ஹிஹிஹி!

லோகத்தில பல விஷயங்கள் நமக்கு பிடிக்காததா நடந்துகிட்டு இருக்கு. அதைப்பத்தி எல்லாம் எப்பவும் பொங்கிகிட்டு இருக்கிறதுல அர்த்தமில்லை. வாழ்கையில ஒரு சென்ஸ் ஆப் ஹ்யூமர் வேணும். அப்படி இருந்தா எப்படிப்பட்ட கஷ்டமும் தாங்க எளிதா ஆயிடும். பின்ன வலைக்கு எதுக்கு வரோம்? அழுகறதுக்கா வரோம்?

சாதாரணமா ஒரு சென்ஸ் ஆப் ஹ்யூமர் இருந்தா போதும், அவங்களோட ப்ரெண்ட் ஆயிடலாம். ஹ்யூமர் பதிவுகளே போட்டா?

ஹ்யூமர் பதிவுகளில கலக்குற இளைஞிகள் இட்லி மாமி என்று அன்புடன் அழைக்கப்படும் ஏடிஎம் என்கிற அப்பாவி தங்கமணி என்கிற புவனி கோவிந்த் உம் அனன்யா மஹாதேவனும். ஏடிஎம் இப்பத்தான் சில நாட்களுக்கு முன்னே இந்த வலைப்பதிவரா இருந்தாங்க. அறிமுகம் தேவையில்லை.

அபுதாபி சிங்கி அனன்யா இப்ப சென்னைவாசியாயிட்டாங்க. கொஞ்ச நாள் காணாமல் போய் அப்புறம் போலீஸ் கம்ப்ளைண்ட் கொடுத்து இப்ப ஒழுங்கா பதிவு போட்டுக்கிட்டு இருக்காங்க.

இந்த இட்லி மாமியும் அனன்யாவும் சேந்த்து கொட்டம் அடிக்க ஆரம்பிச்சாச்சுன்னா பஸ்ல வலையுலகே தாங்காது! அதான் கூகுள் பஸ்ஸை இழுத்து மூடிட்டாங்கன்னு சிலர் அபிப்ராயம்! இவங்க பண்ணற ரவுசு இருக்கே.....! 'நல்ல' காலமா ரெண்டு பேரும் இடம் பெயர்ந்ததாலே இப்ப கொஞ்சம் கொயட்டா இருக்கு!

கடுகு கடுகு ன்னு கேள்விப்பட்டு இருக்கீங்களா? ஆமாம், பத்திரிகைகளில நிறைய நகைச்சுவை கட்டுரை, கதைகள் எழுதினவர். அவருக்கு வலைப்பூவும் இருக்கறது எவ்வளோ பேருக்கு தெரியுமோ?

இப்ப படிச்சு மகிழுங்க!

ஆரம்ப காலத்திலேயே ஹ்யூமர் வலைப்பதிவுகள் தேடினப்ப அகப்பட்டது ஹாஸ்யரசம். இதை எழுதிகிட்டு இருக்கிற கோமதி நடராஜன் பல வருஷங்களா குமுதம் போன்ற பத்திரிகைகளில ஜோக் எழுதிகிட்டு இருந்தாங்க. சில மாதங்களா அதிக பதிவுகளை காணலை. இதையு படியுங்க!  http://haasya-rasam.blogspot.com/2012/03/blog-post.html

சமீபத்திய தொடர்பு தம்பி பாலாஜி. ரயில்வேயில 'பெரிய' உத்யோகம். இவர் கையெழுத்து போட்டாத்தான் ரயில்வேல காசே கிடைக்கும்ன்னா பாத்துக்குங்களேன்! நல்ல மனுஷன்! செம காமெடியா பதிவு போடறதுலேயும் கெட்டிக்காரர். 

டச்சிங்ஸ்பதிவு போடறதுலேயும் கெட்டிக்காரர்! கேரக்டர் ன்னுபோட்ட சீரியலுக்கு நிறைய விசிறிகள்!