புதுக் கவிதை முத்துக்களின் அணிவகுப்பு இ (2 ம் நாள் )

உள்ளத்தைத் தூண்டில் போட்டு
உருகத்தான் செய்கின்றார்கள்
வண்ணமயமாய் புதுக் கவிதை வடிக்கும்
வலைத்தள முத்துக்கள் இவைகள் ...!!

(1)
தெள்ளத் தெளிவாய் பொருளுரைத்துத்
தென்பாங்கு பாடும் கவிஞன் இவன்
அள்ளிக் கொடுக்கும் கவிதை வரிகளிலே
அற்புதமான தமிழ் சொற்களைக் காண்பீர் .....

வசந்த மண்டபம் (மகேந்திரன் )
http://ilavenirkaalam.blogspot.ch/
குண்டு மல்லித் தோட்டத்திலே 
குவிந்திர்க்கும் மல்லிகையே -உன் 
கூட்டாளி நானிருக்கேன் 
குவளைமலரே  கண்ணுறங்கு 
http://ilavenirkaalam.blogspot.ch/2012/08/blog-post_10.html

(2)
எதுகை மோனை தனைக்கொண்டு
இதமாய் கவிதை வடிப்பவர் தன்
மனதில் பட்ட கருத்ததனை உரைத்து
நன் மருந்தும் இங்கே சொல்கின்றார் !.....

தீதும் நன்றும் பிறர் தர வாரா (S.ரமணி )
http://yaathoramani.blogspot.ch/
பூமிக்கு நீர் நதி அழகு
பூவைக்கு நளினமே அழகு
சாமிக்கு அருளலே அழகு
செல்வர்க்கு கருணையே அழகு

மலருக்கு வண்ணமே அழகு
மன்னருக்கு மணிமுடி அழகு
நிலவுக்கு வெண்பனி அழகு
நினைவுக்கு நல்லதே அழகு
http://yaathoramani.blogspot.ch/2011/12/blog-post_27.html#comment-form

(3)
கவிதையோடு நற் கருத்தை என்றும்
கலந்து கொடுக்கும் அன்பர் இவர்
எளிமையான ஆக்கத் திறனால்
என்றும் மனத்தைக் கவர்கின்றார் !!

கவிதை வீதி (சௌந்தர் )
http://kavithaiveedhi.blogspot.com/
கண்ணீர் வடிக்கும் வேப்ப மரம் ! ஏன் இந்த அவலம் ?

சுற்றி எழுப்பிய மேடையில்
தினம் தினம் நடக்கும்
அத்தனை கூத்தையும் 
ரசித்து வளர்ந்துமரம்...

மைனாக்கள் மஞ்சம்கொள்ள
காக்கைகள் கண்ணாம்பூச்சியாட
கிளிகளுக்கு இனிப்பாய் பழம்கொடுத்து
இன்முகம்காட்டி ரசித்தமரம்...!
http://kavithaiveedhi.blogspot.com/2013/06/blog-post_3.html

(4)
பார்ப்போர் உள்ளம் மகிழ்ந்திட நற்
பாக்கள் வடிக்கும் கவிஞர் இவர்
ஆக்கத் திறனைக் கண்டுடுவீர்
ஆஹா மனமது மகிழ்ந்திடவே .....

கவியாழி கண்ணதாசன் 
http://kaviyazhi.blogspot.ch/

எதிரியை வீழ்த்த எத்தனை யுக்திகள் 

செடியிலே வலை பின்னி சிங்கராமாய்!
செய்து முடிக்கிறாய் ஒய்யாரமாய் நடக்கிறாய்!
நொடியிலே உணவை நுழைந்ததும் சுவைக்கிறாய்!
நெய்த வலையை நேர்த்தியாய் செய்கிறாய்!

எதிரியை வீழ்த்த எத்தனை யுத்திகள்
எப்படியும் கிடைக்கும் என்ற நம்பிக்கை!
எத்தனை நிமிடம் இதை செய்ய- கஷ்டமான
ஏனிந்த கோட்பாடு எத்தனை துணிச்சல்!
http://kaviyazhi.blogspot.ch/2012/09/blog-post_29.html#.Ue71X404GSo

(5)
சொல்வதற்கு வார்த்தையின்றிச்
சொக்கி நிக்குது என் மனது ...........
தன்னகத்தே பல கவித் திறனைத்
தாங்கி நிற்கும் ஈழத்துக் கவிதாயினி இவள் !!.....

வானம் வெளித்த பின்னும் 
http://kuzhanthainila.blogspot.ch/
சேமித்த கணக்கினில் 
ஒரு கோடு !
அதில் ஒரு வளைவு !
அதற்குள் ஒரு புள்ளி நீ !
இதற்குள் நான் எங்கே !

என் மௌனங்களைத்
தேக்கி வைத்திருந்தேன்.
அத்தனையும் உடைத்தெறிகிறது
உன் பெயர்.
யாரோ உன்னை அழைக்க
நானல்லவா திரும்பிப்பார்க்கிறேன் !
http://kuzhanthainila.blogspot.ch/2009/10/blog-post_22.html


(6)
புதிவர் எனினும் புனைந்திடும் கவியது
அழகுறப் புனைகிறார் அனைவரும் மகிழ்வுற
இளையநிலா வலம் வரும் வீதியில் 
எனதுளம் கவர்ந்த பதிவு இதோ .....!!

