5. வலைச்சரம் ஐந்தாம் நாள்: கருத்துரைகள்

நாம் நமக்கு கிடைத்த எழுத்து சுதந்திரத்தில் நமக்கு பட்டதை எழுதுகிறோம். வலைப் பதிவில் பத்திரிகைகளில் செய்யும் தணிக்கை முறை இங்கு இல்லை. எனவே நாம் சொன்ன கருத்துக்கள் சரியா தவறா என்று நமக்கு தெரியாது. இதை சுட்டிக் காட்ட மற்றவர்கள் கருத்துரைகள் நமக்கு அவசியம் தேவை. வலைப் பதிவை எழுதத் தொடங்கியதுமே கருத்துரைப் பெட்டியில் ( COMMENTS BOX ) அடுத்தவர்கள் கருத்து உடனே எதிர்பார்க்க கூடாது..  நாம் நன்றாக எழுத எழுத,  மற்றவர்கள் பதிவுகளில் நமது கருத்தைச் சொல்லச் சொல்ல நமக்கும் கருத்துரைகள் வந்து சேரும்.

இன்றைய  எனது அறிமுக வலைப்பதிவுகள்:

பதிவின் பெயர் : வவ்வால்-தலை கீழ் விகிதங்கள் http://vovalpaarvai.blogspot.in

.

வவ்வால் தனது பதிவுகளில் A to Z எல்லாவற்றையும் அக்கு வேறு ஆணி வேறாக காட்டுவார். நான் எனது பதிவில் “ புதிய பதிவர்களே! பின்னூட்டம் பற்றி கவலைப் படாதீர்கள்! “ http://tthamizhelango.blogspot.com/2011/10/blog-post_25.html என்று எனது வலைப் பதிவு அனுபவத்தை வைத்து ஒரு கட்டுரை தந்தேன். அப்போது  //சாரே கவலைப்பட்டாதிங்க நான் உங்களுக்கு ஆதரவு தரேன்.(பின்னூட்டம் கிடைக்காம ரொம்ப நொந்து போயிருப்பிங்க போல தெரியுது)  இப்படி மரங்களை காப்போம், மண் வளம் காப்போம் , விவசாயிகள் பாவம்னுலாம் பதிவுப்போட்டா யாரும் எட்டிப்பார்க்கமாட்டங்க(அனுபவம்) சினிமா விமர்சனம்(கில்மா படமா இருந்த டபுள் ஓகே) அடல்ட் ஜோக், கிசு..கிசு எழுதீனா கல்லா கட்டலாம்! :-)) // என்று ஆதரவு தந்தவர் இவர்.  தனது கட்டுரைகளில் பல விவரங்களை புள்ளி விவரங்களோடு சொல்கிறார். இடையிடையே நகைச் சுவையும் நையாண்டியும் இழையோடும். சினிமா, அரசியல், ஊர், உலகம் என்று எல்லாவற்றிலும் வலம் வருகிறார்.

பெட்ரோல் விலை ரகசியம்! என்ற பதிவில் பெட்ரோல் வில உயர்வுக்கான காரணங்கள் என்று சில புள்ளி விவரங்களைத் தருகிறார். http://vovalpaarvai.blogspot.in/2011_12_08_archive.html

இன்வெர்ட்டர் (Inverter ) குறித்து இவர் எழுதிய மின்வெட்டில் மின்னல் வெட்டும் தலைகீழ் மின்மாற்றி சேமகலன் . என்ற கட்டுரையில் நிறைய விவரங்கள். http://vovalpaarvai.blogspot.in/2012_02_12_archive.html

பதிவின் பெயர் : வீடு திரும்பல் 

http://veeduthirumbal.blogspot.com ( மோகன்குமார் )

வீடு திரும்பல் மோகன்குமார் அவர்களின் பதிவுகளைப் பற்றி நான் அதிகம் சொல்ல வேண்டியதில்லை. தமிழ்மணம் தர வரிசையில் முதல் இடத்தில் உள்ளவர். இவருடைய பதிவுகளில்  இவர் தரும் புகைப்படங்களே போட்டோகிராபியில் இவருக்குள்ள ஆர்வத்தைக் காட்டும். சென்ற ஆண்டு சென்னையில் நடந்த பதிவர் மாநாடு குறித்து இவர் தந்த பதிவுகள் மூலம் ( பதிவுலக நண்பர்கள் )

பல பதிவர்களின் முகங்களைக் காண முடிந்தது.

