மருத்துவக் குறிப்புகளும் சமுக விழிப்புணர்வுகளும்!!

அளிப்பவர் அருணா செல்வம்

நட்புறவுகளுக்கு வணக்கம்.

      இன்று நான் குறிப்பிட்டுள்ளவர்கள்  நல்ல நல்ல பதிவர்கள்  என்றாலும் மருத்துவம், சமுகம் என்பதால் அதைக்குறித்து ஒரு சின்ன நகைச்சுவையுடன் தொடங்குகிறேன்.

     நம் நாட்டி சர்தார்ஜி நகைச்சுவைகள் போல் இங்கே (பிரான்ஸ்) “ப்லோந்து“ பெண்களுக்கென்று நகைச்சுவைகள் உள்ளன. (பொதுவாகவே மஞ்சள் நிறமுடைய கூந்தல் உள்ள அழகான பெண்களைக் “ப்லோந்து“ என்று அழைப்பார்கள். இந்த அழகியப் பெண்கள் “முட்டாள்கள்“ என்பது இங்கவர்களின் கருத்து)

     ஒரு நாள் ஒரு ப்போந்து பெண் டாக்டரிடம் வந்தாள். “டாக்டர் நான் எப்பொழுது காப்பி குடித்தாலும் என் இடதுகண்ணில் காயமாகி வலிக்கிறது“ என்றாள்.

     டாக்டர் அவளின் கண்களைப் பரிசோதித்து விட்டு “ஒரு சமயம் நீங்கள் “சாப்பிடும் காப்பியில் உங்களுக்கு ஒத்துக்கொள்ளாதது ஏதாவது இருக்கிறதா?“ என்று கேட்டார்

    அதற்கு அவள்.. “இல்லை டாக்டர்... இதற்கு முன் என் அம்மா தான் காப்பி கலக்கித் தருவாள். அப்பொழுதெல்லாம் இந்த மாதிரி ஆனதில்லை. ஆனால் நானே காப்பி கலந்து குடித்தால் இப்படி கண்ணில் காயம் வந்துவிடுகிறது“ என்றாள் அழுவாத குறையாக.

    டாக்டர் சற்று நேரம் யோசித்து விட்டு அந்தப் பெண்ணிடம் ஒரு மேசையைச் சுட்டிக் காட்டி “அதில் காப்பி போடுவதற்கான அனைத்தும் இருக்கிறது. எங்கே நீங்களே காப்பிப் போட்டு என் எதிரிலேயே குடித்துக் காண்பியுங்கள். இங்கேயும் அப்படி காயம் ஏற்பட்டு வலி வந்தால் உடனே கவனிக்கிறேன்“ என்றார்.

    அந்தப் பெண்ணும் உடனே காப்பியைக் கலக்கிவிட்டு முதலில் ஒரு வாய் வைத்ததும் “ஆ“ என்று அலறி இடது கண்ணை முடிக்கொண்டு “பார்த்தீர்களா டாக்டர்...? நான் காப்பியை வாயில் வைத்ததும் காண்ணில் காயம் வந்து வலிக்கிறது...“ என்று கண்ணைக் காட்டிவிட்டு “ஏதாவது பெரிய பிரட்சனையா டாக்டர்...?“ என்று அச்சத்துடன் கேட்டாள்.

    அதற்கு டாக்டர்... “அப்படியெல்லாம் ஒரு பிரட்சனையும் இல்லை. நான் எழுதிக் கொடுப்பது போல் நடந்து கொண்டால் போதும்“ என்று சொல்லிவிட்டு ஒரு தாளில் எழுதி கொடுத்து விட்டு அதற்காக நூறும் காப்பிக்கு இரண்டும் சேர்த்து நூற்றியிரண்டு யுரோ வாங்கிக் கொண்டார்.

