6. வலைச்சரம் ஆறாம் நாள்: வலைப் பதிவு ஒரு கலை

வலைப்பதிவைப் படிப்பதும் அதில் எழுதுவதும் இப்போது ஒரு சிறந்த பொழுது போக்கும் அம்சமாக மாறி வருகிறது. இப்போது அரசியலுக்கும் வலைப்பதிவு தேவைப் படுகிறது.. நான் வலைப்பதிவை ஒரு கலையாகவே காண்கிறேன். அதில்  பைத்தியம் கிடையாது. வலைப்பதிவர்கள் அனைவரும் அவரவர் வழியில் நன்றாகவே எழுதுகிறார்கள். படிக்கும் அனைத்துப் பதிவுகளுக்கும் கருத்துரை இட நேரம் இருப்பதில்லை. மாறிவரும் தொழில் நுட்பத்திற்கு ஏற்ப வலைப்பதிவும் மாறி வருகிறது. நமக்குத் தேவையானவற்றை எடுத்துக் கொள்ள வேண்டியதுதான்.

இன்றைய  எனது அறிமுக வலைப்பதிவுகள்:

பதிவின் பெயர் : நாச்சியார்

http://naachiyaar.blogspot.in   ( வல்லிசிம்ஹன் )

திருமதி ரேவதி நரசிம்ஹன் என்ற வல்லிசிம்ஹன் அவர்கள்

” கண்டது, கேட்டது, நினைத்தது எல்லாம் இங்கே பதிவாகிறது. “ என்று எழுதி வருகிறார்.  நானும் ஒரு நட்சத்திரம் என்று http://naachiyaar.blogspot.in/2011/10/blog-post_17.html

தான் வலைப் பக்கம் வந்த கதையைச் சொல்லுகிறார்.

சென்ற ஆண்டு (2012) சென்னையில் நடைபெற்ற சென்னையில் நடைபெற்ற பதிவர் மாநாடு குறித்து இவர் எழுதிய பதிவு இது.

வெற்றிகரமாக நடந்த பதிவர் மாநாடு..நன்றி

http://naachiyaar.blogspot.in/2012/08/blog-post_27.html

பதிவின் பெயர் : ஹரணி பக்கங்கள்.......

http://thanjavur-harani.blogspot.in

 

தஞ்சை கரந்தை பேராசிரியர் ஒருவரின் பக்கங்கள் இவை. தனது தந்தையின் கவிதைகளை இங்கே மகன் தந்தைக்கு ஆற்றும் விதமாக இங்கே தந்துள்ளார். என் அப்பாவின் கவிதைகள்... http://thanjavur-harani.blogspot.in/2012/02/blog-post.html

 

பதிவின் பெயர் : சினிமாப் பாடல்கள் http://cinemapadalkal.blogspot.com (சந்த்ரவதனா)

இந்த பதிவில் சந்த்ரவதனா அவர்கள் பல தமிழ் திரைப் படப் பாடல்களை எழுத்து வடிவத்தில் தந்துள்ளார். சினிமா பாட்டு புத்தகம் போல படிக்கலாம்.

http://familytree-chandravathanaa.blogspot.in என்ற பதிவில் தனது குடும்பம் என்ற ஆலமரத்தின் மூல வேர்களைத் தொகுத்துள்ளார். இது ஒரு புதிய வழி காட்டலாகத் தெரிகிறது.

இவரது Profile – இல் இவருடைய பல வலைப் பதிவுகளைக் காண முடிகிறது.

பதிவின் பெயர் : R P ராஜநாயஹம்   http://rprajanayahem.blogspot.in

இவரது வலைத்தளம் உலக இலக்கியம், சங்கீதம்,உலக சினிமா, ஹாலிவுட் சினிமா, அரசியல், செக்சுவாலிட்டி, சுய அனுபவங்கள், போன்ற பன்முக விஷயங்கள் அடங்கியது. இவர் எழுதிய பதிவுகளை முழுதும் படித்தால்தான் நான் சொல்வதன் உண்மை தெரியும். நான் மாணவனாக இருந்த காலத்தில் கேள்விப்பட்ட தமிழ் சினிமா உலகின் செய்திகளையும் இலக்கியங்களைப் பற்றியும் எழுதி இருக்கிறார். எங்கள் ஊரில் இருந்த எம்.கே.தியாகராஜர் பற்றிய ஒரு பதிவு.

ஒருமுறை, திருச்சி சங்கிலியாண்டபுரத்தில் இருக்கும் எம் கே தியாகராஜ பாகவதர் அடக்கம் செய்து இருக்கும் சமாதியை காணச் சென்று இருக்கிறார். அந்த சமாதியானது அங்கு கழிவறையாக பயன்பட்டு வருவது கண்டு மனிதன் நொந்துவிட்டார். எம்.கே. தியாகராஜ பாகவதர் தங்கத் தட்டில் சாப்பிட்ட வாழ்வினையும் இப்போது அவரது சமாதி இருக்கும் நிலையினையும் எண்ணி ஒரு பதிவில் எழுதியுள்ளார்.