நீடாமங்கலத்தைச் சேர்ந்த வீடு திரும்பல் மோகன்குமார் அவர்கள் தனது சொந்த ஊரைப் பற்றி  நீடா நினைவுகள்(12).என்ற தலைப்பில் எழுதியுள்ளவை மிகவும் அருமை. உதாரணத்திற்கு...

சொர்க்கமே என்றாலும்,நம்மூரை போல வருமா? http://veeduthirumbal.blogspot.com/2011/11/blog-post_10.html

பதிவின் பெயர் : முத்துச்சரம்

http://tamilamudam.blogspot.com ( ராமலக்ஷ்மி)

இந்த பதிவர் ராமலக்ஷ்மி ஒரு சிறந்த போட்டோகிராபர். இவரது வலை முழுக்க வண்ண மயமான புகைப் படங்களைக் காணலாம். நானும் போட்டோகிராபியில் ஆர்வம் உள்ளவன். அவரது நெல்லை கோயில் பற்றிய பதிவினை படங்களுடன்  காணலாம்.

இறையும் கலையும் - நெல்லையப்பர் காந்திமதி திருக்கோவில் புகைப்படங்கள்.http://tamilamudam.blogspot.com/2010/12/blog-post_09.html

இவர் அங்கத்தினராக இருக்கும்  PiT Photography in Tamil தமிழில் புகைப்படக்கலை என்ற வலைத்தளம் புகைப்படக் கலையை எளிய தமிழில் இனிமையாகத் தருகிறது. பதிவர்கள் அவசியம் பார்க்க வேண்டிய வலைத்தளம்.

பதிவின் பெயர் : gmb writes

 http://gmbat1649.blogspot.in   (G M பாலசுப்ரமணியம்)

உள்ளத்து உணர்ச்சிகளுக்கு வார்த்தைகளில் உயிர் கொடுத்தால் உண்மையில் ஜொலிக்கும். -  என்று சொல்லும் இவர், தன்னை 74 வய்து நிரம்பிய இளைஞராகவும் , திறந்த ஒரு புத்தகமாகவும் சொல்வதிலிருந்தே இவரது தன்னம்பிக்கையையும் உறுதியையும் தெரிந்து கொள்ளலாம். பதிவுகளிலும் அவை எதிரொலிக்கக் காணலாம்.  கீழே பாம்புகளைப் பற்றி ஒரு இடத்தில் சுவையாகச் சொல்லுகிறார்.

 பாம்பென்றால்........... http://gmbat1649.blogspot.in/2011/04/blog-post_11.html

சில சந்தேகங்கள்....  http://gmbat1649.blogspot.in/2011_01_01_archive.html

என்ற பதிவில் //  இந்தியாவில்  ஒரு இடத்தில்  ராகு காலம் இன்னொரு  இடத்தில்  வேறு நேரத்தில் அல்லவா இருக்கவேண்டும்.. இந்தியாவில் ,ஜப்பானில், அமெரிக்காவில்  ராகு காலங்கள்  ஒரே  நேரத்தில்  இருக்க  சாத்தியமில்லையே...//  என்று கேட்கிறார்.