    அந்தப் பெண்ணும் பணத்தைக் கட்டிவிட்டு டாக்டர் எழுதிய இரசிதைப் பார்த்தாள். அதில்... “இனி காப்பி குடிக்கும் முன் கப்பில் இருக்கும் ஸ்புனை எடுத்துவிட்டு குடிக்க வேண்டும்“ என்று எழுதி இருந்தது. அவளும் “சரி டாக்டர்“ என்றபடி கிளம்பினாள்.

என்ன சிரித்தீர்களா...? (சிரிப்பு வரவில்லை என்றால் நான் பொறுப்பல்ல)

இப்பொழுது பதிவுகளைப் பார்ப்போம்.

.

1.  நான்கு பெண்கள்

“பொதுவாக பெண்கள் எழுதும் வலைதளம் என்றாலே சமையல், கவிதை, குழந்தை வளர்ப்பு, பெண்ணியம் போன்றவற்றை மையப்படுத்தியதாகவே இருக்கும். இவை மட்டும் பெண்கள் புழங்கும் வெளி அல்ல.. இவற்றையும் தாண்டி அரசியல், பொருளாதாரம் என்று பெண்கள் அவசியம் தெரிந்துகொள்ள வேண்டிய துறைகளையும் உங்களுக்கு தர இருக்கிறோம், இவற்றையும் தருகிறோம். நேர்மையான வாழ்க்கைப் பாதையைக் காட்டிவிடும் அத்தனையையும் நாங்கள் செய்ய விரும்புகிறோம். எங்களுடன் இணைய நீங்களும் வரலாம்…“ என்று சமூக அக்கரையுடன் நம்மை அழைக்கிறர்.

    அதற்கு தகுந்தார் போல் இவரின் பதிவுகளும் உள்ளன. நீங்களும் படித்துப்பாருங்கள்.

பிரசவ கால பராமரிப்பு
கர்ப்ப கால உணவு
குழந்தை பராமறிப்பு
 

2 . கேன்சருடன் ஒரு யுத்தம் - அனுராதா

      “அனுராதா“ இந்த இடுகையை ஒவ்வொரு பெண்ணும் படிக்க வேண்டும் என்று வேண்டுகிறேன். இவருக்கு மார்பு புற்று நோய். அதை ஜீலை மாதம் 26ந் தேதி 2007 அன்று அறிந்தது முதல் அதனால் ஏற்பட்ட வேதனை தாழ்வுணர்ச்சி., பொதுவாகவே பெண்களுக்கு ஏற்படும் அச்சம் மடம் நாணம் போன்ற வற்றால் ஏற்பட்ட அறியாமை... அதனால் தனக்கேற்பட்ட உள்ளக் குமுறல்கள் என்று தன் வேதனையையும் அறியாமையையும் நம்முடன் பகிர்ந்து கொண்டு.... எப்படியெல்லாம் பெண்கள் தன்னைப் போல் இருக்கக் கூடாது என்பதையும் பெண்களுக்கு உணர்த்தி தன் உணர்ச்சி அனைத்தையும் கொட்டி எழுதியுள்ளார்.

     தன்னால் முடிந்தவரை அனைத்தையும் தானே எழுதிவிட்டு கடைசி இரண்டு இடுகையைத் தன் கணவர் மூலம் எழுதி... நமக்கெல்லாம் விழிப்புணர்வை ஏற்படுத்தி விட்டு செப்டம்பர் மாதம் 4 ந்தேதி 2008 அன்று பதிவை நமக்கு விட்டுவிட்டு  விண்ணுலக பதிவியை அடைந்தவர்.

    இவரின் பதிவு பெண்களுக்கு நல்ல விழிப்புணர்வைக் கொடுக்கும். என்று நம்புகிறேன்.

