இவர்கள் மென்மையானவர்கள்

இந்தப் பதிவின் மூலம் நான் பகிரும் பதிவர்களில் சிலரை நீங்கள் அறிந்திருக்கலாம். சிலரை அறிந்து கொள்ள வாய்ப்பு கிடைக்காமல் கடந்திருக்கலாம். கார சாரமான விவாதங்களைக் கூட சற்றே மென்மையாகத் தான் பகிர்வார்கள் அதனால் என்னுடைய பார்வையில் இவர்கள் மென்மையானவர்கள். 

விஜயன்  

ராமேஸ்வரத்தைச் சேர்ந்த இளம் பதிவர். பூர்வீகம் ராமேஸ்வரம் என்பதால் வலைபூவிற்கும் கடற்கரை என்று பெயர் வைத்துள்ளார். சென்னை பதிவர் சந்திப்பில் அறிமுகமானவர்.  

இணையத்தின் ஆதி முதல் இன்றைய நாள் வரையான வளர்ச்சிப் பாதையை ஆச்சரியம் நிறைந்த மாய உலகம் என்னும் பெயரில் தொடராக எழுதி வருகிறார். அற்புதமான தொடர். வார்த்தை இவரிடம் வசபட்டுள்ளது. சலிப்பு தட்டாமல் எழுதி வருகிறார். இந்தத் தொடருக்கு பின்னால் இருக்கும் இவரது உழைப்பு ஆச்சரியப் பட வைக்கிறது.   

ஆச்சரியங்கள் நிறைந்த  உலகம்     

வோர்ட்ப்ரஸில் கவிதைகளும் எழுதி வருகிறார். இவருக்குள் இருக்கும் அற்புதமான கவிஞர்  நகரத்து மலை வழியாக வெளிப்படுகிறார். 

செழியன் 

நெல்லையையைச் சேர்ந்த படித்துக் கொண்டிருக்கும் இளைஞன். அவருடைய செம்மொழி என்னும் வலைபூவிலும், தொழிற்களம் தளத்திலும் எழுதி வருகிறார். கல்லூரி மூலம் சேவை செய்ய கிடைத்த வாய்ப்பை பயன்படுத்தி பல சிறப்பான திட்டங்களை வகுத்து அதன்படி செயல்படுகிறது இவர்களது குழு. 

அந்தப் பதிவு உங்கள் பார்வைக்கு.

உதவிக் கரம் வேண்டுகிறோம். . .

யுவராணி தமிழரசன் 

கிறுக்கல்கள் என்னும் தளத்தில் எழுதி வருகிறார். கல்லூரிப் படிப்பு முடித்து தனது அடுத்த படிக்காக காத்திருக்கிறார்.  அதிகம் எழுதுவதில்லை, தற்போது எழுதுவதே இல்லை இருந்தும் இயல்பான எழுத்து நடைக்கு சொந்தக்காரர். டெரர் கும்மி குழுவினரிடம் இருந்து சிறந்த அறிமுக பதிவர் விருது பெற்றவர்.   

அவருடைய அற்புதமான ஒரு பதிவு 

மீதமாய் போவேனோ நானும்!

கண்மணி - அன்போடு 

        

கண்மணி, கண்மணி - அன்போடு என்னும் தளத்தில் எழுதி வருகிறார். சென்னை பதிவர் சந்திப்பில் ஆர்வத்துடன் பங்கு கொண்டவர். திருப்பூர் தொழிற்களம் விழாவில் வர்ணனையாளராக மிகச் சிறப்பாக செயல்பட்டார். அழுத்தமான கருத்துகளை கொண்ட பதிவுகளை பதிவ்ற்றி வருகிறார்.   

தமிழ் வாழும் நிச்சயமாக! ஆனால் தமிழர் கலாச்சாரம்?

குடந்தையூர் சரவணன் 

கும்பகோணம் சரவணன் சாருக்கு சொந்த ஊர். பதிவர் சந்திப்பில் வைத்துப் பழக்கம். மிகவும் சாந்தமான மனிதர். பதிவர் சந்திப்பு முடிந்து சில நாட்கள் கழித்து  அவரே என்னைத் தொடர்பு கொண்டு பேசியது, மிகவும் மகிழ்ச்சி அளித்த விஷயம். குறும்படங்கள் இயக்கம் ஆர்வத்தில் இருக்கிறார். 

இளமை எழுதும் கவிதை நீ என்னும் ஒரு தொடர் எழுதி வருகிறார். 

மனதில் உறுதி வேண்டும்

மணிமாறன் மனதில் உறுதி வேண்டும் என்னும் தளத்தில் எழுதி வருகிறார். "தம்பி" சதீஷ் செல்லத்துரை மூலம் அறிமுகமானவர். இயல்பான  நடைக்கு சொந்தக்காரர். கூடங்குளம் அணுமின் நிலையத்தை மையமாக வைத்து இவர் எழுதிய சிறுகதை. 

ஹைடெக் நரகம்..... ( சிறுகதை )

சிறுகதை. 

ஆத்மா 

சிட்டுகுருவியாக இருந்தவர். சமீபத்தில் ஆத்மாவாக உரு எடுத்துள்ளார். இலங்கை வாழ் பதிவர். கட்டுரைகளைப் போல் கவிதைகளையும் சரளமாக எழுதக் கூடியவர். சுனாமியின் நேரடி அனுபவத்தை இவரது இந்தப் பதிவுகளில் படியுங்கள்.

இனியும் வேண்டாம் இப்படியொரு பொழுது        

சசிகலா 

சகோதரி சசிகலா, பதிவெழுத ஆரம்பித்த சில மாதங்களிலேயே என்னை "வலைச்சரம் ல எழுதுங்க" என்று உற்சாகப் படுத்தியவர். அந்த நேரத்தில் என்னால் இயலவில்லை, சென்னை பதிவர் சந்திப்பில் இவரது கவிதைத் தொகுப்பு புத்தகமாக வெளியிடப்பட்டது 

தென்றல் பிறந்த நாள் !

டி என் முரளிதரன் மூங்கில் காற்று 

சமீபத்தில் இவரது வலைப்பூவின் பெயரை மூங்கில் காற்று என்று பெயர் மாற்றம் செய்துள்ளார். எழுத்தாளர் பாலகுமாரன் அவர்களின் தீவிர வாசகர். படித்த புத்தகங்கள் அனுபவங்கள் என்று தனக்குப் பிடித்த பலவற்றையும் பகிர்ந்து வருகிறார்.   

நீயா? நானா?காதல் திருமணங்கள் ஏற்றுக் கொள்ளக் கூடியதா?