பதிவின் பெயர் : அரசர் குளத்தான்

www.rahimgazzali.com ( ரஹீம் கஸாலி )

இவர் எழுதும் அரசியல் கட்டுரைகளை தொடர்ந்து படிப்பேன். பெரும்பாலும் அரசியல் என்பதால், நான் கருத்துரைகள் அதிகம் தந்ததில்லை. இது நியாயம்தானா? நீங்களே சொல்லுங்கள் – ஒரு பதிவரின் ஆதங்கம் www.rahimgazzali.com/2011/11/beware-copy-paste-blogger.html என்ற கட்டுரையில் தனது பதிவுகளை நகல்/ஒட்டு வேலை (COPY &  PASTE) செய்பவர்களைப் பற்றி எழுதியுள்ளார்.

பதிவின் பெயர் : முகம்மத் ஆஷிக் citizen of world 

http://pinnoottavaathi.blogspot.in

நான் வலைப் பதிவு தொடங்கிய சமயத்தில் எனது பதிவு ஒன்றிற்கு கருத்துரை தந்து ஊக்கப் படுத்தியவர்களில் இவரும் ஒருவர். இவரது பதிவுகளை தமிழ் திரட்டிகளில் படித்துள்ளேன்.  இவர் எழுதிய ஒரு பதிவு எனக்கு உபயோகமாக இருந்தது. அந்த பதிவு இது..

நைட் ஷிப்டா..? அஸிடிட்டியா..? தீர்வு இதோ..! http://pinnoottavaathi.blogspot.com/2012/06/blog-post.html

பதிவின் பெயர் : மதுரை சரவணன்

http://veeluthukal.blogspot.in    

கல்விப் பணியோடு சமூக சேவைகளையும் செய்து வரும் மதுரை சரவணன் அவர்கள் வலைப்பதிவிலும் அச் செய்திகளைத் தருகிறார். அண்மையில் பள்ளி மாணவர்களைக் கொண்டு டெங்கு காய்ச்சல் பற்றிய விழிப்புணர்வு தெரு நாடகங்களை மதுரையில்  நடத்தினார் இவர்களையும் புறக்கணிக்கலாமா?   என்ற தலைப்பில்   http://veeluthukal.blogspot.in/2011/12/blog-post.html  மாற்றுத் திறனாளிகள் குறித்த சமூகப் பார்வை கட்டுரை ஒன்றை தந்துள்ளார்.

பதிவின் பெயர் : சந்திரகௌரி  

http://kowsy2010.blogspot.in

சகோதரி சந்திரகௌரி அவர்கள் கதை, கட்டுரை, கவிதை என்று ஆர்வத்தோடு எழுதி வருகிறார்.

தமிழர் கலாசாரத்தில் தாலி என்ற தலைப்பில் ஒரு வரலாற்றுத் துறை பேராசிரியர் போன்று விளக்கமாக எடுத்துரைக்கிறார். http://kowsy2010.blogspot.in/2011/10/blog-post_13.html

துடக்கு என்ற தலைப்பில் தீட்டு என்றால் என்ன என்பதை விளக்குகிறார். அனைவரும் படிக்க வேண்டிய கட்டுரை இது. http://kowsy2010.blogspot.in/2011/10/blog-post_21.html

மேலும் இவர், பெண்களுக்குத் தேவையான குறிப்புகளை கீழே சொல்லப்பட்ட தனது வலைப பதிவில் வழங்குகிறார்.

http://kowsy-vanappu.blogspot.in

பதிவின் பெயர் : கவியாழி

http://kaviyazhi.blogspot.in (கவியாழி கண்ணதாசன்)

உணர்ச்சி வெள்ளத்தை உள்ளத்தின் உள்ளே வைக்காமல் வெளியே கவிதை வரிகளைக் கொட்டுகிறார். இவர் எழுதிய கவிதைகளில் என்னைக் கவர்ந்த கவிதை அம்மா.....வருவாயா? (மீண்டும் )அன்பை .....தருவாயா? என்ற தலைப்பில்.

