தாயகம் கடந்தும் தமிழ் காப்போர்!!

வழங்கியவர் அருணா செல்வம்.  

நட்புறவுகளுக்கு வணக்கம்.

    தாய் நாட்டைவிட்டு வெளிநாட்டில் பல வருடங்களாக தங்கி வாழ்கிறவர்களை நிறைய பேர்களைப் பார்த்திருக்கிறேன். அவர்களின் பேச்சில் வாழ்க்கை முறையில் பழக்க வழக்கங்களில் தான் வாழும் நாட்டிற்குத் தகுந்தார் போல் தன்னை மாற்றி வாழ்கிறார்கள். தனக்கும் தன் தாய் நாட்டிற்கும் எந்த உறவும் இல்லை என்பது போல் பேசுகிறவர்களும் உண்டு.

    ஆனால் இது வெறும் பேச்சின் வெளிபாடு தான். உள்ளுணர்வு என்று ஒன்று உண்டு. அது நீருபூத்த நெருப்பு மாதிரி தான். சற்று தீண்டி விட்டால் தான் அந்த உணர்வின் உண்மை புரியும்.

    ஒரு முறை.... எனக்குத் தெரிந்த ஒருவர் கிட்டத்தட்ட நாற்பத்து ஐந்து வருடமாகப் பிரான்சில் இருக்கிறார். அவரின் பிள்ளைகள்.. பேரப்பிள்ளைகள் வாழ்க்கை முறை அனைத்துமே முழுமையான மாற்றங்களை அடைந்து விட்டது.

   சில நேரங்களின் “என்ன பெரிய இந்தியா? என்ன பெரிய தமிழ் நாடு?“ என்று அலட்சியமாகவும் பேசுவார்.

    அவர் கால்பந்து மற்றும் விளையாட்டுகள் அனைத்தையும் ஒன்று விடாமல் தொலைக்காட்சியில் பார்க்கும் பழக்கமுள்ளவர். அப்படி ஒரு நாள் பிரான்சுக்கும் பிரேசிலுக்கும் கால் பந்து போட்டி நடந்து கொண்டு இருந்தது. அவரின் பிரான்சு நண்பர்கள் பலருடன் பார்த்துக் கொண்டிருந்தார்.

    நான் அப்பொழுது, “மாமா... இப்பொழுது யார் ஜெயிக்க வேண்டும் என்று விரும்புகிறீர்கள்?“ என்று கெட்டேன். “இது என்ன அசட்டுத் தனமான கேள்வி? பிரான்சு தான் ஜெயிக்க வேண்டும்“ என்றார். அன்று பிரான்சு தான் வெற்றி பெற்றது. மிகவும் மகிழ்ந்து நண்பர்களுடன் பார்ட்டி வைத்து மகிழ்ந்தார்.

   நான் சற்று பொறுத்து “மாமா நாளைக்கு பிரான்சுக்கும் இந்தியாவுக்கும் போட்டி நடந்தால்... எந்த நாடு ஜெயிக்க வேண்டும் என்று விரும்புவீர்கள்?“ என்று கெட்டேன். அதற்கு உடனே அவர் “இந்தியா தான் ஜெயிக்க வேண்டும் என்று நினைப்பேன். அப்படி ஜெயித்தால் இவனுகளுக்கெல்லாம் (பிரான்ஸ் நண்பர்களைக் காட்டி) இன்னும் பெரிய பார்ட்டி கொடுப்பேன்“ என்றார் தமிழில்.

   “இது தான் தாய் நாட்டு பற்று என்பது“ என்று சிரித்தபடி நகர்ந்து விட்டேன். தாய்ப்பற்று, தாய் நாட்டுப்பற்று, தாய் மொழிப்பற்று இல்லாத மனிதர்கள் யாருமே இருக்கமுடியாது என்பது என் கருத்து.

    அதிலும் தாய் நாட்டை விட்டு விலகி இருப்பவர்களுக்கு இந்தப் பற்றுகள் இன்னும் அதிகமாக இருக்கும் என்பதற்கு சாட்சிகளாக ஒரு சிலரை உங்களுக்கச் சுட்டிக் காட்டுவதில் மகிழ்கிறேன்.

    இன்று நான் சொல்லக் போகிறவர்களில் பலர் உங்களுக்கு எல்லாம் நன்கு தெரிந்தவர்கள் தான். நான் இவர்களை உங்களுக்கு அறிமுகப் படுத்தவில்லை. பூக்கடைக்குப் போக வழி கெட்கத் தேவையில்லை என்பது போல் இவர்களின் பதிவு வாசத்தை நான் மகிழ்ந்து சுவைத்ததால் அதை உங்களுக்கும் பகிர்ந்திருக்கிறேன்.

1. மாத்தியோசி

மணி (பிரான்சு) “சப் டைட்டில் என்னான்னா --- அதாவது... அதாகப்பட்டது.... ஒன்னுமே இல்லை!“ என்று தலைப்பிலேயே சிரிக்க வைக்கக் கூடியவர். இவரைப்பற்றி அனைவருக்குமே தெரிவதால் நான் வேற என்ன சொல்வது?

