நான் வியக்கும் பதிவர்கள் (பாகம்-1)

நான் வியக்கும் பதிவர்கள் பாகம்-1

சில பேருடைய எழுத்துக்களை வாசிக்கிற போது,அவர்களின் எழுத்துத்திறமை மட்டுமின்றி அவர்களை நினைத்தும் எனக்கு வியப்பு ஏற்படுவதுண்டு.நான் வியக்கும் என் மனங்கவர்ந்த பதிவர்களுக்காக இன்றைய சரத்தை அர்பணிக்கிறேன்.

1.     ரஞ்சனி அம்மா: ரஞ்சனி நாராயணன், சென்னை பதிவர் சந்திப்பின் போது இவரின் முகமும் வலைப்பூவும் எனக்கு அறிமுகமானது.இவரது எண்ணங்களின் இளமையை எழுத்துக்கள் பிரதிபலிக்கின்றன.இவர் தனது வலைப்பூவில் எண்ணங்களை எழுத்துகளாக்கி, தொய்வில்லாமல் வார்த்தைகளை கோர்த்து வாக்கியமாக வார்த்து தனது சிந்தனைகளை சேர்த்து சிறப்பாக பறிமாறுகிறார். இப்பதிவில் இவர் தனது  சொந்த கதையை சுவைபட சொல்கிறார்.

அறிவியல் பதிவுகளிலும் கூட அசத்துகிறார். இந்த பதிவை     பாருங்களேன்..

‘கடவுள் துகள்’ கண்டுபிடிக்கப்பட்டது!

இவரது கட்டுரைகளும் கதைகளும் சில பல வார,மாத இதழ்களில் வந்துள்ளன.வலைபூ அரசி என்றும் வாகை சுடியுள்ளார்..

காதல் பற்றியும் , குழந்தை வளர்ப்பு பற்றியும் பாடம் நடத்துகிறார்

அறிவியல்தளம் ஒன்றிலும் , தொழிற்களத்திலும் எழுதுகிறார்.

ரஞ்சனி அம்மாவின் முன்பு "தலைமுறை இடைவெளிகள்" தள்ளி நிற்கின்றன...

2.     ஹுசைனம்மா :  தனது சமீபத்திய கட்டுரையான குழந்தையும் தெய்வமும் எனும் கட்டுரையில் குழந்தைகளிடம் இருக்கும் அழகிய அறியாமை அழிந்துபோகிறது என்று வருத்தப்படுகிறார்.அற்புதமான ஆராய்ச்சி கட்டுரைகளை அழகிய நடையில் வழங்குவது ஹுசைனம்மா அவர்களின் தனி சிறப்பு.வசீகரிக்கும்..எழுத்து நடை.. ,நான் வலைப்பூ துவங்குவதற்கு முன்பே இவர் தளத்தை மேய்ந்திருக்கிறேன் என்பது குறிப்பிடத்தக்க விஷயம்.அக்கா தனது கட்டுரைகள் மற்றும் கதைகளுக்காக சில பல பரிசுகளும் பெற்றுள்ளார்.அனுபவம்,அரட்டை,சிந்தனை,விஞ்ஞானம் என சகல தளங்களிலும் இவரது எழுத்து பயணிக்கிறது...!

உங்கள் பார்வைக்கு சில

விதியின் “மாய” சதி  ...இது ஒரு சமையல் பதிவு.பதிவுக்கும் தலைப்புக்கும் சம்பந்தமில்லாத மாதிரி தோன்றுகிறதா, பதிவை படித்து முடித்தால் அப்படி சொல்ல மாட்டீர்கள்.படித்து,ரசித்து,சிரியுங்கள்...மறக்காமல் இந்த சமையலை முயற்சி செய்யுங்கள்!

ஈயம் பித்தளை  இந்த கட்டுரையில் பெண்ணியம் பேசுகிறார்.