உயிர் பிடித்து உடல் கொடுத்து
உள்ளத்தில் நல் அன்பை விதைத்து
நல்பிள்ளையாய் நாளும் வளர்த்து-என்னை
செல்லமாய்  நன்கு  சீராட்டி வளர்த்தவளே

பதிவின் பெயர் : வரலாற்று சுவடுகள்

http://varalaatrusuvadugal.blogspot.in

 

சுற்றுப்புறச்சூழல், அறிவியல், வரலாறு, மருத்துவம் என்று இவரது பதிவுகளில் காணலாம். பல பதிவர்களின் பக்கங்களில் கருத்துரைப் பெட்டியில் (Comments Box) இவருடைய கருத்துரைகளைக் காணலாம். உலகின் முதல் பல்கலைக்கழகம் ...  பற்றி ஒரு பதிவு.

http://varalaatrusuvadugal.blogspot.in/2012/08/destruction-of-takshashila-world-first.html

பதிவின் பெயர் : "நோக்குமிடமெல்லாம் நாமன்றி வேறில்லை" www.eraaedwin.com  (இரா.எட்வின்)

ஆசிரியர் பணியில் இருக்கிறார். இவருடைய பதிவில் சமூக சாடல்களையும் ஆதங்கத்தினையும் காணலாம். நடந்தாய் வாழி காவேரி என்று கேள்விப்பட்டு இருக்கிறோம். இவரோ

வறண்டாலும் வாழி காவேரி  http://www.eraaedwin.com/2012/08/blog-post.html  என்று வாழ்த்துகிறார்.

பதிவின் பெயர் : இதமான அலைகள்

http://yashothakanth.blogspot.com (யசோதாகாந்த்)

யசோதாகாந்த் - நல்ல பெண் கவிஞர் இவர். இயல்பாகவும் அதேசமயம் ஆவேசத்துடனும் சமூகக் கொடுமைகளை சாடுகிறார்

கருணை இல்லா கற்புக்கரசி என்ற தலைப்பில் http://yashothakanth.blogspot.in/2011/10/blog-post_7728.html

//பத்தினிபெண் நீ என்பதால்

  உன்னை தலை வணங்குகிறேன் //

என்று தொடங்கிய வரிகள்

//புத்தகங்கள் வேண்டுமானால் உனை புகழட்டும்

  எனக்கு உன் மேல் என்றென்றும் கோபமே! //

என்று முடிகின்றன.

பதிவின் பெயர் : "சாதாரணமானவள்"  http://sadharanamanaval.blogspot.com

“சமயத்தில் மாடர்னாகவும் சமயத்தில் கட்டுபெட்டியாகவும் இருக்க பிடித்த ஒரு பெண்ணின் பார்வை தான் இது.” என்று தன்னைப் பற்றி அறிமுகம் செய்து கொள்கிறார்.  ஈரோடு கௌரி! இளம் பதிவர் இவர். எது கவிதை ? என்ற தலைப்பில்

http://sadharanamanaval.blogspot.in/2012/08/blog-post_8.html  கவிதையைப் பற்றி பேசுகிறார்.

மடக்கி எழுதினால் கவிதை

மடக்காமல் எழுதினால் கட்டுரை

என்கின்றனர் ஒரு சாரார்

மடக்கி மடக்கி எழுதினால் அது மடக்கி

கவித்துவமாக எழுதினால் அது கவிதை

என்கிறார்கள் இன்னொரு சாரார்

பதிவின் பெயர் : கன்னம்.காம்

http://www.kannam.com (சதிஷ் பிரபு)

பல்வேறு தலைப்புகளில் பல கவிதைகள். இக் கவிதைகளை எழுதும் பதிவர் ஒரு வழக்குரைஞர். அவர் தந்த கவிதைகளில் ஆரம்ப காலத்தில் நான் படித்து ரசித்த ஒரு கவிதையில் சில வரிகள்...