இளையநிலா (இளமதி )
http://ilayanila16.blogspot.ch/

நிழலாக நினைவுகளாக!...

               கண்மூடிக் காணுகின்றேன் கனவல்ல மனஓவியங்கள்

               விண்காண வளர்ந்திடுதே விரட்டியெனை மிரட்டிடுதே

               பண்பாடித் தமிழ்வளர்த்து பலகதைகள் நான்பயின்ற

               மண்வாடி நிற்கிறதே மனதை துயர்வருத்திடவே...

               சின்னவளாய் நானும் சிரித்திருந்த காலமதில்

               இன்னுயிர்த் தோழர்களாய் இருந்திட்ட எத்தனையோ

               மின்மினிப் பூச்சிகள் மின்னலாய் மறைந்தனரே

               என்னசொல்லி ஏதுபயன் இழந்தவைகள் மீண்டிடுமோ...

http://ilayanila16.blogspot.ch/2013/06/blog-post_27.html#comment-form

(7)
தென்றலுக்கே தூது விடும்
தித்திக்கும் கவியழகு
மன மன்றம் வந்து நின்றாடுதே
மகிழ்ச்சிதனைத் தந்திடவே ..!!

தென்றல்  (சசி கலா )
http://veesuthendral.blogspot.ch/
சூரிய சந்திரனாய்

உனை நினைத்து

தினம்தினம் எதிர்பார்த்தது

எத்தனை பெரிய பிசகு.

நீ குறிஞ்சி மலர் என்பதை

எப்போது உணரப்போகிறது மனம்

காத்து தவித்து கண்ணீர்விடுத்து

அங்காலயத்துப்போகும் மனதிடம்

எப்படி சொல்லிப் புரிய வைப்பேன்.

http://veesuthendral.blogspot.ch/2013/06/blog-post_20.html

(8)

இரவின் புன்னகியில் மலர்ந்த அழகிய கவிதை வரிகள் இவைகள் !!......

இரவின் புன்னகை (சி .வெற்றிவேல் சாளையக்குறிச்சி )

http://iravinpunnagai.blogspot.com/

இன்று எனக்கு தீபாவளி தானா?

காலையில் எழுந்தாள்
மேகம் கரைத்த மழையைக் கொண்டு
நீராடினாள்- என்
அழகு தேவதை...

வைகறையில் திரண்டிருந்த
இருட்டு அனைத்தையும் சுருட்டி
உடையாக்கிக் கொண்டு
கதிரவனுக்கும் வழிவிட்டாள்...

கரும் மேகங்களுக்கிடையில்
தோன்றிய மின்னலைக் கொண்டு
தலையைத் துவட்டி
சிண்டு போட்டுக் கொண்டாள்...

http://iravinpunnagai.blogspot.com/2012/11/blog-post_13.html

(9)

கடலினில் சமுத்திரத்தைக் கலந்துவைத்த மன மகிழ்வு 

எனக்கிது பெருமையென்றே எடுத்துரைப்பேன் 

அரிய நற் சொற் கட்டு அகம் மகிழ வைத்ததிங்கே 

புதியவள் கவிதை வரியிதனைப் புகழ்ந்துரைக்க வார்த்தை இல்லை ...!!!!

சமுத்ரா- வார்த்தைகளில் இருந்து மௌனத்திற்கு...

சமுத்ரா 

http://samudrasukhi.blogspot.ch/

இதோ-
இன்னொரு கவிதைப் புத்தகத்தை 
கிழித்துப் 
போட்டுவிட்டான் 
எமன்!
தமிழ் அன்னைக்கு இப்போது ஒரு

தலையாய பிரச்சினை

வாடகைக்கு வேறு வீடு தேடுவது!

வாலியின் நாக்கு தான் வீழ்ந்து விட்டதே!

http://samudrasukhi.blogspot.ch/2013/07/blog-post.html

(10)

வண்ணக் கவிதை வடித்தே மனதை 

வசப்படுத்திச் செல்கிறாள் இவள் 

எண்ணம் முழுதும் பூத்திருக்கும் 

இனிய கவிதையைப் பாருங்கள் ....!!!!

கீதமஞ்சரி

http://geethamanjari.blogspot.ch/

                                                    வெறுமையின் சில துளிகள் 

 

ஆடல் முடிந்த அரங்கு போல...

அறுப்பு முடிந்த வயல்களைப்போல...

பறவை பிரிந்த கூடு போல...

திருவிழாவுக்குப் பிறகான கடைத்தெரு போல...

இன்னபிற வெற்றுக்களங்களையுமொத்து

வெறிச்சோடிக் கிடக்கும் அதன் வேரில்

வெந்நீர் ஊற்றி வளர்க்கிறது தனிமை!

http://geethamanjari.blogspot.ch/2013/04/blog-post_18.html

கால நேரம் இடம் கொடுத்தால் அடுத்த தொடரும் இன்றே தொடரும் என்று 

மன மகிழ்வுடன் தெரிவித்துக் கொள்கின்றேன் அன்பு நெஞ்சங்களே .

மிக்க நன்றி வருகைக்கும் வாழ்த்திற்கும் ...!!!!