கழிவறையாய் நான் பார்த்த சமாதி

http://rprajanayahem.blogspot.in/2008/10/blog-post_8985.html

பதிவின் பெயர் : சட்டப் பார்வை

http://sattaparvai.blogspot.in  (அட்வகேட் P R ஜெயராஜன்) 

           

சேலம் அட்வகேட் P R ஜெயராஜன் அவர்கள் தனது பார்வையில் சட்டத்தைப் பற்றியும் சமூகத்தைப் பற்றியும் இங்கு பேசுகிறார்.

சேலம் பிறந்த கதை http://sattaparvai.blogspot.in/2010/05/blog-post.html என்ற பதிவில் சேலம் நகருக்கு அந்த பெயர் எப்படி வந்தது என்பதைச் சொல்லியுள்ளார். மேலும் மதனப் பெண் என்ற வலைப்பதிவு ஒன்றையும் எழுதி வருகிறார். இதில் முழுக்க முழுக்க குடும்பப் பிரச்சினைகளை முன்வைத்து பதிவுகள் தந்துள்ளார். 

பதிவின் பெயர் : சிட்டுக்குருவி 

http://vimalann.blogspot.in ( விமலன் )  

சிட்டுக்குருவி சிட்டுக்குருவி சேதி தெரியுமா என்று தனது வலைபதிவில் ஏகப்பட்ட விஷயங்களை அள்ளி தருகிறார் விருதுநகரில் இருக்கும் விமலன் அவர்கள்.

சாரக்காத்து என்ற தலைப்பில் தனது சைக்கிள் கனவை அழகாக சொல்லுகிறார். http://vimalann.blogspot.in/2011/05/blog-post_24.html

//அனைத்து குடும்பங்களிலும் பங்கு வகிக்கும் ரத்தமும்,சதையுமற்ற ஓர் குடும்ப  உறுப்பினராக  இன்றளவும்  காட்சி   தருகிற  ஒரு   பொருளாயும், பயன்பாட்டிலுள்ள உயிர் திணைபோல் ஆகிப்போன எனது சைக்கிளின் பரிதாப நிலைபற்றி,,,,,,,,,  //

பதிவின் பெயர் : அவார்டா கொடுக்கறாங்க? http://awardakodukkaranga.wordpress.com

RV என்ற ராமஸ்வாமி வைத்தியனாதன் என்பவரும் அவரது நண்பர் பக்ஸ் என்பவரும் இணைந்து எழுதும் தளம். அன்றும் இன்றும், எம்ஜிஆர் பக்கம், சிவாஜி பக்கம், திரை உலக வரலாறு, 1950 - இலிருந்து என்று பழைய புதிய தமிழ் திரைப்பட விவரங்களை இந்த தளத்தில் காணலாம். இடையிடையே ஹாரி பாட்டர், ஸ்கைபால் என்று ஆங்கில படங்களைப் பற்றியும் அறிந்து கொள்ளலாம். மலரும் நினைவுகளாக பழைய தமிழ் படங்களை நினைப்பவர்கள் இந்த தளம் சென்று பார்க்கலாம்.

பராசக்தி – நீதிமன்ற வசனம்

http://awardakodukkaranga.wordpress.com/2009/03/17

நடிகை சாவித்ரியைப் பற்றி எழுத்தாளர் சிவசங்கரி

http://awardakodukkaranga.wordpress.com/2010/09/03

பதிவின் பெயர் : மதன்மணிஅன்பைத்தேடி.....

http://thamizhmagan.blogspot.com  ( த.மணிகண்டன்)

ஈரோட்டுக்காரர். தமிழ் இலக்கிய மாணவன். ( கே.எஸ்.ஆர் கலை அறிவியல் கல்லூரி.திருச்செங்கோடு ) இவர் தனது வலைப்பூவில் தமிழ் இலக்கிய மணம் கமழ எழுதுகிறார். மாணவர் என்பதால் இவர் அதிகம் வலைப்பக்கம் வருவதில்லை என்று நினைக்கிறேன். தனக்கு தமிழார்வம் ஊட்டிய தமிழாசிரியர்களைப் பற்றி தமிழ் தேடல் அதை நாடல் கண் பாடல் என்ற பதிவில் http://thamizhmagan.blogspot.in/2010/11/blog-post_25.html சொல்லுகிறார். இணையத்தோடு இணைந்து வாழுங்கள் என்று இவருக்கு வழிகாட்டியவர் வலைப்பதிவர் ” வேர்களைத் தேடி” முனைவர் இரா.குணசீலன் என்பதில் மிக்க மகிழ்ச்சி!

பதிவின் பெயர் : கவிதை வீதி...  

http://kavithaiveedhi.blogspot.com (சௌந்தர்)

இந்த வலைப் பதிவின் சொந்தக்காரர் கவிதைவீதி சௌந்தர் அவர்கள். இவர் கவிதை, கட்டுரை, அரசியல், அனுபவம் என்று வலைப் பதிவில் கலக்குகிறார். எம்ஜிஆர் பற்றிய தகவல்களை

http://kavithaiveedhi.blogspot.com/2012/12/blog-post_24.html

என்ற பதிவில் காணலாம். 

