரைகள் தருகிறார். எனது பதிவுகள் காப்பி அடிக்கப்பட்ட சமயம் // “தேனீ சேமித்து வைத்த தேனைத் திருடலாம்
ஆனால் தேனீயிடமிருக்கும் முயற்சியை யாரும் திருடமுடியாது என்பது என் புரிதல் நண்பரே..தங்களால் இன்னும் பல பயனுள்ள, இதைவிட சிறந்த கட்டுரைகளை வழங்கமுடியும்..” // என்று ஆறுதல் தந்து உற்சாகப்படுத்தியவர்.

பதிவின் முகப்பில் தனது பத்து இடுகைகளைக் குறிப்பிட்டுள்ளார். அவற்றுள் ஒன்று  - ஐந்திணைப்பெயர் மூலம் http://www.gunathamizh.com/2009/05/blog-post_08.html

பதிவின் பெயர் : தமிழ் மறை தமிழர் நெறி 

http://vazhvuneri.blogspot.com   சுப்புரத்தினம்.தஞ்சை.

காலத்தை வென்ற தமிழ்ப்புலவர்கள் நமது தமிழர் நெறிகள் பண்புகள் பற்றி என்ன சொல்லுகிறார்கள் ? அவ்வப்போது சில கதைகள், அனுபவங்கள் -  என்று தனது தளத்தில் குறிப்பிடுகிறார். தான் கேள்விப்பட்ட ஒரு நிகழ்வு ஒன்றினை இங்கே இலக்கிய நயத்தோடு சொல்லுகிறார்.

அன்னையும் பிதாவும் முன்னறி தெய்வம்

http://vazhvuneri.blogspot.in/2008/07/blog-post.html

http://subbuthatha.blogspot.in என்ற வலைத்தளம் ஒன்றையும் எழுதி வருகிறார். அதிலும் பல அனுபவ மொழிகள், சித்தாந்தங்கள் என்று வலம் வருகின்றன.

பதிவின் பெயர் : மூன்றாம் சுழி

http://moonramsuzhi.blogspot.in அப்பாதுரை

அப்பாதுரை அவர்கள் நசிகேத வெண்பா, அபிராமி அந்தாதி, மூன்றாம் சுழி, கலர் சட்டை நாத்திகன் என்ற நான்கு பதிவுகளில் எழுதி வருகிறார்.இவர் எழுதிய நசிகேத வெண்பா ( தமிழில் கடோபனிஷது) இவரது உழைப்பில் உருவானது. மூன்றாம் சுழி என்ற பதிவில் இசை, இலக்கியம், கட்டுரை, நினைவுகள் என்று எழுதி வருகிறார். தீப்பெட்டியில் கால எந்திரம் http://moonramsuzhi.blogspot.in/2009_11_01_archive.html   என்ற கட்டுரையில் அந்தக் கால தீப்பெட்டி லேபில்கள் பற்றி பேசுகிறார்.

புலிவாலைப் பிடித்த கதையாகி விட்டது என்று, வலைப்பதிவு எழுத வந்த கதையை// திரும்பிப் பார்க்கையில் எனக்கே மலைப்பாக இருக்கிறது. பிலாக் எழுதுவதைச் சொல்கிறேன். மூன்று வருடங்களுக்கு மேலாக எழுதி வந்திருக்கிறேன். // என்று விவரிக்கிறார். இனி வலைப்பக்கம் எழுதமாட்டேன் மீண்டும் சந்திப்போம் http://moonramsuzhi.blogspot.in/2012/04/blog-post_28.html

என்று சொன்னவர் இப்போதும் எழுதுகிறார். தொடரட்டும்

பதிவின் பெயர் : இணைய நண்பர்களுக்காக! http://enthamizh.blogspot.in

ஸ்ரீ என்ற பெய்ரில் இணைய நண்பர்களுக்காக இந்த பதிவர் எழுதி வருகிறார். திருத்தலங்களைப் பற்றியும் அவற்றின் புகைப் படங்களையும் இவருடைய பதிவுகளில் காணலாம். கோயிலுள் நுழைந்து வலம் வரும்போது காணும் காட்சிகள்  அனைத்தையும் படங்களாகக் காணலாம். உதாரணத்திற்கு இந்த பதிவு.

செந்தாமரைக் கண்ணன் - திருவெள்ளறை. http://enthamizh.blogspot.in/2013/01/blog-post.html

பதிவின் பெயர் : பாமரன் பக்கங்கள்... http://paamaranpakkangal.blogspot.com

பெயர் வாசு பாலாஜி (பாலா) எதார்த்தமாகவும் நல்ல நகைச்சுவை உணர்வோடும் எழுதும் பதிவர் இவர். கேரக்டர் - திருமதி ராஜம் ஆறுமுகம்.. என்ற பதிவில் நகைச்சுவையும் சோகமுமாய் ஒரு பாத்திரத்தை வரைந்துள்ளார்.

