மரபிற்கு மகுடன் சூட்டுபவர்கள்!!

by   அருணா செல்வம்

நட்புறவுகளுக்கு வணக்கம்.

     சொற்களை மிக நல்ல ஒழுங்கு வரிசையில் அமைப்பது உரைநடை!

     மிக நல்ல சொற்களை மிக நல்ல ஒழுங்கு வரிசையில் அமைப்பது கவிதை!

    மிக நல்ல சொற்களை மிக நல்ல ஒழுங்கு வரிசையில் இலக்கண விதிகளுக்கு உட்பட்டு அமைப்பது மரபுக்கவிதை.

     ஆக, படைப்புகளில் மிக மிக உயர்ந்த இடத்தில் இருப்பது மரபுக்கவிதை. மரபுக்கவிதையை நம் வலைக்குள் எழுதும் ஒரு சிலரும் என்னை விட வயதில், திறமையில், பதவியில் உயர்ந்தவர்களாக இருக்கிறார்கள்.

    அவர்களை நான் எப்படி வரிசைப்படுத்தி எழுதுவது என்று தெரியாமல் விழித்தப் போது இந்தக் கதை ஞாபகத்தில் வந்தது.

    ஒரு குறுநில மன்னனின் தம்பி புகழ் பெற்ற கவிஞர். நாடே அவர் புகழைப் பற்றி பேசுவதால் மன்னனுக்கோ தம்பியின் மேல் பொறாமை வந்தது. அதனால் தம்பியை எந்த அரசாங்க விசயத்திற்கும் கூப்பிட மாட்டார்.

    அப்பொழுது ஒரு நாள் இந்த மன்னன் கப்பங்கட்டும் பெருநில மன்னன் ஒருவர் இந்த மன்னரைக் காண வந்தார். இருவரும் பேசிக்கொண்டு இருக்கும் பொழுது பெருநில மன்னன், “உங்களின் தம்பி அருமையாக கவி புனைவார் இல்லையா...? அவரின் கவிதைகளையும் நான் வாசித்து இருக்கிறேன். அவரை வரச் சொல்லுங்கள். நேரில் காண எனக்கு வெகுநாள் ஆசை.“ என்றார்.

   இந்த மன்னன் வேறு வழியில்லாமல் தம்பியை வரவழைத்தார். அந்தக் கவிஞர் வரும் பொழுது பெருநில மன்னரின் முன் தன் தமையன் மரியாதைக்காக நின்று கொண்டு பேசிக்கொண்டிருந்தார். இவரும் பெருநில மன்னரை வணங்கிவிட்டு நின்று கொண்டே பேசினார். அப்பொழுது பெருநில மன்னர் “கவிஞரே... ஏன் நிற்கிறீர்கள்...? உட்கார்ந்து பேசுங்களேன்...” என்றார்.

    “என் அண்ணன் நின்று கொண்டு இருக்கும் பொழுது நான் உட்கார்ந்து உங்களுடன் பேசுவது மரியாதை இல்லை.“ என்றார் கவிஞர்.

     திறமையுள்ள மகா கவிஞரை நிற்க வைத்து தான் மட்டும் உட்கார்ந்து பேசுவது முறையில்லை... என்று எண்ணிக் கொண்டே பெருநில மன்னரும் உடனே எழுந்து நின்று பேசினாராம். முன்று பேருமே நின்று கொண்டே பேசினார்கள்.

     அதனால் திறமைக்கும், வயதுக்கும், பதவிக்கும் மரியாதை எப்பொழுதும் உண்டு. என்ன... மரியாதையைப் பணியோடு தருவது தான் பெருமை என்று கூறி...  மரபுக் கவிதைகளுக்கு மகுடம் சூட்டுபவர்களில் எனக்குத் தெரிந்தவர்களை உங்களின் முன் பணிவுடன் கொண்டு வருகிறேன்.

1.கவிஞர் கி. பாரதி தாசன்.

      இவரைப்பற்றி எழுத வேண்டும் என்றால் பக்கம் பக்கமாக எழுதிக்கொண்டே இருக்கலாம். இவரின் தமிழ்ப்பற்றைக் கண்டு நான் வியந்ததுண்டு. எனக்குத் தமிழ் உணா்வையும், இனவுணா்வையும், தனித்தமிழ்ப் பற்றையும் ஊட்டியவா். இவருக்குத் தமிழ் உயிர் மூச்சு.