இது ஒரு நவீஈஈஈஈஈக கவித!

அவளைச் சிரிக்க வைக்கப் போகிறேன்!

அவளை அழ வைக்கப் போகிறேன்!

 

போன்ற கவிதைகள்(???) எல்லாம் நான் இரசித்துச் சிரித்தவை. எப்படித் தான் இப்படி மாற்றி யோசிக்கிறார்களோ...!!!

2. நாகரத்தினம் கிருஷ்ணா (பிரான்ஸ்)

“இலக்கிய மேதமை கைமாற்றாக பெறுவதல்ல, எழுத்திடமுள்ள கடப்பாட்டினால் சம்பாதிப்பது“ என்ற தராக மந்திரத்தை தலைப்புடன் வைத்துள்ளார். இவர் தன் “நீலகடல்” என்ற வரலாற்று நாவலுக்கு வெளிநட்டு படைப்பளிகளுக்கான தமிழக அரசின் விருதைப் பெற்றவர். இவரின் கட்டுரைகள் அனைத்தும் பயனுள்ள பாதுகாக்க வேண்டியவைகள். அவைகளில் ஒரு சில...

எழுத்தாளனின் முகவரி.

மொழிவது சுகம்.!

புலம் பெயர்ந்தவர்களின் எழுத்துக்கள்!

3.  கனாக் காண்கிறேன். ஆதிரா.

“இந்தியாவில் பிறந்து வளர்ந்து பிரான்சில் குடிபெயர்ந்த ஒரு சராசரி தமிழச்சி“ என்று தன்னை அறிமுகப் படுத்திக் கொண்டு எழுதுகிறார்.

இவரின் இடுகைகள்.

பல மெய்களும் சில பொய்களும்

இந்தக் கிறுக்கல்கள்

எது நாகரீகம்?

போன்ற இடுகைகளை நான் இரசித்துப் படித்தேன். நீங்களும் படித்துப் பாருங்கள்.

4. முகிலின் பக்கங்கள்.  

(ஐக்கிய அமெரிக்க குடியரசு) “எழுதத் துடிக்கிறேன்.... அனுதினமும் என்  உள்ளந்தனில் எழும் கற்பனைகளை.... ஒரு புதிய பரிணாமம்  கொடுக்க எண்ணுகிறேன்... என் மனதில் அலைமோதும்  எண்ணங்களுக்கு....... வார்த்தை மலர்களைக் கோர்த்துக் கவிதைச் சரம்தொடுக்க விழைகிறேன்...... நான்.... எழுதத் துடிக்கிறேன்.....“ என்று தன் எண்ணங்களை கவிதைகளில் வடித்துள்ளார். இவரின்,

பெண்மை
 
நட்பு
 
பெண்கள் என்ன நாய் குட்டிகளா?  

கவிதைகளுடன் அனைத்தம் இரசிக்கத்தக்கவைகள்.

5. கிரேஸ்சின் தேன்மதுரத் தமிழ்!

ஜார்ஜியா – ஐக்கிய அமெரிக்க குடியரசு  

“செந்தமிழ் கருவூலத்திலிருந்தும் என் உள்ளத்திலிருந்தும் சில துளிகள்!“ என்று தலைப்பில் எழுதி இருக்கும் இவரின் படைப்புகள் அனைத்தும் தேன்மதுரத் தமிழின் தேன் துளிகள் எனலாம். இவரின்

புத்தகம்

என் அன்பே! என் உயிரே!

தாய்மையின் குழப்பம்!

இவைகள் மட்டுமல்லாது அனைத்துக் கவிதைகளும் அருமையாக உள்ளது.

6. அம்பாளடியாள் - (ஸ்விட்சர்லாந்து)

“இதயத்தின் தீக்குளிப்பில் ஆயிரம் கவிதை முத்துக்கள் பிறக்கும். அவை முத்துக்களாக மட்டுமன்றி வாழ்வின் தத்துவங்களாகவும் இருக்கும். உன்னைப் படைப்பதர்க்காகத் தான் இறைவன் இதயத்தையும் படைத்திருக்க வேண்டும். இதுவரை காலமும் ஏவு கணைகளுக்கும் எரிகின்ற நெருப்பிற்கும் இரையாகிப் போன உறவுகளையும் எங்கள் உணர்வுகளையும் எண்ணி மானமுள்ள தமிழனாக நேசமுள்ள தமிழனாக வீரமுள்ள தமிழனாக தாய் மண்மீது காதலுள்ள தமிழனாக பலமுறை இறந்து பிறந்தும் இன்னும் வாழ்ந்து கொண்டிருக்கின்றோம் என்றால் அதற்குக் காரணம் "தமிழ்" இந்தப் பற்று, இந்தக் காதல்தான் கவிதையாக, பாடலாக, கதைகளாக என்னையும் என் இனத்தையும் வாழ வைப்பதாகக் கருதுகின்றேன். இதற்காக எத்தனைமுறை வேண்டுமானாலும் என் இதயம் தீக் குளிப்பதை மகிழ்ச்சியாகக் கருதுகின்றேன்.“    என்ற இவரின் அறிமுகமே நம்மை வியக்க வைக்கும். அதன் பின் பாடல்களைச் சொல்லவா வேண்டும்.... இருந்தாலும் சில... உன்னோடு தான் உறவாடினேன்!! கண்ணைக் கட்டிக் காட்டுக்குள்ளே விட்டதாரோ! 2013 ராசிபலன் உங்களுக்கு எப்படி?