தமிழ் எனும் மெஷின் லாங்குவேஜ்" --

(தமிழ் வழி (தாய் மொழி) கல்வியின் முக்கியத்துவம் உணர்த்தும் கட்டுரை

டிரங்குப் பொட்டி என்ற தலைப்பில் தனக்கு தெரிந்த தேர்ந்த விஷ்யங்களை பகிர்ந்து கொள்கிறார்.இந்த பொட்டியில் ரசிக்க, வியக்க, சிந்திக்க நிறைய தகவல்கள் இருக்கின்றன.

  

3.    கண்மணி: கண்மணி அன்போடு என்ற வலைப்பூவில் தனது கருத்துக்கள்,கவிதைகள்,கட்டுரைகள்,கதைகள் என பல விசயங்களை எழுதி வருகிறார்.சிவகாசிக்கார பெண், சின்ன வயதில் பெரிய சிந்தனைகள் செய்கிறார்.இந்த பதிவை படித்து பாருங்களேன்

கடவுளும் கண்மணியும்! (எனக்கு இவரது பதிவுகளில் மிகப்பிடித்த பதிவு)

 ஒரு பதிவில் இப்படி கேட்கிறார்

பெண்கள் மட்டும் தான் சமைக்க வேண்டுமா?

ஆசிரியருக்கு இவர் எழுதியுள்ள கடிதத்தை மறக்காமல் படியுங்கள்!

 அன்புள்ள ஆசிரியருக்கு!

இவர் வலைப்பூ துவக்க தனது தமிழார்வம் தான் காரணம் என்று சொல்கிறார்..ஆங்கிலத்திலும் ஒரு வலைப்பூ எழுதுகிறார்.ஆங்கில பூவில் தனது படிப்பான பயோடெக் சம்பந்தமான கட்டுரைகளை தருகிறார்.

4.    லஷ்மி பாட்டி :குறைஒன்றுமில்லை, மற்றும் தமிழ்விரும்பி என்ற தலைப்புகளில் இரண்டு வலைப்பூக்கள் வைத்துள்ளார்.பெரும்பாலும் இவரது அனுபவங்களை பதிவுகளாக தருகிறார்,(இவர் போன்றவர்களின் அனுபவ பதிவுகள் இளைய தலமுறைக்கு தேவை).சென்னை பதிவர் சந்திப்பிற்கு வந்திருந்தார்.(இவர் வலைப்பூவின் பெயரான குறையொன்றுமில்லை... எம்.எஸ் சுப்பலட்சுமி அவர்கள் பாடிய பாடலை நினைவுறுத்துகிறது...இந்த பாடல் வரிகள் என் கண்களை கலங்க செய்து,மெய் சிலிர்க்க வைக்க தவறியதே இல்லை...).இந்த வயதிலும் பதிவுகள் செய்யும் லக்ஷ்மி பாட்டிக்கு எனது சல்யூட் !

5.    பாட்டி சொல்லும் கதைகள் :  ருக்மணி பாட்டி அவர்களின் வலைப்பூ,இங்கு குழந்தைகளுக்கான கதைகளை கூறுகிறார் பாட்டி, தெனாலிராமன்,மரியாதைராமன்,பஞ்சதந்திரக்கதைகள் என பல கதைகள் உள்ளன .வலைப்பூக்கள் பெரும்பாலும் பெரியவர்களுக்கானதாகவே உள்ளன,குழந்தைகளுக்காக எதுவும் இல்லை என்ற,காரணத்தாலும்.குழந்தைகளுக்கு பெரியவர்கள் கதைகளை சொல்ல,கதைகளை தொகுத்து தரவும் தான் வலைப்பூ துவங்கியதாக கூறுகிறார்.இவர் ஒரு ஓய்வு பெற்ற தமிழாசிரியர்.உங்கள் குழந்தைகளுக்கு பாட்டி சொல்லித்தரும் கதைகளை சொல்லிக்கொடுங்கள் !

அனைவருக்கும் எனது சல்யூட் ...!