அறிமுகப்பதிவு

எல்லாருக்கும் வணக்கம். இந்த வாரம் உங்களுடன் பொழுதை கழிக்கப்போறது திவாண்ணா என்கிற திவாஜி என்கிற திருமூர்த்தி வாசுதேவன். முதல்ல அறிமுகப்படுத்திக்கொள்ளணும்ன்னு சொல்லி இருக்காங்க. சொல்லிக்க பெரிசா ஒண்ணுமில்லைன்னாலும் அப்படி சொல்லறதே ஒரு அறிமுகம்தானே? :-)

2008 ஆம் வருஷத்திலேந்து வலைப்பூக்களில உலாத்திகிட்டு இருக்கேன்.

ஆரம்பத்தில நல்ல சேதி ன்னு ஒரு வலைப்பூ ஆரம்பிச்சேன். எது நல்லது என்கிறது பத்தி நம்ம கற்பனையும் மத்தவங்க கற்பனையும் ஒண்ணா இருக்காதுன்னு சீக்கிரமே புரிஞ்சது! மேலும் அதுல அனேகமா எல்லா பதிவுகளுமே பேப்பர்களிலிருந்து காபி பேஸ்ட் ஆ இருந்தது.

நாமா சொந்தமா எழுதணும்ன்னு முடிவு செய்து என்ன எழுதலாம்ன்னு யோசிச்சப்ப ஆன்மீக விஷயங்களை கேட்டு படித்து புரிந்து கொள்வதில இறங்கி இருந்தேன்; அது குறித்தே எழுதலாம்ன்னு தோணித்து. என்னைப்பொருத்த வரை ஒரு விஷயம் புரிஞ்சாதான் அதை என் நடையில எழுத முடியும். சரி, விஷயம் புரிஞ்சுக்கவும் புரிஞ்சுக்கலாம். பதிவு எழுதவும் எழுதலாம் ன்னு இறங்கிட்டேன்! மத்த விஷயங்களுக்கும் வலைப்பூக்கள் ஆரம்பிச்சாலும், அதுதான் என் "ஃப்லாக் ஷிப்" (flagship) ஆ இருக்கு! ஆயிரம் பதிவுகளை தாண்டியது இறைவன் செயல்தான். குறிப்பா கோளாறான எண்ணங்கள், உரத்த சிந்தனைகள் பகவான் கொடுத்த ஒரு இன்ஸ்பிரேஷன்ல எழுதினவைதான். 

இதை ஆரம்பிச்ச போது டம்மீஸ் ன்னு ஒரு சீரீஸ் புத்தகங்கள் பிரபலம். முன்னால விஷயம் எதுவும் தெரிஞ்சிருக்க அவசியமில்லாம வெகு சுளுவா, சுவையா பேசிக் விஷயங்களிலேந்து சொல்லிக்கொண்டு போகிறது இவங்க உத்தி. அதே போல செய்யணும்ன்னு நினைச்சு பேர் வெச்சேன். அப்ப ஏதும் காப்பிரைட் ன்னு யாரும் ஆரம்பிக்கக்கூடாதேன்னு ஸ்பெல்லிங் ஐ மாத்தி வெச்சேன்!

கதை சொல்ல எப்பவுமே பிடிக்கும்! சின்ன பசங்க ஆர்வமா கேட்பாங்க! ரைட், எழுதவே எழுதலாமேன்னு ஆரம்பிச்சது கதை கதையாம் காரணமாம்! இதுல என்னோட பேவரிட் தேடல் http://kathaikathaiyaam.blogspot.com/2009/02/1.html தொடர்தான். 

அடுத்து போட்டாக்ராபில இறங்கி இருந்தேன். பழைய புத்தகங்களை கொஞ்சம் டிஜிட்டலா சேமிக்க வழி வகைகளை கண்டு பிடிக்க இங்கே அங்கே கன்சல்ட் செஞ்சப்ப ஜீவ்ஸ் என்கிற ஒரு கலைஞரின் தொடர்பும் பிட் என்கிற தமிழில் போட்டாக்ராபி என்ற வலைத்தள தொடர்பும் கிடைச்சது. அப்ப நம்ம படங்களை நம்ம ப்லாக்ல வலையேத்திட்டு சுட்டி கொடுக்கணும்ன்னு சொல்லி இருந்ததாலே ஆரம்பிச்சது சித்திரம் பேசுதடி. உதாரணத்துக்கு http://chitirampesuthati.blogspot.com/2011/03/blog-post_6823.html பின்னால சப்மிட் செய்யற முறையை மாற்றிவிட்டாங்க. அப்பப்ப நம்ம 'மகத்தான' கலை படைப்புகளை போஸ்ட் பண்ண இன்னும் இது உபயோகமாகிறது.