7. வானம் வெளுத்த பின் - ஹேமா (சுவிஸ்)

“ஆடிக் கொண்டே இருக்கிறது தராசுமுள்! சில சமயங்களில், மனசாட்சிக்கும் செயலுக்கும் இடையில்.!!!! என்று தலைப் பங்கத்திலேயே சொல்லியிருக்கும் இவர் எழுதும் அனைத்தும் “கியுபிசம்“ கவிதைகள்.

மனம்!

உதிரும்

“நான்“கள்! ஏக்கப் பொங்கல்!

இப்படிப்பட்ட கவிதைகளை உண்மையில் ஒரு சிலரால் மட்டுமே எழுத முடியும் என்பதால்... என்னால் இவரைப் போல் ஒரு கவிதையைக் கூட எழுத முடியவில்லையே என்ற ஆதங்கம் எனக்குள் இன்றும் உண்டு.

8. இளைய நிலா

இளமதி (ஜெர்மன்) “நிழல்கள் எப்பொழுதும் நிஜத்தைக் காட்டுவ தில்லை“ என்று தன் முன்னுரையில் பதித்து இன்று முழு நிலவாக வலை வானில் வலம் வருகிறார்.

இவரின் பதிவுகள் சில...

கதவு திறந்தே...

வாழும் காலம்!

மாறுபாடாக...!!

9. மெல்லியல்

ரொபர் (துபாய்) வீழ்வேனென்று நினைத்தாயோ...? எனது சமுதாய கோபங்களையும், உணர்வுகளையும் வெளிப்படுத்தும் ஒரு காரணியாய், ஒரு வடிகாலாய் இந்த தளம் உங்களின் பார்வைக்கும் விமர்சனத்திற்கும்!!!. என்று தன் சமுக சிந்தனைகளை வித்தியாசமாக விமர்சித்து வெளியிடுகிறார்.

இவரின் பதிவுகளில் நான் இரசித்தவைகள்...

மறைந்து விட்ட திண்ணைகள்!

செத்துப் போ விவசாயியே!!

எப்படி இருக்கிறாய் என் காதலியே!!

10. கோவைக்கவி

வேதா.   இலங்காதிலகம்.(ஓகுஸ், டென்மார்க்.) “செந்தமிழ் நூலெடுத்துக் கவி மாலிகை, பாமாலிகையென பாக்களால் மாலை, சிந்தனை மொழி, கட்டுரை, கதை என்று பல வகைகளாகப் புனையும் இணையச் சாலையில் எனது இடுகைகளை வாசியுங்கள். வாசிப்பதோடு நின்றுவிடாது  உங்கள் கருத்துக்களையும் இங்கு பதிவு செய்யுங்கள். உங்கள் ஒவ்வோரு சொல்லும் என்னை மேலும் மேலும் எழுத ஊக்குவிக்கும் கிரியா ஊக்கியாகும் அனைவருக்கும் நல்வரவு கூறுகிறேன்.“ என்று தன்னை அறிமுகம் செய்து நிறைய கவிதைகள் பயணக் கட்டுரைகள் எழுதி வருகிறார்.

தன்னல விரும்பிகள்!

கண்ணிதை தரவுகள்

குழந்தை மனிதனாகும் எத்தனம்!

இவர்களைத் தவிர உங்கள் அனைவருக்கும் தெரிந்த இந்த பிரபல இடுகையாளர்களையும் என் பதிவில் சுட்டிக்காட்டி மகிழ்கிறேன்.

கோடங்கி இக்பால் செல்வன் (கனடா)

நம்பள்கி (அமேரிக்கா)

கும்மாச்சி (மத்திய கிழக்கு நாடு)

தனிமரம் (பிரான்ஸ்)

செய்தாலி (துபாய்)

    இன்னும் நிறைப் பேர்கள் வெளிநாட்டில் இருந்து கொண்டு தங்களின் தாய்மொழியை மறக்காது எழுதிக் கொண்டு அனைவருடனும் உரையாடிக் கொண்டு இருக்கிறார்கள். நாமும் அவர்களுடன் கைகோர்த்து உறவாடுவோம்.

   

    நாளை எனக்குத் தெரிந்த “சமுக சிந்தனைகளையும், மருத்துவத்தையுமும்“ மின்வலையில் இடுகிறவர்களைப் பற்றி எழுதுகிறேன்.

நட்புடன்

அருணா செல்வம்.