பதிவின் பெயர் : இனிய தமிழ்ப் பாடல்கள் http://moganaraagam.blogspot.com

மோகனன் என்பவர் நாட்டுப்புற, கிராமியப் பாடல்களையும், பழைய திரைப்பாடல்களையும் இங்கு தொகுத்து தந்துள்ளார். பதிவிறக்கமும் செய்து கொள்ளலாம்.

”செவலக் காளை ரெண்டு பூட்டி” என்ற புஷ்பவனம் குப்புசாமியின் கிராமியப் பாடலுக்கு முன்னுரையுடன் ஒலி வடிவில் தந்த பக்கம் இது: http://moganaraagam.blogspot.in/2011/06/blog-post.html

பதிவின் பெயர் : வல்லத்தான்...

http://duraigowtham.blogspot.in (துரை கௌதம்)

தஞ்சைக்கு அருகில் உள்ள வல்லம் என்ற ஊர்க்காரர். இவரது பதிவுகளில் அதிகம் இடம் பெறுவது சினிமா செய்திகள்தான் என்று நினைக்கிறேன். தஞ்சை நகரத்தைப் பற்றியும், அதன் அருகில் உள்ள தனது ஊர் வல்லம் பற்றியும் நிறைய தகவல்கள் தருகிறார். ஒரு பழைய தமிழ் திரைப்பட விமர்சனத்தை அமுத வள்ளி-1959 http://duraigowtham.blogspot.in/2012/06/1959.html என்ற பதிவில் படிக்கலாம். இந்த படத்தில் “ஆடைகட்டி வந்த நிலவோ” என்று கணீர் குரலில் பாடி நடித்தவர் டி ஆர் மகாலிங்கம்.

பதிவின் பெயர் : தமிழ்ஸ்டுடியோ

www.thamizhstudio.com

// இன்றைய நிலையில் ஒரு குறும்படம் எடுப்பது என்பது யாருக்கும் எட்டாக் கனியல்ல. // என்று குறும்படத்தைப் பற்றி பேசுகிறது இந்த தளம்.  தமிழில் குறும்பட ஆவணப் படங்களுக்கான அனைத்து விதமான தொழில்நுட்ப வசதிகள், படங்களை திரையிடல் போன்ற செய்திகளை இந்தத் தளத்தில் காணலாம்.

பதிவின் பெயர் : அன்புடன்

http://varmah.blogspot.in  ( வர்மா )

நான் எழுதியவையும் படித்து ரசித்தவையும் என்று, இந்த வலைத்தளத்தில் சினிமா, அரசியல் என்று தனது பார்வையை வீசுகிறார் வர்மா அவர்கள். திரைக்கு வராத செய்தி, தடம் மாறிய தமிழ்ப் படங்கள் என்று பழைய தமிழ் திரைப்படங்கள், கமல் ரஜினி கால சினிமா செய்திகளை காணலாம்.

நடிகை விஜயகுமாரி பற்றிய செய்திகள் கொண்ட இரண்டு பதிவுகள்:

தடம் மாறிய தமிழ்ப்படங்கள் 11 http://varmah.blogspot.in/2011/11/11.html

திரை உலகில் பறிக்கப்பட்ட கதைகள் http://varmah.blogspot.in/2011/12/blog-post_21.html

பதிவின் பெயர் : பாரதி பயிலகம் வலைப்பூ

http://www.bharathipayilagam.blogspot.in (தஞ்சாவூரான்)

சுவையான கட்டுரைகள், கலை இலக்கியத் துறையில் முத்திரை பதித்தவர்களின் வரலாற்றுச் சுருக்கம் முதலியவை அடங்கிய ஒரு வலைப்பூ. பொதுத்துறை ஒன்றில் 38 ஆண்டுகள் பணி புரிந்து ஓய்வுபெற்றவர். தஞ்சாவூரான் என்ற பெயரில் எழுதி வருகிறார்.

கரிச்சான்குஞ்சு என்ற பழைய எழுத்தாளர் பற்றி ” இவருடைய தோற்றம் தலையில் குடுமி, வேதப் படிப்பு, நெற்றியில் பட்டை திருநீறு, சந்தனக் கீற்று, ஆனால் இவர் ஒரு கம்யூனிச சித்தாந்தவாதி.” – என்று அறிமுகம் செய்கிறார்.

கரிச்சான்குஞ்சு

http://www.bharathipayilagam.blogspot.in/2011/11/blog-post.html

உலக வரலாற்றில் நடந்த சம்பவங்களைப் பற்றி ஒரு கட்டுரை.

உலக சர்வாதிகாரிகளின் கோர முடிவுகள்

http://www.bharathipayilagam.blogspot.in/2011/10/blog-post_23.html