முடி திருத்தும் தொழிலாளி

http://www.kannam.com/2011/12/blog-post.html
 

// எத்தனை பேர் வந்தாலும்
அவன் அலுவலகத்தில்
வெளியே கிடக்கும் செருப்பு
அவனுடையது மட்டும்தான்..!//

கன்னத்தில் கத்தி போடும் போது கவிஞர் கனிவாக கண்ட காட்சி கவிதையாக வந்துள்ளது. மற்ற கவிதைளும் வார்த்தைகளால் விளாசுகின்றன.

பதிவின் பெயர் : நிஜாம் பக்கம்...

http://nizampakkam.blogspot.in                ( அ.முஹம்மது நிஜாமுத்தீன் )

ஆனந்தவிகடன், கல்கி இதழ்களில் இவரது படைப்புகள் வந்துள்ளன. இயல்பான நடையில் எழுதுகிறார். சிதம்பரத்தில் கூரியர் சர்வீஸ் அறிமுகமான சமயம் அங்கு ஒரு சர்வீஸில் பணியாற்றி இருக்கிறார். அப்போது பணி முழுவதும் ரெயிலில்தான். அந்த நினைவோடைகளை  ரயில் வரும் நேரமாச்சு! என்ற பதிவில் சொல்லிச் செல்கிறார்.

http://nizampakkam.blogspot.in/2010/04/rayilvarumneram.html

// என்னைக் கவர்ந்த பாடல் இது. உங்களோடு பகிர்ந்து கொள்கிறேன். // என்று பழைய பாடல்களின் வரிகளைத் தந்துள்ளார். இதோ ஒரு பாடலின் வரிகள் அனைத்தும்

முத்துக்கு முத்தாக... சொத்துக்கு சொத்தாக... (பாடல்...

http://nizampakkam.blogspot.in/2009/10/muththukkumuththaakasong.html

எனக்கும் இந்த பாடலும், படமும் பிடிக்கும். ரங்கராவ் நடிப்பு கண்ணில் நீரை வரவழைக்கும்.

பதிவின் பெயர் :  திருமதி பக்கங்கள்

http://mathysblog.blogspot.in கோமதி அரசு

சகோதரி கோமதி அரசு அவர்கள். ஆர்வத்துடன் நிறைய பதிவுகள் தந்து இருக்கிறார்.

தனது தங்கை பேரனின் ஆயுசுஹோமம், முடிஇறக்குதல், காதுகுத்துதல் ஆகிய விழாக்களில் தான் கலந்து கொண்ட நிகழ்ச்சியை இந்த பதிவில் அழகிய படங்களுடன் விவரிக்கிறார்.

உறவோடு உறவாடி

http://mathysblog.blogspot.com/2012/04/blog-post_16.html

பதிவின் பெயர் : ரிஷபன்

http://rishaban57.blogspot.com

ரிஷபன் அவர்கள் பத்திரிகை எழுத்தாளர் மற்றும்  வலைப்பதிவர் ஆவார். திரு. VGK ( வை.கோபாலகிருஷ்ணன்) அவர்களின் நண்பர். ரிஷபன் அவர்கள் தனது வலையில் சிறுகதை, கவிதைகள், ஆன்மீகம் என்று பல தலைப்புகளில் எழுதி வருகிறார். நான் ரசித்த அவரது ” நீங்களும் நானும்   என்ற கவிதையிலிருந்து சில வரிகள்:

கை குலுக்கிக் கொள்ளலாம்..
இருக்கை பற்றிய அவஸ்தை இல்லை..

... ... ... ... ...

கை குலுக்கல் என்றால் மனதின் இழைதல்..
முரண்பாடற்று..
நாளை இன்னொரு இடம்.. இன்னொரு கவனிப்பு..
வாழ்க்கையை அதன் போக்கில்
ரசிப்பதை..யார் தடுத்தார்கள் இப்போது ?

( http://rishaban57.blogspot.com/2012/10/blog-post_31.html )