3. . டாக்டர் M . K  முருகானந்தன்

    டாக்டர் எம். கே. முருகானந்தன் இவரின் இடுகையைப் பற்றி நான் அதிகம் சொல்லத் தேவையில்லை என்றே நினைக்கிறேன். உங்களின் அனைவருக்கும் தெரிந்தவர்தான். அவரின் இடுகைக்குச் சென்றால் எல்லா நோய்களைப் பற்றிய தகவல்களும், அறிகுறிகள், அதனால் வரும் உபாதைகள், அதைப் போக்கும் வழி முறைகளையும் தனித்தனியாகப் பிரித்து விளக்கியுள்ளார்.

   இப்படிப்பட்ட இடுகைகள் மற்ற மொழிகளில் இருந்தாலும் தமிழில் இவரின் இடுகை தான் முதலில் உள்ளது. படித்துப் பயனடையுங்கள். இவரின் பதிவுகளில் ஒரு சில...

அப்பன்டிசைடிஸ் Appendicitis

ஆண்களில் சிறுநீர் கழிப்பதில் பிரட்சனை.

 “பை பாஸ்“ நவீன சத்திர சிகிச்சை!

4.  நிகழ்..

(மாசிலா) “விளையாட்டு தொழில் துறை மூலம் தமிழுலகிற்கு பெரிய அளவில் சாதிக்க துடிக்கும் ஒரு அபார மனிதன்.“ என்று தன்னை அறிமுகப் படுத்திக் கொண்டாலும் பல சமுக விழிப்புணர்வு பதிவுகளைத் தான் பதிந்துள்ளார். அவற்றில் சில...

நோய் தீர்க்கும் நச்சுயிரி!!  

“மாயா“க்கள் அழிவின் மர்ம்ம் என்ன?

5. ஜெயசந்திரன்

இவரின் அனைத்துப் பதிவுகளும் சமுக சிந்தனை வாய்ந்தவை. இவரின் “தெரிந்து கொள்வோமா...“ என்ற தலைப்புள்ள பதிவுகள் நமக்கு நிறைய தெரிய படுத்துகின்றன. நீங்களும் படித்துப் பாருங்கள்.

மனித உரிமைகள் என்றால் என்ன?
 
தெரிந்து கொள்வோமா...? 1 முதல் 58 வரை

உள்ளுர் குளம் தீர்த்தக்குளம் ஆகாது!
 
6. கவிஞர் அஸ்மின்

“அடுத்தவனின் தத்துவத்தை பேசிப்பேசி அடுப்படியில் தூங்காமல் உலகம்போற்றும் உனக்கான தத்துவத்தை நீயே பாடி உறுதியுடன் போரிடுவாய் ஒருநாள் வெல்வாய்“ என்ற இவரின் அறிமுகம் போலவே உலகத்தை வென்றவராக இருக்கிறார்.  

இவரின் அனைத்துப் படைப்புகளும் பலரால் பாராட்டப் பெற்று பலதும் பரிசுகளைப் பெற்றதாகவே இருக்கின்றன. உணர்ச்சி மிகு வார்த்தைகளுக்கு உரிமையாளர் என்றே இவரைச் சொல்லலாம்.

நாளைய உலகம் நமக்காக விடியட்டும்
 
குயில்கள் இப்போது குரைக்கின்றன.
 
பாம்புகள் குளிக்கும் நதி!
 
7. சேக்கனா எம். நிஜாம்

“சமூக நலம் காப்போம், கல்வியைக் கற்போம், கற்பிப்போம், சுகாதாரத்தைப் பேணுவோம்“ என்று தங்களின் அறிமுகத்தில் சொல்லியது போல் அவரின் தளத்தில் நிறைய ஆசிரியர்கள் சமுக விழிப்புணர்வுகளை எழுதுகிறார்கள். அவர்கள் அனைவருமே ஆற்றல் மிகுந்தவர்கள் என்றாலும் நான் போய் ஒருவரை மட்டும் படித்ததால் இவரின் எழுத்தக்களை உங்களின் பார்வைக்கு படைக்கிறேன்.

“ஆட்டிசம்“ ஓர் விழிப்புணர்வு
 
“தில்லு“ இருக்கா!?
 