    பிரான்சு நாட்டில் நடைபெற்றுள்ள தமிழ்ப்பணியைக் கி.பாரதிதாசனுக்கு முன்பு என்றும் கி. பாரதிதாசனுக்குப் பின்பு என்றும் வரையரை செய்யும் வண்ணம் தமிழ்த்தொண்டில் தன்னை அளித்துச் செயற்படுபவா்.

    பிரான்சுக் கம்பன் கழகத்தின் தலைவராகவும், கம்பன் இலக்கிய இலக்கணத் திங்களிதழின் நிறுவுநராகவும் இருப்பவா். பிரான்சில் யாப்பிலக்கண வகுப்பை நடத்தி என்போன்ற பல கவிஞா்களை உருவாக்கியவா்.

    இவா் தலைமையில் நடைபெறும் கம்பன் விழா, பொங்கல் விழா ஆகியன தமிழ்ப்பற்றையும் இனப்பற்றையும் தலைமேல் சுமப்பன!

    தமிழ் இலக்கணத்தை முறையாகப் புதுவைப் பெரும்புலவா்களிடம் கற்றுத் தெளிந்தவா்! நான்குவகைக் கவிகளையும் சிறப்பாக எழுதும் ஆற்றல் பெற்றவர்! தமிழுக்காகப் பாடிய பாடல்களைக் கேட்டால் நம் குருதியில் தமிழ் உணர்வு ஓங்கும். (பாடல்களைச் சி டி யாக வெளியிட்டுள்ளார்)

எழுதுகோல்

புயலென எழுக!

அடுத்தோர் பிறவி!

    அவரின் காதல் கவிதைகளைப் பற்றிச் சொல்லவே வேண்டாம்.

ஏதோ விளையாட்டிற்கு “உங்களுக்குக் காதல் கவிதையெல்லாம் எழுதத் தெரியாதா?“ என்று கேட்க... “ஒன்றென்ன? ஆயிரம் கவிதைகள் எழுதுவேன் என்றார்! அதுவும் வெண்பாவில் எழுதுவேன்“ என்றார்!  

    வெண்பாவில் எவ்வளவு இலக்கணம் இருக்கிறது என்று அவரிடம் படித்த எங்கள் அனைவருக்கும் தெரியும். அதில் போய் ஆயிரமா... “நிச்சயமாக உங்களால் முடியாது“ என்று நாங்கள் சொன்னதற்காகவே எழுதினார்.

   

கவிஞரின் காதல் ஆயிரம்

ஏக்கம் நுர்று

இவை இரண்டையும் பெண்கள் படித்தால்.... நான் எதுவும் சொல்வதற்கு இல்லை. நீங்களே சென்று படித்துப் பாருங்கள்.

2.  புலவர் இராமானூசர் கவிதைகள்.

இவரைப்பற்றி நான் அதிகம் சொல்லத் தேவையில்லை என்றே நினைக்கிறேன். நம்மில் அனைவருக்கும் மிக மிக தெரிந்து பழம் பெருங்கவிஞர். இவரின் கவிதைகள் கலிங்கத்து பரணி பாடல்களை ஒத்து இருக்கும்.

    இவரைப் போல் மற்றவர்களால் எழுத முடியுமா என்று வியந்திருக்கிறேன். இன்றைய சமுதாய சிந்தனைகளை யாருக்கும் பயமின்றிப் படைக்கும் திறமை மிக்க கவிஞர். இவர் வாழும் காலத்தில் நானும் வாழ்கிறேன் என்ற பெருமை என்னுள் இருக்கிறது.

    இவரின் அனைத்துக் கவிதைகளுமே சிறப்பானது என்றாலும்

வந்த சேனல் நான்கதனை...

மனித நேயம் இல்லையா?

மகளிர் தினம் இன்றாமே..

    இப்படி எல்லா கவிதையையும் சொல்லிக்கொண்டே போகலாம். அவரின் கவிதைகள் இளைய சமதாயத்தின் திறவுகோல்கள் என்றே சொல்லுவேன்.