என் குடும்பத்திலேயே வயசானவங்க ஒரு ஆர்வத்துல கணினி பயன்படுத்த கத்துக்கொண்டாங்க. வீட்டுல இருக்கிற சின்ன பசங்க ஆனேகமா காலேஜ் படிச்சுகொண்டு இருப்பாங்க. ஆனா இந்த வயசானவங்களுக்கு கணினி சார்ந்த விஷயங்களை சந்தேகம் கேட்டாக்கூட சொல்ல அவங்களுக்கு அலுப்பா இருக்கும். புரியாத மாதிரி ஏதாவது சொல்லுவாங்க. இப்படிப்பட்ட வயசானவங்களுக்காகவே உருவாக்கினது தொண்டு கிழங்களுக்கு கணினி. http://techforelders.blogspot.com/2010/11/blog-post_06.html

http://techforelders.blogspot.com/2012/07/blog-post.html

சமீபத்துல ஆண்ட்ராய்ட் போன் ஒண்ணு வாங்கினப்ப அது பத்தியும் எழுதத்தோணித்து. எழுதினேன். 

 

தமிழ்ல டைப் செய்யக்கத்துகிட்டு, என்னத்தை டைப் செய்யறதுன்னு யோசிச்சேன். தமிழ் கொஞ்ச் கொஞ்ச் தெரியும் என்கிறதால நிறைய தமிழாக்கம் செய்துகிட்டு இருக்கேன்.

உபுண்டு இயங்குதள ... சரி சரி... ஆபரேடிங் சிஸ்டத்துக்காக ஆரம்பிச்சு இப்ப க்னோம் இடைமுக தமிழாக்கம் பல வருஷங்களா.... ரிலிவ் பண்ணிடுங்கன்னு இப்பதான் ரிக்வெஸ்ட் வெச்சு இருக்கேன். இப்ப இரண்டு வருஷங்களா ஸ்போகன் டுடோரியல்ன்னு மும்பய் ஐஐடி ப்ராஜக்ட்.... முன்னேயே சொன்னேன் இல்லையா, புரிஞ்சாத்தான் எழுத முடியும்ன்னு? இதுக்காக லேடக் என்கிற சமாசாரத்தை கையில் எடுக்க வேண்டி வந்தது. அது டிடிபி (DTP) சமாசாரம். தமிழ்ல அது வேலை செய்யுமான்னு மூழ்கி ஆராய வேண்டி இருந்தது. கொஞ்சம் சிரமப்பட்டு வழி வகைகளை கண்டு பிடிச்சேன். மத்த இந்திய மொழிகளிலேயும் இதை செய்ய முடியும். அதனால இது குறித்த லிமிடெட் பதிவுகள் tecfromelder என்கிற வலைப்பூவா ஆங்கிலத்துல பதிஞ்சு வெச்சேன். http://tecfromelder.blogspot.com/2011/10/oomthis-is-test-postthis-is-entirely.html

அதே போல ஆன்மீக பதிவுகளை ஆங்கிலத்தில் - Spirituality for Youth

- எழுத ஆரம்பிச்சு அப்படியே நிக்குது! நேரமில்லை! என்னிக்கோ ஒரு நாள் தொடர்வேனோ என்னமோ. பகவான் விட்ட வழி! ம்ம்ம்ம் .... அப்புறம் சொந்த சமாசாரம் எனக்கு 90ம்ம்ம்.. ச்சீ, ச்சீ ...  60 வயசு நடக்குது. பொறி துயில் ஆழ்த்துனரா வேலை செய்யறேன். ஒரு பையன், பேரன், பேத்தி.  என் சுய புராணம் அவ்வளோதான். இதுவே அதிகமா போச்சு! அடுத்த பதிவில சந்திப்போம்!