பொறா(ஆ)மை!!
 
8. நிகழ்காலம் எழில்

“அச்சத்தில் இருப்பதைவிட ஆபத்தை ஒருமுறை சந்திப்பது நல்லது.“ என்ற தராக மந்திரத்துடன் வலம் வருபவர். நம் அனைவருக்கும் தெரிந்த துணிச்சல் மிகுந்த அன்பான பெண் தோழி எழில். இவரின் “பெரியாரின் சிந்தனைத் துளிகள்“ நம் அனைவரையும் இழுக்க வைக்கும். நீரைத் தள்ளிவிட்டு பாலைமட்டும் எடுத்து நமக்குக் கொடுக்கும் எழிலான அன்னப்பறவை இவர். சமுதாயத்தில் ஒவ்வொரு பெண்ணும் இவரைப் போல் இருந்தால் இந்தியா என்றோ வல்லரசாகி இருக்கும். இவரின் பதிவுகளில் ஒரு சில...

சூழல் காப்போம் 1-2-3-...
 
ஆண்களா? பெண்களா?
 
ஆண்களும் தெரிந்து கொள்ளுங்கள்.

 
9. சிவா

“என் பெயர் சிவா, என்னுடைய வலைப்பதிவில் பதிவேற்றப்படுபவை யாவும் நான் படித்து, ரசித்த , நல்ல தகவல்கலை என் தளத்தில் இடுகிறேன். யார் தளத்தில் இருந்து பதிவுகள் எடுத்தாலும் அவர்களுக்கு கீழே நன்றியும் சொல்லி அவர்களை கவுரவிக்கிறேன். நான் இடும் பதிவுகள் உங்கள் அனைவருக்கும் உபயோகமாக இருந்தால் எனக்கு மிக்க மகிழ்ச்சி.“ என்று தன்னை அறிமுகப்படுத்திக் கொண்டு பலரின் நல்ல பதிவுகளை எழுதியவரின் பெயரைக் குறிப்பிட்டே எழுதுகிறார். நீங்களும் படித்துப் பாருங்கள்.

பருக்களின் தழும்புகள் மறைய வேண்டுமா?
 
முகத்தில் உள்ள தேவையற்ற முடிகளை நீக்க ஒரு வழி
 
சர்க்கரை நோய்க் கார்ர்களுக்கு உகந்த உணவு முறைகள்.
 
10. தங்கம் பழனி

இவர் பதித்த அனைத்துப் பதிவுகளும் கணிணி சம்மந்தப்பட்டதாகவே இருக்கிறது. கணினி பற்றி அறிய விரும்புகிறவர்கள் இவரின் இடுகைக்குச் சென்று படித்துப் பயன் பெறுங்கள். (எனக்குத் தமிழ் மணத்தில் ஓட்டுப்பட்டையை இணைக்கக் கற்றுக் கொடுத்தவர் என்பதை நன்றியுடன் நினைவுக் கூறுகிறேன்) எனக்கு கணினி பற்றி பெரியதாக படிக்க விருப்பம் இல்லாததால் அவர் இடுகையில் எனக்குப் பிடித்ததை எடுத்து உங்களுக்குக் கொடுத்திருக்கிறேன். படித்துப் பாருங்கள். 

அழகான உதடுகள் பெற

குழந்தை சிவப்பாக பிறக்க... 

தலை முடி உதிர்வதைத் தடுக்க...

 

நட்புறவுகளே... அனேகமாக நான் கொடுத்திருக்கும் இன்றைய பதிவர்களின் பதிவுகள் அனைவருக்கும் பயனுள்ளதாக இருக்கும் என்று நம்புகிறேன்.

   நாளை புதுக்கவிதைகள் ஹைகூ எழுதுபவர்களைப் பற்றி தேடிப்பார்த்து எழுதுகிறேன்.

நட்புடன்

அருணா செல்வம்.