(http://paamaranpakkangal.blogspot.com/2011/04/blog-post_15.html )

பதிவின் பெயர் : ஆட்டோமொபைல் தமிழன். http://www.automobiletamilan.com
 

டாடா விஸ்டா D90 கார் , மஹிந்திரா ஸ்கார்பியோ,

ஹூன்டாய் கார்களின் விலை,  வாகனவியல் நுட்பங்கள் ,

ஆட்டோமொபைல் துளிகள், சுசுகி ஸ்விஃபட், யமாஹா 250சிசி பவர்ஃபுல் பைக்  என்று அலசுகிறார் இந்த ஆட்டோமொபைல் தமிழன்.

பதிவின் பெயர் : சித்திரக் கதை 

http://comicstamil.blogspot.in (சிவா)

சின்ன வயதில் நாம் படித்த மாயாவி, மந்திரவாதி மண்ட்ரெக், வேதாளம், கேப்டன் டைகர்,ரிப்கெர்பி முதலான கதநாயகர்களின் சாகசங்கள் நிரம்பிய சித்திரக் கதைகளை நினைவு படுத்துகிறார் இந்த பதிவை எழுதி வரும் பதிவர் சிவா அவ்ர்கள். பொன்னி காமிக்ஸ், லயன் காமிக்ஸ், முத்து காமிக்ஸ், மாயாஜால் காமிக்ஸ், அமர்சித்திரக் கதைகள் முதலானவற்றில் வந்த சித்திரக் கதைகளை படங்களுடன் வெளியிட்டுள்ளார்.

ரஷ்ய சித்திரக்கதைகள் (Russian comics)

http://comicstamil.blogspot.in/2010/11/blog-post.html

எங்கோ பார்த்த ஞாபகம்

http://comicstamil.blogspot.in/2010_04_01_archive.html

பதிவின் பெயர் : சேட்டைக்காரன்

http://settaikkaran.blogspot.in  ( நாஞ்சில் வேணு)

வலைப் பதிவுகளில் சேட்டைக்காரன் செய்யும் சேஷ்டைகளைப் பற்றி சொல்ல வேண்டியதில்லை. ஆரம்பத்தில் இவர் வெளியே முகம் காட்டாமல் இருந்தார். அப்போது இவருடைய பதிவுகளில் நையாண்டி சற்று தூக்கலாகவே இருந்தது. இவருடைய நகைச்சுவை தர்பார் ஒன்று...

திடீரிசம்! http://settaikkaran.blogspot.in/2012/11/blog-post_2.html
 

பதிவின் பெயர் : தோத்தவண்டா

www.amsenthil.com  (ஆரூர் மூனா செந்தில்)  

தனது அனுபவங்களை வேடிக்கையாகவும் நகைச்சுவை உணர்வோடும் எழுதி வருகிறார்.. மெட்ராஸ் தமிழில் சந்திரபாபு குரலில் சொல்வதானால் “படா தமாஷா கீதுப்பா”. அடிக்கடி தன்னைப் பற்றிய விவரத்தில் ( Profile) தனது புகைப் படத்தை மாற்றிக் கொண்டே இருப்பார். அவர் எழுதிய பல நகைச்சுவையான பதிவுகளில் இங்கு இரண்டு மட்டும்.

குறட்டை விட்டால் என் மனைவி கிள்ளுறாப்பா

http://www.amsenthil.com/2011/10/blog-post_28.html

இந்திய நரகம் - இப்படி தான் இருக்கும்

http://www.amsenthil.com/2011/05/blog-post_9792.html
 

பதிவின் பெயர் : வந்தேமாதரம் 

http://www.vandhemadharam.com (சசிகுமார்) 

வலைப்பதிவிற்கு தேவையான பல தொழில் நுட்பங்களை இந்த பதிவில் காணலாம்.என்னுடைய வலைப் பதிவில் தமிழ்மணம் ஓட்டுப் பட்டையில் திடீரென்று காணாமல் போயிற்று. அப்போது இந்த பதிவின் ஆசிரியர் திரு. சசிகுமார்  எழுதிய ”பிளாக்கர்  தளங்கள் புதிய முகவரிக்கு (.in .au) Redirect ஆவதை தடுக்க ஒரு சூப்பர் வழி “ என்ற கட்டுரை எளிமையான முறையில் தீர்வு சொன்னது.

www.vandhemadharam.com/2012/03/in-au-redirect.html  அவர் சொன்னபடி செய்து எனது பதிவில் தமிழ்மணம் ஓட்டுப்பட்டையை மீண்டும் கொண்டு வந்தேன்.