3. அடுத்து சிவக்குமாரன் கவிதைகள்

    பார்த்தவற்றை கவிதைக்குள் பதுக்கிவைக்கும் பகல்திருடன் வார்த்தைகளால் தவமியற்றி வரங்கேட்கும் கவிச்சித்தன்,... என்று தன்னை அறிமுகப் படுத்தியிருக்கிறார்.

    இவரின் கவிதைகள் சுவை மிகுந்த மரபுக் கனிகள். கவியின் சுவையை இரசித்துக்கொண்டே இருக்கலாம்.

காவடிச் சிந்துகள்.

காதல் வெண்பாக்கள்

சிலம்பின் புலம்பல்

கடவுள் எங்கே?

இவையெல்லாம் நான் இரசித்துச் சுவைத்தவைகள். நீங்களும் சுவைத்துப் பாருங்கள்.

4.  கவிஞர் எம். எஸ். பிரதாப் சிங்கின் செழுங்காரிகை

இவரின் மரபுக் கவிதைகள் அனைத்தும் அருமையான சுவை கொண்டவை. அதிலும் பாட்டி வடை சுட்ட கதை

மிக மிக இரசிக்கத்தக்கது..

கூகுள் குரோம் குறள் வெண்பாக்கள்.

முத்தத்துவம்!

உறக்கம் வராதவனின் உளறல்கள்

இது போன்ற மற்ற இவரின் படைப்புகளும் அருமையான படைப்புகள். நீங்களும் சென்று படித்துப் பாருங்கள்.

5.   மரபுக்கவிதைகள் புனைவது எப்படி என்று தன் வலை தளத்தில் சொல்லிக் கொடுக்கிறார்

“கவிதா“ அவர்கள்.

    “கவிதை எழுத மிக முக்கியமானது உணர்ச்சி. ஒரு கவிஞன் எதனை   இலக்காகக் கொள்கின்றானோ  அதுவே இலக்கிய அறிவாக அவனுக்கு அமைகிறது. வாழ்க்கையில் உண்டாகும் அனுபவமே அவனுக்கு   இலக்கிய அறிவைப் புகட்டுகின்றது.“  என்று தன் முன்னுரையைத் தொடர்ந்து “யாப்பருங்கலக் காரிகையை முழுமையாகவும் விவரமாகவும் பதித்துள்ளார்

   மரபுக் கவிதை கற்க வேண்டும் என்ற ஆர்வம் உள்ளவர்கள் அந்த வலையில் முழுமையாக அறிந்துக்கொள்ளலாம்.

6.  “யாப்பறிந்து பா புனைய வாருங்கள்“ என்றழைத்து கவிதை எழுத கற்பிக்கிறார் யாழ்பாவாணன் அவர்கள்.

    பா புனைய உதவும் அறிஞர்களின் பாடல்களை அறிமுகம் படுத்தியும் குறும் பாக்கள் எழுதுவதையும் சொல்லித்தருகிறார்.

அந்தாதி எழுதுவோமா...? என்று கெட்டு நம்மை அழைத்து அந்தாதி சொல்லிக் கொடுக்கிறார். படித்துக் கற்றுக் கொள்வோம்.

7.  தமிழ் பிறந்தக் கதையைச் சொல்லிக் கொடுக்கிறார்.

தமிழாசான்  

இவர்களைத் தவிர மரபுக்கவிதைகள் தெரிந்திருந்தும் வலையில் பதியாத பதிவர்கள் ஒரு சிலர் இருக்கிறார்கள். அவர்கள்.

சவுக்கடி

கீதமஞ்சரி

டி. என். முரளிதரன்

போன்றோர்கள் மரபுக் கவிதைகள் தெரிந்திருந்தும் எழுதுவதில்லை. இன்னும்  இதே போல் அல்லது இவர்களைவிட உயர்வாக மரபுக்கவிதைகள் படைப்பவர்கள் வலையுகத்தில் இருக்கலாம். ஆனால் எனக்குத் தெரிந்தவர்களை மட்டும் எழுதியுள்ளேன்.

     அவர்களைச் சென்று பார்த்து வாழ்த்துக்களைச் சொல்லி நம்மின் இலக்கண அறிவையும் வளர்த்துக் கொள்வோம்.

    நண்பர்களே.... நாளை வெளிநாட்டில் வாழும் வலைப் பதிவர்கள் ஒரு சிலரைப்பற்றி எழுதுகிறேன்.

    நட்புடன்

அருணா செல்வம்.