மனதிற்கும் வாசிப்புக்கும் நிறைவைத் தரும் அய்யாக்களின் செவ்வாய் இன்று...!

கோமதி நடராஜன், ஹா ஹா ஹாஸ்யம் என்ற பெயரில் நல்ல நல்ல நகைச்சுவை தொகுப்புகளை அவரது பதிவுகளில் பதித்து வருகிறார். சிரிப்பு மன ஆரோக்கியத்துக்கு மருந்து, மன ஆரோக்கியம் இருந்தால், உடல் ஆரோக்கியம் தானே வரும் என்று தொடங்கி கிச்சு கிச்சு மூட்டுகிறார் படிச்சு பாருங்கள். மணிமேகலை பதிப்பகத்தில் இவரது புத்தகங்களும் வெளி வந்துள்ளது என்பது இன்னும் கூடுதல் சிறப்பு...! காமெடியை மிகவும் ரசிக்கும் அக்கா...!

நாட்டாமை தீர்ப்பை மாத்திச் சொல்லு
[[அய்யாக்கள்னு சொல்லிட்டு என்னய்யா கோமதி அக்காவை அறிமுகப்படுத்திறியேன்ன்னு கேக்காதீக, அக்காவுக்கும் என் மனசுல அய்யாக்களுக்கு உள்ள மரியாதை எப்பவும் உண்டு...!]]

புலவர் சா ராமாநுசம் அய்யா அவர்கள், கவிதைகளில் சாடல், கோபம், வெறுப்பு, காதல், அன்பு என முப்பரிமாணங்களிலும் கவிதைகள் இயற்றி அசத்தி வருகிறார். ரசித்து படித்து மகிழ்வேன்...!

காதல் கிறுக்கர்கள் பெருகிவிட்டார்-இளம் கன்னியர் பலரும் கருகிவிட்டார்!

அய்யா ரமணி அவர்கள், அவரும் கவிதைகளில் "தேனில் கலந்து குழந்தைகளுக்கு கொடுக்கும் மருந்து போல" பலவிதமாக கலந்து கலக்குகிறார், எனக்கு அவரை குரு  என்றே அழைப்பது மிகவும் பிடிக்கும். தீதும் நன்றும் பிறர் தரா வரா என்று எழுதி வருகிறார்...!

சலிப்பில் விளையும் விழிப்பு

ரத்னவேல் அய்யா அவர்கள், இவரை இரண்டுமுறை சந்தித்தும் சரியாக அளவளாத சந்தர்ப்பமாக அமைந்தது மனசுக்கு இன்னும் கஷ்டமாகவே இருக்கிறது, இவர் ஒரு சமூக ஆர்வலர் மட்டுமில்லை விலங்குகள் பறவைகள் மீது அதிக பாசம் உள்ளவர், மற்றும் நமக்கு மிகவும் பிரயோசனமுள்ள பதிவுகளை ஷேர் செய்து நமக்கு காட்டுவதில் அளவில்லாத ஆர்வம் கொண்டவர். பேஸ்புக்கிலும் கலக்கி வருகிறார்...!

சர்க்கரை நோய் உள்ளவர்களுக்கான உணவுப் பழக்கங்கள் http://rathnavel-natarajan.blogspot.com/2012/04/blog-post_30.html

சென்னை பித்தன், நான் பேச நினைப்பதெல்லாம் என்ற தலைப்பில் எழுதி, இப்போது எழுதுவதை விட்டுவிட்டார், இவர் மீண்டும் பதிவுலகில் கலக்கவேண்டும் என்பது எனது ஆசை, இவரை தல என்றே பாசமாக அழைப்பேன், அதற்க்கு பிறகுதான் எல்லாரும் இவரை பதிவுலக அஜித்தாக கொண்டாடி, கொண்டாடுகிறார்கள், இவர் எழுத்துகள் பாமரனுக்கும் புரியும்படியாக இருக்கும், சிரிப்பு எழுதினால் அன்று முழுவதும் வயிறு நிறைய சிரிக்க வைப்பதில் கில்லாடி...!

இழந்த சொர்க்கங்கள்! மெட்ராஸ் நல்ல மெட்ராஸ்!!

கக்கு மாணிக்கம், பகிர்தலும் நன்றே, பொன் மாலை பொழுது என்ற தலைப்பில் எழுதி வருகிறார், நாட்டு நடப்புகளையும், மக்களின் அறியாமைகள், அரசியல்வாதிகள், டெக்னிகல் விஷயங்கள் பற்றி எழுதி வருகிறார், என்னை மிகவும் கலாயிக்கும் உரிமை பெற்றவர்களில் இவரும் ஒருவர்...!

இனி எவருக்கும் வேண்டாம் பாரத ரத்னா....

உணவு உலகம் சங்கரலிங்கம், சாப்பிடும், வாங்கும் உணவு பொருட்கள் தரமானதுதானா..? தரமில்லாததை எப்படி கண்டுபிடிப்பது என்பதை நமக்கு விளக்கி சொல்வதோடு, தரமில்லாத உணவு பொருட்களை விற்போர் மீது அதிரடி நடவடிக்கைகள் எடுத்து உள்ளே தூக்கிப்போடும் நெல்லை மாநகராட்சி ஆபீசர் இவர்.

தமிழக தென் மண்டலத்தில் [[நெல்லை பதிவர் சந்திப்பு]] முதன் முதலாக பதிவர்கள் சந்திப்பு நடத்தி அசத்தியவர், பதிவர்கள் மீது மிகவும் பாசம் கொண்டவர், இவர் அருகில் இருந்தால் பயமே இருக்காது, தாயின் அருகில் இருப்பது போன்றே எனக்கு தோன்றும், அம்புட்டு அன்பு கொண்டவர், ஊர் போனால் இவரை சந்திக்காமல் நான் திரும்புவதே கிடையாது, நான் போகலைன்னா ரயில்வே [[மும்பை போகும் போது]] ஸ்டேசனுகே சிற்றுண்டி கொண்டு வர செய்து கொடுத்துவிட்டுதான் செல்வார்.

ஆபிசருக்கும் அண்ணன் கக்கு மாணிக்கத்துக்கும் எங்கள் நண்பர்கள் வட்டத்தில் அய்யாக்களின் மரியாதை எப்பவுமே உண்டு, இருந்தாலும் அவர்களை எங்கள் நண்பர்கள் வட்டத்தில் கொண்டுவந்து கலாயிப்பது ஜாலி என்று அவர்களை கடத்திவிட்டோம் [[ஹி ஹி]] நண்பர்கள் அதிரடிக்குள்...!

http://www.unavuulagam.in/2011/06/blog-post_13.html
பதினெட்டு பட்டியும் நெல்லையில் கூடிய நாள்......நிறைய பதிவர்களின் லிங்க் இங்கே இருக்கிறது போயி பார்த்துக்கொள்ளுங்கள்.

சீனா அய்யா, இவரைப்பற்றி நான் அறிமுகப்படுத்த வேண்டிய அவசியமில்லை உங்களுக்கு நல்லாவே தெரியும், அய்யாவின் சேவையும், பொறுமையும் என்னை வியக்க செய்யும் விஷயங்கள், நெல்லை பதிவர் சந்திப்பில் அய்யாவை சந்தித்தாலும் நிறைய பேசமுடியவில்லை என்ற வருத்தம் எனக்கு உண்டு நெஞ்சில்...!

படரும் அறிமுகங்கள் இனியும்.....