ஆன்மீக எழுத்தாளர்கள்

அனேகமா எப்பவும் இன்பார்மலாவே எழுதுவேன். சாதாரணமா 2 பேஜ் டவுன் க்கு மேலே ஒரு பதிவை எழுதறதில்லை. ரொம்ப மனசை ஈர்க்கிற மாதிரி இல்லைன்னா அதுக்கு மேலே யாரும் படிப்பதில்லைன்னு ஒரு கணக்கு!

ரைட்! இப்ப நான் படித்த, படித்துக்கொண்டு இருக்கிற சில வலைப்பூக்களை அறிமுகப்படுத்தறேன். அதுதானே இந்த பதிவுகளோட இலக்கு? இந்த லிஸ்ட் எந்த ஒரு ஆடர்லேயும் இல்லை. ரேண்டமாத்தான் இருக்கும். அத்தோட சில பல பதிவர்களை மட்டுமே இங்கே குறிப்பிடறேன். பலருதும் விட்டுப்போகலாம். யாரும் கோபித்துக்கொள்ள வேணாம்!

என்னை போலவே... சரி சரி, என்னைவிட நல்லா... ம்ம்ம் இதுவும் சரி வரலை.... விடுங்க. ஆன்மீகம் எழுதற மற்ற வலைப்பதிவர்களில் குறிப்பிட்டு சொல்ல வேண்டியது சிலரை. இதுல ஒத்தர் பின்னாலே வேறு கேடகரில வருவார். ஆறேழு வருஷங்களா அலுக்காம சளைக்காம ஆன்மீக பதிவுகள் எழுதறது கீதா அக்கா. இதுக்காகவே ஆராய்ச்சி எல்லாம் பண்ணிகிட்டு, தேவையானா பலரையும் கன்சல்ட் செஞ்சு சீரியஸான பதிவுகள் எழுதுவாங்க. http://aanmiga-payanam.blogspot.com/ இப்போதைக்கு ஸ்ரீரங்கம் மட்டையடித்திருவிழா அமர்களப்படுது!

இவங்க பொதுவான சமூக பிரச்சினை போன்ற சமாசாரம் கூட நிறையவே எழுதுவாங்க. அவங்க எண்ணங்களை இங்கே பதிவு செய்கிறாங்க! 1534 எண்ணங்கள் பதிவாயாச்சு!

இதே போல கபீரன்பன் என்கிற உமேஷ். பெங்களூரில் இருந்த இவர் வேலை மாறி குஜராத் போன பிறகு எழுதறது நின்னு போச்சு. ஏதேனும் ஒரு சிச்சுவேஷன் சொல்லி, பெயருக்கு ஏத்தாபோல பொருத்தமான கபீருடைய தோஹாக்களை எழுதி, அதை மொழிபெயர்ப்பும் செய்து, மிகப்பொருத்தமா பல தமிழ் பாடல்களையும் மேற்கோள் காட்டுவார். மிகவும் ரசித்துப்படித்த பதிவுகள். இப்ப சமீப காலமா மீண்டும் எழுத ஆரம்பிச்சு இருக்கார். அவசியம் படிங்க.

பிஸியான ஆடிட்டர். உங்க ஊருக்கே வந்து இருந்தாலும் இதோ வரேன்னு சொன்னாலும் நேரம் கிடைக்காது! (பழி வாங்கிட்டேன்!) அப்படிப்பட்டவர் அப்பப்ப ஆன்மீக பதிவு போடுவார். 

தி.ர.ச என்று அழைக்கப்படும் தி.ர. சந்திரசேகரன் பதிவுகளை படிச்சு ரசிங்க!

இன்னொரு ஆன்மீகபதிவாளர் கவிநயா. எங்கூருல படிச்சவர்ன்னு பெருமை சொல்லிக்கலாமாக்கும்! :-)) தேவியை பத்தி எழுதறதுடன்  அடிக்கடி குழந்தைகளுக்கும் பாட்டு, கதை எல்லாம் எழுதுவாங்க. http://kavinaya.blogspot.in/

பலவருஷங்களாக விசாகப்பட்டினத்தில் தமிழ் வளர்த்து வருபவர் திவாகர். இவருக்கும் எனக்கும் பெயர் குழப்பம் ஏற்பட்டது! திவா என்று நான் சுருக்க கையெழுத்திட பலரும் திவாகர் என்று நினைக்க..... இதான் சாக்கு என்று நான் திவாஜி ஆகிவிட்டேன்! சரித்திர ஆராய்ச்சியுடன் ஆன்மீகம் உட்பட பல சப்ஜெக்ட்களையும் நன்கு ஆராய்ச்சி செய்து நூல்கள் எழுதுகிறார். வம்சதாரா என்ற இவருடைய நாவல் பிரபலம். இவருடைய வலைப்பூவும் சுவையானது!

இவரது ஆன்மீக பதிவுகள் எனக்குப்பிடிக்கும்! http://vamsadhara.blogspot.in/2011/07/blog-post.html

மற்ற விஷயங்களுக்கு இன்னொரு வலைப்பூ வைத்திருக்கிறார்!